請幫忙分享讀書溫習心得

wendyhue

本人女兒二年級, 沒有一套特定的溫習方法比女兒, 每日做完工課,就是重點溫習默書及做課外練習, 但現在成績不斷退步. 請各位家長指教一下你地既溫習心得, (包括中, 英, 數, 常). 係咪有需要每日溫習當日課堂上所學既野呢?或............

Skywan

我都想知有冇家長可以分享你地的成果 ．．．．　

二話不說

原文章由 Skywan 於 08-4-28 15:39 發表
我都想知有冇家長可以分享你地的成果 ．．．．　

其實我覺得唔洗每日溫習當日課堂上所學既野，因為有時敦得好少，而且小朋友回家又要做功課已經很疲倦，如果想像自己，放工後還要不停準備工作只會令他害怕讀書，只要他們平時上課留心聽書，到 weekend 先一次過温(考試另計)相信ok。

piggynatalie

其實做完功課，和我談天的時候答我問她上課的內容說得清楚便可以了，其他時間，看課外書﹗

SUSANNA

wendyhue
我女現小一，放學後只完成當天功課，好少溫課文，反而會看大量課外書，包括小說，漫畫，及兒童雜誌，只會在默書，測驗及考試前溫習，但佢每科成績都達９０分以上，我估你小朋友是否每天溫習，另佢失去趣味，所以成績退步？不如給他多些空間吧．

君媽

wendyhue
我和你的情況差不多。囡囡現在小三，分數一直下跌，查看原因，大多數是不小心。我最近改變了溫習方法，便是叫她扮老師出題目考我，和解釋給我聽。

原文章由 wendyhue 於 08-4-28 11:00 發表
本人女兒二年級, 沒有一套特定的溫習方法比女兒, 每日做完工課,就是重點溫習默書及做課外練習, 但現在成績不斷退步. 請各位家長指教一下你地既溫習心得, (包括中, 英, 數, 常). 係咪有需要每日溫習當日課堂上 ...

Mary媽咪

我細女今年小三，小一同小二既時候成績好好大至上都有八十幾九十幾分，但係一升小三，學校改左唔要測驗變評估，由一年兩次測驗兩次考試變做大約十幾次評估同兩次考試，英文次次評估都唔合格....不過一到考試又會有八十幾九十分喎，依家d成績就比評估拉低晒.....我地都冇晒辦法....

PANCO

我方法同你一樣, 成績都好好, 暫時唔使擔心...我覺得睇多d 書會比較好.

原文章由 SUSANNA 於 08-4-29 10:27 發表
wendyhue
我女現小一，放學後只完成當天功課，好少溫課文，反而會看大量課外書，包括小說，漫畫，及兒童雜誌，只會在默書，測驗及考試前溫習，但佢每科成績都達９０分以上，我估你小朋友是否每天溫習，另佢失去趣味，所以成績退步？不如給他多些空 ...

csy_ma

原文章由 PANCO 於 08-4-29 21:52 發表
我方法同你一樣, 成績都好好, 暫時唔使擔心...我覺得睇多d 書會比較好.

中英文到咗高年級都係考理解，我囡小一時中文所有課文都識背，但點到攞唔到8頭字，今年佢卒之肯自己睇課外書，就唔駛點溫都進步咗

英文除咗睇書外，睇VCD同上網聽古仔都可以識多d字同鍛練到語感，英文故事遊戲網請參考我之前post咗既http://forum.baby-kingdom.com/viewthread.php?tid=1383733&extra=page%3D1
同
http://forum.baby-kingdom.com/viewthread.php?tid=1238032&extra=page%3D1

[ 本文章最後由 csy_ma 於 08-4-30 10:56 編輯 ]

SUSANNA

星期日下午明珠台都有好多卡通片岩小朋友睇，個ｄ卡通有ｄ有出書，佢地一見到就會好有興趣睇．

wendyhue

多謝各位媽咪既寶貴意見, 其實我個女勁鍾意睇課外書, 特別是小說. 但佢中文科從未試過九十分以上,加上有好多不小心錯誤 所以我擔心佢會唔會忽略左課內文呢?請問各位媽咪, 你地會唔會溫工作紙及作業呢?

csy_ma

原文章由 wendyhue 於 08-4-30 14:14 發表
多謝各位媽咪既寶貴意見, 其實我個女勁鍾意睇課外書, 特別是小說. 但佢中文科從未試過九十分以上,加上有好多不小心錯誤 所以我擔心佢會唔會忽略左課內文呢?請問各位媽咪, 你地會唔會溫工作紙及作業呢? ...

鍾意睇小說，好易習慣咗略讀，太快或者覺得題目太易，成績反而唔一定攞到好高分

唔小心，好多時因為冇睇清楚題目，我囡小一中文成績令人搖頭，果時都有買專攻閱讀理解既補充俾佢做，仲叫佢逐個字讀出黎（唔識讀既，會叫佢做完題目才解俾佢聽）

之後，我叫佢考試時響個心度逐字讀，尤其係重組句子，一定要寫完數字順序後再讀一次

佢記得既話，果部分就少錯d，不過如遇上佢唔識既字，就唔係好work

假如您囡兒鍾意睇書，不妨叫佢響每本書既章節果度，用鉛筆underline20個字內既中心思想，或者叫佢幫d篇章重訂標題，當做一個遊戲咁玩
咁比較容易令小朋友掌握文章既重點，我地試過請讀中學既侄仔咁做，加上俾少少寫文章看似醒鏡d既策略俾佢，不過因為冇乜持續咁督促，成績大概只提升咗10分上下

仲有，可以既話，幫佢開一本新生字本，請佢睇書時逢遇到覺得好精采既形容，就抄低佢（唔好寫單字，而係抄成句），每次到作文練習時，就叫佢先攞本自家精選出黎睇一次，睇吓乜可以偷蹺用既

－－呢個方法我中學時用過響英文度。老實講，我中文系出身，英文響同輩中係最差既，小二阿囡學緊既生字，我都唔識得晒，但係我用呢個方法寫既中學英文作文，就尚算ok（我多數唔記生字，係記verb+prep，咁就唔駛串字，而用多幾次，就可以上腦)，都有俾老師讚（但係考試都係因為詞彙量唔夠而死火 ）

另外，響暑假時keep住寫日記，可能都有d幫助？

[ 本文章最後由 csy_ma 於 08-5-2 12:04 編輯 ]