乜胡成珠心算好巴閉咩？唔休做架？？

bb00

電話對話如下：
me: 請問有無試堂呀？
職員: 乜嘢試堂呀？？
me:試吓上珠心算堂。
職員:無
me:請問有無上課時間表呀？
職員:無，得一個時間，7月12號

聽完過電話好激氣，乜有咁做生意架？？

小木偶媽咪

個個都知道聽電話既胡太係好串
但胡老師既教法有讚冇彈
睇下你點取捨囉

ssaa

過往因為電視經常報導佢，所以咁出名！

但我覺得以下文章會幫到大家報讀洽當的課程：


經常聽到一家長話唔知聽邊個講，話邊種邊種
數學好，度老師又點好點好，所以就不如幫
阿仔報讀個數學課程啦！

不過我最緊要知道： 1. 自己小朋友需要乜？
                      2. 坊間課程教緊乜？

公文數：主要是利用大量習作訓練計算(Caculation) 。
        嚴格講不是課程，是習作。

學林數：主要教授中文文字體(解難題) 。

珠心算：主要用影像算盤學習學前簡單計算，
                並不能計算小學生全面數學。

enopi： 英文文字體。家長要考慮是否吻合
              小朋友校內課程。

奧數：  奧林匹克精神，精益求精。
           真正奧數，超越文字體。
          五年級以上，有數學天份者可報讀。
          (五六年級報讀要小心，用太多時間學
           奧數而影響呈分試就得不償失。)

KWIK Maths：教導學生用方法計算(calculation)。
                     因為用方法計算的原故，
                    計算能力比一般學生三、四陪。

其實大家應該睇睇自己小朋友讀緊幾年級，
個課程唔佢。唔好人話好你就讀。
   
例如人地仔讀奧數讀得好好，不過人
個仔六年級，而你個仔讀緊一年級，咁就咪攪啦！

學生唔同階段的數學學習重點如下：
1.幼稚園學生：學數算(counting) 及少許計算(calculation) 。
2.初小(P1-P4) ：學習計算(calculation) 。
3.高小(P5-P6) ：解難題(即文字體) 。

所以最緊要知道自己小朋友依家階段係學緊乜？
有邊種課程幫到佢依家學習？

「學而時習之，不亦樂乎！」（論語）
外面課程學，能夠學校用得番，
學校成績先至會進步，細路仔先至會學得開心！

tramtram

妳d個經驗, 我都試過, 佢真係好無禮貌...

後來, 有朋友囡囡原來係佢地果處學, 一樣都係有讚無彈, 之後, 同老公帶埋囡囡專登去 centre 睇下, 見到胡太本人, 佢又 ok 喎.
希望佢無下自已態度啦, 真係好趕客.

原文章由 bb00 於 08-5-17 23:52 發表
電話對話如下：
me: 請問有無試堂呀？
職員: 乜嘢試堂呀？？
me:試吓上珠心算堂。
職員:無
me:請問有無上課時間表呀？
職員:無，得一個時間，7月12號

聽完過電話好激氣，乜有咁做生意架？？ ...