保良局田家炳幼稚園既家長一齊交流下呀!!

cherry_k

HI~
有無都係讀呢間學校既家長交流下呀??
我囡囡讀上午幼兒A班!

cherry_k

wahchiman

你覺得田家炳老師ＯＫ嗎?我仔仔係讀下午班.因為我仔仔覺得返學唔開心.我仔仔２歲時在喔企樓下讀過幼稚園不過好開心

cherry_k

E+剛開學左幾日, 而我只在第一天時陪囡囡返過學, 以我自己所見老師比我既感覺都OK!而我囡囡就沒喊過, 尋日第一天她自己一個上堂,返來我問返她上堂情形,她都有講到而且感覺像不錯!
我囡囡之前都在屋企樓下讀過N1, 不過就讀得唔太開心, 所以讀左好短時間就無讀啦~
你有無問下仔仔上堂既情況&點解會唔開心呀??(會唔會掛住舊學校既老師&同學仔呢??)

樂俊藍媽咪

hi,各位媽咪你地好

唔好意思,我而家唔係田家炳既家長,不過想問一問你地知唔知馮翠儀老師同林潔英老師重有無係到教書 唔該

樂俊藍媽咪

hi,

唔好意思更正,係林玉英老師至真

fatblack

我囡囡係讀下午班, 我覺得佢地唔係好識維持秩序, 好似之前做校服果日, D 家長將D膠袋到處掉, 搞到通地都係, 隨時滑到人, 跟住就係昨天星期二, 返學果陣因為有D上午班要排舞而遲放學, 撞正下午班返學, 學校門口巳經細, D家長就企哂係門口等放學, 搞到返學D學生同家長幾經辛苦先可以迫到入去, 完全無自律, 唔識得企埋一邊, 讓開條路比小朋友入學校, 我個囡仲爭D比個野蠻師奶個手袋撞到個頭.
跟住就即打電話去投訴, 佢地話巳經知道要改善依個問題.
希望學校同埋D家長改善下啦.
仲有就係個書包太重啦, 都唔知點解本本書都要日日帶返學?

cherry_k

原文章由 fatblack 於 07-9-6 00:10 硐表
我囡囡係讀下午班, 我覺得佢地唔係好識維持秩序, 好似之前做校服果日, D 家長將D膠袋到處掉, 搞到通地都係, 隨時滑到人, 跟住就係昨天星期二, 返學果陣因為有D上午班要排舞而遲放學, 撞正下午班返學, 學校門口巳經細 ...

FATBLACK,

HIHI~做校服個日我無去度呀!甘D家長將D膠袋丟落地下都幾缺德~:tongue:
但係接放學唔係在每間課室既街外門接的嗎??返學放學都在一個門口咪好亂囉!我囡囡個書包都係帶左3本書,水杯同毛巾盒仲有一條褲仔囉,甘我都唔係覺得好重,不過其實唔應該要每日都帶晒D書返學囉,老師都應該要有個時間表黎教書,唔洗我地日日都帶晒返去!照計佢一日都唔會講三本唔同既書掛(得個3個鐘)

fatblack

唔好意思, 好耐無開電腦.  每日應該係要帶五本書呀, 真係好重.  仲話要帶多一套衫褲做士啤, 不過我就無帶啦, 應該無事掛. 校車d嬸嬸好好架, 你駛唔駛坐架? 同埋點解咁快有獎劵買既?

cherry_k

我地都住得幾近所以唔洗搭校車呀!
我囡囡上個星期1至4病左無返學,星期五我見佢都好左好多先比佢去返學!但就唔知呢個星期老師教左D咩野!我都見到通告叫我地買獎卷呀,我以前讀保良局小學個陣都要賣旗呀,不過小學生就唔比上街賣,要自己搵屋企人,親戚賣!
你有邊5本書呀,我囡囡得三本加一個紅色紙FILE同一個透明既!
我囡囡返上午,返學時間係9點,但開門就成8:45先開我今早要自己帶,8:30去到門口按鐘開門,入到去D老師話未甘早開門,有一個叫我出去等啦,但我要返工嘛,好彩個主任埋黎問我趕唔趕時間我話要返工,佢都比我囡囡入先,但就話下次要早番先要打電話去學校講,但我覺得開門時間太遲,點解學校唔早D,我今朝返工遲晒到!我上到去已經見到有D小朋友入晒課室,但原來個D係搭校車既小朋友,唔通我想要囡囡早D番,就要比囡囡搭校車咩,我地住得甘近行10分鐘都到啦!

cherry_k

係呢?今個星期要帶個盒返學校整燈籠喎,你會帶個咩盒呀??係咪飲品盒都可以呢??

fatblack

1) 兒歌樂 2) 上學了 3) Back to School 4) Chant and Act
5) 來說普通話 6) 手冊.
你係未都係咁多呀?  嘜要帶個紙盒做燈籠咩? 我無收到通告喎.

cherry_k

我囡囡得 2) 上學了 3) Back to School 5) 來說普通話 , 手冊就星期五先會派番屋企!我收到通知要帶一個盒回去整燈籠呀,唔通上下午班d教學進度會有唔同??
你今日有無去學校買CD/VCD呀?我兩套都買左vcd呀!

fatblack

上下午可能真係唔一樣喎?
我今日先收到通告要買教材, 但係要係 27/9/07先返學校買喎, 我剩係想買普通話 vcd, 我想知英文果套有無用架? 英文vcd好貴呀, 如果真係有用都會考慮買, 你比下意見啦, 唔該.
中秋節果日穿便服, 同埋要帶d水果返學, 不過就無話做燈籠囉.

cherry_k

我應該今個星期天會開隻vcd黎睇下,到時再比d意見你啦!

珈如媽媽

原文章由 cherry_k 於 07-9-17 12:58 硐表
係呢?今個星期要帶個盒返學校整燈籠喎,你會帶個咩盒呀??係咪飲品盒都可以呢??

hi, 我囡囡都係上午 K1A 班呀.

MUG 要做燈籠咩, 我冇收過通告既?

fatblack

cherry k ma ma, 你睇左vcd未呀? 買唔買得過呀? 我係廿八號先返學校買, 你可唔可以依一兩日話我知呢? 唔該哂.

jasonpoon

I don't like this kindergarten because I compare another  one.....It's management is not good..  Less parent meeting.....No locker for child (school bag is very heavy).....The school bus driver who drive the bus very fast (The child hurt his mouth).....BAD! BAD! BAD!

cherry_k

原文章由 fatblack 於 07-9-24 22:58 硐表
cherry k ma ma, 你睇左vcd未呀? 買唔買得過呀? 我係廿八號先返學校買, 你可唔可以依一兩日話我知呢? 唔該哂.

我前日開左隻英文VCD碟1黎睇啦, 1共有6套碟,我開左第一套內有2隻碟, 隻碟有語言選擇有廣東話,英文,國語, 每種語言片長大約10多MINS, 內容都是一樣的!但我就覺得貴左D囉!不過就可以多樣野比小朋友跟住黎讀囉!
其實如果你想知多D,我可以借隻碟你睇下架,你住邊呀,你有興趣就PM我啦!26號放假我可以攞比你睇下架!

[ 本文章最後由 cherry_k 於 07-9-25 09:47 編輯 ]

cherry_k

原文章由 珈如媽媽 於 07-9-21 12:17 硐表


hi, 我囡囡都係上午 K1A 班呀.

MUG 要做燈籠咩, 我冇收過通告既?

係要我地18號個日帶番學校架喎!我囡囡尋日仲帶左番黎啦!不過就做得似一個花藍甘