中學生 - 零用錢

PCCW2319

請問各位中學媽咪, 你地俾幾多錢仔女做零用錢 (if係學校已訂午膳 & 車費係用八達通) ? 點俾發 ? 每日俾 ? 每星期俾一次 ? 每月俾一次 ?

janeleung

我都係包哂所有., 食飯, 八達通, 買衫....
每月再比$200.-.隨佢用, 同佢講有特別事要用錢就同我講.

Nymph_

我巳經包曬佢所有開支.
平時只會比$20佢袋住,已備不時之需.阿女通常係冇用過Ｄ$$.

Nymph_

我巳經包曬佢所有開支.
平時只會比$20佢袋住,已備不時之需.阿女通常係冇用過Ｄ$$.

funfun67

我個女而家讀緊小六，我每個月比$100做零用錢，衣食住行我包晒，佢有心頭好就自己比錢買
不過到遲D上中一，我都會加多D比佢

muimui靚媽媽

每個星期比一次,避免一次用晒一個月的零用錢~

Goody

我反而會一次過比，要佢識分配，我覺得學識理財對將來長大很重要，從小要灌輸量入為出的觀念。

原文章由 muimui靚媽媽 於 08-5-31 20:15 發表
每個星期比一次,避免一次用晒一個月的零用錢~

Angel^v^

原文章由 janeleung 於 08-5-19 13:04 發表
我都係包哂所有., 食飯, 八達通, 買衫....
每月再比$200.-.隨佢用, 同佢講有特別事要用錢就同我講.

見你o地有比零用錢仔女，相對下~我好似對個女唔好咁，她由小學到中學都無一分一毫零用錢，幼稚園至中學，早餐，午晚餐又係我煮，初中有一年帶飯回校食，她一向費用都依校單通知我，我才比$交妥。她由小學至中學在文具方面係唔鍾意我送，她要在校得乜乜物物獎去自取文具，至今她取得的文具還有一半唔捨得用！她整班同學鬥環保同省錢為原則。她現做兼職兼讀 個細仔琴日埋怨我，話d同學d父母成日百幾元比仔女用，還成日至電問夠唔夠$用！我只比13元一日他自用，我已覺對家姐不公平，亦破壞我規！奈何我又可以點呢？時勢同幾年前已不同....

appleyuen

每星期$100 唔包食飯車費

I_sister

我中學時(一年前),車費除外,每星期有$100作早午飯錢,吃剩的便是零用~
不過在正常情況下,一天$20買兩餐是捉襟見肘的,所以這麼多年來早餐都是豬仔包一個,間中lunchtime會留在學校吃即食麵~
想買文具買課外書買同學的生日禮物,會用新年儲起的利市錢,一部份上繳媽媽,餘下的數百元慢慢用也可以維持整年的不定期開支~
中六開始兼職替人補習,有額外收入,洗費也"鬆動"些了~

I_sister

補充一句,那時我曾經埋怨過媽媽,幹麼同學都有很多零用錢,閒時去叮下午茶買衫焗油....而我呢,吃都吃不飽~

修羅雪姬

十年前仲讀緊中學果時，媽媽係會每個星期會俾$350作為平日食飯同娛樂0既錢，除非要買負責唔起0既必需品，否則唔可以再額外拎錢。

媽媽呢個方法都幾好，既教識我一套量入為出，買0野要自己儲錢0既觀念，我自己又有用錢0既自由，做自己喜歡0既事。所以，同媽媽絕少為用錢問題爭執

修羅雪姬

原文章由 Angel^v^ 於 08-6-2 13:04 發表

見你o地有比零用錢仔女，相對下~我好似對個女唔好咁，她由小學到中學都無一分一毫零用錢，幼稚園至中學，早餐，午晚餐又係我煮，初中有一年帶飯回校食，她一向費用都依校單通知我，我才比$交妥。她由小學至中學在文具方面係 ...

同仔女坦然誠去講屋企財政上要面對0既問題，俾仔女都了解你0既擔憂，若果佢地識諗，佢地唔會怪你

mimikitty28

一個星期175元, 淨食午飯, 佢都係無錢剩, 個銀包日日空空如也

OLDOLDMUM

我想起我父親的方法, 每年開學時會到我的學校附近的食店巡視, 主要是看價目表, 以便計算每日需要給多少錢作為我的午膳費用.
交通費是固定金額, 父親會修正每年的上學交通午膳費用, 至於其他文具什費, 全部會經由他買給我.

但是時移勢易, 以我兒子為例, 他的食量驚人, 可能由於是發育期, 膳食費己經不少, 所以我會固定金額每星期二百元給他作為膳食費,
請他自己量入為出, 至於其他費用, 每星期一百元正, 他需要儲起這部份, 因為所有日常文具,心頭好及什費, 都要他用這筆錢自付.一來可以令他有理財的習慣, 二來當他錢時才會知道這些東西其實也不便宜, 故此他會特別珍惜和不胡亂花費.

其實現在一個中學生所花費也不少, 每星期計, 交通費150元, 膳食費200元, 什用100元. 每月合起來也要1800元.做父母真不容易.

bplus

我按每天的使費給零用錢囡囡，包括早、午餐，交通費，文具等，而星期六、日都計算在內，因為要上課餘活動。有多的便由她自己決定，學習理財，她上中學後已經有自己的提款咭，每十天轉帳給她，不可以提早。原本每天$50.-，今年已經不夠用，因為早、午餐加價，放學後又要上補習班，車費增加，她要求加零用錢，每天$60.-，已經十分鬆動，可以有些錢傍身，預付一些突發的費用，因為學校和住處距離很遠。


基本上她都可以自己理財，有錢購買自己的心儀東西，例如CD、雜誌，和同學去看電影等，維持適當的社交活動。

我希望我的下一代在較好的條件生活和學習，足襟見肘是我對童年的回憶，還有的是自卑！

OLDOLDMUM

bplus

我們都不希望自己子女重演我們的童年, 大家努力吧!

0120

不計車費每日食飯30元,
另外每個月會比$200他,
見佢都不會亂洗$,可以接受
出年F3會提高少少la

原文章由 PCCW2319 於 08-5-18 08:04 發表
請問各位中學媽咪, 你地俾幾多錢仔女做零用錢 (if係學校已訂午膳 & 車費係用八達通) ? 點俾發 ? 每日俾 ? 每星期俾一次 ? 每月俾一次 ?

eeyore0511

$50/week。(f.1)