仁立紀念小學家長區 (2)

csy_ma

原文章由 wp-bn 於 07-9-9 13:01 硐表
csy_ma,

我去年一次過參加了六年家教會了, 但我唔見咗會員証及忙記了會員號碼, 請問我應該怎處理  

您係唔係顧慮到要參加「仁紀中秋夜」同遲D幫囝囡報課餘活動，要填會員證號碼？唔緊要，到時您填係家教會會員，就會幫您查番個記錄（其實我都唔記咗 ）．

csy_ma

wp-bn：

關於Longman隻VCD........我都唔係好知，不過之前已響天利行買咗，上星期借過俾同班既家長．佢話遲D都會copy多隻俾符太，您不如聯絡符太，睇吓可唔可以幫您cop多套::" /> ．

[ 本文章最後由 csy_ma 於 07-9-10 11:42 編輯 ]

csy_ma

原文章由 somimi 於 07-9-8 23:19 硐表
hello 各位家長,

你地好呀 !!
大仔今系仁紀校友, 今年去左林護....
細仔今年k3要搵小學, 可以話我知仁紀真系行小班嗎 ?
系的話我要重新計劃一下是否入番仁紀.
因我e+唔系住葵青,
但之前已經同校長down過聲學位問題 ...

somimi：

咁就要睇吓您話既小班既定義係乜勒
據講，響有d收生不足／過40%領有綜援學生既學校，教育局會增撥資源進行小班教學－－不過仁紀梗係冇咁幾空間．呢點，好似plee仲清楚d．
不過學校實行咗班內班既教學，唔知可唔可以叫小班教學？
目前，學校響7班中抽調咗部分有特殊教育需要既學童（每班最多12人），響上課時間內由合約老師進行小班教育．於課後時段，亦有老師跟進．
至於拔尖，則在P5、P6的補課時段，挑選英數方面的學童進行拔尖課程.
現時，P1-P2既NET，係教育局派導師提供既，P3-P6，學校則購買校外既專業服務．提供專業服務既機構係非牟利性質（記唔切個名），其老師都係頗有理念既外國人．今年，P4-6精英班（A、B）每周將有額外多一節英文課，由NET任教．另周六亦有3組課餘活動，由該機構的NET負責，約90學童可受惠（周六課程非免費，但價錢優惠）．據聞數學亦有奧數課程，不過詳情聽唔清楚

wp-bn

哈哈...估中了, 聰明女  只需填係會員, 咁就好了, 果然有系統啞吓

原文章由 csy_ma 於 07-9-10 11:32 硐表


您係唔係顧慮到要參加「仁紀中秋夜」同遲D幫囝囡報課餘活動，要填會員證號碼？唔緊要，到時您填係家教會會員，就會幫您查番個記錄（其實我都唔記咗 ）． ...

wp-bn

csy_ma,

天利行在那裏呀? 請間隻vcd係咩名呀, 我好想買, 因為我係雙職媽咪, 咁可以方便囝囝自已溫習

原文章由 csy_ma 於 07-9-10 11:38 硐表
wp-bn：

關於Longman隻VCD........我都唔係好知，不過之前已響天利行買咗，上星期借過俾同班既家長．佢話遲D都會copy多隻俾符太，您不如聯絡符太，睇吓可唔可以幫您cop多套::" /> ． ...

csy_ma

原文章由 wp-bn 於 07-9-10 20:47 硐表
哈哈...估中了, 聰明女  只需填係會員, 咁就好了, 果然有系統啞吓

咁有系統既，梗係唔係我（典型既4號），係李美珊主任既資料齊，做事又唔怕煩啫（佢每次家教會活動都會對名，唔會有人可以魚目混珠 ）

至於天利行，請參閱：http://www.thleebook.com/
九龍彌敦道607號新興大廈二樓商場
2388 1743

不過，其實等學校統一買，應該會平d．符太係幾典型既2號仔，應該會幾樂意幫手架喎．

HelloKitty*

csy_ma:

我好感激您真誠的分享!

其實，我依家仲住緊葵青區，遲d會搬入深井。到囝囝小一時，應該會由工人接送佢返學放學。囡囡就諗住係深井讀幼兒園或幼稚園(你知道香港保護兒童會深井幼兒學校同栢基海韻幼稚園 (本地課程)邊間好嗎?)。不過，我奶奶住係葵涌，佢好唔想我地搬。其實，佢好想囝囝讀仁立，但係我怕好谷。佢老人家又唔捨得d孫，但又唔肯入去一齊住(依家一齊住緊)，所以佢想個孫係仁立讀，佢都可以幫手照顧，但係我就擔心緊車程太遠，令囝囝好疲倦。因為我係在職媽媽。我都係諗住如果讀仁紀，就要晨早車囝囝同工人出荃灣，然後佢地再搭車返學。因為我要七時半前返到公司，所以我大約七時零五分車佢地去荃灣，都唔知佢地點樣打發時間，而且囡囡又要返學，所以我都係未諗掂。如果可以同您地o既仔女做同學梗係好啦!

原文章由 csy_ma 於 07-9-10 11:03 硐表
HelloKitty*：

我而家主要係做緊全職媽咪，而選擇仁紀當初係老公的堅持（我當時心儀浸聯，且識話得事既浸聯教會中人，但佢都以怕第二輪抽唔到徬徨為由，第一輪就揀佢母校．後來先發覺，佢對母校好有感情），所以情況唔係同您好同．．．

就個 ...

HelloKitty*

plee:

其實，我囝囝都係有二十分，我都無諗過一定得。不過.......緊係心存有一線希望的。

原文章由 plee 於 07-9-9 23:09 硐表
HelloKitty,
今年小一一班有36至37人, A至D班行班主任制, E班就仍是一個班主任, 原因不明。
不過如果你細仔想入浸聯or馬基, 1st round看來機會都幾微, 因為兩間都是大熱學校;以去年小一申請者來說, 我有朋友是長子 ...

HelloKitty*

其實，我都好擔心自己安排錯誤，令到囝囝未能入讀一間良好的學校。做人阿媽真係壓力好大。因為呢d嘢，男人係唔會上心的。

我真係要懇切禱告，祈求天父親自為孩子預備一間最合適的小學，使他學有所成，為主所用。

原文章由 HelloKitty* 於 07-9-10 21:56 硐表
plee:

其實，我囝囝都係有二十分，我都無諗過一定得。不過.......緊係心存有一線希望的。

csy_ma

原文章由 HelloKitty* 於 07-9-10 21:51 硐表
csy_ma:

我好感激您真誠的分享!

其實，我依家仲住緊葵青區，遲d會搬入深井。到囝囝小一時，應該會由工人接送佢返學放學。囡囡就諗住係深井讀幼兒園或幼稚園(你知道香港保護兒童會深井幼兒學校同栢基海韻幼稚園 (本地課 ...

因為鄰居兄弟之前讀栢基，阿哥之後讀海壩街官小→喇沙，所以我地響小囡2歲前，都諗住俾佢讀栢基．不過後來我帶囡囡去海韻果邊遊樂場玩，見到佢d外籍老師（好似菲籍）帶班細路去咗遊樂場，就自顧自傾偈，都唔多照顧班細佬，印象轉差．再參觀校舍，見到佢地都冇乜佈置（視覺刺激），個主任答野又唔到point，就唔係咁鍾意，結果搵咗第間老遠既nursery俾阿囡讀．

至於保護兒童會，個落地玻璃景真係幾正．我囡讀K1時佢先啱啱開，設備夠新．同區許多學童都選擇佢，所以好搶手，好似要等位，您想阿囡去就要快D排定隊先．
我識得幾多同區既小朋友響果度讀，去過其中一個既生日會，冇乜聽見家長話間學校唔好．而且隔鄰有搞得幾好既小童群益會，得閒可順便俾小朋友去參加吓間中心既活動，都好方便．

我向來認為讀全日制既幼兒園，會訓練到小朋友既自理能力，又會開心d（可能因我囡鍾意熱鬧），所以俾我揀，我會揀保護兒童會－－爭在未必有位．．．（如冇位，假如阿囝又揀讀仁紀，荊冕堂都係個就近既好選擇－－而家學卷制，全日制維返條數都係俾2千幾蚊，佢師生比例夠高，教法新，幾抵嫁．且假如升仁紀既話，會有好多同學仔一齊升，少咗好多適應既問題．）

至於哥哥，俾著我都會好頭痛．不過睇您字裡行間既訊息，您好似都已經選擇咗親情．咁剩下要考慮既似乎係解決實際既問題．

返學方法其實有另一個選擇，就係載阿囝至麗城，上7:00am開既麗城校巴（或者再早d，6:51/52am響海灣花園／海濱花園上），因為有排熬（此線最後一站在禾塘咀街，係7:35am，之後先駛返校，小朋友眼瞓仲可以瞌多唔止一陣，再唔係之前果晚錄定d深情私語俾佢，叫佢上車聽）（我地都曾錄過英文串字俾阿囡，當催眠曲）．
不過校巴公司唔會因為您放學唔搭而收平d，一樣要俾全費(此線除禾塘咀街外，今年月費一律$450，明年唔知會唔會加)，就幾唔抵既．

至於谷唔谷既問題，係睇不同班不同老師既教法，但最重要都係家長點睇．
舊年E班功課之少，令同級既家長都好羡慕，但佢地班既平均成績係最高既．家長間既話題亦常提到成績排名（聽講浸聯似幼稚園一樣，冇排名，只有評估報告），同時亦會俾額外功課予子女做．
不過總體來說，仁紀其實傾向於小一唔俾咁大壓力家長同d小朋友，d老師都偏於寬鬆．

（我都幾想知浸聯有乜魔法棒，俾小一生咁大自由度下，到高年級又可以谷到升學率咁高？可惜我識得既都係同級同學仔．至於馬基，縱然係我果位選擇咗馬基，見到囡囡返學好開心既朋友，都有話過因為唔係太滿意該校既升學率，諗住高年級可能俾個囡轉校．不過等仔女適應咗，可能就唔會咁諗？）

既然阿囡而家揀咗仁紀，我地好自然有歸屬感，會覺得仁紀好D（浸聯我聽到既負面意見，倒都係入唔到去既家長覺得佢大鼻．仲有我果位冇宗教背景、揀咗馬基既朋友，話開放日時校長好似幾傲氣，馬基既小二家長，亦對老師大讚不絕）．
跟功課方面，深井小童群益會都有課餘功輔班，ok有口碑，不過位很少，最好暑假已報定果時既全日制功輔班先，會較易插隊．

小朋友係6-12歲呢個階段，都幾影響個人成長（不過我覺得幼稚園仲重要d），揀校呢樣野，最好唔好俾d短暫因素，例如同嫲嫲近唔近（假期多d去咪得咯，又難保呢6-8年佢唔會改變主意，搬去同您地住）之類影響，最重要係判斷邊間學校既校風適合您兩位小朋友，取其中位數．好老實講，我而家湊返學搭車回家，坐34響麗城轉車時，有時都忍唔住想，假如當初幫阿囡選擇浸聯，又會點呢？

－－我唔知未發生咗既事會唔會好d，只知道而家既選擇都唔差．仁紀冇我當初估計咁重成績（果時我真係一力反對，但係老公好強調習慣咗其實唔係用好多時間－－佢自己就係，對阿囡黎講，要睇狀態），功課量而家都覺ok合理，係就係返學放學遠d，但係佢細個時習慣咗行遠d，中學時就適應好d，到時點都要出去架啦．

最重要係阿囡讀得開心，就算成績唔係好好，都ok有自信，舊年都有機會做班長、行長、科代表等等（仁紀好多呢d位，班長亦有4位，佢個班班主任既政策，似乎係2個乖既搭2個活躍既，我囡上次就因為上手女班長太活躍被換掉，而做咗替工班長）．聽講高年級仲有好多有責任需負既大哥哥大姐姐崗位．

我諗無論揀邊間，您最好都度好放工時間（返工咁早，放工會唔會早番d？假如係，早返早放既仁紀，可能更適合您，浸聯好似係返8點半，您出咗門口，阿囝都未需要起身，可能對少寶貴既一陣）
－－初小既適應階段，其實好需要父母在身邊支持同看顧．就算揀浸聯，功課雖然相對少，但係都有每日一篇同埋某d報告，要親子伴讀或一齊做；而小一係建立孩子學習習慣的關鍵期，未必可以單靠外傭姐姐既人身照顧，就可以正確建立既，到時最緊要多留點時間給他們

[ 本文章最後由 csy_ma 於 07-9-11 01:13 編輯 ]

csy_ma

係勒，我好耐之前聽人講，浸聯高年級d project，好多時要家長齊齊做，先搞得掂．不過女兒升小後，倒沒聽到該校既同學仔提起過（佢地剩係話入到定入唔到普通話班）．

cookie

您地有冇人會去24/9 既中秋會??
csyma,
我想知係咪下個星期開始可以罰留堂?因為今日囡囡話自己好冤枉, 只係係排隊個陣擰轉頭但無傾計, 就俾孫sir罰企, 我囡囡話好無辜喎, 孫sir仲話下星期再犯要罰留堂.
csyma, 如果真係罰留堂, 會唔會miss左班褓母車無車返屋企架.

黃巴士

COOKIE,

咁您囡囡聽到再犯要罰留堂, 係米好驚呀????
佢幾時排隊俾人罰呀, 我見放學果陣不知幾多小朋友郁來郁去啦.
咁都要罰????? 唔係瓜????
如果我知道亞仔要被罰, 我通常都會先問返亞仔, 跟住再問班主任了解吓, 究竟發生麥事????

黃巴士

原文章由 cookie 於 07-9-11 23:13 硐表
您地有冇人會去24/9 既中秋會??
csyma,
我想知係咪下個星期開始可以罰留堂?因為今日囡囡話自己好冤枉, 只係係排隊個陣擰轉頭但無傾計, 就俾孫sir罰企, 我囡囡話好無辜喎, 孫sir仲話下星期再犯要罰留堂.
csyma, 如果 ...

csy_ma

原文章由 cookie 於 07-9-11 23:13 硐表
您地有冇人會去24/9 既中秋會??
csyma,
我想知係咪下個星期開始可以罰留堂?因為今日囡囡話自己好冤枉, 只係係排隊個陣擰轉頭但無傾計, 就俾孫sir罰企, 我囡囡話好無辜喎, 孫sir仲話下星期再犯要罰留堂.
csyma, 如果 ...

我會，因為舊年抽唔到，今年仲可以優先抽添 －－不過好似因為係「工作人員」，今年實去到．

我日日都接放學，冇聽過有小朋友真係罰留堂呢回事（我諗就算有，應該係要見家長／記缺點既大件事先會），老師多半係靠嚇居多（唔好話返俾囡囡知 ）．
舊年我囡個班主任初時夠話邊個曳邊個午息唔俾．．． ，有家長好擔心，響小一新生與班主任交流既會談上追問，老師直認係靠嚇 ．可能因為佢既親和力，好快令到d同學仔唔係好驚佢，所以都要諗d板斧對付佢地．

csy_ma

原文章由 黃巴士 於 07-9-12 09:39 硐表
COOKIE,

咁您囡囡聽到再犯要罰留堂, 係米好驚呀????
佢幾時排隊俾人罰呀, 我見放學果陣不知幾多小朋友郁來郁去啦.
咁都要罰????? 唔係瓜????
如果我知道亞仔要被罰, 我通常都會先問返亞仔, 跟住再問班主任了解 ...

您都話好多小朋友郁來郁去，可以推想，要維持秩序同場面有幾難 ．以上學年既好有限既接觸，孫Sir平日好有禮貌（我囡鍾意呢間學校既原因，最初竟同孫Sir有關 ，所以有特別留意，您可以recall一下運動會時，孫Sir鬧人都會加個"請"字），但係企上去果個位，就要做白臉 ，可能有時要有殺錯冇放過，Cookie囡囡夠顯眼，所以．．．．

csy_ma

原文章由 csy_ma 於 07-9-11 00:00 硐表
係勒，我好耐之前聽人講，浸聯高年級d project，好多時要家長齊齊做，先搞得掂．不過女兒升小後，倒沒聽到該校既同學仔提起過（佢地剩係話入到定入唔到普通話班）． ...

我今日撞見浸聯P2既家長鄰居，佢苦埋口臉話，以前浸聯就係冇咁多野做（佢個大囝都係讀浸聯，好似升咗中咯），但係現家改咗勒．
改咗既唔係功課多咗，係要做既野，例如要讀既野、要做既project／其他野多咗．佢咁講，我先諗返起，我以前見過浸聯P1有個project，唔記得係講動物定係乜，家長需幾花時間去砌（所以家長後來好proud of個製成品，會攞出黎同我地分享）．

我諗，要小朋友讀得輕鬆之餘，又要響激烈既競爭環境下爭上游，家長好難可以少做野．好似馬基校長響舊年開放日話齋，響而家既環境下，有邊間學校可以唔谷？敢唔做野？

仁紀相對而言，反而係”他條”咗．我記得P1上學期可能有7-8樣功課，下學期都少番到5-6樣．而家剛開學，都係得3-4樣度．可能已經適應咗，覺得每門功課的量都不是太重，好似我囡做做吓會走過黎同我講野果種勁唔專心既小朋友 ，每門功課都係做10-20分鐘就完工．所以開學前所擔心既激烈場面都暫時未發生，我地仲有時間繼續做加減百子格．

我曾經響度做文抄公介紹百子格運算，不過果時自己冇真正實踐．暑假時，唯一堅持下來既，就係做咗20幾日百子格，發覺效果唔錯
－－我由單位數加數開始，等囡囡做到100題數6分鐘內左右搞掂既時，就逐D滲入兩位數字，擒日啱啱試1X-9X既雙位數字+個位數，囡囡都冇抗拒（佢最初做雙位數減個位數時，走黎講咗幾次話唔做）．

我聽過有家長去上公文中英數．公文數都係每日要限時計200條數（規定要心算），上堂時又係即場計．
我覺得百子格練習都係類似既野，基本上，數假如係每日計既話，所需時間梗會愈來愈少（正唔正確倒未必成正比）．百子格練習需要既只係13格簿，數字家長自己寫／抄上次就得，比較方便，覺得唔夠時間去人地度上公文數既家長，不妨試吓．

cookie

我囡囡聽到罰留堂無話驚, 只係覺得佢都無錯, 做乜要罰企喎.....
我都唔係好知佢咩時候排隊被罰.

csy_ma

因為有家長問我「百子格」係乜，所以抄返此前鋪過上黎既野－－暑假同個囡做咗20幾日，發覺真係有d用，佢心算進步咗，冇咁驚計數．各位不妨試吓，或者可以慳番筆唔駛上公文數

日本有個小學老師發明左個「百子格計算」方法：
就是把直10行橫10行的練字簿，當成簡單的運算簿，
最上和最左的一行分別寫上個位數字（第一格可寫＋號），
請小朋友運算縱向和橫向的數字，把所有空格填滿．
亦即是，小朋友需運算81題簡單加法（之後可改作減法和乘法）．

最緊要既係：每張運算紙列明計日期，同埋要計時，並鼓勵小朋友打倒昨日的自己（當然，贏左先有獎）．初時，每日都練習同一批數．

以下引用的，出自這位老師的文字（陰山英男著、馬宋芝譯，《如何在家中提升子女的學習能力》，正文社04年版，$50）：

每個孩子的情況都不同，有些最初要花上十分鐘來完成一張練習，但經過兩個星期的反覆計算，時間可以縮短接近一半．

競爭對手不是別人，是昨天的自己．如果今天比昨天做得更快、更有效率的話，信心便會隨之而來．

學習如何運用驚人的集中力，也是百子格計算的成績．．．教授的研究報告指出：集中進行簡單的運算練習，可以令腦筋靈活．

對於低年級的孩子，可因應孩子的能力，選擇由25格或64格開始．．最重要的還是持之以恆，相同的題目也要反覆進行兩個星期．持續一個月後，孩子便會產生變化的了，例如平日無法安坐的，也變得可以靜下來讀書．

百子格計算的另一個好處，便是可藉此發現孩子於運算時，哪兒的基礎能力不足．．．反覆計算，到了完全沒有錯誤時，記得稱讚孩子一聲”做得好！”

csy_ma

高年級家長不可不看既練習大搜索http://forum.baby-kingdom.com/viewthread.php?tid=1114656