激死我

kayan_329

可能好長篇...但請見諒~
話說一月頭果時上跳舞班 落堂時有兩個低年班o既同學換衫 係o度大家玩 之後我d野又咁o岩係佢地果隔 而其他fitting都full晒 之後果兩個女仔仲玩緊就話叫我入去換得衫 但係果時見仲有一個考換晒 我就好心話不如你換埋我先換啦 我自己又好順手放晒d電話,銀包,跳舞鞋係更衣室個chair o度


之後我就係門口等佢地換完 其中有一個女仔就一支箭咁沖走o左 而佢朋友仲係個fittingo度 但我一入去就知自己唔見o左本手冊同對跳舞鞋...... 之後我就同仲係個fitting o既小朋友講唔見o左對鞋同手冊 之後個小朋友就出o左去搵返佢朋友比返本手冊我 之後我就同個小朋友講仲有對鞋呢...但係當日o既小朋友就一句話佢另一個朋友落o左lift 事後個小朋友亦走埋


當日我就即時同學校個秘書講晒成件事 之後個秘書就話個同學聽日會返 幫我問o下佢 我就話好啦...但係我就再下個拜上堂前又走去問個秘書有冇 個秘書就話冇人有交過對鞋出o黎 之後個學校嬸嬸就叫個秘書 不如帶我入去果班o度搵果個女仔問o下有冇 但係個秘書其實唔多想帶我入 但係因為果時我覺得自己入去人地個班房問就唔係太好lor~~點知個日個同學冇返 到上星期我又去問個秘書 個秘書終於肯話打去問o下


到今日個秘書同我講話個同學冇拎到 我就已經帶o左對新鞋去~~ 因為已經打家輸數係搵唔返 點知學校個嬸嬸就問我件事係點 我就由頭講一次比佢知 之後個嬸嬸就同我一齊去搵當日個女仔 其實我唔太記得佢個樣 平時唔多留意d低班o既小朋友 個秘書問我點o既樣 講真我都唔記得啦 但個女仔就話冇拎到 咁個嬸嬸就去個櫃o度幫我搵 點知搵返 我就同個秘書講搵返la  之後個秘書o既第一句就係話我 唔好冤禮人la~~


之後今日好衰唔衰帶留對跳舞襪~我就係間跳舞學校o度買 我唔記得o左學校唔收cash 我就拎o左張一百蚊出o黎 之後個秘書好兇咁話 我唔收現金o架...之後個嬸嬸叫我比八達通 咁o岩張卡冇錢 我咪同個秘書講 咁eps lor 個秘書即時冇出聲......


總結~今日我真係o晒咀... 我又唔係話個女仔偷我野 我之不過懷疑個女仔唔小心拎走o左 因為我本手冊都係個女仔o度拎返 同埋我知間學校有好多學生 有d要上堂同落堂o既人都有時會迫埋一間fitting去換衫 唔小心拎錯野o既都係好平常o既事......