學生如何知道自己是什麼banding?

Dickyma

是政府分?還是校內自己分?
如果分到banding 2,是否不能考banding1學校?

andyrightma

基本上教育局會將你學校分3分人, 1/3係band 1, 1/3係band2, 1/3..., 但有d學校有60-70%派到英中就另計!
另學校會話你知你屬band幾, 第一次同第二次呈分成績後會有個band話你知, 你便可揀兩間學校去入form作自行分配. 第三次呈分後, 將三次平均再話你知屬band幾來作派位用途!
如band2, 要看你在甚麼區, 油尖旺是其中一區band2都會派到band1學校!

原文章由 Dickyma 於 07-8-21 20:56 發表
是政府分?還是校內自己分?
如果分到banding 2,是否不能考banding1學校?

daisykkqq

andyrightma,
唔好意思，我想請問點解band 2會可以派到band 1校呢？如果我屬九龍城區，自已是band 2生，自行選校擇油尖旺band 1英中，請問咁樣機會是否大D？ 咁又得唔得呢？因為我多一個選擇給囝囝呵！謝謝。

原文章由 andyrightma 於 07-8-22 09:25 硐表
基本上教育局會將你學校分3分人, 1/3係band 1, 1/3係band2, 1/3..., 但有d學校有60-70%派到英中就另計!
另學校會話你知你屬band幾, 第一次同第二次呈分成績後會有個band話你知, 你便可揀兩間學校去入form作自行分配. ...

andyrightma

daisykkqq,

自行選校時如果你囝屬BAND2的話, 揀任何一區的BAND1都沒有機會, 因為一個BAND1生在自行選校時都未必收, 更可況...!
但如果屬油尖旺區的話, BAND1學校多的是, 所以BAND2生在派位階段有勇有謀, 就會派到BAND1了!
不過, 你想更清楚的話, 你看看櫺囹桼的中學學位分配http://forum.baby-kingdom.com/viewthread.php?tid=788237&extra=page%3D8

原文章由 daisykkqq 於 07-8-24 19:37 硐表
andyrightma,
唔好意思，我想請問點解band 2會可以派到band 1校呢？如果我屬九龍城區，自已是band 2生，自行選校擇油尖旺band 1英中，請問咁樣機會是否大D？ 咁又得唔得呢？因為我多一個選擇給囝囝呵！謝謝。
...

daisykkqq

謝謝妳andyrightma，明白你所講了。條link好好，我會慢慢睇，因為好多資料。Thank you.

原文章由 andyrightma 於 07-8-24 20:56 硐表
daisykkqq,

自行選校時如果你囝屬BAND2的話, 揀任何一區的BAND1都沒有機會, 因為一個BAND1生在自行選校時都未必收, 更可況...!
但如果屬油尖旺區的話, BAND1學校多的是, 所以BAND2生在派位階段有勇有謀, 就會派到BA ...

el1008

自行選校時如果你囝屬BAND2的話, 揀任何一區的BAND1都沒有機會, 因為一個BAND1生在自行選校時都未必收, 更可況...!
但如果屬油尖旺區的話, BAND1學校多的是, 所以BAND2生在派位階段有勇有謀, 就會派到BAND1了!


以往可能出現呢種情況, 但今年已經無啦, 因為今年改制, 自行收生可以選兩間, 而且學額佔30%, 另外中學抽多10%比全港學生抽, 七除八扣後d位又少d, 再加上油尖旺嘅他區灣仔網cut左, 其他區band 1 位又少左, 到最後比大抽獎嘅band 1 位咪少左好多囉  , 而且大抽獎係先比所有band 1 生抽哂30個志願先到band 2生抽, 咁你話啦, 仲有幾多band 1位比band 2生抽, 就算抽到, 個d分分鐘係邊緣人,你以為佢係band 2, 但實際係band 1

今年改制後,有幾個現象 :

1)少左人考直資, 一d叻嘅學生因為有兩個機會係手, 所以有d會唔選直資,改為進攻資助中學, 今年男拔竟然有扣門位剩 , 結果係傳統名校(資助)競爭好大, 除非你係全級頭幾名同課外活動出色, 包括服務....等, 如果唔係最好唔好選傳統名校,因為可能連面試機會都無,如果你真係想博, 咁就最好搵多一間低少少嘅學校做第二志願作為後備 , 但你要有心理準備第二間收左你, 你會無得抽獎, 但如果你真係好鍾意第一間, 比第二間收都唔高興, 咁你就唔好選第二間, 但你要記住嬴得大, 輸得大, 係你決定前,先要衡量手上嘅牌,即係你個仔/女嘅成績係點, 除非係全級頭幾名, 如果唔係唔好咁博

2)學校選擇學生面試時, 除左成績外,課外活動同服務都注重,所以唔好剩係掛住讀書,多d參與課外活動,如果個細路多d比賽,自信心都多d, 面試表現自然好d, 好過去面試班  

3)今年扣門位少左, 學校唔準超收,所以唔好期望仲有扣門位做後盾,如果你成績係band2,但你策略選校時博band1,唸住扣門做後盾,咁就錯啦,因為band 2好難扣到band 1 位, 就算好嘅中文中學都好難扣門.:cry:

得到嘅總結係, 係呢個派位機制下, 實力大過運氣, 今年多左人派到第一志願, 當中包括好多係第一輪自行收生時已經收左, 因為家長同老師愈來愈知遊戲點玩. 所以最重要係肯定自己嘅派位組別, 選校時清醒d, 竹門對竹門, 木門對木門,唔好咁博,咁就可以開開心心過暑假

daisykkqq

el1008,
好多謝妳分享妳的經驗 我仲未識呢個遊戲點玩先係最適合自已小朋友。睇完你的回應，知道多左。感謝感謝。但係我又覺得好奇怪，如果在band 1小學稍遜的學生對band 2小學的band 1學生，咁教局又怎樣分派中學呢 豈非有唔公平現象！真係唔明白，請可否賜教 謝謝。(覺得妳識好多呢個遊戲規則 )

原文章由 el1008 於 07-8-25 17:52 硐表
自行選校時如果你囝屬BAND2的話, 揀任何一區的BAND1都沒有機會, 因為一個BAND1生在自行選校時都未必收, 更可況...!
但如果屬油尖旺區的話, BAND1學校多的是, 所以BAND2生在派位階段有勇有謀, 就會派到BAND1了!


以 ...

[ 本文章最後由 daisykkqq 於 07-8-29 17:53 編輯 ]

joyfung

其實只有學生分band, 學校並沒有分band, 如中學收到200個中一新生, 100個band1中一學生, 100個band2中一學生, 這年的學生banding就是由這個數計, 即是(100x1+100x2)/200=1.5, 這間學校便被叫作band1.5, 所以每間中學每年都有機會變banding的.
所以並無規定band1學生要去"band1學校".

[ 本文章最後由 joyfung 於 07-9-1 15:31 編輯 ]

el1008

98

原文章由 daisykkqq 於 07-8-29 17:52 硐表
el1008,
好多謝妳分享妳的經驗 我仲未識呢個遊戲點玩先係最適合自已小朋友。睇完你的回應，知道多左。感謝感謝。但係我又覺得好奇怪，如果在band 1小學稍遜的學生對band 2小學的band 1學生，咁教局又怎樣分派中學呢 ...

以往各小學有幾多band 1 位是根據96/97,97/98,98/99(係咁上吓年份)嘅學能測驗成績計算, 但由去年開始, 加左一個元素, 就係中一分班試成績, 而學能測驗成績嘅比重就漸漸減少, 所以你會發覺今年嘅派位開始有變化, 有d小學派去band 1 嘅比率多左, 有d 少左, 因為中一分班試分卷係全港一樣, 咁咪可以統一d去評核每間小學嘅學生質素如何,  而定下年嘅派位比率

如果你想知自己個細路係band幾, 首先你要知你學校今年派位如何, 有幾多% 派去band 1 , 再將你個細路全級名次放入去,咪知大概位置:)

el1008

原文章由 joyfung 於 07-9-1 15:29 硐表
其實只有學生分band, 學校並沒有分band, 如中學收到200個中一新生, 100個band1中一學生, 100個band2中一學生, 這年的學生banding就是由這個數計, 即是(100x1+100x2)/200=1.5, 這間學校便被叫作band1.5, 所以每間中學 ...

對! 中學係無分banding, 但教統局引導家長去將學校分banding, 因為佢將津貼中學只保留114間可以用英語授課, 而家長亦認為英語授課係最好, 所以自然會選英文中學為首選, 而係現在派位機制係比所有band 1 學生派哂30個志願先到band 2 學生派, 人望高處, 可以選先, 緊係搵最好啦  咁情形下,英文中學咪變成band 1 學生比率高, 而自然成為家長口中嘅band 1 中學囉