你的小朋友是否讀緊新都城"翠茵小宇宙"幼稚園?

pinkhung

想問一下這間學校好唔好? 因為佢收咗我個仔讀N1, 唔知好唔好?

HALAHA

我都有幫我囡囡報這間幼稚園,但是都心大心細,不知讀不讀好,因為都不知口碑好不好.有冇讀這間幼稚園的家長給一給意見.

claudiama

我最初都打算給女女讀呢間, 但其後聽到一些不好的評語,所以給女女入了德寶. 那些不好的評語包括: 我同樓鄰居的仔仔在學校跌倒, 眼角要縫針; 有小朋友在學校給其他小朋友打, 但老師教被打的小朋友告訴媽媽是自己整親; 學校用的是商場冷氣, 沒有自己獨立冷氣, 因此空氣欠佳.

claudiama

HALAHA

claudiama,
請問你囡囡讀哪間德寶?好不好?是不是搭校車?

HALAHA

有冇其他家長給下意見.

AYMA

我的囡囡在年半前在那裏讀nursery,覺得那裏不是那麼差.我記得囡囡面試時,有個比較有經驗o既職員/老師(我初時仲以為佢係園長),見我囡囡比教怕羞,便好有禮貌同耐心叫我地同囡囡周圍行o下玩o下.面試完畢後,亦有同我地傾一陣.而那些幫小朋友o既姨姨(她們都比較後生,不是嬸嬸),都很友善,她們差不多每個小朋友o既名字都記得.我囡囡亦有在家常常提起這些姨姨.

記得有一次我囡囡在上學前面上已有一小片紅印,剛巧當日在學校排隊時跌了一跤,之後陳園長打電話給我,說出情況,說已幫她在面上搽藥膏,亦請我回家後留意一下.所以在我印象中這間學校不是那麼差.

雖然我囡囡轉了另一間學校讀k1,她仍然記得她的兩位班主任.每逢經過這間學校,她都說喜歡這間學校也喜歡現在的學校.

希望這些資料幫到你.

claudiama

Hi, HALAHA.  我女女讀緊富康o個間德寶, 我都很滿意. 老師很和善, 亦頗了解女女的性格和長短處, 記得我女女初讀n1時, 尚未投入, 在學校很少說話, 老師便特意和我女女多講話, 慢慢她便說多了.  現在她很喜歡上學. 回家亦要我和她玩扮上學, 也常常唱在學校學到的歌.

我女女由菲傭帶她坐地鐵上學, 沒有坐校車.

claudiama

HALAHA

claudiama,
我知道富康o個間德寶,出了將軍澳地鐵站還要行好遠,不麻煩嗎?因為我都考慮緊德寶,請給下意見.

栗子媽媽

雖然栗子唔係讀佢間學校
不過有JOIN佢地既SUNDAY PLAYGROUP親子寶寶班
由於教的都是日間的老師,我對佢地的印象都唔錯,
上了兩三堂,都已經記得栗子個名
同埋老師都有耐性同愛心
如果你心大心細可以試下佢地個SUNDAY PLAYGROUP親子寶寶班先
五月初開班,
1000 / 10 COURSE (1 HOUR AT SUNDAY)
如果是將會入讀之小朋友,好似有DISCOUNT架

claudiama

HALAHA,

係有d痲煩, 但我覺得尚可接受. 除非妳剛好住在附近, 否則便免不了這痲煩. 妳可以考慮坐校車, 就不用走那段路了. 妳住那兒? 附近有沒有其他學校選擇? 比華利,力勤, 慶恩的口碑也不錯呀.

yi

你的小朋友是否讀緊新寶城"翠茵小宇宙"幼稚園?  please comment

onion-head

我的小朋友在新寶城翠茵讀bb班，ok丫！老師好好人，學校好乾淨，小朋友好開心，又鐘意返學，回到家中鐘意扮老師，教返我abc，我幾滿意！

pinkhung

其實新都城翠茵小宇宙的校舍是否太小? 環境算唔算好?

AYMA

pinkhung

新都城"翠茵小宇宙"幼稚園o既校舍都幾大,約10,000呎,環境亦相當衛生,可能是因為校舍新o既關係.

HALAHA

有冇家長幫小朋友報咗今年8月讀翠茵幼稚園,請分享一下.

HALAHA

M & F,
我覺得你對這間學校都好有信心,兩個仔女都在這裡讀,但除了你之前所講的老師好之外,甚麼原因令到你對佢咁有信心呢? 不考慮其他政府資助學校呢?你囡囡的英文好嗎?