教育王國

標題: 我個囡由半日班轉全日班係咁喊, 有咩計?? [打印本頁]

作者: ysandy 時間: 07-9-12 09:22 標題: 我個囡由半日班轉全日班係咁喊, 有咩計??

Please help me....

作者: Yau_Cheung 時間: 07-9-12 14:10

原文章由 ysandy 於 07-9-12 09:22 硐表
Please help me....

hi ysandy,

你有無係佢calm down時問佢點解晤開心? 要「對症下藥」呀。

作者: CINDY媽 時間: 07-9-12 22:26

原文章由 ysandy 於 07-9-12 09:22 硐表
Please help me....

其實係好正常架,所有時間唔同晒,小朋友會無左安全感,當然都係鼓勵多d,同佢傾多d計,傾計都有技巧架,開心環境下問佢今日有乜野開心野同媽媽分享下呢(一起玩玩具技入時),一路帶佢講,同埋媽媽接放學最好預早接,全日班都有放學時間,如4點半,就要4點半在門口接,令她覺得她媽媽第一個接佢,準時能帶來安全感的,同她的老師傾計時,多表現笑容,不要表現出擔心的样子,令她看到對新的老師也帶來安全感.加油...

作者: ysandy 時間: 07-9-12 23:15

多謝你地丫, 我個囡今晚喊住同我講唔想返學, 後來問問下原來佢係課室有兩個同學仔搶佢玩具, 所以佢唔開心, 覺得有人蝦佢, 所以話唔想返學, 我會同班主任講聲, 請佢多留意, 希望我個囡會適應啦, 不過佢返左全日班之後, 食野放面真係有改善, 起碼佢係屋企都肯自己食飯, 雖然都未好肯食菜, 不過佢舊時唔肯飲湯, 佢依家肯飲, 有時仲飲兩碗添, 呢 d 就係我唔想放棄俾佢讀全日班的原因啦

作者: qkhui 時間: 07-9-13 10:54

原文章由 ysandy 於 07-9-12 23:15 硐表
多謝你地丫, 我個囡今晚喊住同我講唔想返學, 後來問問下原來佢係課室有兩個同學仔搶佢玩具, 所以佢唔開心, 覺得有人蝦佢, 所以話唔想返學, 我會同班主任講聲, 請佢多留意, 希望我個囡會適應啦, 不過佢返左全日班之後 ...

hi ysandy, 你囡囡幾大ar?
我仔仔初初由半日改為全日時, 都唔太開心, 都會成日同我講, 唔想返全日班, 其實當我地想幫佢轉全日班時, 巳跟學校老師同校長傾過, 佢地都有慢慢同佢傾計, 同佢講下, 噉仔仔同我地講唔想返時, 我們又再同老師講, 等佢地問下仔仔, 噉當然我都會問仔仔有咩唔開心, 噉佢都有講, 原來佢地瞓覺時, 每人都會有自己張被, 佢比同學仔取佐佢o既, 佢會唔開心, 噉我都係會同好正面o既問法問佢, 好似問佢, 今日瞓醒食咩茶點le ? 有咩野飲ar? 跟住就話, 你就好啦, 噉多野食, 噉多野飲, 又多同學仔玩.. 噉慢慢佢地就ok ka la, 有時早接佢放學, 佢都問, 今日仲咩噉早ar? 我想返入去再玩.. 噉lo. 同埋食野方面真係會好佐, 在學校咩都會食, 我仔仔又係唔食菜, 但在學校, 咩都要食... 你比心機, 多o的贊佢...

歡迎光臨教育王國 (/)