學費券問題:幼稚園功立名目, 學費照加

blip

我個仔間幼稚園(私立)為左學費券, "重整" 學費架構, 將原來計入學費的茶點費抽出, 要另交, 又話要增聘英語老師, 每學期千五蚊, 通告話自由參與, 去問就話唔交就冇得參加此等英語活動, 其他小朋友上堂時, 自己仔女就只能玩玩具, 交這筆費用支票抬頭不可以寫幼稚園, 要給其屬下的課外活動公司.

如似唔係好妥, 各位有否相同經驗? 究竟我應唔應該就範呢?又有沒有地方可以作出投訴呢?

21520826

我地嗰間唔係私立都唔好得你好多
你可以打去教統局投訴

lishi

幼兒園現在真系無錢賺，我做過私校和機構的幼兒園，只有保良局屬下D好少少，有足够資源俾老師去製做合適的課題。其他私校都資源少，一般都要老師自己去圖書館揾，有D小機構的非牟利都經營困難，資源教具都不足够。琴電腦都無。做學校布置D紙都要老師申請幾次才批。
現在學卷俾老師的進修錢，都唔見有點講。學校就系識按要求請有CE的新老師。舊D老師無CE都不再續約。而家D老師人心惶惶，想去進修CE又未有位。還有D老師有家庭儿女，一星期晚上要去進修4晚。回家后還要寫教案，和寫總結。和家長手冊。平均每晚都要最少1個锺去做學校D事。
老師日頭照顧幼兒要盡心盡力，一驚幼兒受傷，二要教D幼兒學習，大家都知啦，幼兒年紀細邊有咁聽話，要用很多時間去慢慢教。日頭學校要做的，都無事。晚上要好好休息一下都無時間，要進修，要OT。一星期OT兩晚好正常。事旦問任何幼師都可以。
根本無任何多餘時間，有時候星期六日都要去做，學校有校外活動，老師就要用休息時間去實地觀察。觀察完去校外活動也是老師的休息時間去，學校并無補假。
現在私校的人工都系8000，無任何福利。
非牟利系11905，也無任何其他福利。
老師進修CE要進修2年，幾萬銀。
真系唔知道政府點做野。

D學校而家都請有CE D人，全部有CE了，咁老師進修的錢，學校又可以唔使俾啦，學校收入又好D。

政府俾機會D學校去多方面賺錢。

ShinTeresa

我見個有間kg 既書包 要285元一個 唔通係lv黎既 ??為左用到學卷 其實 d 幼稚園都要做好多野先配合到 減左學費 又係第2樹都加番 甘呢個coupon 米失左佢既原意呢 ??

lishi

從正常來睇，私校人工得8000，非牟利D有部分跟薪級表行有11000，私校還要自己俾學校水電租金，對比一下就知道了

jasmine媽咪

很想知係唔係啟X?Thx!

lishi

好多間都系，爲了學卷，都咁做。上又政策，下有對策，呢句話我系大陸學的，香港都有用。

Carmen2004

咁都唔知有好or冇好啦！

laiheiyau

ha.....書包 要285元一個 ...spi 書包 $130.00

alowe

blip:

直頭係唔妥．如果放學後，自由參加嘅活動，都有得講下．如果在上課時間，將學生分兩批上課，有錢上英文，冇錢玩玩具，會做成分化．同時法例規定學校收學費以外嘅錢，一定要得教統局批准．我相信你可向教統局投訴．

ckfyatyatm

當然要投訴啦!及早轉校吧!

SmartYL

先投訴.但你必須要轉校, 若不, 你個仔仔無好日子過.很可怕.

WAI888

blip 寫道:
我個仔間幼稚園(私立)為左學費券, "重整" 學費架構, 將原來計入學費的茶點費抽出, 要另交, 又話要增聘英語老師, 每學期千五蚊, 通告話自由參與, 去問就話唔交就冇得參加此等英語活動, 其他小朋友上堂時, 自己仔女就只能玩玩具, 交這筆費用支票抬頭不可以寫幼稚園, 要給其屬下的課外活動公司.

如似唔係好妥, 各位有否相同經驗? 究竟我應唔應該就範呢?又有沒有地方可以作出投訴呢?

根本無得投訴,你祗係選擇讀唔讀呢間學校,如果D學費符合要求,根本就無英文活動班,唯有改形式收呢D費用,好多幼稚園都用呢種方法,其實你俾學費相對平咗