有無愉城方方家長？

opheliay

你好呀...cacamummy,

我個囝囝係方方讀k3, 我會幫佢報返官小then再報課外活動....
你小朋友係邊到讀.....發表下交流下心得...

Ophelia

原文章由 cacamummy 於 07-9-11 01:18 硐表
請問知唔知一般讀完方方既小朋友, 係考邊間小學?
直資 or 官立? 或者?

薳然媽媽

家晞媽咪,

好開心, 尋日可以見到面啦, 佢地兩個小妹妹應該之前已經認識左.  家晞個樣好乖巧, 好得人錫呀.  薳然尋晚返瞓覺前同我講家晞is a good girl.  希望下次再有機會見耐d, 或者一齊食個lunch都好.

原文章由 lsw0316 於 07-9-10 16:12 硐表
薳然媽媽,

好哇, 聽日見啦!

cacamummy

原文章由 opheliay 於 07-9-11 11:04 硐表
你好呀...cacamummy,

我個囝囝係方方讀k3, 我會幫佢報返官小then再報課外活動....
你小朋友係邊到讀.....發表下交流下心得...

Ophelia

你好呀! Ophelia,

哈哈! 我個b讀n1咋. 不過想知道讀完方方一般會去讀咩小學.多謝你答我呀!你囝囝今年讀k3. 我祝你成功.

opheliay

Thank you.....

原文章由 cacamummy 於 07-9-12 10:04 硐表


你好呀! Ophelia,

哈哈! 我個b讀n1咋. 不過想知道讀完方方一般會去讀咩小學.多謝你答我呀!你囝囝今年讀k3. 我祝你成功.

lsw0316

薳然媽媽,

我都覺得好開心見到面, 等她倆知道自己媽咪跟同學的媽咪是互相認識, 等佢地在學校相處有多 d 親切感, 等薳然唔駛放學時因為心急走而喊   , 我都有叫家晞如果見到薳然喊, 要陪下佢, 同佢講媽咪好快來接我地啦, 希望佢地會互相照顧, 雖然, 佢地仲細, 我相信佢地都應該有自己的溝通和相處方法嘅   .

至於家晞, 宜家我問起關於薳然, 佢會答我啦, 之前佢唔答架, 唔知佢以前係唔係覺得我唔識佢 d 同學, 唔肯定我問 mud, 所以唔答呢 .

等下次妳有時間再約見面啦!

原文章由 薳然媽媽 於 07-9-12 09:20 硐表
家晞媽咪,

好開心, 尋日可以見到面啦, 佢地兩個小妹妹應該之前已經認識左.  家晞個樣好乖巧, 好得人錫呀.  薳然尋晚返瞓覺前同我講家晞is a good girl.  希望下次再有機會見耐d, 或者一齊食個lunch都好.


...

薳然媽媽

家晴媽咪,

係呀, 真係好嘞, 家晞&薳然知道我地識佢地d同學仔, 返學都開心d, 今朝問薳然唔好返學好唔好, 佢居然話唔好, 要返學.  家晞o個日見您接佢, 有無好開心呀  ?   家晞都好高呀, 之前d朋友見到薳然都話薳然生得高大, 但原來同家晞一樣高, 家晞仲細過薳然一個多月呀.

多謝您同家晞講叫佢陪吓薳然呀.  湊薳然放學時見到佢喊個樣好淒涼, 搞到我都差d喊埋一份(唔知係咪懷孕情緒容易波動呢), 後尾我打電話比小童xx會個姑娘 (我以前帶薳然參加佢d親子班)聽, 個姑娘教我將薳然擔心既野同薳然講哂出黎, 佢就會舒服d, 咁我當晚問薳然放學有無喊, 喊係咪因為驚驚呀, 係咪驚驚返唔到屋企見唔到daddy媽咪, 係咪驚auntie唔接佢放學, 佢答得我好快趣係話, 有喊, 係驚驚呀, 我之後安慰佢一輪叫佢唔駛驚, 見到佢好似即時舒服d.  之前我都只係同佢講話叫佢唔好喊啦, 等一陣就放得學啦, 但原來唔止咁樣架, 真係要讀返d兒童心理學至得.   尋日打比梁老師問吓薳然放學情況, 老師話薳然真係無喊啦, 仲開心跳跳扎同老師講話媽咪pick up, 其實之前一晚薳然已經問我媽咪pick up (我唔知佢係講返o個日我接佢, 定係想我第2日都接佢), 我無正面回答佢呀, 因為驚佢知道我唔接佢唔開心, 不過好彩尋日佢放學見唔到我都無野.

尋晚薳然扭要本手冊, 我話佢聽梁老師攞左本手冊返屋企吸umbrella印仔, 佢叫我開門出去攞返比佢, 仲喊左一輪, 我好驚佢今日問梁老師攞呀.

原文章由 lsw0316 於 07-9-13 00:27 硐表
薳然媽媽,

我都覺得好開心見到面, 等她倆知道自己媽咪跟同學的媽咪是互相認識, 等佢地在學校相處有多 d 親切感, 等薳然唔駛放學時因為心急走而喊   , 我都有 ...

薳然媽媽

cacamummy,

您小朋友讀n1咩班呀 ?  我囡囡同家晞媽咪個囡囡都係讀 Nursery Truth I 呀, 大家多多交流呀!

原文章由 cacamummy 於 07-9-12 10:04 硐表


你好呀! Ophelia,

哈哈! 我個b讀n1咋. 不過想知道讀完方方一般會去讀咩小學.多謝你答我呀!你囝囝今年讀k3. 我祝你成功.

meta

您要荃灣區定葵涌定其他區？

原文章由 opheliay 於 07-9-11 11:04 AM 硐表
你好呀...cacamummy,

我個囝囝係方方讀k3, 我會幫佢報返官小then再報課外活動....
你小朋友係邊到讀.....發表下交流下心得...

Ophelia

meta

唔知有無？提意呢？下星期我要去睇睇先！

LittleMiyo

Hi, 各位媽咪,我都會同阿女報出年方方 N1, 我想問下呢間幼稚園係未商業味會重d ? 學費幾多呢 ? 會唔會仲有其他雜費 ? 因為我個女係大女, 所以要讀 1年 n1 , 再加3年K1-K3, 所以想認識呢間學校多D, thanks ^6

lsw0316

薳然媽媽,

我今日都有問家晞, 薳然放學時有無喊, 佢話無喊, 唔知係撞彩定真係有意識咁答啱咗.  希望佢地真係互相照應就好啦!  

聽落姑娘教您嘅方法又幾有用喎, 下次家晞扭計, 我都試下用類似嘅方法幫佢抒發情緒, 等佢可以 calm down 先.  多謝您寫出來同我們分享啊!  我其實都留意緊幼兒教育嘅課程進修下, 傾向報 C.U. 校外進修 - 幼兒教育(Distance Learning)文憑課程, 不過仲諗緊, 驚自己會半途而廢, 雖然, 我之前用咗六年時間 part time 讀咗個 degree, 不過係三年前畢業, 嗰時都未有家晞,  否則, 大緊肚真係唔會夠精神讀書, 所以, 您如果想進修, 都係等生完先諗 la.

家晞同兩個哥哥都係好快就長高, 同埋佢都食幾多嘢 ga, 好彩佢長高, 唔係實行變肥妹仔 la.  不過, 無論身型點, 最重要身體健康.   

原文章由 薳然媽媽 於 07-9-13 09:15 硐表
家晴媽咪,

係呀, 真係好嘞, 家晞&薳然知道我地識佢地d同學仔, 返學都開心d, 今朝問薳然唔好返學好唔好, 佢居然話唔好, 要返學.  家晞o個日見您接佢, 有無好開心呀  ?   家晞都好高呀, 之前d朋友見到薳然都話薳然生 ...

opheliay

我會choice荃灣區62校網.....相對好小學會多d....同係自己所屬區域.

Ophelia

原文章由 meta 於 07-9-13 12:08 硐表
您要荃灣區定葵涌定其他區？

薳然媽媽

家晞媽咪,

我諗家晞應該係有意識架, 因為佢地兩個認識左啦麻&家晞知道您識得薳然媽咪, 所以會同您講囉,  薳然都有提起家晞, 話同家晞一齊玩.

係呀, 個姑娘好有經驗架, 我遲d或會再參加佢d親子活動, 見到有啱2-3歲既活動都通知您, 睇吓您得唔得閒一齊帶家晞參加啦.
若果您讀幼兒教育嘅課程, 應該唔會半途而廢掛, 因為您有個幼兒囡囡, 可能會讀得好投入添,  我未必會再讀長既course, 我驚太辛苦啦, 因為除左薳然外, 我黎緊仲有一個bb要照顧, 我之前同您差唔多用咗2年時間 part time 讀咗個 degree, 讀完先結婚生bb, 依家都無諗過再讀.  我反而想多一點時間帶薳然&細b去返吓親子班, 睇住佢地發展 & 最多都係讀吓d短期既幼兒心理學. 不過我o個陣時, 有個同學大住肚讀書, 我諗佢個bb一定好好學會勤力, 胎教麻,

係呀, 健康最緊要, 家晞都好fit.  不過薳然尋日下午有打乞癡有dd鼻水, 我立即叫工人比兩粒維他命c佢食, 之後仲沖多一杯利賓立佢飲, 我晚黑返堅企再比多一粒維他命c佢食, 跟住無乞癡啦, touchwood今朝都無哂事啦, 可以返學.

薳然呢兩個星期晚晚瞓覺前係張床度, 都笑微微同我提起”袁華希”(唔知係唔係咁寫), 我問佢袁華希係boy or girl, 佢次次都答boy, 我問佢long hair or short hair, 佢話short hair, 唔知佢係唔係對呢個同學仔有好感, 我尋晚問佢, 係咪鐘意袁華希, 佢話係喎, 依家d小朋友真係搞鬼, 咁細個就對異性有好感,  下次同開梁老師通電話, 我要問吓係咪真係有個同學叫袁華希先得?

meta

天佑小學
寶血會伍季明紀念學校
都可考慮
quote]原文章由 opheliay 於 07-9-14 10:08 AM 硐表
我會choice荃灣區62校網.....相對好小學會多d....同係自己所屬區域.

Ophelia

[/quote]

薳然媽媽

家晞媽咪,

近來如何呀 ?  自從上次薳然同家晞相識左之後, 薳然日日都有提家晞, 佢話家晞坐係佢隔離, 又話有同家晞玩, 唔知係真唔係呢 ?  頭先我問佢姨姨有無幫家晞換片片, 佢話無喎, 家晞係咪戒左片片啦 ?  係就好叻女呀. 但佢就話姨姨有幫岑曉塋換片片, 又有幫elaine換,  不過佢轉個頭又話排隊時, 家晞排o係佢後面.  佢仲有話今日一翹無返學呀, 係咪真呢 ?

我同老公星期四會一齊湊阿囡放學呀, 因為我地會帶佢去澳門玩一晚, 星期五會請假, 阿囡無得開生日會啦.  您星期四會湊家晞放學嗎 ?

子俊寶寶

hi 各位媽咪,

我囝囝都係讀Nursery Truth 1 A.M., 佢叫杜子俊.

薳然媽媽, 我睇完妳之前d post, 發覺你女女表達能力好好喎, 你有時間問下佢識唔識子俊吖, 我個囝好主動, 又唔怕羞, 成日撩人講野, 可能佢地都識.

我每日都會問子俊係學校做咩同食咩, 佢多數答我食包包or餠, 有時食粟米粥or粉, 但好似一星期食3-4日包or餠囉. 佢每日放學會叫肚餓要食野, 我工人會係屋企蔒定等我地一返到屋企就有得食. 我覺得佢係學校好似食好小野咁....

我有時間會多d上黎同你地傾下.   :loveliness:

薳然媽媽

子俊寶寶，

真好啦，又識一個同班媽咪！多Ｄ上黎交流吓啦．
好呀，我聽日問吓囡囡識唔識子俊先．之前好似未聽過佢講子俊架，不過我阿囡都鐘意提男同學Ｄ名架．
係呀，子俊無錯，學校食栗米粥，麥皮，通粉，麵包＆餅餅，其實唔係唔夠食，只係因為早食咋，我問過梁老師，佢話每日９：５０ＡＭ食茶點，所以我地Ｄ囝囡放學咁肚餓，薳然都係呀，佢放學第一時間問工人攞麵包＆橙汁飲．
您自己湊子俊返學　ＯＲ　屋企人／工人湊　？

原文章由 子俊寶寶 於 07-9-25 23:40 硐表
hi 各位媽咪,

我囝囝都係讀Nursery Truth 1 A.M., 佢叫杜子俊.

薳然媽媽, 我睇完妳之前d post, 發覺你女女表達能力好好喎, 你有時間問下佢識唔識子俊吖, 我個囝好主動, 又唔怕羞, 成日撩人講野, 可能佢地都識.

...

lsw0316

Hi 子俊媽咪,

歡迎您呀

我囡囡叫陳家晞都係讀 Nursery Truth 1 A.M., 家晞而家瞓咗, 聽日等我問下佢先, 不過佢次次都係眼碌碌 , 好似若有所思咁諗緊學校嘅情況, 不過, 佢又未必會講佢識唔識喎.  

我問家晞 snack 食 mud, 佢都係話飽飽 or cake, 從來唔會話食粥嫁, 唔知係唔係 因為佢唔鍾意食粥, 所以唔講呢?

原文章由 子俊寶寶 於 07-9-25 23:40 硐表
hi 各位媽咪,

我囝囝都係讀Nursery Truth 1 A.M., 佢叫杜子俊.

薳然媽媽, 我睇完妳之前d post, 發覺你女女表達能力好好喎, 你有時間問下佢識唔識子俊吖, 我個囝好主動, 又唔怕羞, 成日撩人講野, 可能佢地都識.

...

lsw0316

薳然媽媽,

我好耐無上嚟啦, 我近來學緊聲樂, 每星期上兩堂, 忙著要練歌, 所以少咗時間, 而且, 我又要去做 gym, 當我留在家時, 又想用多 d 時間同家晞傾計, 一齊睇 DWE dvd.

家晞好早已經戒咗片啦, 而且, 一戒就好快連學習褲都唔駛著, 因為佢從來都唔會撒尿喺學習褲上, 一定要去廁所.  其實以我之前幫囝囝戒片的經驗, 一定要佢賴尿一/兩次, 當然是在家中才嘗試, 等佢感覺到有生理需要要去廁所, 會叫大人同佢去廁所, 初初可能有點反覆, 我們要主動多 d 提下佢要唔要去廁所, 然後試多幾次, 佢慢慢就會主動自己講, 那就算是戒片成功嫁啦, 不過, 有 d 小朋友要長 d 時間才可以戒埋夜片, 不過, 慢慢來吧, 先以戒日間片片為目標, 然後, 慢慢戒埋夜片.   妳在家用咩方法嫁?  可以交換下心得.

星期四我有一堂 aerobic class 要上, 未必趕得切.  如果趕到, 到時喺學校門口見啦.  至於, 錯過今次生日會, 唔緊要啦, 個個月尾都有嘅, 總之, 儘量唔好錯過自己嗰個月嘅生日會咪得囖 !  況且, 薳然跟爸媽一起出外玩的親子時間都很難得的, enjoy!      

原文章由 薳然媽媽 於 07-9-24 23:18 硐表
家晞媽咪,

近來如何呀 ?  自從上次薳然同家晞相識左之後, 薳然日日都有提家晞, 佢話家晞坐係佢隔離, 又話有同家晞玩, 唔知係真唔係呢 ?  頭先我問佢姨姨有無幫家晞換片片, 佢話無喎, 家晞係咪戒左片片啦 ?  係就好 ...

子俊寶寶

多數都係我接佢放學架.

我今日問子俊有無同學仔叫薳然, 家晞, 一翹, Elaine, Evelyn, 曉螢, 佢話全部都識, 咁我咪講我同佢婆婆個名, 問下佢識唔識, 佢竟然話識, 我問佢係唔係佢同學仔, 佢話係, 笑死我.. . 梁老師都好小比電話我, 多數係我打比佢. 佢話子俊屬於好乖個群, 我真係唔敢相信, 因為佢係屋企好惡, 唔聽我話 . 老師話佢好成熟喎.

其實荃灣, kwai chung區都唔係好多半日bb班選擇, 我都搵過好多學校, 最後一間參觀方方, 即confirm. 因為我覺得環境最好係呢間, 同埋我有朋友個女女係度讀, 又有朋友係呢間做過老師, 佢地既意見都唔錯. 你地呢?? 點解會選擇方方.

原文章由 薳然媽媽 於 07-9-26 00:29 硐表
子俊寶寶，

真好啦，又識一個同班媽咪！多Ｄ上黎交流吓啦．
好呀，我聽日問吓囡囡識唔識子俊先．之前好似未聽過佢講子俊架，不過我阿囡都鐘意提男同學Ｄ名架．
係呀，子俊無錯，學校食栗米粥，麥皮，通粉，麵包＆餅餅，其實唔係唔夠食，只係因為早食咋，我 ...