- 在線時間
- 4 小時
- 最後登錄
- 09-2-27
- 國民生產力
- 5
- 附加生產力
- 0
- 貢獻生產力
- 0
- 註冊時間
- 02-12-14
- 閱讀權限
- 10
- 帖子
- 10
- 主題
- 5
- 精華
- 0
- 積分
- 15
- UID
- 5452
|
我於本月3日同我個仔插班讀此校 nursery pm, 但已於昨日即時退學.
此校的中英文程度我並不太清楚, 只知道他們多用英語跟學生溝通. 但我入讀的班, 所有老師都識講廣東話, 他們亦會用廣東話同小朋友說話.
我退學的原因, 主要是發覺班主任跟助教都十分無愛心及耐性. 我第一天陪課時, 見班裡仍舊有舊生在喊. 我想已開學個多月了, 為什麼還有小朋友不適應呢? 班裡計埋我個仔只有十人, 但有3, 4個還在喊. 老師對付喊的小朋友, 他們只偶而坐在學生身邊, 說 "big boy, don't cry", 見他們還不停止的話, 老師亦沒有再理會.
上課時間1:00-1:30, 在班房是自由活動時間, 小朋友可自由玩玩具, 但我陪課3日, 3日內都見老師很被動, 小朋友把玩具拿到老師身旁, 她們就"乎遣"一下.
唱遊及體操時間, 老師只管自己唱自己跳, 從不理會學生有冇一齊跟著.總之佢地比我感覺係佢地唔 care 學生有冇 pay attention. 出面 playground 很大, 做體操時即使小朋友離開playground範圍, 佢地都唔會把他帶回老師面前.
當食完茶點時,她們亦不會教小朋友怎樣收拾, 如不懂的小朋友, 老師會很快的幫忙收拾. 每次小朋友離開座位及班房, 連最基本教小朋友把椅子拍好都冇教.
最令我下定決心退學, 就是因為昨天的事. 昨天因其中一位助教跟我說有關學校要收取"material fee"的事, 故的在課室門口偷看我個仔的時間都耐咗. 我見阿仔喊得很厲害, 當時還有兩名學生喊的. 其中有一位班主任就抱她往窗邊望街. 而另一位助教就冇理我個仔跟另一位喊緊的男孩.我個仔後來一路喊一路行去搵班主任, 到佢腳前把雙手舉起, 希望她抱佢望街, 但那班主任毫無反應, 阿仔後來扯她條褲, 好像乞求一樣, 她都冇反應. 直到佢的面轉向門口, 見我還在, 她就示意助教抱我個仔. 但我個仔唔肯, 她唯有叫助教睇住坐在窗邊的女孩, 佢抱起我個仔. 但佢並冇了解我個仔其實係想睇街, 佢把他帶往放書包的地方, 後來還把書包給他背起. 之後就往門口方向行, 還示意叫我離開.
我那時心痛得很. 小朋友要適應一個新環境, 對他們來說已是很大的考驗. 喊, 是他們一個不安的表達. 但換來的並沒有關懷, 只是乞求.
我並不是第一次接觸幼兒園, 我還有一大女, 已是小學生了.而我個仔亦不是第一次上幼兒園. 在我未搬往康怡前, 他已返了兩個月學.我雖講不上對學前教育很有心得, 但我覺得那校連最基本的要求也不能做到.現實d講句, 每月學費3400, 一點也不平. 但它收了昂貴的價錢, 並不能提供優質的服務.
對我來說, 兩歲班的學前教育, 學校選用那語言教學並不重要, 最重要係老師要有耐性, 愛心及熱誠. 令初與媽媽分離的小朋友有安全感及盡快投入適應校園生活才是理想. |
|