覆診，換黎一肚氣！

witsang

帶小朋友去覆診,相信我們經常要做的事，度時間、請假及預備工夫等。有次我帶囡囡往大口環覆診，例排要*等*，好彩就一個鐘ok,唔好彩......喔....幾粒鐘都仲係到！個次足足呆等2粒鐘，姑娘一叫名我就抱住囡囡行入醫生房，嚇倒我 廿幾人坐行房內(我估係學醫學生)他們圍我兩母女，不停用英語對話研究個小朋友有咩事！女教授好敷衍要我囡做些指定動作(步行數步.繪畫圖形...)，因為她開始扭計,教授便說ok!跟著佢地班人無再理我地,姑娘行過黎細細聲話你地可以走啦！睇完！
我即刻眼都突 :-x 我都未問野？醫生我又未見？佢又無同我講咩？唔係呀！叫我走！姑娘:咁出去等我幫你安排！最後...........緊係帶住一肚氣走 姑娘解釋今次安排應診唔係覆診.其實你地已經好好啦,有咁高級教授睇你個女,而且又有學生研究！
我火都黎！！！我唔理,教授又點？佢會尊重我地咩！又咪當我地亦白老鼠？成為一份學生教材功課！對我地又幫唔到！浪費我地時間，加上我有俾覆診費$60,你完全冇話俾我聽要見教授！即係無得我同意！離譜！    回家後投訴！！！ 你地有冇谷氣野？齊齊分享！

hinhinmummy

你都係覆診時做白老鼠, 我係做評估時做白老鼠, 吾知當日既醫生係吾係教授啦, 但就一輪咀同班學生講解我個仔的情況, 亦吾知係吾係因為甘, 所以判左我仔係'自閉症', 雖然我都認同阿仔有自閉症既特徵, 但未去到話同外界溝通吾到既嚴重自閉症, 當日佢係班學生門前, 同我講, 你呢一生條路好難行架啦, 個仔比四面牆圍住, 比佢讀主流學校都係發白日夢.........

覆診, 好彩就等一粒鐘, 吾好彩等2粒鐘見3分鐘我都試過, 吾去呢, 又驚佢地close file, 去呢, 又要請假, 加上覆診既時間都係2-3點, 看完出去既時間就係aberdeen tunnel既塞車時間, 次次一覆完診就要打'沖風'甘, 沖去搭車, 好驚條tunnel塞車, 試過前年, 2點入去, 等2個鐘先有得見醫生, 見完3分鐘之後, 出去tunnel, 大塞車..............6點幾先出到去causeway bay...........

babytszkin

我係uch見0個個精神科e生都係好廢 通常等個零鐘跟住例牌問亞仔有無咩進步呀? 我話無!跟住他話有講座會打比我叫我走得 :tongue:

hinhinmummy
我想問下個張傷殘兒童症係點羅架?我問個e生他話係d病人羅比他簽名,他話他唔知係邊樹有form拎喎  

witsang

我上年都申請左,手續都算煩,你先問學校社工羅張表格,然後等到呀仔見醫生/覆診,就拎出黎比醫生填,記得要醫院蓋印!即日取回表格,如可以就比捚社工(以前替阿仔辨理入學既社工),手續尚算完成了！呀,漏左一張相呀,証件有相呀!學校社工話改左手續,所以煩D,以前由學校負責填直至拎到証ge,但依家就要親力親為！最後傷殘兒童証會到你屋企！有咩唔明再問啦！

AmyLo22

我有個朋友話帶bb去政府評估, 過程中bb大發脾氣,哭. 醫生竟然話: "有得佢發癲啦", 叫我朋友等多半年再評估bb需否排服務, 我聽到後也真激氣, 我朋友本來想投訴他的.

witsang

AmyLo22:咁你朋友有沒有投訴？只要打個電話就可以討回公道呀！

AmyLo22

我朋友是做sale的,可能對投訴很敏感,所以她說:很激氣,但也給他一次機會,他想了又想, 我也不知他的決定,我只想希望他快再去評估中心可否能爭取到另一次評估,(因之前的也醫生不好) ,看看可否立即排期訓練,不再拖多年才排了,不知我朋友是否仍不願接受,他說待bb返幼兒園一段時間再算, 唉, 我都沒他辦法了

st

i hate the Govt CAC dr  too..... most of them are lack of HEART to kid.

      

crybeebee

My son's neuro at PWH is so good and she has a very good heart! Everytime, she "sees" from parent side.
My son's previous neuro was at 大口環教授(Professor Wong) and we were seeing her as private patient(we paid over $1000 each time plus extra for the medications). I can tell you she is cold blooded and her diagnose for my son was wrong. From my understanding, the whole neuro team at QM/大口環 has NO heart.
HA has to refund the medication cost to me because she prescribed the wrong medication for my son.
My experience with government hospital - you have to make a complaint if there is anything wrong and if you are not satisfied. There is patient relation officer that you can talk to. The officer is good.

yymm2007

我都不吐不快 !

當我發覺自己小朋友o既行為同表現, 跟其他小朋友不同 , 我便要求健康院轉介我小朋友到評估中心做評估 !

約一年半之前終於排到我...個醫生評估完話我小朋友無問題 , 只係我管教唔好 , 令到個小朋友情緒不穩定 及 常常發痺氣 , 言語間仲話我浪費政府資源, 當時我仲比佢鬧到喊左出黎 !  佢叫我番去讀下d教仔課程 (eg. 3p) , 好喇....咁我就以為佢咁專業 ! 真係無懷疑過佢睇錯 ! 終於教仔課程又讀完, 用係我小朋友身上, 完全無效 !

最後我小朋友個情況越來越嚴重, 已是我能力控制吾到 , 我不得不懷疑佢睇錯左 ! 硬著頭皮....又再要求再做評估 ! 原本評估要做2個鐘 , 佢做左半個鐘就同我講 , 我小朋友係"自閉症病徵" , 之前係佢睇錯左 (2次評做都係同一個醫生) , 咁我問佢, 我個小朋友係咪"亞氏保加" ? 因我從書本上看到我小朋友個情況真係好似"亞氏保加" ! 佢話係好似...但又無確實話比我知係唔係 , 咁即係點呢 ?    浪費我小朋友寶貴的一年半時間 , 唔睇清楚就省我一餐 , 最後發現自己睇錯, 如果當時佢細心d睇清楚 , 我個小朋友可以早一年半接受訓練 或 有其他幫助 , 相信吾駛搞到情況咁壞 .... 我唔係話賴佢 , 但佢令我浪費了很多時間 及 走了很多怨枉路 ! 對唔住都無句, 真係好不負責任 ! 最慘就係我一直以為真係佢咁講 , 自己個小朋友係頑皮, 係街比人話我"無家教" , 比人用"粗口"鬧, 我都無可耐何 , 仲以為問題真係出自我身上, 係我教得唔好 !   搞到我試過自責到喊 , 點解自己咁無用 ?教唔好自己個小朋友 , 成日係街比人鬧! 教我又教過無數次, 但教極都係咁 ? !       差d連我都要見心理醫生 !

所以呢d醫生咁搞法 , 佢地咁不負責任 ! 真係累死人 !

Charlotte_mom

哎, 本來都有野呻, 不過算啦! 比起你地d經驗, 小事姐....
我有個社工朋友, 做問題兒童發展既, 一聽到大口環就已經鬧出黎, 話佢地唔為家長設想, 一味官僚
仲有呀, 有件事, 真係忍唔住.............見完社工, 確定我個仔有語言障礙, 要排秉收位, 無耐就收到社會福利署封確認信"申請輪侯的康復服務: 幼稚園暨幼兒中心秉收弱能兒, 我真係好想即時打電話去社署鬧, 我真係好嬲, 我頂你XX!! 我個仔只係學講野比人慢半年, 唔至於俾人叫弱能兒掛????!!! D政府官員係狼心定狗肺架! 我見到果幾隻字, 個心幾痛佢知唔知   

yymm2007

想請問各位 ...

申請"傷殘兒童證"有咩用架 ? 係嘜情況下可以申請 ? 透過"評估中心社工"申請 ? 還是透過"家庭服務社工"申請 ? 謝謝回覆 !

lovematthew

To: babytszkin / yymm2007,

你可以在 "衛生福利及食物局"網頁[url=http://www.fhb.gov.hk/index.htmldownload]www.fhb.gov.hk/index.htmldownload[/url]表格,
或click上呢個網站看看「残疾人士登记证」申请指引 (PDF) gia.info.gov.hk/general/200604/28/P200604280296_02
或可致電到以下部門查詢, 以下資料資料在網上搜尋得到希望可解答你們:
[table=98%][tr][td=3,1] [/td][/tr][tr][td=1,1,10%] [/td][td=1,1,80%]

殘疾人士登記證 ＊＊＊＊＊＊＊ 由一九九九年一月起，

lovematthew

To: babytszkin / yymm2007,

1) 你可以在 "衛生福利及食物局"網頁[url=http://www.fhb.gov.hk/index.ht/ml]www.fhb.gov.hk/index.ht/mldownload[/url]表格,
2) 或click上呢個網站看看「残疾人士登记证」申请指引 (PDF) gia.info.gov.hk/general/200604/28/P200604280296_02
3) 或可致電到以下部門查詢, 以下資料資料在網上搜尋得到希望可解答你們:
***********
殘疾人士登記證
***********由一九九九年一月起，

yymm2007

lovematthew :

thanks !!!!