老師話個仔專注力唔夠, 怎樣可以提升呢?

PINKAVA

我個仔2歲半, 讀N1已經半年了, 老師今日打黎話我個仔上堂時唔多聽老師讀故事、教認字、認顏色, 我個仔會表現得2頭望, 其他小朋友好雀躍講同答, 我個仔就唔出聲。 佢只喜歡美勞個PART, 老師問我在個仔在家既表現是否一樣"懶洋洋/鬆散", 我答又唔係喎, 我個仔放學鍾意做下功課, 靜靜地, 幾專心喎。

想問: 點可以令小朋友上讀時專注D呢?

mayc

播多d莫札特等音樂給他聽,聽講話可以提高專注力.在家時你也多講故事書給他聽,培養他的專注力!

PINKAVA

mayc

多謝你提供。

MT

I train my kid in this way:-
try to let him play puzzles.  Can try some easier ones which is around 5-10 pcs and he need to finish it in 2-3 minutes.  Then try the others which are more and need to stay in 5-10 minutes.   You may train his concentration span.

Smarties

我覺得如果睇電視多, 專注力會差d, 因為睇電視係好被動的.

smarties

Teresa

上集睇千禧BB檔案, 有個小朋友都係一樣.  節目中, 專家叫佢媽咪比魚肝油個小朋友食.  而食左3個月後, 就發現個小朋友上課時集中左, 而脾氣又好左小小.

不過, 我覺得最緊要係從訓練入手, 了解下點解小朋友咁唔專心, 係咪課程太深/淺? 小朋友自己生理上問題? 性格? 平日可以比多d靜態活動佢, eg. 畫畫, 手工, 下棋...

PINKAVA

MT, SMARTIES & TERESA

多謝你地意見, 我個仔1歲開始已經比佢切PUZZLES, 佢可以好專心玩, 佢仲張2副PUZZLES自己撈亂黎切, 佢又好少睇電視, 因為佢番全日, 放學回家都成5:00, 佢寧可息電視要自己做功課(係我比佢做既填色、畫線)。 醫生話魚肝油無用, 要食就要食"深海魚油", 才有DHA可幫助專注力, 但我又覺得太貴, 買唔起。

可能TERESA講得岩, 課程可能唔吸引佢, 提唔起興趣, 而且我個仔係比較內向, 所以更加不善表達。 我都向老師提出過調班或者調位, 學校話考慮下(應該機會小D)。

不過總括黎講, 我個仔係唔太鍾意番學, 所以佢上堂都唔專心。 (呢個POINT係我估乍)

SandyKL

PINKAVA,

唔好咁擔心，妳仔仔可能鐘意藝術方面多d，即自己做主導多d嘅活動，而唔喜歡被動式嘅活動，亦可能同性格有關，佢仲細，無需要依家就憂慮，咁細嘅小朋友根本冇可能有好大嘅專注力，既然佢鐘意做美勞，就培養佢係理方面嘅興趣同能力，將來可能係「貝聿銘」或「張大千」都唔定架。

mercury16

hello!我想係唔係在學校時間太長呢?因有些小朋友不太習慣在學校太長時間,你可試下在家同他玩模仿老師,學生的遊戲,佢有十至十五分鐘都同你玩,巳經都0K.因我睇過一本書兩至三歲小朋友專注力係得十五分鐘,你可以自己測試吓小朋友如何.     

yauling

[quote]
PINKAVA 寫道:
醫生話魚肝油無用, 要食就要食"深海魚油", 才有DHA可幫助專注力, 但我又覺得太貴, 買唔起。

TO: PINKAVA
請問"深海魚油"係邊度買到呀? 幾多錢呀??

tks~~

cameo

我囡囡今年讀緊K2了,佢k1時都有咁o既情況的,但係因為佢係大女,而班入面總會有d細個d o既同學仔,咁老師好多時都為左遷就佢地而將同一樣野講兩三次的,咁我個囡就會開始發夢o勒....老師話後咪多d上堂時問佢問題,咁佢會無咁易發夢的....因為囡囡唔係冇興趣上堂,只不過佢聽一次就明,到老師講第二第三次時佢就'廢事"聽,所以老師諗左呢個方法出o黎之後,囡囡就要隨時"ready"答問題而自然地專心左....
到今年K2,佢班主任直頭俾佢做"小助教",好多時要佢幫手做野,所以我囡囡而家好專心的....
其實我唔清楚你的小朋友點解會專注力低,不過你覺得佢o係屋企時唔會,返學先會,咁應該係學校問題來的,試下同佢班住任提議下d解決辦法好d啊.....

PINKAVA

Sandy KL
我個仔無得同d名藝術家比, 因為我沒諗過佢有天份, 我以為佢愛靜態d既美勞、寫畫係每個小孩都一樣乍。

Mercury 16
係喎, 我都未試過同個仔玩老師遊戲, 今晚就試下先。

yauling
深海魚油---你問下watson's既葯劑師丫, 同埋好多時有promo lady 介紹 & 有discount. 我上次問大約$8xx/盒, 要長期食才有用的, 食一盒半盒就無效果。

cameo
我個仔剛相反, 佢係細仔, 所以比起d大女可能會差d。 我同學校反映左了, 就係: 唔好太緊張"專注力"呢個問題, 太執著的話, 老師及我們家長都感壓力, 不如有得個小朋友自然發展再算啦, 我老公話n1太細喇, 大d先看得出, 可能咁岩個課題係唔岩亞仔既興趣呢。

  

bebe

我之前見過基督教服務處有個幼兒專注力訓練班,適合3-6歲,好似約$720(6堂)
hkcs

PINKAVA

昨日親自接個仔放學, 老師話用左我既意見, 就係上堂時落窗簾, 我個仔及其他小朋友都好好多, 留心好多。 原來想小朋友專注既方法就係咁簡單, 唔好比咁多外界事物吸引佢地, 影響佢地上課。