請問以前在幼稚園時定現在小學所參加的額外興趣班較多?

ysnmama

兩者大慨如何分配活動及開支? 應該在幼稚園多點定小學多點較好呢? 因為我兒子將會入讀私校(幼稚園). 但小學時卻想入讀官津小學. 因為如果直資或私小. 六年學費開支也大. 若加上其他興趣班. 真的 . 希望有經驗的媽媽, 可以分享. 謝.

RSG媽媽

我自己就覺得
幼稚園咁細既小朋友參加興趣班
都係比佢玩下 同d同年齡既小朋友相處
實際上學到既野有限

不過有好多家長會幫幼稚園
甚至更加細既小朋友報讀興趣班
好depend on各別家長既睇法&經濟能力

我個女到小學先開始參加興趣班

依家既小學普遍都有好多課外活動/興趣班
如果你無特別想你個小朋友學既野
可以等上到小學
睇下學校有咩課外活動辦得好既 再決定(校際/公開比賽拿獎)

如果你已經有活動想佢學既 亦都不妨比佢學
因為好多時學校既課外活動未必arm你心水

另外如果你係想比佢學音樂/跳舞 可以早d開始培養佢對呢方面既興趣

我個女讀私校 學費 校車費 興趣班 補習費
每個月都要使好多錢  好鬼金
比我再揀過 我會比阿女讀津校
不過阿女係呢間學校讀得好開心
我都覺得好值得

我覺得最緊要係睇下你個小朋友適合邊間學校/喜歡咩興趣班
當然都要睇下經濟能力

wasyinyin

RSG媽媽,

真係好多謝你嘅分享. 我個仔將會讀k1. 小學都想比佢讀官津校多d. 因為學校費用唔可以控制. 但課外活動容易d彈性處理. 經濟好學多d. 經濟無咁好. 參加少d. 唔駛無彎轉咁.

如果無你分享. 我都唔記得補習e樣事. 計計o下就算讀官津, 一個月都需要用唔少錢. 依家真係有個慨念了. thank you. :

RSG媽媽

唔使客氣

記得揀小學睇埋地日升中有咩選擇啊

不過最緊要係揀一間arm你小朋友讀既學校

sandracklaw

囡囡四歲就俾佢上興趣班，等佢可以習慣同不同的小朋友相處，變得無咁怕醜。如果學得有D成績得到証書或比賽名次，就可以留作做她的Profile，日後去小學面試都有用。
現在升上小一都有Keep住上，只要她有興趣而能力有的話我都會繼續支持佢，難得佢有恆心去學。叫佢cut一樣都話唔得，佢話如果要cut，就cut英文班喎，我就話一定唔得。