有無愉城方方家長？

meta

:loveliness:   我囡囡晴晴讀K.1 A.M 您地呢？

[ 本文章最後由 meta 於 07-8-22 01:35 編輯 ]

薳然媽媽

原文章由 meta 於 07-8-22 01:18 發表
:loveliness:   我囡囡晴晴讀K.1 A.M 您地呢？

Hello meta,

我阿囡啱啱入讀n班呀, 開左學差不多兩個星期, 感覺學校&老師都唔錯呀.  您呢 ?  您覺得ok嗎 ?

meta

:loveliness: :) 我囡囡已經讀了一年預備班，但係海濱讀，係好好。您係Nursery幼兒班 定Lower Kindergarten 幼低班

原文章由 薳然媽媽 於 07-8-22 09:00 發表



Hello meta,

我阿囡啱啱入讀n班呀, 開左學差不多兩個星期, 感覺學校&老師都唔錯呀.  您呢 ?  您覺得ok嗎 ?

[ 本文章最後由 meta 於 07-8-23 03:36 編輯 ]

薳然媽媽

我阿囡讀n班, 即nursery幼兒班.  咁您囡囡依家鐘唔鐘意愉景方方呀 ?  d老師有無跟埋一齊黎愉景方方 ?

lsw0316

Hi 薳然媽媽,
  我個囡都係 n 班喎, 是 billingual class, 妳阿囡呢?  我開咗學之後先有少少後悔無報國際班, 想轉, 但又無位, 惟有等遲少少睇下有無機會轉啦!  不過轉唔到始終有d 囉囉攣, 驚遲 d 阿囡習慣咗 billingual, 唔容易適應 internation 的教學模式.  

如果妳阿囡是 international class 的話, 可否分亨下教學方式及課程有甚麼分別呢?

另外, 妳們是否都有收到上星期之通告話俾多 $800 (半個月) 讀多一晝, 知唔知 mud 解究?  是否委少人讀下午班, 所以想收多點學費, 不至於浪費資源呢?

薳然媽媽

lsw0316

您好呀, 我囡囡都係讀 bi-lingual class, 反而我高興沒有幫阿囡報國際班, 因我有個鄰居個囝囝讀緊國際班, 但太多人一班了, 情況有點混亂, 且Class teacher看似young一點, 沒那麼多經驗&細心,  我阿囡日常以英語同我地溝通, 所以我想她學多一點廣東話和中文, 所以報名時沒有猶豫, 就報了雙語班, 因國際班沒有中文堂的.  其實您不用擔心, 小朋友稍後難適應英文學習環境, 其實佢地每天在學校都會接觸很多英文的, 唱既歌都係英文, 又有一個native English speaking teacher (Ms. Karen) 係課室,   我反而覺得n班最重要係train up 佢地d discipline &群體生活 & 令佢地覺得返學係一件開心事, 小朋友的適應力很強, 所以不要擔心喔, 最重耍係老師照顧得好.

您囡囡讀Truth 1 or Truth II, 名字是甚麼 ?  我囡囡讀Truth 1, 梁老師 & Ms. Karen 是class teacher.  梁老師看來很冷靜, 有經驗, 她上星期每天都有來電告知我阿囡在學校表現怎樣, 這個星期開始阿囡沒有哭了, 才沒有來電.  阿囡上星期學了”人”字, 且回家後, 唱了很多歌給我地聽, 很開心見到佢有進步&適應得不錯.  您囡囡適應得好嗎 ?  多點在這裡傾傾, 一齊分享.

學校當然想賺多一點, 而對於有些在職媽媽又唔想仔女在家無所事事, 或給工人婆婆嫲嫲寵壞, 這個延長服務都叫不錯, 收到通告後, 我都很想幫阿囡報, 可以段練阿囡獨立多一點, 不用在家給工人服侍周到,  或者我會讓阿囡真正適應上課後, 會考慮延長, 讓她在學校吃午餐休息一回才回家, 我上星期已打過電話給卜主任詢問過可唔可以遲幾個月後, 才參加這個延長服務, 佢話要視付到時有沒有位 .

lsw0316

薳然媽媽,

我阿囡都係 Truth I, 她叫家晞, 您囡囡都係大女 wor, 家晞 2月28出生, 以我的經驗, 大仔 or 大囡讀書會容易搞d, 定 d 及遲 d 要揸筆學連線時無咁辛苦.  這是我兩個仔之前的經驗, 所以, 生細女時都有刻意安排的.  聽完您講, 我都同意 international 班很多人, 開學陪上課嗰幾日見到都嚇一跳, 現在惟有在家花多點時間跟她用 DWE 教材學英文, 等她吸收多 d, 唔會退步啦!

唔知點解阿囡返學換校服時很抗拒, 要很費勁才能換成, 但很奇怪, 換妥校服後便沒事了, 出門返學及返到枚門前分手都沒有問題, 不過今天又 ok, 唔知明天家晞心情如何了, 之前兩個哥哥都很喜歡返學, 所以囡囡今次有這般大反應, 我亦覺得很奇怪, 不過, 常言道, 每個小朋友都不會是絕對相同的, 惟有俾多 d 耐性啦.  

我阿囡回家沒有唱歌, 但跟她一起看學校課本時, 她會讀出學過的字.  我初初收到通告時跟妳的反應一樣, 想簽同意書, 但因為阿囡返學的情緒未穩定, 如果由 8/20 開始即加長時間至 3:00 pm, 我恐怕她會更抗拒返學, 所以我都係諗遲少少先.  

By the way, 您囡囡是搭校車定自己接送?  我住麗城所以辛苦 d都自己接送.

薳然媽媽

家晞媽媽,

真好呀, 可以認識到阿囡同學仔媽咪.  梁姑娘(著白袍o個呢)之前話Truth 1有好幾個小朋友係2月28日出世架, 嘻嘻, 您係其中一個呀.  家晞依家上堂都應該ok喎, 係咪? 因為梁老師今日打比我, 話我聽雖然阿囡上學時無喊, 但成班同學中, 得阿囡一個一見到有d小朋友早d走去坐校車就喊 (佢驚無得放學呀), 整體來說, 成班同學都好ok, 除左我個囡, 阿囡係全班最大一個(1月8日), 但相對地就扭得最多, 老師話可能我地平常就得阿囡太多, 而阿囡就好心急, d 野一想要, 就一定要即刻要到為止, 會扭扭扭又唔等得, 又坐唔定, 阿囡要多d時間添呀, 有時好驚阿囡搞到班房秩序唔好.

原來您已經有兩個囝囝, 教小朋友您一定好有經驗.  您兩個囝囝係咪都係讀愉景方方架 ? 要多多向您請教.  我依家大緊肚, 薳然將會有多一個妹妹, 遲吓佢適應到學校生活, 又要開始適應多一位家庭成員, 唔知佢到時會點呢 ?

您係全職媽媽 ?  家晞好幸福呢, 可以有媽咪每天接佢放學, 我仲返緊工, 所以要工人揍佢放學, 不過每朝daddy都車阿囡返學.  我住朗逸峰架.

我試吓今晚問阿囡有無一個同學叫家晞先, 睇吓佢地兩個小妹妹有無認識到大家,  我尋晚問佢d有咩同學仔, 佢答我, 但我唔知佢講咩名, 因我記得有兩個同學仔個名, 一個係一翹, 一個係Elaine, 咁我就問阿囡有無同一翹 & Elaine玩, 佢就好精靈話係有.  您又試吓問家晞識唔識Evelyn(音讀 Ever Lin)呀, 我諗有時我地媽咪同佢地講吓日頭返學發生既事情, 佢地會對返學有多d歸熟感, 開心d.

lsw0316

薳然媽媽,

梁老師打咗兩次電話俾我之後就無再打了, 相信是因為阿囡無喊所以唔需要特別跟進吧.  家晞兩個哥哥都很大了, 大哥跟跟家晞是相同生肖及同一月份同一日出生的 (即 2 月 28 日), 相差十二年, 二哥比她大八年, 因為, 性格貪玩, 雖然差八年, 但彼此是很好的玩伴, 而且, 比大哥更懂得關心和照顧妹妹, 我諗這是他們兄妹之間的緣份吧.  我兩個囝囝不是方方的舊生, 大囝讀迦南, 二囝讀慧中, 都是海濱那邊, 所以這次妹妹選校便揀間近一點的, 可以不用乘校車.  因此, 對方方的教學方式亦不太清楚, 我都很高興有機會跟阿囡同學的媽媽交流下意見, 可以多了解一下學校的情況.   

我剛剛成為全職媽媽, 之前都是在職媽媽, 只是在八月份離職了, 說來有點偏心, 我辭職是想多點時間睇住阿囡開學, 看看她的進度是否 ok.  因為之前的工作是極度繁忙的, 回家後也沒有太多精力照顧我兩個囝囝的學業, 今次是最後機會等我可以享受過程, 所以唔想錯失, 如果遲些阿囡返學穩定些, 甚至返多幾個鐘至 3:00 pm的話, 可能再找工作.

我剛剛問阿囡, 識唔識同學仔叫 Evelyn, 佢傻傻的似不知道我在說甚麼 .  我已告訴她明天留意一下哪個同學叫 Evelyn 的, 看她有沒有發現, 但我估未必這幾天可馬上找到, 遲些少, 等全班同學熟落 d 可能說得出來.  聽日話妳知啦!

lsw0316

薳然媽媽,

Sorry!  掛住講自己, 唔記得恭喜您快將成為第二任媽媽, 預產期幾時呀?  要多休息, 宜家阿囡剛開學, 可能忙亂一點, 又要返工,  無論如何都要爭取時間多 d 休息, 保重身體呀!

原文章由 lsw0316 於 07-8-23 21:12 發表
薳然媽媽,

梁老師打咗兩次電話俾我之後就無再打了, 相信是因為阿囡無喊所以唔需要特別跟進吧.  家晞兩個哥哥都很大了, 大哥跟跟家晞是相同生肖及同一月份同一日出生的 (即 2 月 28 日), 相差十二年,  ...

meta

除了一位主任無黎之外，其他到齊。其實無話鍾意唔鍾意。我個人鍾意夠深。小朋友好容易適應。

原文章由 薳然媽媽 於 07-8-23 09:58 發表
我阿囡讀n班, 即nursery幼兒班.  咁您囡囡依家鐘唔鐘意愉景方方呀 ?  d老師有無跟埋一齊黎愉景方方 ?

[ 本文章最後由 meta 於 07-8-24 01:47 編輯 ]

meta

其實應該說全日制同學小。睇下有無家長想學校照顧小朋友到三點囉！佢地好多時有籌款添！晒相一張又要五元。但係無辨法啊！[quote]原文章由 lsw0316 於 07-8-23 11:50 發表
Hi 薳然媽媽,
  我個囡都係 n 班喎, 是 billingual class, 妳阿囡呢?  我開咗學之後先有少少後悔無報國際班, 想轉, 但又無位, 惟有等遲少少睇下有無機會轉啦!  不過轉唔到始終有d 囉囉攣, 驚遲 d 阿囡習 ... [/quote]
三點

opheliay

大家好呀......

我個仔係方方讀k3啦........佢都係學校食飯同做功課到3點先放學
我覺得佢學到自己照顧自己....不過小朋友到k2時老師都當佢地係大仔咁啦, 咩都係佢地自己做...(放學時d校服亂曬架)

有時間大家都可以交流一下心得架

yansy

My son studies in AM K1. Nice to meet you here.

I pick my son after school everyday. He comes out from the school about 11:50. And those take the school comes out at about 11:40am. Is it too early???? I expect he finishes his class around 12:00. What do you think?? I've asked the nurse there and she said the exact time they finish the lesson is about 11:40. Is it reasonable???

Any idea???

lsw0316

薳然媽媽,

我問過阿囡有沒有看見 Evelyn 一起上課, 她的反應仍然是 , 我相信可能要靠我們當面介紹她們倆才會互相認識吧!  唔知遲 d 幾時會有家長日, 等我們可互相認識呢, 還是要等到學期尾才有機會見?  

Meta/Opheliay, 可否講下方方以往的安排等我們這批新生家長有 d 概念, 唔駛朦查查.  

Yansy,
以我之前兩個囝囝讀其他幼稚園的經驗, 其實方方放學時間跟其他幼稚園差不多, 不算離譜.  我睇過其他forum幼稚園的媽媽都有相同疑問 e.g. Victoria, 放學時間也差不多, 所以都無辦法!

薳然媽媽

家晞媽媽,

唔好意思, 咁遲至覆您, 我上星期係公司比較忙, 返屋企又要陪阿囡.

係呀, 梁老師無再打電話比您, 即刻話您囡囡無咩特事, 您囡囡好叻叻呀 , 返兩日就ok啦.  老師上星期五都仲有打比我話我聽一派書包阿囡就喊, 因為見到有個同學搭校車可以早d走.  

家晞有兩個哥哥, 仲比家晞大多年, 家晞好幸福呢, 因為哥哥一定好錫妹妹架.  而大哥同妹妹仲同月同日同生肖, 是巧合嗎 ? 真有緣.   您為家晞做全職媽媽, 可以理解, 嘻嘻, 好多時d父母都係錫囡囡多d, 肯為囡囡做多一點.  我都有打算生完細囡辭工, 因見阿囡依家正式返學, 真係好想日日接佢放學, 同佢傾吓返學學左d咩, 玩左d咩, 我相信佢會好開心, 媽咪可以常常同佢分享.  

我上星期四問薳然, 有無同家晞玩, 佢答我: yes, play play with 家晞呀, 但我feel到佢隨口up, 所以再問佢家晞係boy or girl, 佢居然答我係boy, 我再問佢一翹係boy or girl, 佢話係boy, Elain 呢？ 佢話係girl.  我星期五再問家晞係boy or girl，佢都仲答係boy.　我都相信佢地兩個仲未真正認識大家 ．　

仲有呀, 我上星期五打去問卜主任點解無派手冊, 卜主任話因為個printer訂/印漏左好多頁, 所以全部收回, 要遲d先可以派手冊比我地呀.  


多謝您問侯呀，我預產期係１１月中，您講得無錯呀，呢排開學較忙亂，阿囡癡得好緊要，都唔係休息得好好，希望遲ｄ好ｄ啦．　

其實我地大家應該見過面架，因為開學頭兩天（8/8 & 10/8)，我都有帶阿囡返學入班房．我９月尾十月初會放幾日假，到時睇吓可唔可以約您同家晞一齊放學食lunch呀, 等佢地到時可以互常加深認識．唔駛等到學期尾呀.　

薳然媽媽

thanks, meta.

原文章由 meta 於 07-8-24 01:22 硐表
除了一位主任無黎之外，其他到齊。其實無話鍾意唔鍾意。我個人鍾意夠深。小朋友好容易適應。

薳然媽媽

Opheliay,

您囝囝幾時開始參加3點先放學呢個服務架 ?
我都想比阿囡參加, 但又有d驚比阿囡參加左之後, 見到其他同學有得放學, 佢要留係學校, 以為我地唔要佢.  因為家陣佢都要第一時間走人.  

原文章由 opheliay 於 07-8-24 17:27 硐表
大家好呀......

我個仔係方方讀k3啦........佢都係學校食飯同做功課到3點先放學
我覺得佢學到自己照顧自己....不過小朋友到k2時老師都當佢地係大仔咁啦, 咩都係佢地自己做...(放學時d校服亂曬架)

有時間大家都可以 ...

lsw0316

薳然媽媽,

唔駛唔好意思喎, 其實我亦不是每天都上 bk 網, 因為囝囝們仍然放緊暑假, 加埋囡囡要睇學英文 DVD, 所以 電視及電腦都常常俾佢吔霸住, 我都係要等佢哋瞓著咗先到我用, 通常都要成十二點了!

您又講得啱, 我們已見過面, 只是未認識啫, 話時話, 您是大肚的, 有少少印象, 但真係唔記得樣, 下次您幾時得閒接囡囡, 早一天通知我, 睇下夾唔夾啱時間見下面, chat chat 呀!

大哥哥同家晞同一日出生是我從醫生給我三天開刀日子找師傅摘日子的, 最後只有 2/28 及 3/1, 其中, 2/28 適合開刀的時辰夾到醫生, 就是這樣順理成章同一天出生, 由於是開刀, 總是有幾分人為因素, 不儘時巧合, 但係都會覺得很有緣份, 您都知, 生 bb, 懷孕時間咁長, 真係好難刻意安排同一日出生的啊!

原文章由 薳然媽媽 於 07-8-27 10:10 硐表
家晞媽媽,

唔好意思, 咁遲至覆您, 我上星期係公司比較忙, 返屋企又要陪阿囡.

係呀, 梁老師無再打電話比您, 即刻話您囡囡無咩特事, 您囡囡好叻叻呀 , 返兩日就ok啦.  老師上星期五都仲有打比我話我聽一派 ...

yansy

Hello all,

My son is studying in K1. 其實好想知小朋友返學做D0羊, 佢地好似好神祕0甘!!! Of course my son cannot tell when i ask, he is too small to tell.  Is there any chance for us to have a visiting during their class.

Thanks.