崇真太令我失望

ivylee313

我女女出年讀k1,聽聞話崇真幾好咪In,我報左國際班,覺得幾好全英語同普通話教,昨晚去In係晚上六點半,首先去到登記之後到禮堂聽簡介會,我一進入見到好多人,之後好辛苦搵到個位坐,發覺好嘈根本聽唔到台上講乜?個個都您一言我一語,十分鐘之後頂唔順離開,去左101房外等待IN,但必須要等簡介會完左才開始,終於等到開門叫名入去,有兩張table,一張有玩具,另外一張有個所謂西人(唔知乜國藉,印度?)坐,咁有兩位助教就叫我地D小朋友玩玩具,共有五個小朋友各自各玩,跟住個西人叫左其中一位小朋友坐過去IN,咁我當然望下講D乜問D乜...跟住個兩位助教用普通話同我地D小朋友傾計,但我女唔識,最後用英語答個助教,好..見到個西人差不多in完,以為她叫下一個名,她冇叫,淨係用英文叫助教ok,next group!!下唔係呀,個西人完全冇理會過我地四個小朋友,連望都冇望過我地一眼,咁叫IN??仲要冇D笑容黑口黑面,最慘我出左去見到個西人係寫報告,但個兩個助教繼續叫名,完全冇行去西人到大家傾下,呢D乜野黎?哂我時間,唔明點解咁多人,基本禮貌都冇,行返落去撘車已經好多家長話離哂譜!!!!

[ 本文章最後由 ivylee313 於 07-10-27 04:11 編輯 ]

helloapril

原文章由 ivylee313 於 07-10-27 03:59 硐表
我女女出年讀k1,聽聞話崇真幾好咪In,我報左國際班,覺得幾好全英語同普通話教,昨晚去In係晚上六點半,首先去到登記之後到禮堂聽簡介會,我一進入見到好多人,之後好辛苦搵到個位坐,發覺好嘈根本聽唔到台上講乜?個個都您 ...

Hello ivylee313:
我好同意你的講法,我囡囡是見主流班,一班小朋友坐埋一齊,老師只是寒暄了幾句,便打發我們走,商業味好濃,收生唔知有??標準,咁就無咗$30大元,交通費等等...........

taimanfung

原文章由 helloapril 於 07-10-27 22:27 硐表

Hello ivylee313:
我好同意你的講法,我囡囡是見主流班,一班小朋友坐埋一齊,老師只是寒暄了幾句,便打發我們走,商業味好濃,收生唔知有??標準,咁就無咗$30大元,交通費等等........... ...

其實系咪已經收夠哂?不過收我地D$30報名費咪應酬下囉!

winggundam

校長presentation - 差
校園清潔 - 差
老師態度 - 差
最不滿的是叫我在太子站下車行九丈遠, 身水身汗才到學校, 但門口亞姐話石硤尾站會近些

helloapril

其實一個$30,不斷都話收生,$$$$$$$$$$$$$$$$$$$$哈哈

TansonMa

其實我上年曾面試過,聽你哋講的情况都同上年相似.但衞生方面應該好d,因校舍和廁所都裝修過.近日亦有朋友in過,她亦有心動就讀此校全日K1國際班,因校方保證該校畢業生必可操流利英語&普通話.這是崇真極吸引的賣點.但平心而論,若不是太多人讀,我都會選此校比大少讀.

CONNIE546

我仔仔10月5日都IN過，
收了下午班，話上午班满晒，

[ 本文章最後由 CONNIE546 於 07-10-28 16:49 編輯 ]

LittlePigmom

咁差既, 等我諗住出年報tim.
聽到咁都好怕.
佢既國際班有學卷, 其他多數無, 唔知點解, 都會有少少質疑佢既quality.

hony

我阿囡10月5日in國際班時無咁差，有個肥肥鬼婆好有笑容同小朋友問問題及玩，一班五個小朋友，二個西人逐個小朋友一路玩一路in及與家長傾計，小朋友很開心 。阿囡無點睬佢都很有耐性等佢有反應。另一個華人就點名及講普通話。

kacary

我連in 都無去到::" /> ::" /> ::" />,諗起果條路都係唔好lu

ay917

原文章由 kacary 於 07-10-30 01:35 硐表
我連in 都無去到::" />:" /> ::" />:" /> ::" />:" />,諗起果條路都係唔好lu

咁我收到信叫我個囡2-11-07 去面試, in 唔in 好?

bianca710

我個女都是2/11見, 不過我上網睇到佢哋其實收夠晒, 睇嚟都係順便見埋, 收嘅機會都好微.

LittlePigmom

好似仲有下午班, 如果唔考慮下午班就梗係唔洗去見.

原文章由 bianca710 於 07-10-31 00:11 硐表
我個女都是2/11見, 不過我上網睇到佢哋其實收夠晒, 睇嚟都係順便見埋, 收嘅機會都好微.

pandacat_bb

11月2號我都會同囝囝去, 佢係細仔, 我諗住比多個interview經驗比佢

原文章由 rats 於 07-10-31 10:02 硐表
I'll let my daughter go on Nov 2, take more int practice will be good to her.

silvia_ng

re: 印度藉外語教師,
據我所知, 佢本身係一個牙醫, 不過佢鐘意小朋友, 所以佢做左教師。十月初有機會接觸呢個老師, 佢都幾nice幾多野講, 同埋比我感覺佢好小心小朋友既安全。

re: 肥肥西人教師,
仔仔兩年都係呢個肥肥西人教師教英文, 好好人。

re: quality,
老師個個都好好架! 我細女10月5號都in左, 收左出年讀上午班啦。如果唔好, 我都唔會比佢報啦。

re: 地鐵站,
我唸都應該係太子近d。一出左運動場果邊, 行過去警察遊樂會既盡頭, 有一條樓梯上崇真。

re: 去唔去interview,
上午班聽講都收夠哂啦, 如果好心儀呢間學校, 都可以去左先。因為到來年5月-6月都會有人give up個學位。咁到時可以試下寫信apply轉讀上午班囉。

re: 簡介會,
其實都唔可以話校長present差, 只係當時環境太嘈, 有些家長放任小朋友大聲亂叫亂玩, 攪到毫無紀律。校長想講乜都唔會有人聽到啦。不過, 我第一年聽到校長成日講佢有結龍小學+中學, 又點點點, 我都覺得校長幾似賣花讚花香架
而家讀耐左, 知道校長好有heart攪教育囉。

盛盛媽咪

hello,

喺我為亞仔選學校時都 in 過唔少幼稚園, 尤其係九龍塘區所謂既名校.. 佢哋何嘗唔係商業化 ! 你哋話崇真 in 得差, 有D仲差過崇真10培都唔止.. 得過扯過, 求求其其.. 簡直唔休無人讀咁..

到我帶亞仔 in 崇真時雖然係好遲先去 in , 大約係 2006 年 5月既事..接近 K1 開學, 佢哋已經收夠學生~但係 in 我個仔嗰位主任好好.. interview 完咗, 仲帶我哋四圍參觀..說話客氣友善.. 仲講解好多有關該校既事比我哋知.. 到現時為止. 我個仔喺度讀 K2喇 ! 睇得出佢係好鍾意呢度D老師/司機叔叔.. 學校既設施好完善, 課外活動又多.. 我好滿意 !

有次亞仔病咗無返學, 班主任仲打電話比我慰問詳情.. 接觸學校咁耐.. 每位老師比我感覺都好親切..

silvia_ng

原文章由 盛盛媽咪 於 07-11-2 16:45 硐表
hello,

喺我為亞仔選學校時都 in 過唔少幼稚園, 尤其係九龍塘區所謂既名校.. 佢哋何嘗唔係商業化 ! 你哋話崇真 in 得差, 有D仲差過崇真10培都唔止.. 得過扯過, 求求其其.. 簡直唔休無人讀咁..

到我帶亞仔 in 崇真 ...

咦, 咁橋呀, 我仔仔都係讀緊k2喎 你仔仔咩班呀? 得閒過去崇幼k2家長討論區果邊呀, 我地成日互相爆料架