聽障又發展遲緩B媽媽請來分享

alicedickson

我嘅BB係深度聽障，現時20個月大，整體發展遲緩，等於別人6-9個月大。而家等緊進一步評估他是否適合做人工耳蝸，因為可能對佢完全冇幫助。好擔心佢係智障！


有冇類似情況？請分享一下。

IRON

聽到妳bb咁樣, 我都好唔開心.

不如快d去睇下我地講既許醫生, 佢係呢方面既權威, 希望可幫到bb. (另一個topic有講許醫生資料)

good luck!

alicedickson

已睇過許由醫生，連佢都覺得佢對我BB做人工耳蝸嘅成效有所保留，所以我哋好失望。

IRON

明白妳地既感受, 兒女係天賜既, 唯有積極面對, 發掘佢其他既才能; 但願科技日益進步, 有新既發明.

加油!

alicedickson

多謝Iron你的鼓勵及支持，有人一同分享，感覺好好多。

大鴨媽

明白你的心情，　一定好擔心．

加油！

希望在明天

唔好放棄，要是父母也放棄，孩子的路就更難行．

你有沒有在ｃａｃ做檢查

原文章由 alicedickson 於 08-4-25 23:51 發表
多謝Iron你的鼓勵及支持，有人一同分享，感覺好好多。

alicedickson

多謝你呀！

BB有到CAC，而佢就係被評估發展遲人一半。而家尚德都唔知會唔會收佢。 希望有奇跡出現，佢突然進步神速。

IRON

原來妳都係住tko.

我對於什麼"發展遲緩幾多個月"呢d數字有d質疑同反感, 果d政府所謂專業語言師, 聽力學家......操既標準不一, 仲好落後, 唔知係咪我地唔好彩撞正個咁既, 因聽有d媽咪又話好好.

仔仔去過麗港城容鳳書, 個語言師態度冷漠, 係咁問左粒幾鐘, 果日係朝早9點開始, 仔仔都未訓醒烏下烏下, 好多野都唔識答/答錯, 佢又唔引導, 最後整幾張殘舊脫色既圖片要仔仔排位置, 再講個故事出黎, 仔仔做唔到, 佢就話安排見醫生, 因懷疑仔仔智商有問題. (仲係好唔容氣兜口兜面話)

返屋企到等待下次見醫生期間, 我唔知喊左幾多次, 諗到係自己害左個仔, 點解會生到佢咁既, 點算........隔左幾個月先見到醫生, (仔仔開始返幼稚園), 今次問左2粒鐘, 呢個溫柔d又識技巧, 話仔仔智商無問題, 對數字仲好敏感叻過好多人, 而講野就遲左一年, 所以安排語言治療, 但都未能發現耳仔有問題.

等緊政府排期期間, 我地又自己搵語言師, 上左幾堂話仔仔耳仔可能有問題, 咁岩許醫生係果度義診, 一入去許醫生已話佢耳仔點點點, 叫我地去診所安排做手術.

所以有時唔好俾政府果d嚇倒, 萬事都有轉機, 多去各方面了解尋求, 或許有新既希望.

大鴨媽

唔好太擔心，仲有出路的．

及時發現問題可以處理的．

ｃａｃ有沒有說是那類ｄｅｌａｙ？

原文章由 alicedickson 於 08-4-27 00:55 發表
多謝你呀！

BB有到CAC，而佢就係被評估發展遲人一半。而家尚德都唔知會唔會收佢。 希望有奇跡出現，佢突然進步神速。

小薯仔

我的細B也是聽障及發展遲緩, 我好傷心, 又好擔心, 細B已經差不多1歲, 但仍未懂雙手取臉前的物件, 不懂坐, 不懂爬, 需要睇好多尊科醫生. 細B好可愛, 好甜, 見到細B會好心痛. 會更加愛佢.  

我最擔心細B是弱智, 我怕我不懂怎樣照顧他

小薯仔

請問誰是許醫生? 什麼是CAC?

alicedickson

原文章由 IRON 於 08-4-27 09:56 發表
原來妳都係住tko.

我對於什麼"發展遲緩幾多個月"呢d數字有d質疑同反感, 果d政府所謂專業語言師, 聽力學家......操既標準不一, 仲好落後, 唔知係咪我地唔好彩撞正個咁既, 因聽有d媽咪又話好好.

仔仔去過麗 ...

我唔係住tko，但如果尚德收佢，我哋都會搬。除咗CAC的醫生，其他follow up 嘅醫生都似乎唔係太樂觀，所以我哋兩公婆都係見步行步。

alicedickson

原文章由 大鴨媽 於 08-4-27 23:49 發表
唔好太擔心，仲有出路的．

及時發現問題可以處理的．

ｃａｃ有沒有說是那類ｄｅｌａｙ？

CAC話佢整體都delay，包括體能、認知，同言語。 可以expect 佢第時各樣發展都遲。

alicedickson

原文章由 小薯仔 於 08-4-28 16:59 發表
我的細B也是聽障及發展遲緩, 我好傷心, 又好擔心, 細B已經差不多1歲, 但仍未懂雙手取臉前的物件, 不懂坐, 不懂爬, 需要睇好多尊科醫生. 細B好可愛, 好甜, 見到細B會好心痛. 會更加愛佢.  

我最擔心細B是弱 ...

我個B都係睇好多專科，心臟科、耳鼻喉科、眼科、遺傳科、營養師、職業治療、物理治療、以前仲有小兒外科，簡直乜科都有佢份。佢而家都係剛剛坐得穩，企同行都係剛剛開始。

alicedickson

原文章由 小薯仔 於 08-4-28 17:05 發表
請問誰是許醫生? 什麼是CAC?

許由醫生係耳鼻喉專科，特別出名做人工耳蝸。我都唔知佢會義診，通常一個consultation 收HK$1,000、

CAC stands for Child Assessment Centre，分佈各區，屬於衛生署嘅。

小薯仔

我細B除了心臟科外, 你所睇的科, 我細B都要睇, 而且我細B要做手術.... ,所以仍要睇外科.  你個B開始學企, 都好叻叻, 繼續努力呀...

原文章由 alicedickson 於 08-4-28 22:28 發表


我個B都係睇好多專科，心臟科、耳鼻喉科、眼科、遺傳科、營養師、職業治療、物理治療、以前仲有小兒外科，簡直乜科都有佢份。佢而家都係剛剛坐得穩，企同行都係剛剛開始。 ...

大鴨媽

前面的路很慢長．努力加油．願神祝福你們

原文章由 alicedickson 於 08-4-28 22:19 發表

CAC話佢整體都delay，包括體能、認知，同言語。 可以expect 佢第時各樣發展都遲。

fatmei

我ＢＢ都係雙耳有深度弱聽, 醫生話佢發展比一般幔個半月, 現在他４個月大, 請問發展遲緩其實係点? 點先算或確定係呢?

blacksheep

BB仔其實在出生前, 即在BB仔肚內, 都會聽到聲音, 所以在出生後, 會特別對媽媽的聲音敏感一點。

所以如果一個BB有弱聽, 就算好快就開始戴耳機聽番聲音, 比起其他BB, 都已經遲左幾個月先開始"聽", 在聽覺發展及言語發展方面, 都會比其他慢一點。

不過, 慢, 不代表BB一路都會慢, 如果配了合適的耳機，同時有聽覺治療師(Auditory verbal therapist) 及言語治療師 (Speech therapist)跟進，幫BB"追"番，可能都可以"追"到其他BB一樣。

而家你BB都只係慢半個月, 其實一點也不難追，所以請先不要太過悲傷。而家BB極度需要你積極地幫助他們, 不少深度弱聽的BB都可以學到講野，同其他小朋友一樣溝通。要知道現在的數碼助聽器及人工耳蝸是幫到很多小朋友的。

努力呀!!

[ 本帖最後由 icanhear 於 10-4-30 01:06 編輯 ]

MRS.MAK

Agreed with Blacksheep. 現在的數碼助聽器及人工耳蝸are very powerful aids, 幫到很多小朋友的。配了合適的耳機，同時有appropriate training. Your baby will be able to speak and learn like other children.

Most important thing is to go for professional advice. Don't just listen to other parents. Each bb is different. Trust doctor and advice from Auditologist. My bb is under good care of Dr Hui Yau (Tel : 2868 9333) & Mr Kam, Auditologist (tel 2525 0269).