基華下午校校友 - 請來這邊

bunnycatcat99

之前用左網友問選校個留言係咁傾基華校友嘅野, 真係唔好意思啊

不如各位校友過黎呢度傾下丫~~

剛剛去聽番首校歌 - 同是區會會歌 (歌詞不同), 真係好開心, 我好鍾意呢首校歌架, 因為音調靚詞又好嘛!!!

報報我邊年邊班先: 82年畢業6C

肥嘟媽

我係84年升6A,85年畢業
除左首校歌，主禱文我仲記得點背，現在逢親心絮不靈，就背主禱文，正是"有事鍾無艷，無事夏迎春"，真是不太好意思！
金魚佬，你講翠瓊樓地下樓梯口檔金魚?我見好多小朋友行經都會停下看，不過好似無耐就執左

bunnycatcat99

原文章由 肥嘟媽 於 07-10-5 16:04 硐表
我係84年升6A,85年畢業
除左首校歌，主禱文我仲記得點背，現在逢親心絮不靈，就背主禱文，正是"有事鍾無艷，無事夏迎春"，真是不太好意思！
金魚佬，你講翠瓊樓地下樓梯口檔金魚?我見好多小朋友行經都會停下看，不過好似無耐就執左 ...

你年青好多呀~小師妹 :loveliness:

唔洗覺得唔好意思, 可能我自己係基督徒啦, 我自己都親身經歷不少祈禱嘅果放!  你背左主禱文是否心裡平安些?  神都係想人有平安, 不要憂慮嘛!

係呀, 我講果個金魚佬, 不過果陣佢年紀都唔細囉!  早排行過, 而家d樓梯口好似冇晒檔仔lu~~  彩虹邨變左好多呀, 但我行親入去, 就有好多回憶番晒黎!    

我出世就住嚮丹鳳樓, 住到4年級搬左去彩雲邨lu~

simonkawah

我79年畢業,你們有冇入校友會?

bunnycatcat99

原文章由 simonkawah 於 07-10-5 17:20 硐表
我79年畢業,你們有冇入校友會?

師兄你好!!
我有呀!

喧嘩

各位師兄, 師姐, 咁你地d仔女而家幾大?讀緊邊間ar?
你地個個原來都派得咁好, 咁而家一定好有成就啦, 我當年派左一間好多人都唔知喺邊的學校, 當年成績唔係差, 讀6B, 第一志願保一, 協和, 德愛, 文理, 可立.......但係就.......,好在自己有D運, 而家都算得上專業人士, 我而家住34網, 除左協恩之外就唔知邊間適合個女, 你地會點選擇, 有乜提意, 我個女有20分基華(唔係自己個網), 協恩只得15分, 咁點好

喧嘩

俾你地講講下, 我先記得楊龜, 不過我低年級先係佢教, 高年級係許SIR教PE, 四眼GAR,

simonkawah

原文章由 喧嘩 於 07-10-5 21:35 硐表
各位師兄, 師姐, 咁你地d仔女而家幾大?讀緊邊間ar?
你地個個原來都派得咁好, 咁而家一定好有成就啦, 我當年派左一間好多人都唔知喺邊的學校, 當年成績唔係差, 讀6B, 第一志願保一, 協和, 德愛, 文理, 可立.......但 ...

長遠計of course Heep Yan la,有中學.吾洗六年後煩多次.

bunnycatcat99

原文章由 喧嘩 於 07-10-5 21:35 硐表
各位師兄, 師姐, 咁你地d仔女而家幾大?讀緊邊間ar?
你地個個原來都派得咁好, 咁而家一定好有成就啦, 我當年派左一間好多人都唔知喺邊的學校, 當年成績唔係差, 讀6B, 第一志願保一, 協和, 德愛, 文理, 可立.......但 ...

我當年都派得唔好架, 又係派左去一間冇人知嘅中學, 成級仲只得我一個派左去果度咋

bunnycatcat99

講起我就慚愧, 冇咩成就可言, 只係普通打工仔一名咋~~  只怪自己讀書懶囉~~~

我仔仔就快12歲 lu (早結婚~也早離婚)

喧嘩

協恩好難入, 我寫左好多次信轉校過去K2,(因為K1係香港區住, 啱啱啱搬左屋) 等左半年，完全冇位, 諗住讀佢間幼稚園, 入去小學機會可以大D, 如果兩輪都選擇協恩, 又唔中的話, 就唔知可以選擇邊間

原文章由 simonkawah 於 07-10-5 22:06 硐表



長遠計of course Heep Yan la,有中學.吾洗六年後煩多次.

喧嘩

我22歲結婚. 23歲生BB, 都算早婚喎, 不過我唔想早結婚, 早離婚喎, 不過你仲後生, 搵過第二個都仲得啦
我當年就全級四個派左去果間中學, 其實我都好懶, 就算而家都仲讀緊書, 返學都唔留心, 讀書態度同細個一樣, 超懶, 不過我工作上就有少少運氣囉

原文章由 bunnycatcat99 於 07-10-5 22:40 硐表
講起我就慚愧, 冇咩成就可言, 只係普通打工仔一名咋~~  只怪自己讀書懶囉~~~

我仔仔就快12歲 lu (早結婚~也早離婚)

bunnycatcat99

原文章由 喧嘩 於 07-10-5 22:52 硐表
我22歲結婚. 23歲生BB, 都算早婚喎, 不過我唔想早結婚, 早離婚喎, 不過你仲後生, 搵過第二個都仲得啦
我當年就全級四個派左去果間中學, 其實我都好懶, 就算而家都仲讀緊書, 返學都唔留心, 讀書態度同細個一樣, 超懶, ...

當然唔想見到有人離婚啦~祝你家庭生活快快樂樂

我都係22歲結婚, 你生bb早過我添呀, 我25歲生...家陣都...唔後生囉....


之前我都有進修架, 但離婚後幾年工作都唔穩定...唉...而家都搵緊工架, 有冇好野介紹下呀?

如果協恩真係咁難入, 基華當然係好嘅次選, 而且佢本身校網咁正 (九龍城區咁多好嘅英中, 機會都多d), 所以都唔洗太擔心, 可以排定位架!

肥嘟媽

大囡讀小一，在沙田官立小學，當年曾想報基華，但找不到保姆車，唯有放棄
至於細b，現在10個月大，將來都可以入沙官，因為家姐仲係到讀梗

simon師兄，
我二哥都係79年畢業，讀6C班，睇下有無機識得先

simonkawah

原文章由 肥嘟媽 於 07-10-6 16:41 硐表
大囡讀小一，在沙田官立小學，當年曾想報基華，但找不到保姆車，唯有放棄
至於細b，現在10個月大，將來都可以入沙官，因為家姐仲係到讀梗

simon師兄，
我二哥都係79年畢業，讀6C班，睇下有無機識得先 ...

我6A.細個住鑽石山.

肥嘟媽

鑽石山，我覺得好神秘架
細個時去同學仔屋企，差點迷路，那時見屋下有流水，覺得好靚（大個先諗起可能是坑渠水） ，見到佢間屋有兩層，又覺得好正，好羨慕

至於我，我就住翠瓊樓，係正基華隔離那座，最開心用一分鐘衝落樓梯，再三十秒行到學校， 又唔駛過馬路，又慳錢又安全

諗起現在好多小朋友由站頭搭到學校，都花了接近一小時在一程車，來回可能兩小時，佢地真辛苦

所以現在囡囡返學坐校車，因為多人在我家附近地方住，返學時一架大旅遊巴已立即滿座，點到點約五分鐘車程，雖然比我以前辛苦，但都算幸運了！

其實想問，基華校友會，是否填妥張表，再交錢入銀行就ok？
你們2/7有沒有去bbq?那次原來想去，但工人放假，老公又要返工，揍住兩個小朋友，所以無去到，當天情況怎樣呢？

simonkawah

原文章由 肥嘟媽 於 07-10-7 08:42 硐表
鑽石山，我覺得好神秘架
細個時去同學仔屋企，差點迷路，那時見屋下有流水，覺得好靚（大個先諗起可能是坑渠水） ，見到佢間屋有兩層，又覺得好正，好羨慕

至於我，我就住翠瓊樓，係正基華隔離那座，最開心用一分鐘衝落樓梯，再三十秒行 ...

我就連埋張cheque一次過寄去.都幾懷念彩虹,我有返嶺東堂ga.我好驚小女20分入吾到,今年有人教其他家長利用宗教分.好容易有20分.

肥嘟媽

其實有廿分都算唔錯，好多小朋友只得15分，如果想有把握些，多些參加母校的活動，與老師聯絡下，講真"功利"點都沒辦法，誰叫我們都想子女入一間理想的學校

當年我都有用呢招，但只是埋門一腳無遞表

simonkawah

吾想該樓沉沒,故嘗試開一新Topic.

我發覺呢個網好多家長比較緊張自己的子女(過份),如果而家仲有打手板一定天下大亂,你們有否俾主任打過,我就週不時有.

肥嘟媽

我無試過，始終女仔比較乖
d男同學對主任把間尺極有研究，話硬尺唔痛，軟尺有回彈力最痛
話說小 一第一round已交表,你們怎決定呀?