要上班的爸爸媽媽.....

hkparents

請問要上班的爸爸媽媽們, 你們會怎樣善用下班後的時間去教導你們的仔仔囡囡呢? 一般我每晚約8時至9時30分會幫我囡囡看功課和默書等, 沒有多餘時間同她溫習和備課, 因她早上要6時20分起床返學,所以我要她晚上10時便要上床睡覺, 如各位有時間的話,請在此分享下吧

namingo

我的情況完全和你一樣啊!! 每晚如是.....很疲累!!! 但冇計啦!!

YanYan0116

所以咁多小朋友去補習班.

柏媽

我想所有在職的父母都是一樣咁辛苦,但真是冇計,如我女在我放工前乖乖地做完所有功課,我就會一邊食飯一邊看她功課,就可以省回一些時間可以有多些時間和她溫書,因上學期平日沒有溫書所以成績很差,很多中文字都看不懂,現在我要改變讀書方法,每日溫習之前教過的書希望能記得多些字

qqwong

真係有苦自己知....我個寶貝大約四時放學回家, 先吃些水果或茶點, 然後, 補習姐姐係四時半上來跟功課及溫習, 我就約六時收工返歸, 晚飯後再double check 當天的功課(有時補習姐姐會睇漏眼)及準備每星期的默或測, 準時九時半上床...之後, 我才能鬆口氣休息下...原本, 寶貝有午睡習慣, 而家啲功課咁緊迫, 唯有叫佢犧牲下唔訓, 除非佢真係好累...早前返左一個月既補習社, 有好有唔好, 好就係有人幫你睇功課及溫習, 唔好就係時間唔穩定, 試過考試前個星期, 晚晚由四時半補到八時半, 搞到寶貝喊咁口, 死都唔肯返, 所以, 改請私人補習幫下手, 自己都唔使咁辛苦...

tingchichi

現在阿囡返果間補習社, 1 個老師對 10 幾人, 日日去 1個幾2 個鐘, 都未攪掂 D 功課   如果想老師默阿囡默書就更加唔洗旨意

CSW

唉, 呢種上班爸媽既生活真係好慘, 我亦係晚晚8、9點才回到家, 做哂所有功課同溫默書後, 已經10點半有多...我覺得個仔都好辛苦。而成績唔係咁好, 亦令我覺得好難過, 彷彿係因為我太忙做工, 無辦法幫佢, 令佢成績唔好....

當我見到個d有媽媽係屋企陪既小朋友, 我真係好羨慕。我見大部分有媽媽陪既小朋友, d成績都會好些...我真係好想唔做野, 專心睇住兩個小孩。唉.....

qqwong

原文章由 CSW 於 08-3-7 13:32 發表
唉, 呢種上班爸媽既生活真係好慘, 我亦係晚晚8、9點才回到家, 做哂所有功課同溫默書後, 已經10點半有多...我覺得個仔都好辛苦。而成績唔係咁好, 亦令我覺得好難過, 彷彿係因為我太忙做工, 無辦法幫佢, 令佢成績唔好. ...

我都覺得係, 有家人陪住溫習的小朋友, 成績唔太差...如果唔工作, 老公做到死死吓, 又想搵份part-time, 又唔易搵....我個寶貝又係咁, 找其他人教, 又唔係好得邊...自己教又勞氣, 又辛苦, 寶貝好依賴我去教, 晚晚收工忙到死, 想教都無咁好精力, 所以, 寶貝的成績未曾好過....

tingchichi

我都想唔做野, 專心湊 2 個細既. 不過兩公婆既人工加埋平均都係得 2 萬左右. 妳話呢個時勢, 唔做野點得

原文章由 CSW 於 08-3-7 13:32 發表
唉, 呢種上班爸媽既生活真係好慘, 我亦係晚晚8、9點才回到家, 做哂所有功課同溫默書後, 已經10點半有多...我覺得個仔都好辛苦。而成績唔係咁好, 亦令我覺得好難過, 彷彿係因為我太忙做工, 無辦法幫佢, 令佢成績唔好. ...

Ivy124

因為有補習姐姐一早對晒功課所以我每晚返到屋企只會再望多次..我囝做功課勁慢..所以唯有我自己同佢溫默書..其他書本上o既野就留番星期六/日先溫

雪文

我都係一樣, 無時間.  今次學校見家長, 老師問平時有沒有每日半小時温習, 我荅 : 無.  平時返到屋企真係無咩時間.    講完我幾內疚吓, 是否要反省吓.

原文章由 hkparents 於 08-3-6 16:10 發表
請問要上班的爸爸媽媽們, 你們會怎樣善用下班後的時間去教導你們的仔仔囡囡呢? 一般我每晚約8時至9時30分會幫我囡囡看功課和默書等, 沒有多餘時間同她溫習和備課, 因她早上要6時20分起床返學,所以我要她晚上10時便要 ...

hkparents

原來咁多家長同我一樣情況,唯有大家互相勉勵吧.

雪文

請問你咁請私人補習一個月要幾錢呀 ?  每日4點半-6點 ? 一至五 ?

原文章由 qqwong 於 08-3-6 21:22 發表
真係有苦自己知....我個寶貝大約四時放學回家, 先吃些水果或茶點, 然後, 補習姐姐係四時半上來跟功課及溫習, 我就約六時收工返歸, 晚飯後再double check 當天的功課(有時補習姐姐會睇漏眼)及準備每星期的默或測, 準 ...

MARS

我都係在職媽媽,阿女成績幾好,不過有時都好內疚,如果自己可以陪佢讀書的話,成績一定會更好. 不過為咗生活,唯有犧牲對住阿女嘅時間,大家互勉吧! 呻完喇,又講下我點安排~

其實我回到99家已是晚上7時多,我會睇下阿女功課先,有錯漏就叫佢即改(D字唔靚我唔擦,除非寫錯. 再加上我要求唔高,做妥已萬幸),跟住食飯睇電視,到晚上9:30就返歸(我家離99家只有5分鐘路程),返到屋企就叫女練下琴,做下課外功課OR默書,10:30前就要SLEEP...

你地係咪好奇怪我冇同女溫習呢? 其實溫習時間已於下午完成,我每日都出奪命追魂CALL. 同埋依家要中文背默,呢D就叫佢自己默,我返到屋企先睇佢默書證據,咁又慳返D時間. 如遇上考試,我就會早一晚用LABEL咗要溫嘅內容+口述(每日一科),讓她知道明天要溫及留意什麽地方,暫時都冇失手! 但亦可能係一年級嘅關係,課程唔算太難掛~

bb86

congratulation!

原文章由 MARS 於 08-3-7 16:56 發表
我都係在職媽媽,阿女成績幾好,不過有時都好內疚,如果自己可以陪佢讀書的話,成績一定會更好. 不過為咗生活,唯有犧牲對住阿女嘅時間,大家互勉吧! 呻完喇,又講下我點安排~

其實我回到99家已是晚上7時多,我會睇下阿女功 ...

evergreenj

原文章由 hkparents 於 08-3-6 16:10 發表
請問要上班的爸爸媽媽們, 你們會怎樣善用下班後的時間去教導你們的仔仔囡囡呢? 一般我每晚約8時至9時30分會幫我囡囡看功課和默書等, 沒有多餘時間同她溫習和備課, 因她早上要6時20分起床返學,所以我要她晚上10時便要 ...

我地都係在職爸媽,放工要返亞媽到食飯,因為個女係我亞媽接放學
,跟住食飯前睇功課,個女就睇電視,食完飯要趕住走佬,有時老公唔得閑要加班,我要自己接個女返屋企,要揹佢個書包,拿校服,拿飯比老公,仲有自己個手袋,仲要搭車,重到想死呀!跟住返到去要洗碗(朝早做早餐用左未洗),跟住同個女沖涼,有時有測驗,默書先會溫習,如果唔係都會比個女打機,自己通常都係最後先沖涼同訓,要11點先可以上床,嘩!好辛苦呀!朝早要6:20起身(始終返工要搞下自己個樣),做早餐比個女食,要自己搭車同佢返學,跟住自己就食個早餐先,
可以心情舒服D

evergreenj

原文章由 evergreenj 於 08-3-7 17:36 發表

我地都係在職爸媽,放工要返亞媽到食飯,因為個女係我亞媽接放學
,跟住食飯前睇功課,個女就睇電視,食完飯要趕住走佬,有時老公唔得閑要加班,我要自己接個女返屋企,要揹佢個書包,拿校服,拿飯比老公,仲有自己個手袋,仲要 ...

仲有要記住搵時間同老公有時過下2人happy hour! So,every
friday,我地2公婆就係"飛"女,放佢係亞媽到訓,自己出街食飯喇!

qqwong

原文章由 雪文 於 08-3-7 15:41 發表
請問你咁請私人補習一個月要幾錢呀 ?  每日4點半-6點 ? 一至五 ?

平均一個月約九百元左右, 只補一三五, 大約二小時, 由4時15分至6時15分，其餘兩天留番我去跟, 起碼跟少幾天, 都無咁辛苦....姐姐每次幫佢對功課, 另會跟進下星期的測考....以前試過請大學生, 佢地掛住搵錢, 又教得唔好, 寶貝成績無乜好轉...希望轉左呢個姐姐, 會有所改善喇! 如果唔啱，唯有叫agents幫我找另一個吧！

qqwong

原文章由 evergreenj 於 08-3-7 17:44 發表

仲有要記住搵時間同老公有時過下2人happy hour! So,every
friday,我地2公婆就係"飛"女,放佢係亞媽到訓,自己出街食飯喇!

二人世界！？好似好陌生的名詞．．．唉！我地都好耐無試過二人世界喇！成日想去做，到最後都無去做，可能等寶貝再大啲，先有番我地既二人世界．．．

雪文

咁即平均一小時75元, 都OK.  

唔該晒.

原文章由 evergreenj 於 08-3-7 17:44 發表

仲有要記住搵時間同老公有時過下2人happy hour! So,every
friday,我地2公婆就係"飛"女,放佢係亞媽到訓,自己出街食飯喇!