有關【和富慈善基金李宗德小學】

家熹媽咪

Dear All :

為令各家長可以更能了解及明白【和富慈善基金李宗德小學】，
我將會為大家整理此版，
好令大家都能用最簡單、方便、快捷及清晰的方法，
去搜尋想要的資料，
但同時間，都希望大家可以通力合作，
為此版而出一分力，只要將有關內容，
移步到相關話題就可以！
例如今年升讀小一的家長，
可以到 【 2007-2008 年度 P．1 家長交流區 】 ，
或者想問有關校車或保母車上的問題，
可以到  有關【李宗德小學 】的校車及保母車問題 ，
等等 …
如日後對此版有更好的提意、任何改動及問題，
好歡迎大家向我提出意見或者直接PM比我，
Thankyou ！！！

webjen

想請問今年派位如何?? 係唔係有由小一開始入學o既小朋友派位啦?? 我想知有無學生派到祟德??
我見個 website 無資料,又唔知邊度有!!
many many thanks

家熹媽咪

相信呢個問題都有好多家長好想知 , 其中一個就係我添 ! ^^
但聽聞今年李兆基收咗唔少我地間學校既學生 !

webjen

原文章由 家熹媽咪 於 07-8-6 21:46 發表
相信呢個問題都有好多家長好想知 , 其中一個就係我添 ! ^^
但聽聞今年李兆基收咗唔少我地間學校既學生 !

即係學校無正式公佈嗎??

家熹媽咪

原文章由 webjen 於 07-8-7 10:24 發表


即係學校無正式公佈嗎??

呢點我真係冇留意 , 等我都賞試一下收吓風先 !

webjen

原文章由 家熹媽咪 於 07-8-7 11:47 發表

呢點我真係冇留意 , 等我都賞試一下收吓風先 !

收到話我知

家熹媽咪

今年編班既時間好似比上年遲  :time:, 尋日打返學校問 , 佢地回覆話最後果幾日先公告  , 好緊張 !   

家熹媽咪

原文章由 webjen 於 07-8-7 15:12 發表


收到話我知

tswmum

真係好想知派位情況, 點解學校如此保密呢! 小女今年讀李宗德
小一, 六年後如果繼續要讀直資中學6年, 負擔頗重, 如果知道派位情況, 家長可在財政上預早計劃, 又換句話說, 是否李宗德的學生很難跟其他學校的學生競爭Band 1津貼中學額 ?  相信很多家長都想知, 有無人可告知詳情, 真是感激不盡, 亦可解開眾多家長的疑團.

家熹媽咪

原文章由 tswmum 於 07-8-15 17:19 發表
真係好想知派位情況, 點解學校如此保密呢! 小女今年讀李宗德
小一, 六年後如果繼續要讀直資中學6年, 負擔頗重, 如果知道派位情況, 家長可在財政上預早計劃, 又換句話說, 是否李宗德的學生很難跟其他學校的學生 ...

TswMun :

唔好意思 , 其實我較早前已經打咗一段回覆架喇 ! 不過因為趕住出門口 , 所以唔小心del 咗 , 而家再抽時間覆返你丫 !

你既問題 ,正正反影住好多家長心目中既問題 ? 我可以明白同理解 , 因為我都係其中一份子 ...

容我阻你少少時間 , 等我都講吓我既見解好嘛 ?

其實 , 你所指既秘密 , 喺我角度 , 我會覺得 , 學校冇必要要奸奸埋埋 , 正如你所講 , 都唔係D咩秘密啫 ! 再講 , 我一直都覺得 , 有人既地方 , 就唔會有秘密 , 呢一點 , 係我個人處世之道 ! 但點解每個人心中都咁多個問號呢 ? 或者咁講啦 !

我用一個家長既心態去答你 , 我比較鍾意多角度去睇一件事 , 就如【升中派位】咁 , 喺每一個家長同小朋友都放緊暑假既同時 , 學校到底會做緊D咩呢 ? 喺行政上 , 佢地都要準備一下嚟緊九月份新/舊生開學既事宜 , 好似編班 , 出通告 , 班主任安排等等 ....

我相信 , 唔係學校要瞞D咩 , 只係 , 時間同人力上 , 都未能可以作出安排 , 或者 , 大家都可以比少少時間大家 , 相信 , 呢個問號都會好快迎刃而解 !

至於你擔心小朋友第日 , 係咪除咗直資 , 就冇其他選擇 , 我就唔認為會係咁 , 講真 , 【李宗德】係一所英文小學 , 就以屯門/元朗/天水圍區 , 都有唔少既英中 , 我絕對相信 , 如果我地既小朋友能完成6年課程 , 一定唔會輸比其他中中既小學 ...

其實 , 我地當初之所以會揀呢所小學比自己既小朋友 , 都係因為佢係英文小學 , 活動教學 , 有多元化既課程等 ... 我真係冇擔心過 , 會唔夠人掙 , 或者好難掙 ...

當初 , 我同我先生都係因為我地既英文水平低 , 先會揀呢所學校嚟讀 , 唔怕老實講 , 我身邊既朋友都話我地 , 會唔會玩大咗 , 兩公婆唔識英文 , 竟然推個仔去讀英文小學 , 佢地既意思我好明白 , 說實話丫 , 頭一年 , 我地的確追得都幾辛苦 , 喺學習上同功課上 , 我地都冇辦法去指導小朋友 , 有陣時自己重會諗 , 我係咪唔應該揀呢所小學呢 ?

一年詔去喇 ! 喺呢一年入面 , 我聽過好多好多對學校既評價 , 好壞各半 , 但我都冇在意 , 因為 , 眼前比我睇倒既係 , 小朋友的的確確 , 用佢既行動去話我地知 , 我地冇揀錯到 !

舉個實例丫 , 我有3個姪仔 , 佢地都係喺同區既中文小學就讀 , 成績都算理想 , 但有次佢地3個上嚟我屋企玩時 , 大果個姪仔 , 好隨意拎起家熹本書睇 , 然後就"嘩" 咗一句 , 我問佢咩事 , 佢答我話好深 , 講緊既係 , 我大姪仔已經係小四學生 , 竟然對一本小一既課本 , 有咁大反應 , 我再追問 , 你明幾多 , 佢竟然答我 , 得10% ...

講真 , 我真係有D嚇親 , 小四喇喎 ! 咁都睇唔明一本小一既課本 ? 就算小朋友讀足6年 , 成績唔係十分之好 , 相對比起其他中文小學 , 都一定會有優勝之處 ...

6年後我會入英中 ? 入直資 ?? 入私校 ??? 真係唔知 , 但係可以肯定既係 , 機會一定唔會係零 !

每一間小學 , 總會有佢既優點同缺點 , 就正如好多家長會鬧 , 學校係咪傻 , D英文咁深 , 小朋友點做呀 ? 講返轉頭 , 當初 , 我地唔係都係因為想比小朋友喺呢間浸淫吓D 英文咩 ? 點解又會有人鬧呢 ?

你怕會計唔掂數 , 同樣好多家長都怕 , 我都唔例外 , 但我好有信心 , 除非最後我打算升中中啦 ! 唔係既話 , 跟本就冇需要怕同擔心 !

倒返轉 , 作為家長既我地 , 更應該多聞多問 , 你/我/其仔人既意見 , 我相信 , 學校一定會正視架 !

Kubi

家熹媽咪，
我都因為我同老公既英文唔多掂，所以先揀呢間學校，唔想個囡好似我地咁，我都好驚自己揀錯，驚幫唔到個囡之餘仲害左佢　不過睇完你既見解，而家個心定左好多:loveliness:

webjen

家熹媽咪,
欣賞你係度付出o既努力,好多詳盡資料,應該幫到好多家長
你講o既我都相信,希望我囡將來都入到呢間小學啦, 其實我囡先得 3 歲

家熹媽咪

原文章由 Kubi 於 07-8-16 12:24 發表
家熹媽咪，
我都因為我同老公既英文唔多掂，所以先揀呢間學校，唔想個囡好似我地咁，我都好驚自己揀錯，驚幫唔到個囡之餘仲害左佢　不過睇完你既見解，而家個心定左好多:loveliness:

有冇揀錯大家都唔知 , 唔係馬後口炮 , 就正如今日唔知聽日事 , 我為自己個小朋友 , 可以做到既都係得咁多 , 日後係點 ? 都要睇佢自己做化 ~

又唔駛講到累咗佢咁嚴重 , 講真 , 我入呢間學校時 , 我會先比定心理準備自己 , 如果真係跟唔上既 , 迫住都要轉校 ! 呢個唔係放棄 , 只係我都有自知之名 , 得既故知係好啦 ! 但唔得 , 我都冇損失喎 ! 只係怪自己唔掙氣啫 !ops:" />

[ 本文章最後由 家熹媽咪 於 07-8-17 23:32 編輯 ]

brjhome

我

家熹媽咪

原文章由 brjhome 於 07-8-17 23:07 發表
我

?? 有咩可以幫倒你 !

家熹媽咪

最新消息 :

今屆小六畢業生 , 3班合共77人 , 有21位己入  香港青年協會李兆基書院 !

moondream3003

請問知否李兆基書院是不是考IB課程架??

原文章由 家熹媽咪 於 07-8-20 16:45 發表
最新消息 :

今屆小六畢業生 , 3班合共77人 , 有21位己入  香港青年協會李兆基書院 !

家熹媽咪

原文章由 moondream3003 於 07-8-22 15:32 發表
請問知否李兆基書院是不是考IB課程架??

抱歉 ! 我唔知咩叫做 IB 課程 , 所以未能答你 ! 可以解釋一下嘛 ?

stella2005

moodream3003,

IB課程=國際文憑課程(International Baccalaureate)
[size=+1]

現時提供IB 預科課程學校一覽
澳洲國際學校
漢基國際學校
香港法國國際學校
佐治五世學校
京斯敦國際學校
香港李寶椿聯合世界書院
耀中國際學校
英基學校協會旗下所有中學：
沙田學院
南島中學
西島中學
不少本地直資中學宣布開辦IB課程，除拔萃男書院及啟思中學外，聖保羅男女中學、港大同學會書院及聖士提反書院也即將引入IB大學預科課程。

李兆基書院好似未有喎。


詳情可往這個website :
http://www.com.cuhk.edu.hk/ubeat/070478/ib.html#1

原文章由 moondream3003 於 07-8-22 15:32 硐表
請問知否李兆基書院是不是考IB課程架??

[ 本文章最後由 stella2005 於 07-8-25 18:12 編輯 ]

家熹媽咪

原文章由 stella2005 於 07-8-25 18:10 硐表
moodream3003,

IB課程=國際文憑課程(International Baccalaureate)


現時提供IB 預科課程學校一覽
澳洲國際學校
漢基國際學校
香港法國國際學校
佐治五世學校
京斯敦國際學校
香港李寶椿聯合世界書院
耀中國際學校 ...

唔該晒stella 完全明白 !