想請教英華小學的家長

BB豬

想請教你們的小朋友是讀邊問幼稚園,才有機會升上這間小學呢????
thanks

彥彥媽咪

哈哈．．ｂｂ豬∼∼又響呢度俾我撞見你啦．．

你呢條問題唔駛英華小學家長都答到你架，我都識，因為：

依家嘅小學派位同以前唔同喇．．以前就話讀邊間幼稚園會有優勢，因為校長有10分嘛．．呢樣嘢最近已經取消咗．．so依家派小學只會係：

(1) 第一輪學校自行收生，學額只係佔整體學額好少數，仲係要計分先得, e.g. 父母係舊生有10分，有阿哥家姐讀緊又有20分之類．．咁若你乜都唔係，呢round就多數凍過水

(2) 第一輪若揾唔到學校，就要等second round阿公搞珠仔，搞珠仔係按地區而派，老實講，呢round真係純粹運氣多ｄ，好似買六合彩咁．

英華係津貼學校，所以就要跟阿公嘅遊戲規則囉．．除非你報私校喇．．咁佢地就會有100%自行收生權，咁就可能有preference to 某ｄ幼稚園，so 你依家明讀點解邊間都同升唔升到英華冇乜大分別喇∼∼∼   

我都好留意英華架．．我仲日日響間屋度望住佢添．．不過．． 唉．．我成世冇抽獎命，都係唔到我好恨架喇．．   

Easy媽咪

彥彥媽咪
我好似同妳傾過計...因為我2個仔都有彥字~~~"信彥"同"庭彥"呀    
我大仔都入左英華小學呀....我都希望妳成功啦!     

彥彥媽咪

Easy 媽咪：

希望承你貴言喇．．． 你仔仔真叻，可以去到英華小學，你係咪住附近架？

我屋企呢頭有好多學校架，對住有荔天，隔離又有深官小，前面就起緊祟真國際，佢隔離又有德貞，不過我都係只鍾意英華，可能我兩個都係仔，所以特別留意佢啦，加上又近，行路10mins就到架喇！

雖然依家我仔仔嘅幼稚園有得直升小學，但我都想響第日第一round自行收生時試吓揀英華搏吓（不過我睇多數唔得．．我地係得個人人都有嘅15分），如果得就去，唔得就疊埋心水一於直升算，因為我地若要直升就唔可以去搞珠架．．我唔想亦唔敢搏∼∼   

BB豬

彥彥媽咪,
乜我地前起緊祟真國際咩???
係近邊邊架???
係呀,都仲未多謝你d資料潻

彥彥媽咪

BB豬：

係呀．．咪就係響深盛路深旺路個邊囉．．即係”碧海藍天”對出個邊呀．．隔離係”潤發貨倉”，都近近地英華架．．因為我屋企係向海個邊，所以就望得到啦．．依家已經平咗頂架喇．．都七七八八．．唔知嚟緊個學年用唔用得呢？

BB豬 寫道:
彥彥媽咪,
乜我地前起緊祟真國際咩???
係近邊邊架???
係呀,都仲未多謝你d資料潻

BB豬

彥彥媽咪,
嘩~你屋企望到海架,好正喎!!!
我只係望到美孚喳!!!

SandyKL

BB豬：

彥彥媽咪講得好啱，因為英華係津貼小學，所以以現時黎講，讀邊間幼稚園都影響唔到，但現行小一入學基制，係今年會檢討，跟住係2005年，會推出長期小一入學基制，依家好多傳言，話會取消宗教分、父或母為該小學之畢業生之分數，而又加番校長酌情分數，總之，謠傳滿天，唔知係點，不過，肯定就俾教署玩到似隻陀螺咁啦！

彥彥媽：

無論如何，真係可以博第一輪，雖然難但係幾時好運到，冇人知，反正又唔洗錢既，第一輪攪掂左，真係安枕無憂架。

彥彥媽咪

SandyKL

係呀∼∼∼多謝你鼓勵 ．．我會去試1st round（1st round自行派位可以唔駛俾我仔仔依家間學校知架，係咪呢？）若係我就一定會試囉．．承你貴言，希望得喇∼∼ 之不過若1st round唔掂，咁我就去唔到中央派位咯．．因為要直升依家間小學就唔搞得∼∼

SandyKL 寫道:
彥彥媽：

無論如何，真係可以博第一輪，雖然難但係幾時好運到，冇人知，反正又唔洗錢既，第一輪攪掂左，真係安枕無憂架。

SandyKL

彥彥媽:

岩呀，第一輪妳個仔讀緊間學校係唔知架，祝成功!