有無愉城方方家長？

子俊寶寶

原來你地囝女同俊俊一樣, 返到屋企都係唱aeroplane, motor car, cho cho train, 太陽伯伯. 不過我未聽過佢唱我有一個好媽媽, 我今日問佢識唔識唱, 佢剩係笑, 仲比我媽咪同老公串我唔係一個好媽媽tim:evil: . 自從返學後, 我發覺佢識多左野, 係街見到d野佢會指住講, 又成日話有車有馬路, 無車無馬路. 我話無車都係馬路, 佢就重複無車無馬路. 真係笑死.

係呢度可以知道多d, 同埋知道自己小朋友既進度去度邊, 真係好. :loveliness:

原文章由 lsw0316 於 07-9-26 00:32 硐表
Hi 子俊媽咪,

歡迎您呀

我囡囡叫陳家晞都係讀 Nursery Truth 1 A.M., 家晞而家瞓咗, 聽日等我問下佢先, 不過佢次次都係眼碌碌 http://forum.baby-kin ...

[ 本文章最後由 子俊寶寶 於 07-9-26 17:15 編輯 ]

薳然媽媽

家晞媽咪,

哈哈, 您無做工, 但都好忙喎.  

家晞好叻叻, 咁早就戒到片片.  我地都係用您o個d方法架, 但薳然戒得都好反覆, 早五,六個月前都戒到, 到呢兩三個月又唔講要去小便, 我知佢自己知要小便架, 因為若果佢坐o係high chair 或 sofa度, 佢會彈起身, 係屋企某個固定位置小便, 唔知係咪因為我有左, 佢想draw 我地d attention, 所以有所倒退.  不過查實我又唔係好緊張既, 唯有慢慢黎啦.

您知唔知一翹星期一係咪無返學呀 ?  薳然話一翹無返學, 其他同學仔都有.  我問左佢幾次, 佢都話一翹absent.

希望下次再有機會見到您同家晞啦.

薳然媽媽

子俊媽咪,

今朝一早問過薳然識唔識子俊, 佢話識呀, 不過佢真係唔多提子俊呀, 可能佢地唔係咁熟.  聽日我會接薳然放學, 睇吓見唔見到您同子俊先.

您地個個小朋友返學都好乖, 但薳然係屬於曳o個種添, 梁老師話薳然成日扭計, 又有脾氣呀, 佢上堂見到老師d教材, 歡喜時會走出去問老師攞, 開心時又跳跳跳, 搞到其他小朋友都跟埋一齊, 我有d唔好意思添.  不過好彩梁老師話佢學野就快手, 唔駛擔心.  其實真係個個小朋友都唔同, 好獨特.  而子俊看來很開朗喔．

點解揀方方 ?  因為阿囡鐘意呢樹囉.  我地同佢去左七八間幼兒園面試, 尤其出面九龍塘o個d學校比較迫夾, 阿囡完全唔鐘意, c都唔答老師問題, 所以只收佢讀下午班, 但去方方面試呢, 佢就極度合作, 問咩答咩, 又開心, 問佢好唔好返呢間學校, 佢都話好.  我地未決定比唔比阿囡讀方方之前, 每次帶佢經過愉景新城, 沿路往方方行, 佢都記得, 仲問我: 媽咪, 係咪go to school 返學呀 ?  我地見佢咁喜歡, 所以揀呢間囉, 又覺得最緊要係佢有開心既學園生活.   

佢地唔止學左 aeroplane, motor car, 太陽伯伯, this is the way we wash our face, twinkle twinkle little star, ABC song, 仲有好多其他歌仔呀，薳然呢期喜歡唱 one little finger, two little fingers, 中秋節歌，London Bridge is falling down, A fish story (one, two, three, four, five, once I caught a fish alive), Here we go Looby Lo, Skip to my Lou, 尋日仲同我地講今日係中秋節, 食月餅, 玩燈籠.  

係呀, 我都覺得阿囡返左學之後, 學識好多野, 尤其係廣東話, 之前佢唔多曉廣東話架, 佢多數講英文, 但依家d廣東話好流利, 呢幾日食飯, 我老公一邊食飯, 一邊睇電視, 阿囡居然話: daddy唔好睇電視, 食飯先啦.  真係笑c我地,  每次食野前, 都例必講: 謝謝主先, 跟住我會同佢一齊祈禱, 佢會放雙手o係大肶祈禱.  頭先阿囡瞓覺前喊住話聽日唔返學, 要同daddy媽咪去街街, the school is closed，我氹住佢先話係啦，唔返啦，唔返啦，到佢心情平服左ｄ呢，點知佢自己又係咁講：　梁老師早晨，各位小朋友早晨．相當矛盾．

係呢度可以知道多d, 同埋知道自己小朋友既進度去度邊, 所以大家多ｄ上黎交流啦．

lsw0316

薳然媽媽,

可能我以前太忙, 有好多嘢想做但無時間做, 所以趁小休幾個月儘快及儘情做晒佢, 所以都真係幾忙!  

聽妳咁講, 其實薳然已經戒咗片架啦, 只係可能因為返學 or 媽媽再有 bb, 所以行為上有 d 倒退啫, 遲 d 應該 ok ga la.  

我唔記得係咪星期一, 仰或上星期五, 我問家晞, 佢都係話一翹無返學, 因為呢排都無去接家晞放學, 所以都唔知囡囡講得啱唔啱 law .

原文章由 薳然媽媽 於 07-9-26 23:36 硐表
家晞媽咪,

哈哈, 您無做工, 但都好忙喎.  

家晞好叻叻, 咁早就戒到片片.  我地都係用您o個d方法架, 但薳然戒得都好反覆, 早五,六個月前都戒到, 到呢兩三個月又唔講要去小便, 我知佢自己知要小便架, 因為若果佢坐 ...

lsw0316

子俊媽咪,

今日我問家晞, 佢話有子俊, 所以佢哋應該識 ga, 因為家晞要好肯定先會答我 ga.  家晞同子俊一樣都係唔識唱 我有一個好媽媽, 唔知係咪好少唱呢首歌仔呢? 所以, 唔係好識唱 wor.  除此之外, 薳然媽媽講嗰 d 歌仔都會唱.  

我覺得揀 bb 班最緊要近, 因為得嗰兩歲幾人仔, 真係唔好搭車去咁遠, 因為越長時間在車上危險性便越高, 而且, 佢吔細個要瞓多 d 先快高長大 ga.  

話時話, 您哋 K1 會唔會考其他幼稚園?  我會幫家晞 apply 一, 兩間, 但會睇定 d 才決定轉唔轉, 以我之前替兩個囝囝的選校態度, 如果, 方方教得好, 都唔會轉校, 以免家晞要重新適應新學校和教學方式, 為她帶來不必要的 anxiety.  萬一適應得唔好, 讀得唔開心仲得不償失呀, 所以, 心情都幾矛盾, 不過, 遲 d 先算, 考到先至煩  lu.   以家晞嘅怕羞性格 , 到時先生問問題佢可能會唔答, 咁就唔駛荒考到 lu !!!   

原文章由 子俊寶寶 於 07-9-26 16:52 硐表
多數都係我接佢放學架.

我今日問子俊有無同學仔叫薳然, 家晞, 一翹, Elaine, Evelyn, 曉螢, 佢話全部都識, 咁我咪講我同佢婆婆個名, 問下佢識唔識, 佢竟然話識, 我問佢係唔係佢同學仔, 佢話係, 笑死我.. . 梁老 ...

子俊寶寶

薳然媽咪,

我想問下薳然個"薳"字係咪讀"遠"字呀???

我之前覺得子俊好叻, 好多野都識, 對答又好, 因為之前interview 過幾間幼稚園, 老師都話佢好叻同聰明. 但係睇過你d post後, 我才發覺薳然好叻, 表達能力又強, 薳然幾大呀? 子俊2yrs 8mths. 子俊無唱過 one little finger, two little fingers, 中秋節歌，London Bridge is falling down, A fish story (one, two, three, four, five, once I caught a fish alive), Here we go Looby Lo, Skip to my Lou 呢d歌呀...:cry: .

我今日同梁老師傾電話, 我問佢地每日會比咩小朋友食, 佢話mon-fri都唔同, 有包, 餠, 粥, 粉, 麥皮.

子俊寶寶

家晞媽咪,

當初我選擇幼兒園時, 都參觀過好多間. 資料如下:

綠楊- 面積細, 設施好舊, 但聽聞師資好.
慧中- overall ok, 但交通不便.
旭輝- 環境好差.
救世軍吳國偉- 環境一般.
海濱迦南- 環境幾好, 但面積較細及交通不便.
聖文嘉- 環境一般, 但老師無愛心, 當日參觀時, 我見多個老師上堂時都好惡及無耐性, 同埋有d老師好後生, 好似讀完書無耐咁.
祖堯村衛理- 交通極度唔方便, 去到荔景仲要駁小巴.
禮賢會荔景- 環境極差.

K1 我會考其他幼稚園, 因為想多d選擇, 同埋方方無學卷. 所以我將會報考荃浸, 士德, 聖母, 全完, 蔡百泰,  慧中及迦南(因為大個d可以搭校車). 如果子俊係方方真係讀得好及開心, 就唔會同佢轉校, 最緊要佢鍾意ma.

你呢? 會報邊間呀?

原文章由 lsw0316 於 07-9-27 01:45 硐表
子俊媽咪,

今日我問家晞, 佢話有子俊, 所以佢哋應該識 ga, 因為家晞要好肯定先會答我 ga.  家晞同子俊一樣都係唔識唱 我有一個好媽媽, 唔知係咪好少唱呢首歌仔呢? 所以, 唔係好識唱 wor.  除此之外, 薳然媽媽講嗰 d ...

[ 本文章最後由 子俊寶寶 於 07-9-28 09:18 編輯 ]

薳然媽媽

家晞媽咪,

家晞都話一翹無返學，咁應該啱啦瓜，因為兩個小妹妹都話佢無返學．尋日我接阿囡放學，見到一翹坐四人車去搭校車，之後接左薳然放學後問佢一翹有無返，佢話有呀.　　家晞真係好乖架，佢ｏ係學校應該無喊架，而因為薳然成日都好扭計，呢排我就叫佢唔好咁扭計，唔好成日喊，我仲問佢家晞有無喊呀，佢答無呀，我就話咪係囉，家晞好乖，無喊無扭計，咁薳然都唔好扭計喊啦，佢聽完我咁講，會即刻收聲，乖番ｄｄ，有好同學仔做榜樣真係好．頭先同佢睇學普通話ｄ vcd, 有兩個女孩子一個男孩子, 薳然無端端話一個係自己, 一個係家晞, 一個係衛和希 (薳然一路都講得唔正話'袁華希', 但我早前問過梁老師, 應該叫"衛和希"),  家晞同薳然都幾老友.   尋日接薳然放學時, 薳然見到個同學仔跟住話我聽佢叫"志樂", 之前都聽薳然扮梁老師點名時提過志樂, 之後我走埋去同佢工人打招呼, 確實真係同一班, 又識多一個同班同學仔個名, 我地可以同自己d囝囝囡囡講多d野啦.

子俊媽咪,


係呀, 薳然個"薳"字我地係讀"遠"字呀, 不過查實用康熙字典呢, 就讀"偉"字架, 依家讀"遠"音係集音囉.

薳然係1月8日出世架, 子俊呢 ?  薳然真係一d都唔叻又唔乖呀, 佢鐘意講野唱歌只係佢既性格興趣, 唯一可以話就係佢d記性好, 但唔代表佢聰明架, 真實聰明係好似您囝囝咁, 樂樂天天, 對答好, 懂得係咩時侯做咩事, 就連老師都讚佢叻先代表聰明.  薳然無比過老師讚佢聰明架, 佢之前每次面試, 都答得唔好, 雖然係屋企或佢開心時, 佢識好多野&會表達到好多野比我地知, 我地之前真係好驚無學校收佢架, 而令我地老公婆好多煩惱.  依家返左學, 梁老師又同我地講薳然係全班最麻煩既一個, 多數都話佢有d問題行為, 好多時似ｂｂ，但我見您地同梁老師交談, 梁老師都有讚您地d寶貝, 梁老師好似無讚過阿囡呀.

子俊寶寶

子俊 1月25日, 即係薳然係姐姐.

其實每個小朋友都各有優點及需要改善既地方, 可能我覺得某小朋友點好, 某小朋友又點乖, 但係我相信每個小朋友都各有自己長處, 我地一齊放鬆心情慢慢幫小朋友改善la, 其實我都係一個緊張大師(我媽咪成日都係咁話我).

[quote]原文章由 薳然媽媽 於 07-9-29 00:40 硐表
家晞媽咪,

家晞都話一翹無返學，咁應該啱啦瓜，因為兩個小妹妹都話佢無返學．尋日我接阿囡放學，見到一翹坐四人車去搭校車，之後接左薳然放學後問佢一翹有無返，佢話有呀.　　家晞真係好乖架，佢ｏ係學校應該無喊架，而因為薳然成日都 ... [/quote

子俊寶寶

家晞媽咪,

子俊呢幾日都有提家晞呀....但係就好小提薳然.

各位媽咪,

你地小朋友返學之後有無睇醫生呀??? 子俊之前都好少睇, 由8月開學到現在睇了6-7次, 咳, 發燒, 嘔, 肚痛...每次都唔同. 但醫生每次都話感染流感, 子俊呢頭好番, 隔1-2日又黎過, 開學到而家好似得一個星期係返足5日, 真係睇醫生都睇到驚, 子俊今日仲唔肯食藥水(之前好乖肯食). 好似食到好驚咁. 成個人瘦哂, 落哂形, 連梁老師都話佢瘦左好多...

yansy

my son studies in K1. He also got running nose and cough once. Relax, just give time for the kids to adapt. They will be much better later.

yansy

晴晴媽媽,

my son also studies in K1 AM (senior love II), is 晴晴 in senior love I or II? He is 駿駿.

子俊寶寶

I hope so. Anyway, thanks for your info.

原文章由 yansy 於 07-9-30 17:41 硐表
my son studies in K1. He also got running nose and cough once. Relax, just give time for the kids to adapt. They will be much better later.

meta

同一班，囝囝叫晰駿，曾經有打晴晴大腿紀錄！
哈！哈！我囡囡講既！
但係佢話晰駿都係乖架小孩子黎架！

原文章由 yansy 於 07-9-30 05:45 PM 硐表
晴晴媽媽,

my son also studies in K1 AM (senior love II), is 晴晴 in senior love I or II? He is 駿駿.

[ 本文章最後由 meta 於 07-10-1 23:27 編輯 ]

lsw0316

子俊媽咪,

開學初期, 家晞都即刻有反應 -- 傷風同咳, 但唔算多, 因為, 家晞開學前喺 Littleton 返咗三個月 playgroup, 有咗 d 抵抗力, 嗰時都病得幾頻密o架, 不過, 好彩都係普通傷風咳, 唔駛食消炎藥, 醫生都話無 mud 大問題, 小朋友返學係要有大段適應期, 等佢哋身體接觸到唔同病菌自然產生抗體就會病少 d o架 啦.  不過, 今日家晞都請咗病假, 醫生話佢因為轉天氣, 氣管敏感, 收窄咗, 所以咳咳同有少少鼻水, 醫生都話係敏感反應, 見佢食咗藥好易眼瞓, 又唔想佢傳染俾小朋友, 所以請假 law.   聽日應該無事 o架啦.  

您講嗰幾間幼稚園 -- 綠揚, 慧中, 迦南, 聖文嘉, 我都知道環境, 因為我大仔讀迦南, 細仔讀慧中, 您講得啱, 綠揚真係好舊啦, 我細仔 八年前考 K1, 我都已經覺得佢舊, 所以, 雖然綠楊收咗佢, 我都無去讀, 因為,慧中環境光猛 d, 有窗, 空氣好 d, 況且, 綠揚宜家已經無早年咁好 lu, 所以您無揀綠揚都好明智.  我會幫家晞報 Victoria 同英基, 當俾佢試吓, 見吓世面, 因為我相信到時佢都係會唔出聲嘅啦, 佢真係好怕陌生人及陌生地方, 要好長時間先 warm up.  通常 去 DWE 搞playgroup, 到要走嗰時佢先無咁驚, 所以面試都係俾佢試吓咋, 好彩得咗先算.  王於, 其他傳統幼稚園, 就唔試啦, 您講嗰幾間都好多人爭o架.   

原文章由 子俊寶寶 於 07-9-30 00:09 硐表
家晞媽咪,

子俊呢幾日都有提家晞呀....但係就好小提薳然.

各位媽咪,

你地小朋友返學之後有無睇醫生呀??? 子俊之前都好少睇, 由8月開學到現在睇了6-7次, 咳, 發燒, 嘔, 肚痛...每次都唔同. 但醫生每次都話感染流感 ...

lsw0316

薳然媽媽,

去澳門渡假好玩嗎?  家晞今日無返學, 因為, 有少少鼻水同咳, 而且, 食咗 d 氣管藥後會好眼瞓, 所以請假, 不過, 佢好精神, 又食得, 聽日會返學 lu.  

我都覺得家晞喺大人身邊時會比較依賴, 好彩當佢自己返到學校時, 剩得佢自己, 佢都 ok, 幾定, 又唔會喊或吵鬧, 咁都放心 d, 不過, 面試時, 佢怕醜嘅性格就會好蝕底 law.  好似考方方嗰時, 梁姑娘問佢問題佢好似一句都無答, 好彩, 最後都收咗佢, 如果唔係, 荃灣已經無 mud 好嘅幼兒園, 最近, 要去到海濱慧中先有得讀.   

我都想早 d 俾家晞學普通話, 妳用甚麼教材o架; 另外, 薳然好似都學緊芭蕾舞, 喺邊度學呀, 貴唔貴?  上次去咗方方嘫九龍塘學校嗰次試堂, 但嗰次經驗麻麻, 因為嗰日太多人, 老師要好大聲講嘢, 加上, 個老師本身聲線語調也不是很溫柔嗰種, 所以, 當佢一去到家晞面前同家晞講咗一句嘢及想拖佢隻手做動作, 家晞就 , 跟住家晞就一定要痴住我坐, 唔敢再出去同其他小朋友一齊玩 la, 由此可見, 佢怕醜得幾緊要呢!

原文章由 薳然媽媽 於 07-9-29 00:40 硐表
家晞媽咪,

家晞都話一翹無返學，咁應該啱啦瓜，因為兩個小妹妹都話佢無返學．尋日我接阿囡放學，見到一翹坐四人車去搭校車，之後接左薳然放學後問佢一翹有無返，佢話有呀.　　家晞真係好乖架，佢ｏ係學校應該無喊架，而因為薳然成日都 ...

薳然媽媽

家晞媽咪 & 子俊媽咪,

今次去澳門都幾悶架, 因為我都成8個月多, 所以唔敢周圍走, 怕細b會係澳門出世, 只係係酒店 (威尼斯人)度行黎行去咋.  薳然同家晞一樣, 有鼻水同咳, 今日都請左病假呀, 雖然今日好左小小, 但都唔知聽日比唔比佢返學好呢 ? 一來怕佢傳染比其他同學, 二來怕佢辛苦, 所以要daddy聽朝決定比唔比佢返.  佢可能之前病得多, 自從半年前佢自己一個返playgroup後 (之前有大人倍, 就小d病痛), 就一個月病2,3次, 今次係佢正式返學後第一次病要睇醫生.  您地有無比d維他命c比囝囝囡囡食呀 ?  我有比呀, 一發覺佢有小小鼻水, 即刻比2,3粒 (100mg)佢食, 佢就收哂d鼻水啦.  若果發現佢有乾咳, 我就比鴻福堂d雪梨茶佢飲, 若有小小痰, 我就比化痰粉佢飲, 呢幾樣操施so far就好駛得.  不過今次佢唔舒服呢, 我諗佢係o係船上惹到, 因為佢周圍搞周圍掂, 係船上摷到d野, 同埋一齊有兩張似係抹過鼻涕既紙巾, 阿囡可能由呢樹野到d病菌.  係呢, 您地帶仔女睇開邊個兒科架 ?  我地去開九龍法國醫院睇兒科, 但尋日公眾假期醫生唔返, 之前都睇過荃豐楊家祥, 不過佢呢期放大假, 所以尋日靠bk d媽咪既口碑去左劉章鴻, 其實都唔知佢好唔好 ?  佢d藥好似好溫和, 阿囡食左兩日藥, 都仲好似收唔哂d鼻水, 但係劉醫生又好似好細心.  您地有無好介紹呀 ?  等我下次可以有多個選擇.

家晞媽咪,

我公司係做出版社架, 所以係公司買左d幼稚園學既普通話vcd & cd, 主要係唱吓歌仔(範圍係圍繞學校生活, 家庭生活 & 節日), 但每隻vcd都好短, 薳然可能鐘意唱歌, 成日都會哼幾句, 如您有興趣, 我下次放假湊阿囡放學時約您, 比您睇吓啦.

薳然係南豐18樓學芭蕾舞架, 係親子班, 之前薳然都已經好鐘意跳, 但最近換左個新老師, 我個人認為仲好d, 阿囡仲鐘意, 佢自己都話呢個老師 better than ms. xx (舊老師).  依家好似有位呀, 您係咪有興趣帶家晞返 ?  係, 我就pm您個電話, 您打去安排一堂免費試堂, 睇吓家晞鐘唔鐘意個環境, 之後先考慮報名,  學費又平過方方d芭蕾舞班架(hk$450一個月).  薳然如果家晞一齊返, 我諗佢地好開心.  頭先同薳然講, 話家晞同佢一樣咳咳,有running nose, 要睇醫生, 今日無返學啦, 佢呆左一陣望住我dead air, 到我入房打呢段message時, 啱啱我聽到佢同工人講話家晞無返學啦, 有咳咳呀.

子俊媽咪,

個個媽咪都係緊張大師, 嘻嘻, 不過您緊張得黎都幾開朗, 我feel到您係d幾開心既人黎架, 係咪呢 ?  我呢, 有時認真的濟, 所以薳然都似左我.

lsw0316

薳然媽媽,

原來妳哋去咗人山人海嘅威尼斯人渡假村呀!  妳真係做得啱, 千祈唔好四圍行, 俾人撞親就幣啦.  

妳 d 維他命C係唔係藥丸, 薳然識吞咁叻呀, 我都買番嚟試吓先.  至於雪梨水就不如自己煲啦, 加 d 雪耳及南北杏, 唔駛落糖都得, 宜家轉天氣, 平時都可以煲嚟飲都好o架.

家晞都係睇屋企樓下個醫生, 我覺得佢都夾到呢個醫生, 而且, 病嘅時候週車勞頓會好辛苦, 而且, 出名d 嘅兒科醫生通常都有排等, 咁就加倍辛苦啦.  一般兒科 d 藥都唔會好 strong, 所以通常要覆診一次, 反而, 我怕一d 開重藥嘅醫生, 因為 d 藥會好散 o架.  

係呀, 我想家晞學芭蕾舞, 唔該 pm 啲資料俾我.  

我想像到薳然聽到家晞無返學 deadair 個樣, 因為, 我有時同家晞講學校及同學 d 嘢, 佢有時都係若有所思, 眼光光咁, 其實佢哋可能係用個腦 picture 番 d 畫面或人物樣貌先意會到我哋講嘅嘢囉, 所以, 後來又會同人講家晞無返學, 諗起佢哋個樣都覺得好好笑 , 呢 d 就係湊仔的樂趣啦, 唔知妳同唔同意呢?   

原文章由 薳然媽媽 於 07-10-2 19:02 硐表
家晞媽咪 & 子俊媽咪,

今次去澳門都幾悶架, 因為我都成8個月多, 所以唔敢周圍走, 怕細b會係澳門出世, 只係係酒店 (威尼斯人)度行黎行去咋.  薳然同家晞一樣, 有鼻水同咳, 今日都請左病假呀, 雖然今日好左小小, 但 ...

lsw0316

薳然媽媽,

講漏咗樣嘢, 下次如果妳放假得閒湊放學嘅話, 麻煩妳帶 d 普通話嘅碟俾我睇下, 如果啱, 我都想買呀, 麻煩晒妳

原文章由 lsw0316 於 07-10-2 19:44 硐表
薳然媽媽,

原來妳哋去咗人山人海嘅威尼斯人渡假村呀!  妳真係做得啱, 千祈唔好四圍行, 俾人撞親就幣啦.  

妳 d 維他命C係唔係藥丸, 薳然識吞咁叻呀, 我都買番嚟試吓先.  至於雪梨水就不如自己煲啦, 加 d 雪耳及南 ...

薳然媽媽

家晞媽咪，

d 維他命C唔係藥丸,　係”兒童維多ｃ”好似糖糖咁架，係萬ｏ或屈人寺都有得買”，薳然唔識吞藥丸，不過就好鐘意食，成日問我攞，我最多一日比兩粒佢，但我老公又話無病無痛食咁多ｄ唔好播，所以我有時偷偷地比阿囡食架．我都想自己煲雪梨水，不過我屋企件印印，做野效率奇慢，又豬豬地，尤其係同佢續左約之後，情況更嚴重，佢最叻就係癡住薳然呢個老細．所以唯有買黎飲方便ｄ啦，不過聽完您教，我都會嘗試自己煲．

您講得好啱呀，睇醫生最緊要方便，病嘅時候週車勞頓會好辛苦, 我地其實幫薳然試左好多醫生，但只有睇法國ｏ個個至好，佢斷症好準＆ｄ藥好啱薳然食，不過佢又唔係好出名 嘅醫生，所以都唔駛等好耐，只係出去麻煩ｄ，以前我住荔枝角就方便ｄ，所以依家想係荃灣搵多個好醫生ｓｔａｎｄ　ｂｙ.  

我 pm左芭蕾舞啲資料比您啦，若果您約左試堂日期，話我聽啦，等我可以帶埋普通話ｖｃｄ比您睇．

同意同意，其實湊仔女有無限樂趣，雖然有時比佢激到ｃｃ吓．