有冇小朋友讀緊馬鞍山靈量小學

灝童媽咪

想問下佢地多唔多功課, 課程深唔深呀.我幫我個仔準備今年報小一, e + 考慮緊靈量定馬鞍山循道衛理小學.

比d 意見呀!

nonowong

囡囡而家係靈糧讀小三既, 我個人覺得一二級既功課唔算多, 上到三年級就開始多啦, 可能囡囡比較自律, 加上佢地最尾果堂係做功課既, 所以佢d功課一般會係我返工返屋企之前做完 !

三年級開始每星期要補課兩日, 課程深唔深就好難講, 因為我唔知點同其他學校比較, 不過有一樣係真既, 就係d數學會教快其他學校半年, 囡囡而學用緊四年級既數學書, 三年級英文要作文同用完整句子答問題, 中文作一篇文要最少120字左右啦 ! 補充一句, 家長如果唔識英文既話, 可能有少少困難, 好多同學仔都要出去補習.

我覺得學校對學生既德育非常注重, 因為有時聽囡囡講返學校d野, 可能有d家長會覺得嚴, 但我就認為很好, 囡囡讀左三年都好乖好聽教, 家長可以利用內聯網同學校d老師溝通, 加上而家又要學生入學校時拍卡, 家長上網就知道自己個小朋友有無同幾多點鐘返學, 對家長來就是很方便, 尤其是我地呢d在職媽媽 !

Charlotte_mom

我舊同事個仔, 之前讀靈糧, 我見佢都幾緊張功課的, 因為無聯繫直屬中學, 我同事小4開始已經好緊張準備搵中學, 佢個仔大概都考十名左右的, 鋼琴亦學到5級考埋學理
結果佢入左第4志願--聖母無玷聖心(當初幾有信心的, 頭幾間都係大熱), 佢個仔而家中一了, 佢話, 聖心升上黎果d, 由於係直屬收生較易, 所以成績麻麻都升得到, 而外來生想考入就一定要band one了

dkkk

囡囡今年一年級,功課都不太多(多數每日中英數各一樣再加CORRECTION加嗰日上堂嗰科), 另中英文DICTATION每星期一次, 所以佢都OK.

至於課程,因英數教快半個學期, 所以教得快D, 但見佢都可以自己HANDLE到,所以我諗最緊要上堂留心, 問題就不大.

另我覺得校園氣氛很好,佢到現在都好鍾意返學, 同埋見到D哥哥姐姐(五六年級嗰D)都好乖, 所以覺得就算要搭校車, 都冇揀錯學校.

nonowong

原文章由 dkkk 於 08-4-18 16:06 發表
囡囡今年一年級,功課都不太多(多數每日中英數各一樣再加CORRECTION加嗰日上堂嗰科), 另中英文DICTATION每星期一次, 所以佢都OK.

至於課程,因英數教快半個學期, 所以教得快D, 但見佢都可以自己HANDLE到,所以我諗最緊 ...

我覺得靈糧對學生既德育非常注重, 老師都好有愛心, 試過一次囡囡讀一年級發燒, 於是我寫左張字條比老師, 請老師午飯後提囡囡食藥, 同埋睇住d份量唔好食多, 老師不單照做, 幫佢量埋藥水, 放學之後仲親自打比我, 同我講囡囡在校既情況, 係一間值得推介既學校 !

灝童媽咪

好多謝媽咪你地既意見呀, 聽落都幾好, 我個仔比較容易分心, 其實明年升小一, 我都擔心佢適應唔到, 佢e+ k2 做功課都幾唔專心,
但我其實都幾鐘意呢間學校架, 聽你地講埋老師都幾好, 都放心d, 我唯一擔心相信都係功課.

我想問下佢地上中文堂時, 是否用國語, 默書d 內容深唔深架.英文堂又係點架, 課程會唔會好深, 有冇英文作文架, 有冇外籍老師, 如果有, 一個星期教幾多堂.

Sorry 呀, 有咁多問題, 因為我對呢間學校真係幾有興趣.

nonowong

原文章由 灝童媽咪 於 08-4-21 00:34 發表
好多謝媽咪你地既意見呀, 聽落都幾好, 我個仔比較容易分心, 其實明年升小一, 我都擔心佢適應唔到, 佢e+ k2 做功課都幾唔專心,
但我其實都幾鐘意呢間學校架, 聽你地講埋老師都幾好, 都放心d, 我唯一擔心相信都係功課 ...

今年小一中文聽聞好似用普通話教, 但我唔sure, 因我囡囡小一時尚未實行, 課程深唔深真係好難講, 佢地好似年年到9月左右, 都有舉辦d選校講座, 到時應該會有參觀學校及發問的環節, 我果年就係聽完講座再參觀完學校, 才決定選靈糧第一位, 你可以打電話問下學校幾時有, 到時自己去實地睇睇, feel 下對校長和老師的感覺, 或者問下你想知既問題, 才決定啦 !  靈糧果位係女校長, 好年青, 比人既感覺好aggressive, 上次流感停課既第一天, 佢在內聯網向所有同學仔發左封email, 叫佢地在家keep 住比心機溫習同做功課, 好期望大家可以快d在學校見, 囡囡好想快d返學, 校園氣氛做得好好 !!

dkkk

亞囡佢哋依家上中文堂會用廣東話同國語,老師會衡量嗰課書用邊樣去教會好d,會分單元(大約兩課即一個單元)咁隔住教,至於中默就通常一課課文加一課詞語,老師通常早一個禮拜前會講定範圍,有足夠時間溫的.

英文就教得快,我囡d英文都係普通(幼稚園嗰陣都係咁),我開頭都有d擔心,但到現時為止,見佢都明,做功課都OK,佢哋學校經常會有d task 比佢哋做作句,通常係跟番教完嗰課d野比佢哋做類似仿句,其他作文就冇喇. 另外籍老師每一星期一次(兩連堂),佢好鍾意架,開頭我都擔心佢唔明,唔敢講同聽唔明,後尾係學校旅行嗰日見亞囡主動咁走去同d外籍老師玩同講野,就開始覺得實在唔需要太擔心,因為佢哋d適應力好強,聽得多就習慣,同埋佢哋上外籍老師課時係以活動形式去教,所以小朋友可以學得更投入,樂在期中.