我的孩子評為邊緣讀寫障礙

mani78

其實 星願小王子 同埋 星願外傳 有咩唔同? 係咪要兩套一齊用先有用? 之前囡囡學校有星願小王子比d小朋友玩, 但要排隊, 我見唔係咁貴, 自己都跟學校買左套, 又真係好ok, 但星願外傳就未聽過... ...

windywong

chiho,
好似上網買得到 (www.little-prince.com.hk), 之前我朋友仔仔學校有得玩, 佢係經學校買既..

chiho 寫道:
星願小王子可在邊到買到??

yywhk

yuki123lam,

我都要多謝你o既回應,有人回應吓令我覺得真係有人睇我寫d嘢,唔係驚人話我傻架 ...自言自語咁講幾版..

既然你主動提及你仔仔個case,希望你唔好介意我同你分享我o既睇法....(唔啱聽就當睇唔到算啦... )

我覺得呢類評估其實唔可能係百分百準確,因為呢d嘢唔係度高磅重,有一定明確而又無可爭議o既標準,有d似考試, 常識攞一百分個小朋友未必真係咁有常識(佢咁啱讀過晒又記得張試卷考o既嘢啫),唔及格嗰個又唔一定冇常識(可能佢都識d答案,不過身體不適,影響成績)...個分數只係小朋友响嗰一刻,做嗰張試卷o既表現.

唔知你明唔明我想講咩, 但其實我想講個評估結果應該只可以作為家長參考之用, 小朋友平日o既表現先至係我地家長要正視同處理o既......但教統局同學校同家長唔同,佢地資源有限,一定要以評估結果作為一套客觀標準去衡量提供輔導的先後次序(唔係會俾人..... ) 如果你同意咁睇,就唔會覺得咁無奈嘞.

不過,我覺得你態度都已經好積極,好肯為你仔仔主動尋求輔助....雖然學校社工唔會主動幫你地,但如果你向佢表明態度只係向佢地借/問資料,而唔係想為仔仔爭取學校特別向讀障小朋友提供o既額外資源(輔導班之類), 咁佢地d反應可能會好d.但你最好試吓要求社工起碼為仔仔開定/keep 住 個file. 咁佢地有呢方面資料時,佢地應該會主動d通知你,你咪唔駛成日驚有新料收唔到囉!  ("星願小王子"d料我都係咁收到咋...)

總之,你仔仔評估出嚟唔係差,最重要係佢又冇行為問題,咁其實你可以放心好多......我眼見我囝囝學校d高年級讀障小朋友,好多都坐唔定,又唔同家長合作,真係想幫都唔知點幫.... 你趁仔仔低年級,功課冇咁多,又仲肯聽話(好多時小朋友到咗小三小四會開始多咗自己主意又冇咁聽話),多d幫吓佢,真係會事半功倍架......

大家一齊努力呀    .......(我個囝囝出年小四,真係比以前開始曵咗dd,囡囡又要適應小一......有排忙!)

ccaa

chiho 寫道:
星願小王子可在邊到買到??

你可以打電話比新怡同佢地訂, 佢地會教你架, 連郵費好似$170左右, 要去郵局law架, 比個website你

新怡互動創作有限公司
www.sunnyinteractive.com

ccaa

yywhk, 我個女同你一樣升小四, 你講得對有時評估ga野好難定準則,所以大家不要介懷評估結果...

montery

各位,
說真的, 我真的接受不到女兒有讀寫障礙,所以我一直找其他方法, 証明佢不是, 但, 雖然現在說她只是邊緣, 但我從未聽過,這類的小孩子可以用甚麼方法幫他們, 坊間專為讀寫障礙而設的課程, 我又覺得對佢嚴重了一點, 所以,我有打算辭工, 用這個暑假同佢溫習, 好像其他家長, 一日溫10個字, 慢慢built-up, 但, 我個女極不合作, 叫佢溫習就發脾氣, 因為, 佢一打開本書, 一個字也不記得, 而叫佢多讀一次, 多拼一次, 好像叫佢去死一樣, 哭著口對你, 當然, 你們都知後事如何, 我份工太忙了, 根本沒時間幫佢, 我又是single parent, 所以, 甚麼事都是自己解決, 所以, 做評估前, 我以為她只是不習憤小一生活, 慢慢會好起來, 誰知道會是這回事.  不過算了, 正如其他家長說, 慢慢重建佢信心, 希望會好一點.  隻傻豬昨晚問我 : [媽咪, 我會不會留班的?] 我真的笑了出來, 其實, 佢其他方面好好的, 口試可以滿分, 筆試只有13分, 其他術科都是A回來, 唉, 這班小朋友的發展真的只有寫在試卷上的才會有優才生?他們也可以有別的發展的? 我聽說, 他們一是智商有問題, 入特殊學校, 情緒行為的, 有群育中心幫手, 但高不成, 低不就的, 自己搵人幫自己好了.
願各家長一起共同為這些小朋友努力

yuki123lam

yywhk

其實我都認同妳既講法, 只係幾個鐘頭入面既評估唔可以代表 D 咩, 我都係以參考態度去睇, 因為最了解小朋友應該係自己, 評估完之後, 其實評估中心已經寄左份 report 去學校, 學校方面都有同仔仔開左個 file, 因為仔仔既問題原來係小肌肉同手眼協調方面, 所以寫字好多時都好大隻, 大部份寫 d 字都係出界, 每日寫手冊, 做功課對佢野講已經好辛苦, 因為佢寫字比其他人慢, 再加上佢認讀中文都好慢, d 筆順又錯晒, 所以學校方面同我傾過, 暫時只會 mark 底個 record, 最多唔會因為佢寫字比較特別而扣佢分數.

我都唔期望學校方面會有 d 咩資料會提供俾我喇 ! 橫掂都係無了期甘等, 不如我自己行動去幫下仔仔好過, 趁住暑假, 可以多 d 時間幫下佢, 我會俾 "星願外傳" 同 "星願小王子" 佢玩下先, 睇下成果好唔好, 好似遲 d 繼 "星願小王子" 之後會推出多一個新產品, 到時有消息再互相交流一下, 因為我家姐都係係小學工作, 所以我會從佢方面取多少少資料.

其實成績方面我依家都覺得唔係太緊要喇 ! 最緊要令到小朋友本身建立番個自信心, 我覺得呢樣好緊要 ( 因為仔仔開始介意同學話佢 d 字好核突 )

我地大家都要努力呀     唔好因為少少野就放棄呀 !  

ALAL

你們好

中文每一篇裡有個神筆游戲﹐有無玩過﹖可以練麥書和筆順﹐可惜暑假不會有﹐所以珍現在重有快 D 玩。

如果是英文有問題﹐最好是 學LETTERLAND 評音。

yywhk

ccaa,

其實我而家已經唔再當囝囝有任何讀障嘞,佢仍時有寫錯字,但只係同一般小朋友咁上下囉,或者偶然會差少少.

但幾個星期前佢試過一次默書寫錯手冊(寫錯下一星期),默書嗰日佢一放學返嚟立即報告話:原來今日默書呀!媽咪!..... :evil: 我個心馬上一沉..........................點知佢都好彩唔駛食蛋.....合格......仲有8x分添 ...... (可能係我叫佢早d開始温習考試範圍,咁默書嗰課課文佢多多少少都有d印象,而課外嗰部份錯字又只扣一分咁啦!)

其實嗰次我真係好開心,但我幾大都忍住冇表露出嚟, 仲好嚴肅咁同佢講話:好彩今次唔係背默咋,唔係你實食蛋啦,下次抄手冊唔該你要小心d嘞...第二次未必有咁好彩架.....

佢行開咗之後,我係忍唔住開心到眼濕濕咁 ....

ccaa 寫道:

yywhk, 我個女同你一樣升小四, 你講得對有時評估ga野好難定準則,所以大家不要介懷評估結果...

yokilau

我搵到可以係依度訂貨, 希望對你有幫助啦~
http://www.little-prince.com.hk/littleprince/order.htm

chiho

唔該曬你...個網好多資料睇
岩岩發現到星願外傳原來有埋讀音添
出面好多教育軟件都無

yokilau 寫道:
我搵到可以係依度訂貨, 希望對你有幫助啦~
http://www.little-prince.com.hk/littleprince/order.htm

chiho

打上新怡互動創作有限公司可以搵邊位同事問到星願外傳既資料??   

ccaa 寫道:
[quote]
chiho 寫道:
星願小王子可在邊到買到??

你可以打電話比新怡同佢地訂, 佢地會教你架, 連郵費好似$170左右, 要去郵局law架, 比個website你

新怡互動創作有限公司
www.sunnyinteractive.com[/quote]

windywong

我尋日同朋友係佢仔仔學校睇過 星願外傳 個試用版, 原來真係好好, 好啱有讀寫既仔仔, 佢都有一個寫字筆順既遊戲, 好似忌廉蛋糕咁要以筆順寫字, 好得意, 又真係可以學到筆順同中文字, 我自己都玩左好耐... 另一個遊戲係將d字型既部件組合放靚去砌中文字, 又係好啱寫字唔靚既bb訓練寫中文.. 真係幾好玩.. 就算我咁大個人冇讀寫問題都覺得幾好玩...

講真, 我朋友成日都上網搵關於讀寫既練習比仔仔, 但多數都係英文, 冇咩中文, 就算有, 質素都係一般, 而香港都好少有資源去開發依d軟硬件, 有質素既軟件就更加少.. 希望d公司可以開發多d e 類既教育產品...

ALAL 寫道:
你們好

中文每一篇裡有個神筆游戲﹐有無玩過﹖可以練麥書和筆順﹐可惜暑假不會有﹐所以珍現在重有快 D 玩。

如果是英文有問題﹐最好是 學LETTERLAND 評音。

montery

其實都有留意這套軟件的, 那次星願外傳lanch那天在電台聽到, 於是上網找, 因為我也想買一套俾個女, 又不算太貴.  不過, 最後也放棄了, 因為我家中的電腦放在我房, 而我用的是win98, 如果要安裝這套軟件, 一定要買多套用win2000/xp電腦放在客廳, 但, 一套機平平地都要$4000.... 所以最後.... 希望過多一個月後,可以有換部電腦俾佢.....

yywhk

montery,

好想同你講......如果連父母都唔接受小朋友有學障o既事實,同主動幫助自己小朋友解決困難,我唔覺得旁人可以幫得幾多......

無可否認,客觀環境同條件(如居住地點 eg市區vs郊區, 同經濟環境)係好影響家長能夠提供o既實際支援,但心理上支持同合理期望(of which係應該唔受客觀環境同條件）都好影響小朋友o既學習態度.

我唔係話教小朋友只係有一個方法,但我覺得我採取o既態度係同你剛好相反....(我仲未寫到囝囝二年級情況,但其實嗰年係佢發展o既轉捩點,我同佢都好積極同intensive咁做咗好多好多嘢, 佢嗰年係多嘢做到我都心痛,驚佢頂唔順架! ),而我o既態度係即使佢唔係好嚴重,我都想用重d藥去幫佢,.....連好嚴重問題都係咁教,小小問題嗰d咪有機會會好番晒?----呢個係我o既想法.

我見你寫你囡囡一温習就發晒脾氣,我想你暫時抽離一吓 ----以一個普通小朋友來說,唔温習又點可能識,又有幾大機會考取好成績? 我雖然係話唔好為一時o既成績而唔開心, 但唔好誤會代表我唔追求長遠o既好成績,我今年已經同囝囝講不論用中文定係英文o既科目,目標分數係90分或以上,in fact,英文科係嚴d要95分以上添! (但佢係咪真係全部可以達到又當然係另一回事....)

我想講我降低中文科分數o既目的只係要把目標訂在合理水平,如果唔係佢根本唔會有心機去達到目標, 而合理水平就真係因人而異,相信只有父母同有經驗o既本科老師先會較清楚.

但最重要o既始終係唔好一開始就咁睇重佢o既分數,而係要睇佢付出幾多努力......囝囝一年級佢肯用心温習,佢一考完試當日我就去學校接佢放學帶佢去海洋公園.....佢d同學仔仲同佢講話:嘩!你媽咪都仲未知你幾多分喎?!    咁快去玩?....但努力過去温習,個分點都冇可能會差過唔努力啩?????

如果你覺得啱聽,即管試吓從學習態度入手,温書唔一定係要佢淨係捧住本書o既...用字咭,白板,背吓書,作吓句,我自己諗咗好多好多不同方法去幫囝囝,但我囝囝啱用o既,你囡囡情況唔同又未必啱...但我覺得每日默十個字呢個方法比較簡單,佔用時間又唔多,十分鐘左右就夠,但唔知你有冇留意唔係每日"温"十個生字....而係每日"默"十個字左右(開始時如果佢好抗拒咁可以五個字開始,慢慢加上去),錯咗要佢寫改正(但大人要幫佢寫"字頭",同用顏色筆突顯佢錯咗嗰部份o既正確寫法,我唔會逼佢改正要寫幾多次,係叫佢自己判斷吓識寫個字未,真係識就一個都唔改都冇問題,但我囝囝通常都真係判斷到起碼七八成),但即使佢啱咗第二日都係重覆再默,直至佢一個字連續(唔係所有字,每個字係單獨計o既,但係一定要連續)啱四五日咁先可以轉過一個生字 (即係斷咗一日都要重新計過). 我估你日日温十個生字可能冇用,因為佢地過幾日好容易又可以唔記得.社工話佢地要連續啱四五日先至係真正記到個字點寫架!

以上如果你覺得唔啱聽,就當睇唔到,唔好唔開心! 總之俾心機幫吓囡囡,佢一定會有進步o既!!!

ccaa

yywhk , 你用１０個字默方法好好，大家多ｄ交流一下各程吾同方法教小朋友．．

我ｌａ最近想左一個方法，用係暑假到，我女最鐘意唱歌，所以我每日都比一首中文歌ｏｒ英文歌詞比佢默書，　基本上佢對ｌｅｅ著歌已經好熟ｇａ，我吾介意係咩歌，　兒歌又好，電視劇主題曲都得，　佢會好好心機唱，　唱住黎默，　方法都吾錯架，　最緊默個著係”小長金”卡通片歌，　我先比佢睇１日禁佢好快一日就差吾多識哂，吾知你地覺得點ｌａ

ccaa

chiho 寫道:
打上新怡互動創作有限公司可以搵邊位同事問到星願外傳既資料??    [quote]
ccaa 寫道:
[quote]
chiho 寫道:
星願小王子可在邊到買到??

你可以打電話比新怡同佢地訂, 佢地會教你架, 連郵費好似$170左右, 要去郵局law架, 比個website你

新怡互動創作有限公司
www.sunnyinteractive.com[/quote][/quote]

我果時無話搵邊個架，　打去就話想買，　佢有個女仔幫我ｌａｗ．．．．

ccaa

我女學校係有星願小王子免費ｇａ，我買左先知學校有，　禁ｌｅｅ套星願外傳我都有興趣，好等我打去學校問下幾時先有，如果太遲睇黎我又要比＄＄買多套ｌａ．．．

各位自己買係有得ｐｒｉｎｔ部首出黎架，　如果學校就無，　有分別的，　通知大家一聲

yywhk

ccaa,

   背默喎!       如果小朋友受(即係有效果,)就係好方法.

"一日默十個字"一套方法係社工教我o既, 唔係我諗出嚟架    ,但改正字數就係我o既心得(一來唔好逼d小朋友嘥時間做d佢地已經識o既嘢,二可以俾番d信任佢,信佢可以決定温幾多,又令佢負番自己要温習呢個責任) --- 我會自己用本簿仔一行寫低一個我想同佢温o既字,之後成行d位就留空,並每日mark低佢係啱定錯 "26/6 v 27/6 x 28/6 v 29/6 v.......之類(v係剔,x係交义嚟,唔識打 )", 咁就好一目了然,唔駛日日揾....

呢個方法好處係:就算有d字難以用形/聲符,故事,又或者部首去記...例如"可以","仍然","而且"呢d字,默多幾日都一定可以記到.   

yokilau

yywhk, 你個仔仔就好彩啦, 我已經早左成個星期開始同佢溫, 今日默完書出黎先得果50分, 都唔知可以點幫到佢, 打佢又唔係, 佢真係好俾心機日日去溫.......