仁X堂係一間無人性的幼稚園

A-one

本人的小朋友係仁X堂既幼稚園讀緊K1,今日去奧海城既表演。學校安排左旅遊車接送家長同小朋友。預先老師又無講明坐幾號車，到停車場只見到好多家長爭車座。仲有又要我同d小朋友換表演服，換得來，老師又走左。我同小朋友好趕咁追返班主任，又搵唔到，問其他老師又話有車上就得。我地在大熱天時底下等左好耐車。之後到達奧海城，一片混亂，又話自由活動一陣，唔到幾分鐘，又話要集合綵排，見到老師好忙咁搵小朋友。

綵排更慘，小朋友在太陽底下一邊等綵排，一邊大汗疊細疊，又無人理，因為一個老師睇成30個學生，口渴又無水飲又無野食，係我地d家長去買水，然後遞比老師再比佢地jer。仲要晒住咁等成2個鐘。我覺得好似難民營。

你地話，一間慈善機構辦既學校有無慈善既心? 明知要等咁耐，點解唔預先準備定d水同食物比小朋友? 仲要係度乾晒。其實簡主任同校長之前有無諗過同計劃過呢d野對小朋友既影響有幾重要? 主任同校長有無諗過我地父母既心情? 佢地又關唔關心小朋友呢?
身為校長同主任都咁樣對小朋友，完全對佢地失望。

又話係仁愛堂，對小朋友及家長又仁唔仁愛呢? 唔計呢度平時做野成日錯漏百出，連基本既照顧小朋友都做唔到，試問你地又放唔放心比小朋友係度讀呢?

除非全港幼稚園執晒，執淨呢間，否則千其唔好入。

[ 本文章最後由 A-one 於 07-7-15 21:58 編輯 ]

小新丁

我都係教書的，但我學校一定唔會出現呢個情況。我都覺得小朋友好慘。你不如同學校反映下啦，等佢有d改善。

147258

A-ONE 家長，我好明白你的心情，今日咁鬼熱，小朋友冇水，又冇野食，仲要曬，真係好心痛。
但係我有D唔明，奧海城唔係有冷氣的嗎?明明是室內的，為何要曬呢?而且我在報紙上都睇到有關的活動，但係好似唔係仁愛堂舉辦架WOO.......咁場地，水，食物都應該由大會供應架，咁你地有冇去問大會呀?
因為我都係老師，試過類似的活動，因為我地只係被邀請，大會又冇講清楚WOO....到活動開始時我地就咩都唔知，家長問幾時開始又唔知，幾時完又唔知，有冇食物供應都唔知，都幾慘架，自己都好心急，又要俾家長罵，但又明白家長罵得都有道理，大家都關心小朋友，但又冇辦法，只有一味同家長講唔好意思。好彩d家長都明白唔關我地事，就好過d。
咁在呢件事上我唸學校都唔想的~~~A-ONE 可以冷靜D問返學校點解會咁LAW......咁你都要俾個幾會學校解釋架MA........學校同家長最重要係互信，有咩唔明可以問到明的。

A-one

1472158,奧海城係有冷氣，但佢係環保設計，天花係透光的，再者幾百人聚係一達地方，仲有咩野冷氣呀?

仲有，雖然呢樣野唔係學校攪，但學校帶住d小朋友就要考慮下小朋友的需要?

1472158,你咁消楚，唔通你係佢地既老師?

cancan1014

我都知仁愛堂是很差我已為我囝囝讀個間差,原來差不多仁愛堂屬下的幼稚園都咁差,真係好在我囝囝讀左2星期就退學.現在囝囝每天都很開心咁返學,