2005年出世或~宏福幼稚園媽咪~~~入黎一齊傾計丫。

snoopyhk

626mama,

不過個班主任都好被動, 兩次家長日爸爸都提過這問題, 佢都冇反應, 要我厚面皮再提出,叫佢同學校反映才成功爭取到。

班主任唔主動都係我要轉校的一個原因, 當然我一向都好喜歡宏福的。

原文章由 626mama 於 08-6-20 16:17 發表
snoopyhk,

可能多多小小都有D關係。不過都恭喜晒。

其實我都冇留意生日會隔幾耐攪一次，乜唔係有小朋友生日果個月份攪嫁咩。唔知呀。

我小朋友7月我都怕佢唔攪，佢唔攪我都會打電話同學校講，大家都知啦，小朋友參加生日 ...

626mama

YuetYan ,

原來妳係朋友介紹入來青衣讀書，我都估係青怡果邊，因為好以青怡才有全日班，咁妳同rplyan, 希望05, 的小朋友有機會同一班，因為妳地都係青怡全日班K1學生。

原文章由 YuetYan 於 08-6-20 04:16 PM 發表
好開心呀認識到你們,其實我都爭扎了很久才決定給我囡囡讀宏福因為其實荃灣的幼稚園全部都不錯,我囡囡現在讀那間學校的老師和姐姐都好好我都有點不捨,但因為我朋友介紹和她囡囡的成績所以我才選擇宏福,我的囡囡會在幼 ...

626mama

snoopyhk ,

原來妳地之前已經問過嫁喇，如果我問佢冇反應，我會找
MS WAI 我個班主任都OK。妳講轉校，係咪即係青怡去宏福的意思呀???

原文章由 snoopyhk 於 08-6-20 05:07 PM 發表
626mama,

不過個班主任都好被動, 兩次家長日爸爸都提過這問題, 佢都冇反應, 要我厚面皮再提出,叫佢同學校反映才成功爭取到。

班主任唔主動都係我要轉校的一個原因, 當然我一向都好喜歡宏福的。

...

rplyan

ElainAiolia, 626mama,

子聰&軒軒好返點你們就不用太掛心, 但唔好看輕未清手尾, 這些天氣多飲水, 有時間可煲<<粟米蘇, 薏米, 糖冬瓜>>1.5hrs, 中醫講可減低患手足口病&濕診機會, 清好體內濕毒病都少o的o咼.

我同意ElainAiolia講, 小朋友跟你佢又開心, 媽咪係辛苦o的但都值得.

rplyan

snoopyhk,

恭喜你成功轉到上午班, 生日會一個月一次, 當然要當月班中有小朋友生日o拉, 你小朋友係咪讀K1呢?

rplyan

Yuetyan, 希望05,

我個囡讀上午班only, 重有冇機會和你們小朋友一班呢?

希望05

rplyan

我地3個小朋友都有機會被編做一班一起上課.因全日班上午是跟上午班一起上堂,下午留校食午飯及午睡.3點半至4點半會有小組活動.

rplyan

希望05,

你有冇研究點樣整張相上bk呀?

希望05

626mama & 其他都有興趣的mami

我之前買左"2008年全港小學入學天書",我"簡"d你有用的打比你參考丫.

裹面有一頁是全港Band 1小學一覽表,

荃灣區:香港浸信會聯會小學(50%)<--這代表05/06年畢業生的Band 1比例.天佑小學(51%)

葵青區:保良局世德小學(57%),聖公會仁立小學(52%)

沙田區:浸信會沙田圍呂明才小學(61%,校網91)
浸信會呂明才小學(61%,校網91)
保良局朱正賢小學(59%,校網91)<--估唔到佢05/06年度派位比世德,還要好呢.   
香港九龍塘基督教中華宣道會陳元喜小學(上午校)(50%,校網88)
保良局莊啟程小學(50%,校網89)
路德會梁鉅鏐小學(50%,校網91)

另外之前提起過的"聖母無玷聖心書院",她的聯繫小學是"聖母無玷聖心學校"在沙田文禮路35-37號,tel:2691 2171

沙田區聯繫中小學資料(我只打d有band1英中聯繫的小學):
浸信會沙田圍呂明才小學-->聯繫:浸信會呂明才中學
浸信會呂明才小學-->浸信會呂明才中學
香港九龍塘基督教中華宣道會陳元喜小學->聯繫:宣道會鄭榮之中學
沙田官立小學-->聯繫:沙田官立中學,梁文燕紀念中學

*奇怪點解朱正賢無左以前我讀緊個陣間聯繫英中.可能因時代久遠.朱正賢現在沒有聯繫中學了.

[ 本文章最後由 希望05 於 08-6-21 01:19 編輯 ]

希望05

rplyan

Sorry ,我未研究.之前都有試但係失敗左.

rplyan

Thank you very much! 很有幫助呢?

原文章由 希望05 於 08-6-20 23:57 發表
626mama & 其他都有興趣的mami

我之前買左"2008年全港小學入學天書",我"簡"d你有用的打比你參考丫.

裹面有一頁是全港Band 1小學一覽表,

荃灣區:香港浸信會聯會小學(50%)聯信會呂明才中學
香港九龍塘基督 ...

希望05

626mama

留意即使沙田區小學都有細分幾個校網架~你住o個度是校網91.但到左中學之後,沙田區校網便唔會再分得咁細.
例如好似青衣區小學校網同葵涌區小學校網係分開的,但係到左中學的時候,又會合併做葵青區一起撰校.所以在物色小學的時候,除了留意間小學好唔好之外,仲要留意下間小學是否校網範圍.

好似我都覺得仁立,仁紀是好既,但我的校網是66.而這兩間學校校網是65,所以沒可能經"統一派位"撰依兩間小學.如果經"自行分配派位",咁我又沒有父母分,沒有宗教分.根本入到去的機會係很微很微,所以我唔會曬太多時間去留意佢地.反而會物色其他校網內的小學或其他直資小學.

小一派位流程是於階段一"自行分配學位"時,未被取錄.當參加階段二"統一派位"時,只可報讀住址校網內的小學.如果不幸地於"統一派位"被派到唔理想的小學,很多家長都會"叩門"

沙田區有41所中學，其中13所為英中，是全港最多英中的地區，平均不到4人爭1學位。近年更冒起不少地區名英中，例如沙田崇真中學、沙田官立中學等。若希望子女升讀英中的沙田區家長，大可用「就近入學」原則，爭取升讀沙田區英中。

暫時都係講咁多先,我驚第二d媽咪入黎見到我地原來連中學都傾埋~我怕嚇走晒d媽咪~

[ 本文章最後由 希望05 於 08-6-21 01:18 編輯 ]

希望05

Elainaiolia

幾日沒有見到你上bk,原來你同子聰都病左.要好好保重,希望大家都可以早日康復!

唉...我諗最近都真係幾多人病.好似我地依個topic都有3個小朋友(孝孝,軒軒,子聰)加埋你病左喇.
祝多一次大家身體健康,早日康復~病魔遠離我地所有人.

snoopyhk

626mama, rplyan

nursery係在其他幼稚園讀, K1才轉讀宏福。

nursery也報過宏福, 不過遲報名只得下午班有位, 所以冇讀。

ElainAiolia

Dear all mami,
多謝你o地關心同掛住我 ，我個病仲有少少手尾，而子聰滴o左眼藥水好番好多。咁耐唔上o黎除o左因為好忙之外，就係因為聰爸霸住部腦無得用，所以無見到我上o黎留言 。

你o地太多留言，等我追完先慢慢覆，大家比DD時間我，真係唔好意思 。

626mama

各位,

我星期六上午在一田見洗頭帽$45.00
下午在熊貓油店那間'吉之島10蚊店'見到洗頭帽$10.00外表完全一樣樣，連顏色包裝都一樣樣，妳地有興趣可以試下，真係好好用，由於軒軒大過，洗頭冇以前咁方便，之前姨姨已經買了一個比軒軒在婆婆度用，真係好好用，所以我都買個沙田用，我都想介紹比大家，真係好好用嫁。想睇相可以去我個BLOG睇睇。
http://hk.myblog.yahoo.com/shirby/article?new=1&mid=1334

MISS GLORIA 剛剛打電話給我，話生日會有4個小朋友生日，個個寫手冊都話帶蛋糕，為怕浪費食物，問我會唔會考慮買健康食品或飲品，仲話維他奶都叫健康飲品，問我考唔考慮，都冇所為啦，我撰了健康食品... ... 到時唔知咪冇得同蛋糕影相呢???收到線又有D後悔添，冇蛋糕吹同影相又好以差D咁喎。...點好呢...

我老細今日好得閒行來行去，我都係等佢去洗手間才閃上來。有咩遲D大家傾。

希望05

626mama

謝謝你的好介紹,等我放假去買來試下用先.其實我都頭痛緊點樣幫孝孝洗頭,因孝孝愈來愈大隻啦~

我都有樣野介紹比大家.我最近在以下網頁買左幾條底褲給孝孝穿.質地很好呢~而且款色多~孝孝今早才嚷住要穿史迪仔底褲呢~
http://hk.user.auctions.yahoo.com/hk/show/auctions?userID=nicolewn&u=%3anicolewn

ElainAiolia

Dear all mami,
其實我份工都幾忙o架，所以有時少D上o黎，唔好見怪 。

子聰今日疴o左4次 ，已經睇o左中醫，話佢個身濕得滯，要飲D中藥去濕，如今晚至聽日都仲有疴，會帶佢去睇西醫及唔返學la。

我有一個blog好想介紹比D mama睇好耐la，你o地得閒上去睇，我覺得佢好有心機 ，但我唔識個blog主：
http://hk.myblog.yahoo.com/mami-mama

rplyan / 希望05,
多謝你o地比o左咁多有用o既小學資料比我o地 。

rplyan,
多謝你講個「粟米蘇意米水」o既涼茶，以往都有煲，自從中醫話子聰係寒底，唔係樣樣o野o岩佢身體食，我都少o左煲涼o野lu 。

希望05,
多謝你個網址呀。

fionlaw

ElainAiolia,
你介紹個blog我日日都有追ga，我老公仲送咗本書俾我，mama寫既嘢真係好感動，meimei同didi又好可愛。
之前我攪錯咗，我心水果間學校應該係仁立，因為我住喺附近，而且又有daddy既學分希望機會大d啦，不過最重要都係唔知煜煜讀唔讀得上。以前我讀中學時第一志願都係林護，可惜入唔到。

4/7學校安排咗生日會 ，我請咗假出席，但係daddy未必放到假，唯有我同婆婆一齊參加啦，因為7月有4個同學仔生日，Miss Bonnie叫我哋唔好個個買蛋糕，叫我哋預備健康小食，我都未諗到預備咩好。

原文章由 ElainAiolia 於 08-6-23 23:24 發表
Dear all mami,
其實我份工都幾忙o架，所以有時少D上o黎，唔好見怪 。

子聰今日疴o左4次 ，已經睇o左中醫，話佢個身濕得滯，要飲D中藥去濕，如今晚至聽日都仲有疴，會帶佢去睇西醫及唔返學la。

我有一個blog ...

626mama

snoopyhk,

原來 nursery係其他幼稚園讀，K1才轉讀宏福。
係呀，好多人都冇咁鐘意下午班，我自已都係。

原文章由 snoopyhk 於 08-6-21 01:02 PM 發表
626mama, rplyan

nursery係在其他幼稚園讀, K1才轉讀宏福。

nursery也報過宏福, 不過遲報名只得下午班有位, 所以冇讀。