小三年級訓練讀書方法

luckyhk

我女兒快九歲了，但她各科的成績祇得七十分或以下。請問有什麼方法可以改善她的成績？

w-leung-mama

首先想問問囡囡讀個間是否程度好深之學府？

我的兒子也是三年級，也快九歲了。其實，七十幾分未算好低，不用太緊張。每個小朋友都需要鼓勵，尤其是她最鍾意的人。多些閱讀，一定有幫助，不過不可以操之過急，否則恐怕弄巧反拙。囡囡現時最喜歡看那一類書？因為專家話肯睇書，已經係成功的開始。

嘗試揀一科妳最想囡囡首先有所進步的科目，然後俾多點時間去同佢溫習，若然囡囡無心機溫習或搞東搞西， 那麼就要罰佢，無得做佢最鍾意的事情，例如…….但佢可能會反駁妳﹕”要用咁多時間做呢 D 野 (溫習)，都係無時間做其它野 ga la (佢最鍾意的事情)”。咁妳就嘗試話俾佢知，若果佢今次做得好，那麼就幾時幾時補番俾佢 (記住要真補呀！)。

而家之小朋友又聰明又自我，我們做母親的，一定要小心應付。

與妳共勉！

luckyhk

她沒有指定一種書喜歡，總之有趣便可。可是她不喜歡自已看書，喜歡我讀給她聽。又不喜歡用腦思想，請給意見。

w-leung-mama

其實聽落囡囡係好聽妳講，同埋好享受同妳一齊之時間喎，我覺得妳可以就佢呢個特點，再加以發揮，睇下效果怎樣，是否有進展？

例如，可以試下引導囡囡同妳合作，一人講一半，又或者試下同佢講明，今晚妳講全部，明晚囡囡講小小，否則.......

不過，擇書就一定要先擇些得意的，而妳又想佢閱讀的書，要好小心揀。

以上純綷個人見解和經驗，未知能否對囡囡奏效。

iris_chan

她不喜思想你就制造一些機會比佢, 不一定要佢真的講到出來, 答你唔知都得, 我記得我個仔4yrs時, 有一本書內有個故事叫 "小紅hat" (好多小朋友都會看過), 當故事去到狼扮成婆婆時, 可以問小朋友 "咁小紅hat會唔會上當呀?"或其他問題, 佢會搖頭或說唔知, 你可以比2個答案佢簡, 簡唔到都唔緊要, 你可接著說下去, 小紅hat的問題, 都可以叫小朋友答出狼的反應, 總之所有故事的發展都可以請小朋友幫着答, 有一次我個仔答我的問題是 "所有故事的主角都不會有事的" 我再告訴他要看寫這故事的人要這故事是喜or悲劇收場, 我不知對否, 但現在我同他看故事時都會玩估結局了, 有時他會以常理作答, 但有時有些角色他好喜歡的會以自己想的去估, 有時不喜歡結局會要求合力去改偏

luckyhk

謝謝你們的意見，我再試試看吧！