請指教!! BB幾歲適合入讀幼稚園?

大BB

本人對『小朋友入學』既資料全無經驗及知識，希望請各有經驗既媽咪指教下   我BB現在14個月，想早點搜集有關資料，例如：幾時入學？幾時要報名? 等等.....   謝謝!   

Icy_babe

幼稚園分幼兒班 (K.1)、低班(K.2)及高班、(K.3)三LEVEL。一般是3 歲入學。

今年9月入學的BB是2001年出生的小朋友，他們已經報了名。
明年9月入學的BB是2002年出生的小朋友，應該是在今年的10月左右開始接受報名，但視乎個別學校的不同做法，可先致電查詢。
你的BB在2003年出生，所以你需要在2005年約10為他報名。

選校貼士：留意教統局的視學報告 或 幼稚園概覽，以瞭解師資及學校活動。

http://www.emb.gov.hk/index.aspx?langno=2&nodeID=962

http://embhsc.hkedcity.net/kindergarten/list.htm   

cameo

其實兩歲八個月(9月1日計)就可入K1,不過我聽番有d小朋友真係太細個,到開學無耐都係落番一級讀N1,因為K1開始要學"渣"筆了,雖然唔係寫字,但係太細個跟唔到,專注未夠啊~~
我因為得一個囡囡(佢今年五歲了),為左想佢多d時間同其他小朋友相處,所以由N1就讀,讀多一年lor,好過日日對住我ma...
照計你的小朋友大約二月出世,(我囡囡一月的啊),返學時都係班中大仔or大女啊....咁係好的,因為小朋友相差三個月學野能力同專注力都可以差好遠的,放心啊...大仔or大女通常學野都快d o架,一來真係大少少,二來小朋友學得快自然有滿足感,咁佢都會有心機d學野o架,我囡囡就係咁o勒...
你預佢讀書前一年就開始要報名o架o勒,除左睇書之外,都可以聽多d媽咪意見而選校的,因為始終媽咪o既意見比較"老實"d o架~~~hehe

大BB

Icy_babe, cameo,
好多謝妳地既資料，我學左好多野

想問下：2006年9月我個女已經3歲7個月，係咪呢個時候入學呢？  有d人話2歲半都入得學，咁2005年9月我個女係咪都可以入乎學呢？  妳地認為幾時會好d呀？

HI_MINNIE

大BB 寫道:
Icy_babe, cameo,
好多謝妳地既資料，我學左好多野

想問下：2006年9月我個女已經3歲7個月，係咪呢個時候入學呢？  有d人話2歲半都入得學，咁2005年9月我個女係咪都可以入乎學呢？  妳地認為幾時會好d呀？

大bb:
到2005年9月,毛毛都未夠2歲8個月,係唔會有學校肯收佢讀k1的,因為政府規定d幼稚園一定要收足歲的,不過你可以考慮下俾毛毛讀nursery,又或者你怕佢3歲7個月先讀k1好似大得滯,你可以考慮下到毛毛足歲時幫佢搵學校做插班生,而我自己就唔介意心正做大仔,因為大仔/大女真係著數多多,學野學快d,自信心都強d呀!

cameo

大bb
我囡囡因為1月出世,所以佢k1時都係3歲7個月o架,不過佢由nursery(N1)讀起的啊,你朋友同你講兩歲半入學係咪指nursery呀???nursery就兩歲可以讀,返去學下咩叫返學都好o架,我囡囡以前讀左nursery幾個月我覺得佢叻左好多,冇咁BB,知道咩叫排隊,咩叫分享啊...
其實我都覺得做大仔大囡無所謂的,而且我本身都覺得兩歲八個月就入k1真係太細個,學得慢都事小,最怕係影響到小朋友對返學o既興趣!!!
我自己就覺得除非家長本身認為自己o既小朋友資質好高,如果唔係唔好太在意去讀高一班啊,因而家d幼稚園程度比以前真係深左,.....
我絕對同意hi minnie o既講法啊,一來早一年人地唔收,就算收左都未必跟到啊,二來一個事實係,有d足兩歲八個月o既媽咪重迷網,因為明明足歲入k1,但係又覺得小朋友太細,所以有d開學時照讀k1,跟住返左幾個月就寧願讀nursery,因為小朋友學得辛苦又無心機學,大細個lu.....

大BB

HI_MINNIE,
多謝妳既意見。 嘻嘻..... 我真係唔知政府規定d幼稚園一定要收足歲的!  妳都做左準備工夫喎

Cameo,
Thank you very much for your information.    我會再study下點樣安排我bb既入學計劃架喇。    想問下...通常nursery要讀幾耐架？  係咪讀完nursery之後都會嚮同間學校都k1架？

cameo

大BB 寫道:
HI_MINNIE,
多謝妳既意見。 嘻嘻..... 我真係唔知政府規定d幼稚園一定要收足歲的!  妳都做左準備工夫喎

Cameo,
Thank you very much for your information.    我會再study下點樣安排我bb既入學計劃架喇。    想問下...通常nursery要讀幾耐架？  係咪讀完nursery之後都會嚮同間學校都k1架？

nursery都係讀一年的,好似返學咁,只不過佢地係BB班lor,其實唔係太多學校有幼兒園的,就算有都可能無半日,得全日,睇下自己咩心態la,因我自己係全職湊女,我俾佢返nursery都係希望佢早d過群體生活,因為我得一個囡,所以想佢多d同小朋友接觸,同埋呢,好多家長俾小朋友讀nursery都係為考名校做準備的,因為事實上返過學o既小朋友真係叻d....若升K1時冇打算轉校就更加唔成問題的啊~~~
不過我都知有d家長會覺得由K1開始讀都得,因讀多一年nursery就即係俾多一年學費,咁就要睇下自己點諗lor,因我囡囡學費都唔算太貴的,(我諗而家nursery大約千八,千九到la),
連埋校車o個幾百蚊,一個月都係二千幾,但係小朋友就每日都有幾個鐘頭同其他小朋友玩同學野,計落都唔算貴lor,好過日日跟住我丫,就算我日日同佢唱歌講故仔,跟晒學校d課程去做,都唔及一大班小朋友咁開心的啊~~~

大BB

cameo,
好多謝妳既保貴意見同資料，令我了解多左呢方面既知識。  


all,
到我prepare囡囡入學資料時，可能再有問題需要大家指教! 謹此先致謝!

Giant

我BB係2001年12月出世的, 按計算, 佢係今年9月讀K1的(剛2歲8個月), 但我知道佢會係全班年紀最小的一少撮, 為了想先多了解他的程度, 所以已於2月插班讀nursrery, 講真, 佢D同班同學有D係2001年1、2月出世的, 現已足了3歲, BB同佢地真係差好遠好遠, 所以老師都提議BB多讀一年Nursery, 到出年(2005年)先讀K1, 初時覺得咁樣遲一年, BB咪大人好多? 不過老師則舉例說：如一個2002年1月出世的BB, 都係會讀2005年的K1, 妳BB都係大佢一個月, 唔係好多呀! 咁我都覺得有道理, 而且襯佢仲細, 讀多年, 好過佢一路跟唔上, 變成唔鍾意返學就大件事喇！因為小朋友年齡相差3個月, 學習能力真係差別好大架!