2009 年升小一的青衣網朋友請入來

tung2003

唔知有無人知道主恩有無開放日?幾時?

愛港士

為何不考慮長享何澤雲？讀書應找間老字號！

sanli77

原文章由 愛港士 於 08-5-6 22:48 發表
為何不考慮長享何澤雲？讀書應找間老字號！

各位媽媽
有無人知 長亨何澤芸同青衣村何澤芸有咩分別
主恩同世德 大家又點睇

我個仔 是03年12月底出世
正煩緊究竟要讀多年幼稚園  定直上
老師話佢表現中中地
但我就覺得遲一年入小學 可能對佢較好
但遲一年 出生人數又比03年多
真係好煩

另外如果是仔
升中時  葵青 同荃灣 哪裡中學校網好d??

謝謝
珊

video_ming

原文章由 sanli77 於 08-5-6 23:18 發表

各位媽媽
有無人知 長亨何澤芸同青衣村何澤芸有咩分別
主恩同世德 大家又點睇

我個仔 是03年12月底出世
正煩緊究竟要讀多年幼稚園  定直上
老師話佢表現中中地
但我就覺得遲一年入小學 可能對佢較好
但遲一年 出 ...

hi sanli77

長亨何澤芸有精英班,青衣村何澤芸無精英班.
如果小朋友表現中中地.就不好選主恩同世德.
因為功課多些.你可以選青衣村何澤芸都好.
小朋友會開心d.
你小朋友讀邊間幼稚園.

stephanieching

Sanli77,

青衣何澤雲好似今個星期有開放日, 我個囡學校有門券派 !

我個囡囡一樣是03年12月出生, 都可以讀遲一年, 不過03年最少人出世, 不都會照報今年小一

sanli77

多謝大家回覆

青衣村何澤芸給我感覺都不錯
不過因為派BAND 1中學只有四成
少過主恩(41%)同世德(57%)
所以都心大心細
是開心好定學術好

仔仔 是讀多年 做大仔好 但競爭多D
定做細仔  競爭少D?

另外 去不去區外讀  亦是一個問題
仔仔 考出邊  我想一定要做大仔先有機會

但最近又聽聞葵青區中學校網好

剛收到禮賢幼稚園面試信
都不知去不去好
禮賢我中意
但遠Ｄ而且聽講中學校網麻麻 ?
有無媽媽知道詳情?
因為禮賢派BAND1中學有70%
但中學校網相對葵青
有何分別???

真係煩煩煩
珊

sanli77

回答其中一位媽媽的提問
仔仔讀聖公會青衣荊冕堂幼稚園K2

stephanieching

Sanli77

你的問題我有部份可以答你(因為我最近花了不少時間研究青衣區和深水埗區中小學) !  葵青區確實有不少Band 1中學, 但Band 3校風差的中學亦不少, 如果小朋友小學成績是Band 2尾或 3, 有可能會派到 Band 3中學 (到時不要講成績唔學壞都己好好), 所以留在青衣讀就一定要就到Band 1 或 Band 2 頭, 禮賢在深水埗區, 跟據初中派位一位家長提供的資料, 深水埗區Band 1學生與葵青區爭 Band 1學位的成功機會是 85.5% 和 56.84%, 即是說在深水埗區做 Band 1學生爭到Band 1學位的機會較葵青區高不少, 如果將來你小朋友能成功由幼稚園讀到小學, 即是入讀 Band 1中學機位一定較留在青衣大 (禮賢 80%入Band 1), 但亦要留意禮賢是傳統學校(每妹妺女兒在讀 P2), 佢入Band 1代價就是每日讀書溫習考試(我妹80%空間時間是同佢大囡溫書),  無時間玩, 要看你小朋友性格和能力適不適合

我囡都是12月出世, 但03年是最近幾年最少人爭學位的一年, 我一定會在09入小學, 就算佢讀得唔好都可以有時間轉校 (雖然我承認做細女考學校蝕底), 等多一年又未必保證佢考得好

我囡囡是唔適合讀傳統學校的, 所以我會主力找活動教學和無咁大壓力的直資小學, 最好有中學, 當然呢類學校都唔易考, 如優才, 倍僑, 浸小等, 如果失敗我會去一間多數收的"嶺大", 呢間學校其實唔錯的, 只是唔出名和無中學, 所以我多數會放棄大抽獎, 因為就算抽到好的學校如主恩,世德, 仁立, 我個囡性格亦唔會讀得好, 只會令到佢唔開心 .

還有5月24日優才有簡介日, 佢第一輪面試在六月, 只剩低好少時間咋 !

sanli77

stephanieching
好多謝你的分析
想問優才是不是在將軍澳
校車要坐多久?
我在九龍塘工作
每早見到校車內的小朋友
個個呆哂咁
都有ｄ可憐

至於嶺大在哪裡?點解你咁喜歡呢?

另外聽講聖瑪加利同保良局陳守仁都不錯
你會不會諗?
珊

sanli77

stephanieching
不好意思
再問多條問題
經過你分析後
最新的資料是
葵青爭band1中學競爭比深水埗大定細?
因之前見你話葵青好ｄ???
謝謝
珊

原文章由 stephanieching 於 08-5-2 14:43 發表
Tung2003,

我個囡讀康傑, 又不是名幼稚園, 出去考名校想都不用想, 但留在青衣呢小學又麻麻(可以讀的得兩三間, 萬一派咗的好差都唔知點), 但葵青中學網又幾多 Band 1 中學(兩間是全女校), 留在青衣派上Band 1中學的 ...

EdithMom

我都唔知呀, 有人話如果由幼稚園上小學, 便唔覺谷, 但如果之前幼稚園係比較輕鬆的話, 上到崇小會比較辛苦, 當然都要睇小朋友個人啦, 我諗如果係大仔/大女可能會好d.

依家我個女要默書, 中文有: 毛蟲, 乳牛, 白兔, 小狗等. 你地小朋友有冇要默書呀. 因為我個女係小女, 所以都要比心機呀

原文章由 stephanieching 於 08-5-5 12:29 發表
EdithMom,

你好 ! 你小朋友讀崇幼, 我想你都會讀崇小吧, 但有家長同我講崇小比較"谷", 你覺得是嗎 ?

stephanieching

Sanli77,

我之前話葵青中學網都好是因為比我以前想像好好多但不是同其他區份比較, 葵青區中學給人一般的印像麻麻(成績和校風), 但我後來仔細才發現葵涌那邊有不少Band 1中學(如安柱/蕭明等), 但青衣區就好似只有"八三"(有人話是Band 2頭)好些, 讀到最多人爭的世德, 過六年"谷"的生活後, 亦只有56%可入Band 1, 如果你不是讀幾間出名的小學或成績不好, 將來入Band 3的中學都機會不細 (因為葵青區不少Band 3中學), 我有一個表是講每區Band 1小學生爭入Band 1中學生比率, 我可e-mail給你參考你會明些, 講好當然是沙田區和九龍城區啦 ! 我不期望囡囡讀書好, 但不想她入Band 3佢的姓格好易學壞

我現在都好後悔當初無同囡囡報出名的幼稚園和讓佢學好英語和國語還有參加多些活動, 否則現在報直資就不會咁蝕底(大倍份要英語和國語Interview), 剛剛同事給了我她囡囡的Profile做參考, 參加比賽的Cert都有十幾張, 我呢的一張Cert都無的都是去碰運氣, 希望Interview表演好會收, 正努力當中, 每晚同囡囡以英語和國語溝通, 希望佢唔講得都聴得明  !

至於我所講我喜歡小學是"嶺南大學同學會直資小學"在深水埗白田, 好細間, 但我去過佢的開放日, 好喜歡佢哋的教學法和師生親切關懷的關係, 我亦同該校的家長談過, 佢哋的仔囡讀得好開心, 唯一擔心是新開無名氣, 將來升中是一間大疑問, 但好肯定我囡囡會有一個愉快的小學生活,  !  因為現在佢無名氣, 又要付費, 少人爭, 如果我考唔到一條龍的直資, 我會報佢 !  希望佢讀得開心就會讀得好 !  

其實我選學校只是配合我囡的姓格為主, 我深知我囡囡就算入到傳統名校都會讀唔上和唔開心 ! 陳守仁和聖馬加利是全英小學, 我囡囡英文麻麻, 好難適應, 但亦有好多人爭呢 ! 優才小一至小三在旺角校舍, 青衣有校車 !

[ 本文章最後由 stephanieching 於 08-5-9 09:59 編輯 ]

tung2003

Hi stephanieching,

你的資料很詳細, 可否email資料給我?
Email: [email protected]

是否都已決定不在青衣綱小學讀? 去找直資小學?

原文章由 stephanieching 於 08-5-9 09:48 發表
Sanli77,

我之前話葵青中學網都好是因為比我以前想像好好多但不是同其他區份比較, 葵青區中學給人一般的印像麻麻(成績和校風), 但我後來仔細才發現葵涌那邊有不少Band 1中學(如安柱/蕭明等), 但青衣區就好似只有"八 ...

stephanieching

Tung,

其實我的資料都是向其他家長索取, 己e-mail一些給你 ! 還有一個是分析葵青區中學(Band 1 / 2/3)要下星期先給你 !

我現在主力考直資, 如果出名如"倍僑"/優小唔收, 可能考憂"嶺大", 再或者用我妹地址抽沙田, 博下抽唔抽到培基, 呢的全部是活動教學的學校, 啱我個囡的姓格 !

rohoy2k

各位青衣舊街坊:

路經此地, 可分享一下我的經驗:
在青衣居住多年, 亦捱過大塞車無地鐵要行南橋返青衣北的歲月. 本人兩女兒亦在青衣出世.

自從地鐵開通, 區內較優質的物業落成,吸引一批批新一代居民入住青衣,區內整體環境,交通,人口質素有很明顯的上升.本來除了油庫,船廠,貨櫃車場等干擾外(現以日漸減少活動),青衣青山綠水是個很不錯的社區. 可見將來亦會愈來愈好.

問題是學校資源相對滯後(想想十多年前教署建校時,主要是應付舊區居民和各區80年代折咸水公屋時遷入之居民). 當然有些學校表現出眾,但心想只是小數, 又不想弄虛作假, 所以兩年前決定舉家搬出港島區碰碰運氣.

以下是一些體會:
1. 不要太早為小朋友能力定評價, 小朋友能力(尤其早期)不因家庭背景而有大差距. 即是有錢讀名幼稚園上英文playgroup買大疊證書只會影響某些為爭排名的學校對家長背景的觀感. 小朋友自信心,行為及禮貌有時更重要.
2. 小朋友的能力有時是梯級式上升, k1k2見小朋友講極唔明無記性, 突然間會有突破性發展. 所以唔好太過俾所謂傳統學校嚇親, 一窩蜂去追求所謂活動教學.
3. 考名小學除咗小朋友本質外, 人脈同運氣同樣重要. 多d同有能仕講吓,例如老板,大客, 朋友,可能有驚喜.
4.跨區上學好辛苦, 缺乏休息影響成績, 打風落雨課外活動校巴分分鐘不送.
5. 搬屋都唔一定實抽到理想學校, 一旦抽到就要長期捱貴租, 好似最近加租厲害, 加埋一闊三大, 洗錢如流水. 要有心理準備.
6. 朋輩對小朋友影響好大, 大人細路都有壓力.

希望大家多認真諗諗.....

stephanieching

rohoy2K,

多謝你的意見 !雖然我搬來了青衣住約七年左右, 但我都好喜歡呢度的環境, 但小朋友升學真是不太合心水, 我自己得一個小朋友, 當然想提供一個好的環境讓佢成長, 你所提議的意見我全部都有考慮到, 就是越考慮多所以越煩, 因每間學校都有合適和不合適之處 ,有些太難考, 有些太貴, 有些太遠, 有些功課多壓力大,  我由上年己開始想到現在, 選下選下可以真正合適的其實好少 (得幾間), 其實都想過搬不過暫時不可行!

以你所言, 你對青衣校網亦不是太滿意吧, 老實講有部份青衣小學和中學我真是唔想個囡去讀(想過讀的只有世德/主恩或何澤云), 我亦預咗一個月4-5千元左右作為囡囡的教育費, 我唔想現在唔努力將來萬一囡囡派了Band 3我會後悔莫及呢　！

video_ming

原文章由 stephanieching 於 08-5-9 21:44 發表
rohoy2K,

多謝你的意見 !雖然我搬來了青衣住約七年左右, 但我都好喜歡呢度的環境, 但小朋友升學真是不太合心水, 我自己得一個小朋友, 當然想提供一個好的環境讓佢成長, 你所提議的意見我全部都有考慮到, 就是越考慮 ...

stephanieching
我相信你已經想得很清楚你囡囡的路.
作為媽媽就是這樣,好好

[ 本文章最後由 video_ming 於 08-5-10 00:31 編輯 ]

kcm

聽了大家講心聲, 都是我的心聲, 我本來想囝囝做大仔,本來幫囝囝報九龍塘幼稚園,本來想搬出九龍就學校網,最後都留在青衣, 因根本唔知點係最好,最後發現冇話最好,只是邊樣最適合我個囝.

我個囝都係03年12月出世,我最後決定比佢照上,因臨多年唔知係唔係好,就不如不變啦! 不過報直資一定比人蝕底,但想了很耐,小朋友都係讀近D好,所以決定考慮青衣區學校. 不過都現在都係好頭痛, 主恩有人話好辛苦,好谷, 但有人話小朋友唔谷點上好中學, 基慧我都有考慮,有人話係一間好開心的小學,但就擔心升中問題. 我同意一位家長所講,青衣區BAND3學校太多了,校風差,區差,所以如報讀青衣區小學都要考慮埋中學網,不過6年後係點真係唔知... 小朋友搭校車又係一個問題....

我想講,如果小朋友讀青衣荊冕堂,我想不要報一D太辛苦學校,因佢地習慣好活動,PROJECT 形式做功課,太傳統會好難適應,我朋友個囝係青衣荊冕堂讀,小學上了仁立,足足適應了一年,好辛苦,上了小學小朋友很難適應,所以都要有好的配合. (只是少少分享)

video_ming

原文章由 VANESSAT 於 08-5-11 01:31 發表
各位:

路經此地, 不妨講講, 因我囝囝在青衣荊冕堂畢業, 現在是小一生. 因爸爸讀過葵涌某一小學, 有分就順利入左去, 就係為左囝囝,我現在做了全職媽咪, 間中有同返幼稚園媽咪傾開,感概良多. 以青衣世德/青衣村,長亨 ...

VANESSAT
其實揀學校真是一門學問.揀選一間適合自己小朋友就讀真是困難.
己自己小朋友例子.讀卓思k2讀得十分輕鬆.自己重來沒有幫囡囡溫習,成積都上上.還有每星期一至五下午和星期六上午都有學課外活動,囡囡覺得好好玩.另十分喜歡看書.有時我都覺得囡囡學太多嘢,叫囡囡學小D.但囡囡話要學,另時常話要再學多些.我都安排不到時間.
一個有很高的專住力.好學.能量十分高小朋友.在揀選小學都會擔心
請問你囝囝讀邊問小學.