有關泳會或私人泳班

johnyiu

本人係一位資深游泳教練,都有超過十年經驗,近日來有關某泳會訴訟問題,本人有些看法

1)私人泳班四處也是,如果教得好跟本無人理會有牌無牌的教練,正如其他運動,係唔係一定保證係有牌教練就教得好呢?因為游泳涉及安全性較重要,所以除非有監管(幾難執行),否則無可避免.

2)收費方面,一些非泳總註冊或一些名氣較低之註冊泳會舉辦一些收費較便宜之泳班,人數比例一般較大,例如初學HK$700十堂都好難做倒一對3至4的...至於分齡教學就更難...分程度實際好多.但老實講句收費平有收費平嘅市場,康民署收數十元就有十堂,師生比例就可想而知啦.

3)助教方面,一般泳會做法係以資深教練帶住教,同其他學術或體育科唔同,教游泳實踐比理論重要得多,所以好多新入職教練未考牌已要落水教,連香港規模最大泳會也是這樣培訓新人...所以我覺得如果參加泳班可看看個主教練Quali及在場否,咁會有保障點.

4)介紹及口碑都幾重要,全港咁多泳池有時做家長好難揀,所以search吓資料幾重要,又或者揾人介紹,如無可去www.hkasa.org.hk睇吓註冊泳會資料或www.hksca.org.hk睇吓註冊有牌教練資料

有問題可以提出我會盡力解答

johnyiu

強生泳會好似在城門谷有搞,好多會都有.最好落場去揾

原文章由 qooboy 於 07-8-23 17:29 發表
請問荃灣城門谷的泳會, 那一個適合中一生操水, 只要一星期一或二天. 謝.