有讀寫障礙小朋友媽媽請入

heyli

唉﹒... 大囡七歲剛評估到有讀寫障礙，仲有專注力不足同過度活躍！我每天要花上很多時間機械式，去叫佢坐好d，專心d上補習，也要花上數陪時間，去叫佢唔好咁多小動作， 還有個準備讀k1妹要教，我不知可以怎幫助女兒 有無媽媽可以分享

phoebelamlam

原文章由 heyli 於 08-3-18 20:58 發表
唉﹒... 大囡七歲剛評估到有讀寫障礙，仲有專注力不足同過度活躍！我每天要花上很多時間機械式，去叫佢坐好d，專心d上補習，也要花上數陪時間，去叫佢唔好咁多小動作， 還有個準備讀k1妹要教，我不知可以怎幫助女 ...

我對孖女都有,不過同佢兩個日日做功課溫習ge時間,係我最辛苦,
因為好似同人打仗咁,佢地做一題功課都要慢慢講,
仲要講一次唔明,兩次明小小,三次先好d,
所以我而家已經做左一個老婆婆啦

heyli

原文章由 phoebelamlam 於 08-3-18 21:13 發表

我對孖女都有,不過同佢兩個日日做功課溫習ge時間,係我最辛苦,
因為好似同人打仗咁,佢地做一題功課都要慢慢講,
仲要講一次唔明,兩次明小小,三次先好d,
所以我而家已經做左一個老婆婆啦 ...

係啊！我試過講五六次，真係好似打仗咁

200012

原文章由 heyli 於 08-3-18 20:58 發表
唉﹒... 大囡七歲剛評估到有讀寫障礙，仲有專注力不足同過度活躍！我每天要花上很多時間機械式，去叫佢坐好d，專心d上補習，也要花上數陪時間，去叫佢唔好咁多小動作， 還有個準備讀k1妹要教，我不知可以怎幫助女 ...

我聽過陳嘉路醫生講座,佢話邊有甘多讀寫障礙,只是不專注,過動,食藥咪ok,但好多家長都不太主張食藥,但效果是理想的

virgokaren

原文章由 200012 於 08-3-18 21:26 發表

我聽過陳嘉路醫生講座,佢話邊有甘多讀寫障礙,只是不專注,過動,食藥咪ok,但好多家長都不太主張食藥,但效果是理想的

不同意！不要亂吃藥！
讀寫障礙的小朋友不一定是過動的，他們真的是與正常人所看、所寫的不同，而且有很多種類型，也不一定是個個默書零蛋的。
在這裡很難向沒有讀寫障礙小朋友的家長一一解釋！
過渡活躍可以吃藥抑制一下情緒，請問有那種藥吃了會懂得認字、寫字、理解文章的？

heyli

個評估員話啊囡因為專注力不足，導致讀寫同埋過動，只跟我說佢要做d職業治療，因為啊囡學校就係坐唔定，搞搞震，其實初開學時仲嚴重，日日被投訴 ，而家評估中心出信俾學校，d老師先態度好返d，啊囡專注力比讀寫問題還嚴重，有時外人唔清楚呢個病，做啊媽真係好大壓力，而家請家庭補習，佢英文科進步多了，不過要用二三個星期溫七句默書範圍，天天讀天天默，不過中文字科目，仲未理解到d文字題同大題目，下個月測驗，老師話如果讀卷成績表唔會有排位，但係而家一年級仲細先會讀，大d唔讀，叫我諗清楚需唔需要讀

[ 本文章最後由 heyli 於 08-3-19 06:13 編輯 ]

200012

原文章由 virgokaren 於 08-3-19 03:19 發表


不同意！不要亂吃藥！
讀寫障礙的小朋友不一定是過動的，他們真的是與正常人所看、所寫的不同，而且有很多種類型，也不一定是個個默書零蛋的。
在這裡很難向沒有讀寫障礙小朋友的家長一一解釋！
過渡活躍可以吃藥抑制一下情緒， ...

佢話如是多動症,食藥平定情緒,才能用心學習,聽佢講個案,食左藥小朋友在學成績確是進步不少,但d藥應該吾平

~仔仔媽咪~

我仔都係adhd,但評估又話佢係學障唔係讀障,但都係差唔多既野黎...我都教到嘔茄...教佢讀書還好,都係諗多d計仔去令佢吸收到同明白,教行為情緒叫佢坐定定唔好成日尖叫大笑發脾氣掟野嗰d...我教咗七八年(我仔九歲,歲幾已經開始癲),都係咁...呢期我癲俾個仔睇,每日以淚洗面唔開心俾佢睇,佢至同我响學校死忍,又戒食朱古力(adhd食甜野會high,尤其朱古力)...

學野要慢慢黎唔急得架!你要好睇你囡囡係用開咩模式吸收野,寫字周圍飛時,你又要用間尺叫佢放响條底線度唔俾佢過界...同佢讀書要好似玩咁唔可以複雜唔可以悶,寫字調轉基本上係關個腦既事,我仔到依家就咁睇住25,都可以讀成52,寫總對係反轉啦...呢d我覺得你要帶囡囡去做感覺統合運動,等佢地睇位睇得好d...我好buy架...感統運動真係對小朋友好大幫助.

~仔仔媽咪~

原文章由 200012 於 08-3-19 09:21 發表

佢話如是多動症,食藥平定情緒,才能用心學習,聽佢講個案,食左藥小朋友在學成績確是進步不少,但d藥應該吾平

但食咗會有好多副作用呢...又抽筋要食止抽筋葯,又會作悶想嘔又無胃口,結果搞到小朋友又唔長高又唔長肉,同埋份量好難配,聽過有個媽咪話,試過份量醫生落重咗,搞到個小朋友食到變成抑屈,食少咗又好似無作用無反應依然咁無專注&high...再者,聽我仔治療師講,葯只係令小朋友攰,令佢個人停咗唔會走身郁,但食葯就禁唔到佢內裡既亂,所以我都唔太敢俾我仔去食葯住...

amyykw

HI HEYLI,

我想問點樣可能做評估的?

amyykw

原文章由 heyli 於 08-3-19 06:03 發表
個評估員話啊囡因為專注力不足，導致讀寫同埋過動，只跟我說佢要做d職業治療，因為啊囡學校就係坐唔定，搞搞震，其實初開學時仲嚴重，日日被投訴 ，而家評估中心出信俾學校，d老師先態度好返d，啊囡專注力比讀寫問題還嚴重，有 ...

heyli

原文章由 amyykw 於 08-3-19 12:43 發表
HI HEYLI,

我想問點樣可能做評估的?

amyykw

初初係學校同我講話懷疑丫女有專注力不足，但我自己觀察覺佢都有讀寫障礙，咁我咪週圍搵資料，明愛有專for讀寫查詢，打去問個社工，佢話其實小學每年都會有一次關於障礙評估，叫我同學校講，然後等學校心理社工出信，俾我去兒童智能中心排期，我排九個月，如果嚴重我諗學校會主動聯絡家長，未排到之前十分無助，試過出去問，私人d1500評估，然後每次治療800-1000好昂貴！唯有自己邊上網搵資料邊等，其實而家評估完，只教我點同佢練字，都未話我知幾時幫佢做治療！每日一到溫習時間，真係好辛苦

heyli

原文章由 ~仔仔媽咪~ 於 08-3-19 11:15 發表


但食咗會有好多副作用呢...又抽筋要食止抽筋葯,又會作悶想嘔又無胃口,結果搞到小朋友又唔長高又唔長肉,同埋份量好難配,聽過有個媽咪話,試過份量醫生落重咗,搞到個小朋友食到變成抑屈,食少咗又好似無作用無反應依然 ...

我都贊成唔食藥，食藥只令佢痴痴呆呆咁坐定，治標唔治本

Nymph_

我有朋友,佢個仔都有齊曬,佢今年小四,佢阿媽好好耐性每日教佢做功課同温書,每日起碼5個鍾以上,醫生早一年前已建議佢個仔食藥,亦開咗藥比佢,但佢比阿仔食,佢自己帶個仔去睇中醫(好貴)食咗約九個月到,見到佢個仔好明顯乖咗,之前咁扎扎跳,起碼依家專注力耐咗,同埋依家佢晚晚都帶個仔去操水,效果好好多.呢排己經去睇中醫.

fitceo

我仔仔都係有讀寫障礙,我覺得教佢地真係好辛苦,好嘔血,少D愛心同耐心都唔得,我都崩潰過兩次,嗰種失望同失落既情緒,唔係教正常小朋友既父母會知.
記得早兩晚陪仔仔讀故事書,佢見到個"橫"字,讀左"線"字,我問佢記唔記得喺邊度見過呢個字,又點解會認左係"線",跟住佢話喺數學書見過,原來係橫線既"橫字至啱.
佢將學過既字喺腦內調轉晒,同佢讀少少一段文字,都錯字連篇,但我又要鼓勵佢,如果鬧佢,仲唔肯再讀落去TIM.

200012

原文章由 ~仔仔媽咪~ 於 08-3-19 11:15 發表


但食咗會有好多副作用呢...又抽筋要食止抽筋葯,又會作悶想嘔又無胃口,結果搞到小朋友又唔長高又唔長肉,同埋份量好難配,聽過有個媽咪話,試過份量醫生落重咗,搞到個小朋友食到變成抑屈,食少咗又好似無作用無反應依然 ...

我都不贊成食藥,佢話沒胃 口(叫你食左早,午晚餐先藥...)佢就無話會抽筋,真係陰功

揚莉煒媽咪

不如你入學習障礙協會
果度有多ｄ家長幫到你
我個仔都有
我知有咁ｏ既小朋友係比較勞氣
放鬆ｄ

~仔仔媽咪~

原文章由 fitceo 於 08-3-19 14:35 發表
我仔仔都係有讀寫障礙,我覺得教佢地真係好辛苦,好嘔血,少D愛心同耐心都唔得,我都崩潰過兩次,嗰種失望同失落既情緒,唔係教正常小朋友既父母會知.
記得早兩晚陪仔仔讀故事書,佢見到個"橫"字,讀左"線"字,我問佢記唔記得 ...

你地都還好,淨係煩仔女讀書問題,我仔又係咩都踩界,自閉傾向+過度活躍專注力不足+學習障礙+動作協調障礙+言語發展遲緩(呢樣我個人覺得已經好番,個仔好多野講,但學校言語治療師都話我仔言語表達有問題,依家响學校仲要做言語治療)...唉...呢d問題由我仔歲半兩歲開始困擾我,初時以為係佢曳,點知見佢唔講野到連人地講乜佢都唔明,到三歲半評估至知佢自閉傾向,成日打人發脾氣尖叫掟野,結果我地顧住搞佢呢d行為情緒問題都無精神去搞佢讀書學習問題,去到六七歲,我開始感覺到我仔係有過度活躍同學障,咁升小一的佢去做評估啦,結果話佢過度活躍專注力不足既問題大過哂自閉傾向,政府嗰邊再評估同時又話佢動作協調障礙...

原本頭頭小一嗰年我仔有得去私人嗰d治療師度做訓練真係好咗好多,至少由小一上學期完全自閉响學校自己坐响樹唔出聲唔同人玩,變成小一下學期多野講到山洪暴發...連過度活躍d徵狀都改善左好多...仲諗住做多幾年淨番學障問題會好易搞好快甩難啦...點知屋企唔再support我仔繼續响治療師度做訓練,結果一開始由一星期八堂訓練變成一星期一堂訓練後,我仔即刻衰俾我睇,又是情緒行為完全失控,少少野都令佢好大反應,堆下堆下原本依家間學校個個老師校長都好鐘意佢,變成依家個個都想佢早d走,前排我仔學校主任都忍受唔到我仔,打個電話黎話學校功課支援班再容納唔到我仔,要我無辦法都要搵辦法叫我仔早d放學走...以前我同老師關係好好,依家個仔成日癲結果早輪日日都有投訴,依家我真係一個名符其實既唔識教仔既亞媽...早前我真係俾我仔既問題搞到我有情緒病定係仰鬱,成個幾月就算無再接到學校電話投訴,我都會無時無刻都好down好想喊甚至想殺咗個仔然後自己去死...總之好灰啦...呢幾日可能自己又轉工又有新工番,可能分散注意力卦...呢幾日就好似無呢d想喊既情緒....不過依家我已經唔敢再接再聽到學校任何電話,唔想再聽到我仔又响學校癲,依家同學校溝通既責任都交左俾我老公...我就只有集中精神去教我仔中文英文,費時我一個人樣樣都要同時去搞,兩頭唔到岸仲衰...真係唔想我仔變成一堆廢柴...亞媽無用都唔想個仔都咁無用.

~仔仔媽咪~

原文章由 揚莉煒媽咪 於 08-3-19 15:17 發表
不如你入學習障礙協會
果度有多ｄ家長幫到你
我個仔都有
我知有咁ｏ既小朋友係比較勞氣
放鬆ｄ

入學習障礙協會駛唔駛經社工介紹架?裡面有無咩訓練去幫小朋友?收費貴唔貴架?同埋佢地搞唔搞掂我仔呢類咁失控咁無專注力既小朋友?

~仔仔媽咪~

原文章由 200012 於 08-3-19 15:12 發表

我都不贊成食藥,佢話沒胃 口(叫你食左早,午晚餐先藥...)佢就無話會抽筋,真係陰功

我都係响bk特殊教育d topic度睇到架...之前我仔d問題搞到我好灰,我仲諗住搏一鋪俾我仔食葯,點知睇到呢d副作用,我就唔敢再俾我仔試喇...況且依家暫時我仔都禁得住自己脾氣,係辛苦d,但都想佢學下靠自己去控制下自己情緒同行為.

~仔仔媽咪~

原文章由 fitceo 於 08-3-19 14:35 發表
我仔仔都係有讀寫障礙,我覺得教佢地真係好辛苦,好嘔血,少D愛心同耐心都唔得,我都崩潰過兩次,嗰種失望同失落既情緒,唔係教正常小朋友既父母會知.
記得早兩晚陪仔仔讀故事書,佢見到個"橫"字,讀左"線"字,我問佢記唔記得 ...

至惡頂真係呢班人仔唔鬧得,鬧咗仲衰,佢緊張到腦一片空白,仲要睇住佢個腦真停頓哂俾我睇,仲俾埋個迷惘樣想喊想喊又吾敢喊既樣我睇...真係好想k.o佢呀!!! 有時都教到我好氣餒!