◇◆保良局吳多泰幼稚園(2)◆◇

蔚晴

原帖由 toys 於 09-6-5 09:07 發表
各位mami，唔好意思，八卦問下，妳哋有冇寫信叫李校長幫寫推薦信？她是不是個個都幫寫？

放榜前一晚老師打電話俾我,佢話如果我打算去朱小叩門,就先去朱小交表,跟住打電話話俾佢聽,之後學校就會通知朱小,不過如果你第一志願唔係朱小,就可能冇咁好;但如果你打算去第二間叩門,而需要校長寫推薦信,你就需要書面通知學校.

蔚晴

原帖由 堯堯豬媽 於 09-6-7 11:05 發表
蔚晴

你安落晒喇 入左沙呂

係呀!我當時真係開心到流眼淚,不過你咪仲風騷,呀大少一早已經有好路數啦~~~~

蔚晴

原帖由 堯堯豬媽 於 09-6-7 12:22 發表
你地畢業典禮坐邊呀???
撞鬼,我坐第26行呀,咁遠,仲要側側地架,點影相呀.......
我仲心大心細好唔好入支鏡去影相呀

我係21行,不過唔知正面定側面.

蔚晴

原帖由 堯堯豬媽 於 09-6-10 09:27 發表
你地諗唔諗住參加旅行呀???
得果一晚時間諗,今日要交喇,攪到人趕頭趕命咁,
明知年年都會攪,點解咁鬼"蚊"水架
我地4大1小去,都成9百幾
小童平得果雞碎咁少 ...

我其實已經簽咗去,不過真係鬼咁"蚊",諗住等亞囡同班同學顛吓啦,點知今朝我去沙呂註冊,原本26號嗰日要去考分班試,所以冇得去呀!!!!!真可惜!!!!!

蔚晴

原帖由 堯堯豬媽 於 09-6-10 21:12 發表

吓.....咁早考分班試???
其他學生唔使返學架???
你攪到我都有D驚去唔到......我至快下星期先至詳情~~~

係啦!我都覺得奇怪咁早考分班試,有d小朋友可能未放暑假,不過冇計啦!如果宣布明天開始停課,咁畢業禮會唔會取消呢?

蔚晴

原帖由 paggie88 於 09-6-10 22:29 發表
唔好意思 我係k1既家長 想知道你地既小朋友今年派小一理想嗎?

第一志願:沙呂

蔚晴

原帖由 堯堯豬媽 於 09-6-11 13:40 發表


而家要停課,分班試都可能有變呀......
我地畢業旅行都唔知點添......
老師話乜都等教署通知mouth:" />

真係可惜,亞囡個幼稚園畢業冇咩回憶!!!!!!

蔚晴

原帖由 堯堯豬媽 於 09-6-16 23:33 發表

如果教署要延長停課,恐怕連呢個小型畢業禮都無呀

我而家好驚亞囡人生第一個畢業就因為H1N1就咁取消哂!

蔚晴

原帖由 cky 於 09-6-23 21:34 發表


堯堯豬媽,

我聽日都會打去學校問下, 我最想有番個畢業典禮吖

cky,
舉腳贊成!~~~~~~~~~~~~~~

蔚晴

原帖由 堯堯豬媽 於 09-6-23 20:11 發表
果然係提早放暑假
咁仲有無畢業典禮???
有無人同我一樣報埋親子旅行架
我想佢退番錢,7月先去點就時間呀......
老師聽朝5打黎,我都會打去問 ...

堯堯豬媽,
聽日等您公佈最新情報,thanks~~~

蔚晴

原帖由 堯堯豬媽 於 09-6-24 14:12 發表
公告:
1.會給予新的功課(2星期)及暑期作業,詳情會打電話/寄信通知[校車學生同樣會照上次在接送地點交收功課]
2.家長日如常舉行
3.大型畢業典禮未知會否舉行,但已聯絡紅館,等通知
4.小小校內畢業典禮亦未知詳情,要校 ...

嘩!做咩鬼吳多泰唔係已經兩手準備,只係知有功課,咩都唔知仲要再等通知.

蔚晴

哎呀!唔記得講"Thank you so much!堯堯豬媽"

蔚晴

佢地都痴痴地,我到而家都未收到電話喎!!!!如果d功課唔駛交咁做咩要派新功課,而家已經係家長教d細路,派左新功課咪又係家長做老師,如果連功課都唔駛改,d老師咪勁得閒,唔食野都唔得啦!真係超低能,勁攪笑~~~~

[ 本帖最後由 蔚晴 於 09-6-25 10:26 編輯 ]

蔚晴

唔係掛,我到而家連電話都冇一個!!!! 大型畢業禮安排唔到我都覺得冇問題,點解小小畢業禮都要取消呀!!!其實吳多泰K3上下午一共都係4班,分兩日上午一班,下午一班都唔多人啫!成日都同我地講要顧及小朋友感受,但點解今次唔駛理佢地D感受!!!真係過份~~~~人地D學校唔多唔少都可以安排到一樣,點解全港D學校都做到,只有吳多泰咩都做唔到,唔通全港D學校就唔驚傳染,就只有呢間幼稚園驚得咁交關!!!!!

蔚晴

哎呀!!!!!!!好嬲好嬲呀!!!!!!!!

蔚晴

今日終於收到電話,我已經一輪咀咁表達咗我呢一年喺吳多泰的不滿,我已經打咗電話俾一部份家長,原本全部都想耍一個小小畢業禮,我諗大家要主動d同學校反映,希望可以俾返d回憶小朋友, 小小畢業禮又好,畢業旅行又好,點都唔好就咁草草了事.

蔚晴

我同PIGPIGMA已經聯絡咗大部份F班家長,全部都表示想有返個小小畢業禮,聽日我會打電話俾校長或主任,直接同佢講我地的意見,希望佢地考慮清楚,亦都問清楚佢有冇做吓意見收集而做決定,有個家長同我講:"學校旅行&參觀都會簽同意書,點解唔俾家長自行決定",其實取消畢業禮我真係唔覺得咁叫做為小朋友好,只係"多做多錯,少做少錯",如果真係為小朋友諗,應該係點樣為小朋友去做多少少野,而唔係全部取消叫做好,教育局話畢業禮&正常活動都可以進行,不過要跟指引,但係冇話要學校取消. 堯堯豬媽不如你都直接打俾校長or主任反映.

蔚晴

我今日已經同校長&主任反映咗意見,我地F班一共19人,聯絡咗17人,全部意見一致,只有2個家長未聯絡到,不過我覺得嗰兩個都應該同意,學校方面解釋取消畢業禮係保良局董事局決定,不過我叫校長幫我地班家長同董事局反映,我地只希望有返一個校內小小畢業禮,分班進行又好,7月下旬或8月又好,只要有得攪就得,希望佢地真係可以聽到我地d聲音.

蔚晴

啱啱校長覆咗電話俾我,已經問過校董局可以喺14/7進行一個小型畢業禮,今日派的通告有詳情,雖然得一小時,但都好過冇.

蔚晴

雖然呢3年有開心有唔開心,但亞囡總算得到一個愉快幼稚園回憶,而且見亞囡喺一個開心的環境學習成長,我已經好滿足,希望大家的小朋友可以有個愉快和輕鬆的小學生活.就算我地d小朋友唔再係吳多泰學生,但大家都算係沙田友,可以保持聯絡,交流吓小學心得,或者第時可能係中學同學.