跌斷腳小一生告農圃道官立小學

baekdoosan

轉載自: 蘋果日報


玩「狐狸先生」跌斷腳
小一生告學校索償
2007年12月9日 蘋果日報

【本報訊】9歲男童三年前就讀土瓜灣名校農圃道官立小學一年級時，與同學玩「狐狸先生幾多點？」遊戲，在鋪地磚的操場意外跌傷，導致左腿骨折斷，留醫三個多月，因左腳輕微外側形成「丁字腳」，有礙觀瞻，也不能快步跑。男童母親昨日入稟區域法院代兒子控告學校，追討賠償。
記者：陳曉薇、李旭基

原告鍾嘉豪由其母親李文欣（譯音）代表興訟，被告為農圃道官立小學。本報昨日未能聯絡上校方回應。記者往鍾嘉豪的寓所採訪，現已9歲、轉往慈雲山一間小學讀小四的鍾嘉豪表現非常害羞，站立時不覺得有異常，但見他走起路時，曾經骨折的左腳腳踝輕微向外側。

行路丁字腳　怕見陌生人
任職司機的鍾父說，事發04年12月10日，嘉豪就讀農圃道官立小學一年級，他於中午小息時，與其他同學在連接籃球場的操場上玩「狐狸先生幾多點？」（玩法類似「一二三紅綠燈」），卻不慎跌傷，導致左腿骨折，留醫三個多月。嘉豪左腿被裝上鐵釘固定生長，現時傷勢雖無阻礙他的活動能力，但他手術後左腿側留下四個如一毫子般大的鈕釦形疤痕，行路時有些「丁字腳」，有損外觀，跑步也不能跑太快。
鍾父指意外後「嘉豪變得好怕醜，怕見陌生人」。他指兒子表示，曾有多名同學在該空地跌傷，只是傷勢沒有他般嚴重，又指事發時地面沒有積水。鍾父補充說，學校籃球場地面鋪有防滑膠物料，但接連操場空地則鋪地磚，校長雖曾往醫院探望嘉豪，但只表示「機電工程署檢驗地磚並無問題」，並未提及賠償事宜。

空地無防滑　封鎖近一年
鍾父續稱，校方在意外後，將出事位置封鎖近一年，之後改鋪其他物料。他質疑事件是因地磚並無防滑所致，他曾於05年去信學校，聲明保留追究權利，並安排嘉豪及其弟轉校，為免申索令兩名兒子在校生活受影響，由於案件已交律師處理，鍾父表示不清楚索償金額。
位於土瓜灣農圃道八號的農圃道官立小學，於1956年創校，為何文田校網內的傳統名校，區內名校還有陳瑞祺（喇沙）小學、協恩中學附屬小學及馬頭涌官立小學等，該網學生可升讀九龍城區內的10多間英文中學。
骨科醫生潘德鄰拒絕評論事件，但指一般而言，醫生替傷者接駁腿部斷骨會用鋼釘固定，若康復後出現丁字腳影響外觀及步姿，可能因斷骨接駁後出現旋轉變形，令斷骨未能正常生長。

若致長短腳　或須再駁骨
潘德鄰補充，骨骼生長中心位於骨頭兩端，即使接駁斷骨手術成功，但若斷骨處位於骨骼兩端亦可能影響骨骼生長，最嚴重後果是引致長短腳。他續稱，若丁字腳情況嚴重，最有效方法是再進行一次大型手術，鋸斷腿骨重新接駁，但手術前醫生要留意原本斷骨處是否有大量碎骨，並盡量減低手術風險。
案件編號：DCPI2538/07

piggybank

其實....係唔係應該係意外一樁呢? 咁都可以告......?

原文章由 baekdoosan 於 07-12-9 08:18 發表
轉載自: 蘋果日報


玩「狐狸先生」跌斷腳
小一生告學校索償
2007年12月9日 蘋果日報

【本報訊】9歲男童三年前就讀土瓜灣名校農圃道官立小學一年級時，與同學玩「狐狸先生幾多點？」遊戲，在鋪地磚的操場意外跌傷，導致左腿 ...

KITTY.WONG

其實我們小時候在學校經常都有受傷流血事件，許多時是小朋友玩得太忘形，不過現在家長吓吓都要投訴，許多時家長都有責任教導小朋友。

召藥師

我個仔而家讀緊農圃道，相信係小朋友玩到忘形先發生意外。斷腳喎!衝力冇咁上下點會咁嚴重，而且仲有其他學生受傷，即係佢地玩得癲到人撞人或跌到後再被另一人踢到或踩到都唔定。
家長平時唔教定佢地要小心唔好亂跑，學校點照顧得咁多呢?幾百個學生先得幾個老師睇住，特別係一年班未定性，真係好危險，作為家長平時一定要好好教導佢地安全意識，學校亦都要睇緊d。當然小息禁絕一切跑跳行為會大大減低發生意外風險，不過到時又會有家長投訴學校冇人權同自由。

都唔明咁ge新聞都可以做頭條......

[ 本文章最後由 召藥師 於 07-12-9 17:44 編輯 ]

littlesister

我估個家長都係想搵番畢醫藥費啫, 睇黎個小朋友仲有好多手術要做, 所以咪告下睇下可唔可以claim 保險囉, 不過都要證實學校有疏忽先得.......

原文章由 召藥師 於 07-12-9 17:42 發表
我個仔而家讀緊農圃道，相信係小朋友玩到忘形先發生意外。斷腳喎!衝力冇咁上下點會咁嚴重，而且仲有其他學生受傷，即係佢地玩得癲到人撞人或跌到後再被另一人踢到或踩到都唔定。
家長平時唔教定佢地要小心唔好亂跑，學校點照 ...

bbJP

我諗佢個point係:學校應提供安全的環境給學生,户外的地磚應採用防滑磚亦是工程時應注意的.
都係想claim下保險補貼醫藥費啫,橫掂都係政府賠.不過搞到二兄弟要轉校就真係付出唔少.

原文章由 littlesister 於 07-12-9 23:03 發表
我估個家長都係想搵番畢醫藥費啫, 睇黎個小朋友仲有好多手術要做, 所以咪告下睇下可唔可以claim 保險囉, 不過都要證實學校有疏忽先得.......