幼稚園教師跳樓

moon-cake

:;pppp: 本周二在沙田顯徑跳樓身亡的少女為幼稚園教師，其家人稱她因工作問題尋死，惟校方稱無象顯示她不開心及有自殺先兆。 死者吳詠恩（二十四歲），與父母及胞妹居於顯徑顯祐樓。吳在油塘高俊苑一所幼稚園任職。該校長表示，吳去年九月轉到該校任，後因要繼續進修，於十一月轉為兼職，薪金由一萬二千元減至八千多元，但她報讀的課程尚未開課。據知吳樂於在學校任，校方對其表現滿意，她與同事相處融洽，而她任的班級，最多只有十五名學生，相信她不會有壓力。
我的表姐都是幼兒園工作，見她常常在家做學校的事務，其實現在的幼稚園工作真的好辛苦，好大壓力，她的校長當然說是不關事啦

[ 本文章最後由 moon-cake 於 08-2-24 12:42 編輯 ]

Y6baba

what is your point ???

do you know her ??

your kid study that school ??

moon-cake

我是從網上看到得是本月2月22日，其實我初初都唔知，係有人同我講，我就上網找找看，是真有其事呀!

gie_angie

原文章由 moon-cake 於 08-2-23 18:31 發表
:;pppp: 本周二在沙田顯徑跳樓身亡的少女為幼稚園教師，其家人稱她因工作問題尋死，惟校方稱無象顯示她不開心及有自殺先兆。 死者吳詠恩（二十四歲），與父母及胞妹居於顯徑顯祐樓。吳在油塘高俊苑一所幼稚園任職。該校 ...

cat503

我曾經都喺幼稚園老師 , 工作壓力真喺好大,好多時返到屋企仲要備課,編寫兒童檔案,要喺唔影響課程下觀察每個學生的不同發展,改善每個學生的不同行為,學習困難,有幫仲要關懷埋佢哋的家庭生活 父母關係(因會影響小朋友的情緒或行為如:換照顧者)等,樣樣都要文字紀錄,校方仲要不停要求老師讀書.最慘就喺老細一句話啲嘢唔得就要重新做過,由於要文字紀錄好多小朋友的事,內容又要經過修飾所以老師就算放工都要做好多嘢,個腦要不斷諗住學生的事.當時真喺差啲發瘋,返到屋企都無精神照顧兩個囡,結果我選擇做全職媽媽.
其實我個女讀幼兒園時,都會見到老師不足的地方,會唔開心,但當我換個角度去睇,老師都喺人,都有錯的時候,都有處事方法與我的祈望不同,所以我會多欣賞老師的付出,少批評,而且教養孩子並非單靠學校家庭也很重要 , 所以我同個囡間學校的老師關係幾好,遲啲我細囡都會讀書,希望個囡好似家姐啦咁有個愉快的幼兒園生活!

invitation

我只係家長，但我都覺得今時今日做老師真係好辛苦．無論係幼稚園，小學定中學．我眼見時下的家長，有很多因為過份緊張自己的孩子，常會向校方及老師作出很多無理要求，加上資訊發達，學生很早便會接觸很多不同的問題．做老師真係好難做．　

原文章由 cat503 於 08-2-25 11:25 發表
我曾經都喺幼稚園老師 , 工作壓力真喺好大,好多時返到屋企仲要備課,編寫兒童檔案,要喺唔影響課程下觀察每個學生的不同發展,改善每個學生的不同行為,學習困難,有幫仲要關懷埋佢哋的家庭生活 父母關係(因會影響小朋友 ...

dodomom

絕對同意，我自己都係working mother, 有時見到老師真係好忙,好多野做,見到她們批改個女的習作(雖然只係n 班),都好有心機,好多encouraging 的說話,連我自己都諗唔到。

仲有一些媽媽好緊張,個仔食少塊餅食少個包飲少杯水,都向老師問長問短,老師好有耐性回答,真係好佩服佢地,人工唔係高,要付出好多。

Y6baba

其實有乜野工係冇壓力架

自殺就等於工作有壓力 ???

moon-cake

其實我都知道，每人都會有壓力，任何工作都有困難的地方,包括人、事、物，樓上的你，是否沒有工作在身，食軟飯，她自殺是一個不好的解決方法，但連兩位家長都感受到教師的辛勤，讓我都知道幼稚園教師不是容易做的。更有一位是過來人也來分享教師的經驗,你可以試下去做教師吧!感受別人的壓力。:;pppp:

lawlamlam

冇錯!你地試下做教師啦!唔好再以為做幼稚園老師係好好玩,好悠閒!
    作為幼稚園老師係一份好高難度嘅工作,我地要由一朝早返工, 去一去小便,就會見到小朋友返黎,你個腦就唔可以再諗其他野, 要細心地照顧小朋友,進行教學,教佢地自理等....我地唔係分科教學...做班主任係要全科都自己負責哂,音樂,跳舞,美術,識數,科學,語文等...我地係要樣樣皆能,能歌善舞 ...可以講係萬能!!
    最重要..就係我地係經常性要關心幼兒發展,佢地嘅情緒,行為,學習等方面有咩唔同左,  例如佢今日上上下堂冇啦啦喊,你就要放學 (約六點後,相信好多放左工嘅打工仔都可以放低工作,真正咁休息啦)...打電話俾家長,講番個小朋友今日嘅情況, 同家長了解當中原因. 仲要一班30人, 個日如果唔只一個小朋友有問題, 你就要打完呢個又打俾第二個, 第三個...... 我地除左係教育工作者,仲好似做埋社工,要關心小朋友以及佢嘅家庭狀況...真係要愛心精力無限先得!!!

ktl

很贊同樓上所說的話。
我是一名全日的幼稚園教師，每朝8點返工，五點半放工，但係不是每天都可以準時收工，你仲需要預備明天的教學和教具、致電給家長、整理課室、開校務會議等等。還有每週兩晚都要進修，學校更會定期俾機會你去讀培訓課程。

放工後，你還需要繼續完成手頭上的工作，如編寫教案、撰寫每天教學檢討、整理小朋友的學習檔案、完成幼兒的軼事記錄、致電給家長等等。

放工後，你仍要繼續奮抖，返工時，你更加要全副精神，全心全意、聚精滙神地教學，並要在不妨礙幼兒進行學習的環境下，即場記錄幼兒的學習情況，如記錄A小朋友和B小朋友相處時的情形，以及他們的對話內容。以便你放工回家後，根據在學校記錄幼兒的學習情形，分析一系列的範疇，如體能、美藝、情緒、社交、數理、科學、語文等等。試想想，若你任教的班別有30名學生，那麼你便要完成240份兒童的學習表現範疇。但這不是一年的工作，而是每月需要完成的工作。

還有在某些特別月份裏，學校都會舉辦開放日、聯歡會、散學禮、畢業禮等活動，老師便要費盡心思去編排兒童表現的舞蹈、設計攤位遊戲等，但去編排這些活動，都不是在返工時間內進行，而是在放工後的時間。

那可想以知，教師哪來有空餘時間，可以做自己想做的事，和多位幼稚園教師閒談中，都發現自己無晒朋友，有空閒的話，大多用來睡覺或照顧家人。

我每天都只能睡5小時，有時候更只能睡3小時，令我繼續堅持教學，是同事和家人的支持，以及我愛我所教的小朋友，並仍對教學充滿熱誠，心裏那團火還繼續燃燒。所以請各位支持幼稚園老師，你們多一些關懷、支持和包容，會令我們繼續堅持熱心教學。

[ 本文章最後由 ktl 於 08-3-20 01:05 編輯 ]

mcmung

支持您！努力！
做老師最怕遇到蠻不講理的家長！但看看自已喜歡的孩子又可舒緩一下自已壓力，繼續向前！

jjtseung

我都好認同而加做教師真係好大壓力! 係非ㄧ般的壓力, 越係有責任感越係壓力大, 因為佢地對自己的工作有要求, 家長對佢地有期望...

我做全職媽媽之前都屬於中級管理層, 間公司屬於同行的頂級公司, 當然一定有壓力, 不過, 無mood的時候又真係可以放鬆下, 游魂下/ 去BK傾下, 哈哈... 有d高級管理層仲有辦法蛇下tim! 但係我有些做中學教師的朋友真係唔可以咁! 佢地返12個鐘(當然official的時間無咁長), 仲未計帶咪卷等paper work返屋企改等的工作... 而加學生又難教, 家長的期望又高...

所以, 我都好敬重d教師!

moon-cake

其實做小朋友都係想係一個開心快樂的環境下學習，但點解要令到幼師無時間去關心身邊每個小朋友。要做那麼多工作，其實老師就無時間休息，無精神，無氣力，無自己時間等，點樣開心同小朋友生活呢!

winniehuey

原文章由 ktl 於 08-3-20 00:59 發表
很贊同樓上所說的話。
我是一名全日的幼稚園教師，每朝8點返工，五點半放工，但係不是每天都可以準時收工，你仲需要預備明天的教學和教具、致電給家長、整理課室、開校務會議等等。還有每週兩晚都要進修，學校更會定期俾機會你 ...

Excuse me!!!
may i ask u a question???
What is the big difference between the non-profit-making and private independent at the fields of staffing and structure of kindergarten???

i have no idea about that!!

ktl

簡單來說，
非牟立幼稚園，所收取的學費，是受政府規限，每名學童每年大約只可收取$24,000學費(半日制)。
收取其他雜費方面，亦會有相關的指引。
至於，學校架構、職工方面，大多是關於校本問題。

如果家長需要在08/09年度開始，拿取學費資助(學券)，則需要就讀非牟立幼稚園，倘若學童已在07/08年度在私立幼稚園獲學費資助，就可繼續獲得學費資助。

不知能否解答你的問題。

[ 本文章最後由 ktl 於 08-3-20 17:42 編輯 ]

wingwan

我早前都有看到這報導！我十分同情她的遭遇！

原文章由 moon-cake 於 08-2-23 18:31 發表
:;pppp: 本周二在沙田顯徑跳樓身亡的少女為幼稚園教師，其家人稱她因工作問題尋死，惟校方稱無象顯示她不開心及有自殺先兆。 死者吳詠恩（二十四歲），與父母及胞妹居於顯徑顯祐樓。吳在油塘高俊苑一所幼稚園任職。該校 ...

babycherry22

原文章由 ktl 於 08-3-20 00:59 發表
很贊同樓上所說的話。
我是一名全日的幼稚園教師，每朝8點返工，五點半放工，但係不是每天都可以準時收工，你仲需要預備明天的教學和教具、致電給家長、整理課室、開校務會議等等。還有每週兩晚都要進修，學校更會定期俾機會你 ...

~入來為同行，為自已打氣~
~上班時，我好愛我的小孩子們，
~下班時，我好愛我家的小孩子
~請各位家長，在家愛你的你孩子時，
   也要愛老師

C.E.C

我都好支持幼稚園老師，見到佢哋真的好辛苦，而且仲係成日比社會遺忘的一群 ，所以各位老師要加油呀

妹豬B

做幼稚園老師都有咁大壓力！真係要對D老師好D呀！