住粉嶺的家長請問培靈學校近期升中派位成績如何？

ricetaster

住粉嶺的家長請問培靈學校近期升中派位成績如何？

bunnycatcat99

我在他們的網頁 http://www.plpb.edu.hk/ 找到以下資料:

中學派位

本學年小六學生升中獲派第一志願者約佔47%，獲派首三志願者約佔72%。
本學年共有28 名學生獲派：

道教聯合會鄧顯紀念中學、東華三院甲寅年總理中學、聖公會陳融中學或其他區域的英文中學。

你可能已經看過吧!  不過也希望給幫到您啦!  

ricetaster

原文章由 bunnycatcat99 於 08-5-25 23:30 發表
我在他們的網頁 http://www.plpb.edu.hk/ 找到以下資料:

中學派位

本學年小六學生升中獲派第一志願者約佔47%，獲派首三志願者約佔72%。
本學年共有28 名學生獲派：

道教聯合會鄧顯紀念中學、東華三院甲寅年總理中學、 ...

謝謝！

bunnycatcat99

原文章由 ricetaster 於 08-5-25 23:53 發表


謝謝！

不客氣啊!
哈哈, 我好鍾意呢個公仔呢   啱晒我呀!  你真醒!

大家都係北區家長, 有咩就多d傾下啦!   

樂樂

原文章由 bunnycatcat99 於 08-5-25 23:30 發表
我在他們的網頁 http://www.plpb.edu.hk/ 找到以下資料:

中學派位

本學年小六學生升中獲派第一志願者約佔47%，獲派首三志願者約佔72%。
本學年共有28 名學生獲派：

道教聯合會鄧顯紀念中學、東華三院甲寅年總理中學、 ...

有28個派到英中,唔錯喎,
但我上次同個家長傾計,
佢個女係果界唯一一個入甲寅年的(現讀中三)
好似相差好遠喎.
會唔會係上午校和下午校加埋有28個呢.

ricetaster

原文章由 樂樂 於 08-5-31 10:16 發表


有28個派到英中,唔錯喎,
但我上次同個家長傾計,
佢個女係果界唯一一個入甲寅年的(現讀中三)
好似相差好遠喎.
會唔會係上午校和下午校加埋有28個呢. ...

我相信那位家長所說的可能是事實，但當年猜測應是三年前自行收生只有40個學額，若不計算谷得最勁的那二三所小學，其他北區三十多所小學若以或然律計算，可能得1至2個學生在自行收生中被錄，而统一派位根本就是大抽獎可能很無譜，結果是隨機抽樣很難以常理判斷。 一般來說培靈哀極都有三份之一學生是Band one，Band 1頭或尾都是聽天由命及當昕各家長填表的部署，結果無人知及猜測到。根據大部份小學的網站資料又話自己有多少百份比入Band one，但佢哋連風釆都當Band one，又無詳細數字列明各所Band one 中學的實際收生人數，可能20個學生英中收咗，另外田家炳收6個、李嘉誠6個，風釆8個，咁又話自己百40個band one 生。其實北區的家長一般都同意3所英中加埋李嘉誠和田家炳共5所Band one中學，我有問過培靈的家長其實上年除28個入讀英中外，還有十多名學生入咗李嘉誠同田家炳，但是上下午校一併計算。

樂樂

我都好同意你以上所講,

好多小學派位派得唔好,都只係話有幾多%派到第一志願,唔講幾多派到BAND 1,
你會唔會留意下大埔?

ricetaster

原文章由 樂樂 於 08-6-3 12:26 發表
我都好同意你以上所講,

好多小學派位派得唔好,都只係話有幾多%派到第一志願,唔講幾多派到BAND 1,
你會唔會留意下大埔?

會........
在自行收生已報了恩主教而且面咗試，因為是天主教徒的亦同時繳交神父的私人推薦信及校長的書面推薦。我的兒子面試時父母可旁聽，由恩主教的副校長接見，面試了10多分鐘，問的問題很多及很廣泛。、但我和他的補習老師早以根據小六學生的程度、兒子的性格、時事話題、恩主教的校內資科撰寫很多問題及百份之百度身訂造的答案及雙教練持訓(非任何面試班可比，因為面試班老師無可能為每個學員貼身訂造，孩子的優劣更無可能清楚得過他們的父母，除非父母無份教) ，雖然tip中，但所有題目真係比佢問哂，一額汗。跟住父母又要見訓導主任面試，以評估家長對學生的資援，同一時間我個仔在另一班房進行小組英文面試。希望OK喇 ！

樂樂

原文章由 ricetaster 於 08-6-3 16:33 發表



會........
在自行收生已報了恩主教而且面咗試，因為是天主教徒的亦同時繳交神父的私人推薦信及校長的書面推薦。我的兒子面試時父母可旁聽，由恩主教的副校長接見，面試了10多分鐘，問的問題很多及很廣泛。、但我和他的補 ...

聽你咁講,你小朋友應該會ok,希望到時聽到你好消息.

係呢,我想問你,你小朋友係學校排第幾左右架?
我細仔今年小5,又係北區band 2小學排中間,
我既撰澤真係好少.

ricetaster

原文章由 樂樂 於 08-6-3 17:50 發表


聽你咁講,你小朋友應該會ok,希望到時聽到你好消息.

係呢,我想問你,你小朋友係學校排第幾左右架?
我細仔今年小5,又係北區band 2小學排中間,
我既撰澤真係好少. ...

樂樂 :

我個仔佢應該係全級第十五名，佢個班今年有5個同班同學在鄧顯的小六學術精英大挑戰中取得取得英文科金獎，呢5個人都係自我增值和學校無關，即使Band 2小學都有Band 1 學生，同樣地，如果你暫時覺得兒子是Band 2 成績，你唔需要太担心，六月份才是你囝囝的第一個呈分試，隨後的暑假是一個非常好的補底機會，你必須要充份掌握好好利用，最好是全英語上門補英文，最初期可中英夾雜，稍後習慣後就要全英話對答，如果唔係即使入左英中都好容易適應唔到英語好易成績功課會跟唔上，屆時就補得(補習)太遲。

我覺得做父母的要及早為兒女裝備自己以應付稍後升上中一時在學習上可預知的困難(障礙)，英語授課必定是其中之一，其他的常見問題是適應新環境及可能遇上較小學艱深的課本內容。D嘢又深，又唔明呀Sir的英文講緊乜，咁就瓜得。況且英語教學政策將有微調，將來中中會使用較多英語授課及開設英文班。

我同意之前的網友說，練習要做得多，但要認識及明白內容才做先有意思。我個仔一至五年級都係兩公婆分工教中、英、數、常。由五年級升小六的暑假才開始請了一個全英文補習，是中大學生在St. Mary畢業，本來英文都可以自己教，但自己要返工，晚上教得功課又教唔到其他 。囝囝下午最得閒，最好用英文補習充實一下。 如果在暑假有私人英文補習，記得叫補習老師教定小六英文課本的內容、解釋和讀音、，將來節省很多温習默書及做英文功課的時間，節省了的時間可温其他科目，very好用。與此同時，在沒有考試和功課壓力的暑期內再強化埋以住英文積弱的地方，咁就very good 喇！

我囝囝的成績可以由第一次呈分試的11個A增加至最後一次呈分試的14個A。 只要使你的小朋友在全級人數的頭30%名次之內，就可以和同區Band 1 頭的學生一齊在大抽獎中一較高下。信我喇！由現在到第二、第三次呈分試真係仍有夠時間去增強和改善，只要你囝囝盡量做到自已能力範圍內的最好，其他的任何Banding問題根本無需理會住。

將來除了自行收生外，Band 1 頭 和 Band 1 一尾在大抽獎機會均等。到新學年，後大家再研究究。

[ 本文章最後由 ricetaster 於 08-6-4 10:48 編輯 ]

樂樂

ricetaster

好多謝你分亨你的教仔心得,
我想問你,幫你小朋友上門補習收你幾錢一個鍾架,
睇來你撰大埔真係明智撰澤,北區英中真係爭崩頭,我樓上個小朋友佢讀x良發,佢全班頭幾名,鄧顯個比賽佢囉2金一銀,佢派左去馬錦明,

ricetaster

原文章由 樂樂 於 08-6-4 11:20 發表
ricetaster

好多謝你分亨你的教仔心得,
我想問你,幫你小朋友上門補習收你幾錢一個鍾架,
睇來你撰大埔真係明智撰澤,北區英中真係爭崩頭,我樓上個小朋友佢讀x良發,佢全班頭幾名,鄧顯個比賽佢囉2金一銀,佢派左去馬錦明 ...

樂樂

$140 一堂(1小時15分鐘), 怪怪地啊？中段時間休息5分鐘，我個仔專注力唔可以直踏個半鐘，而且齋補英文，一般小朋友的學習專注能力都係四十五分鐘左右，即係該時限後是會事倍工半，唔多入腦。一星期補三日。

樂樂

ricetaster

我小朋友記性唔好,又懶,我請個甲寅全班頭幾名既中3姐姐教佢,浸下佢,平時主要都係同佢默書溫書咁,我想搵人教佢phonice,你個補習老師會唔會教phonice架?

ricetaster

原文章由 樂樂 於 08-6-4 14:35 發表
ricetaster

我小朋友記性唔好,又懶,我請個甲寅全班頭幾名既中3姐姐教佢,浸下佢,平時主要都係同佢默書溫書咁,我想搵人教佢phonice,你個補習老師會唔會教phonice架? ...

唱歌仔那種phonics唔岩你個仔，請一齊和孩子學國際音標(牛津音標)，Phonics 比較適合以英語為母語的幼稚園小朋友，詳情可參考我以下的舊留言有細述敍 :

http://forum.baby-kingdom.com/viewthread.php?tid=1415763&page=1#pid22913011

我上年暑假就參加了這上述的併音班，依家我個仔巳可以看牛津或劍橋英文字典裹根據每個生字旁的音標符號，把字音讀到7-8成準。

另外如果要增强記憶可參加現在好heat 的記憶法,好似有D料到，再同囝囝(1+1)一齊上埋親子英文國際音標班，就very good 勒。  還有要應付無記性的小朋友的唯一方法，是經常重覆在不同時温番同一樣嘢，每次時間不用太長。

再者，我覺得補習要大學生好D，我要求她們HKCEE及HKAL的英文科成績要同樣是C級或上，有公開試成績比較有多D根據及客觀去選擇，其他科目就OK，但英文科就要求高D，如果補習先生自己都係半桶水或未成長，自己的英文仍在基本學習階段，點教好英文呀！淨教功課，而唔教基本功就得。假若自已的英文尚且未講得流利，那就很難以全英語補習英文，亦無可能教學生說得一口流利英語。 那不是你現在的補習先生有問題，而是你原本的要求及期望是什麽？

如果你對上述英文班有興趣我可以pm比妳。

[ 本文章最後由 ricetaster 於 08-6-4 21:51 編輯 ]