中三升唔上原校中四,請問可以點做好呢?

ada29

學校老師話囡囡好大機會升唔到原校嘅中四,請問政府統一派位選校時,係咪都要將一志願填番現在讀緊嘅中學,之後係咪要填比個女讀緊嘅更差中學呢?(但係我又唔係好想佢派去太差嘅學校,咁我可以點好呢)

virgokaren

咁快有得填表了嗎？
你囡囡學校要走幾多個學生呀？
可唔可以傾下留班呀？
講真，有中四位的學校唔會好得去邊！！！

我外甥女的學校都要淘汰一班呀！

mos2468

IVE 公開招生： 2007年7月

http://www.vtc.edu.hk/admission/chi/ps3.php

如果佢唔適合文法中學，不如試吓讀IVE，學一些技能，或者令佢從中重拾讀書樂趣。

Sindy

如果係留班既話,就要想辦法啦,因為過左十五歲,教署係唔理的呀,仲有,好多學校都唔比留班........話因為九年免費教育喎...不過有學校收又另論啦...唉...而家想留班都要靠關係,真係咩社會....唉....   

Sammy_007

hi,ada
我仔仔中三都係留班,但佢講明吾鐘意讀書,但我要佢留,卒知上學期考試後学校表明冇得留低,(因佢始終吾讀,其實佢末留班果陣都係差0.幾分咋,而家d細路咁吾識諗,做家長幾心痛.)
終於3月退左学,而家報左ive但佢好開心.所以你耍同女女傾,分悉吓意願,能力,出路,前竟,祝你哋能達成共識

tkkmama

ada29 寫道:
學校老師話囡囡好大機會升唔到原校嘅中四,請問政府統一派位選校時,係咪都要將一志願填番現在讀緊嘅中學,之後係咪要填比個女讀緊嘅更差中學呢?(但係我又唔係好想佢派去太差嘅學校,咁我可以點好呢)

ADA:

事到如今, 要同囡囡坐低傾下啦, 首先, 佢係米真係想讀番原校中三先, 因為如果要求學校收番佢留班都未嘗不可既, 不過如果佢真係冇心讀中三, 就求都冇謂啦, 寧願幫佢轉下個環境仲好啦.
因為我大女都係今年中三, 我見佢學校都有派d高中學校既簡章返來, 再唔係可以考慮讀IVE既課程, 都有唔少係收中三學歷架, 唔好太擔心, 條條大道通羅馬呀.

nicole411

香港中華基督教青年會 主辦
教育統籌局青少年持續發展及培育基金 資助

信有出路
如何協助子女升學或就業(中三或中五家長)
家長講座暨分享會(油尖旺區)

活動詳情﹕

目的 1) 向家長提供青少年升學及就業資訊;
2) 讓家長了解青少年的想法;及
3) 家長在青少年升學就業輔導工作擔當的角色及功能
主題 家長如何協助子女升學或就業

模式 包括講座、模擬個案小組討論及問題解答

宣傳及報名方法
由協辦機構及區內社工鼓勵需要處理或預防雙待青少年問題的家長參加。由於名額有限，會採用先到先得的報名方式

講者 邀請職業訓練局代表給予升學資訊，並由香港青年會專業書院資深導師、專業輔導導師及資深社工介紹青少年升學及就業資訊及講解家長應如何協助子女計劃升學或就業

日期 二零零七年六月八日(星期五)改期可致電查詢

時間 晚上七時三十分至九時三十分

地點 青年會專業書院
(九龍窩打老道23號304室)

費用 全免

對象 油尖旺區的學生家長

名額 50人

活動內容﹕

晚上7:15-7:30 接待及登記

晚上7:30-8:00 升學資訊分享
(講者:青年會專業書院)

晚上8:00-8:30 職業訓練升學及就業資訊分享
(講者﹕職業訓練局學生輔導主任姜嘉銘先生)
問答時間

晚上8:30-9:00 分析青少年的性格及想法與升學/就業的關係
(講者: 專業輔導導師)
模擬個案小組討論
問答時間

晚上9:00-9:30 家長在子女升學或就業輔導工作中擔當的角色
(講者:青年會資深青少年工作者黎宇先生,註冊社工,社會科學研士)
模擬個案小組討論
問答時間


報名方法﹕

請填妥報名表格後傳真至香港中華基督教青年會佐敦會所 (傳真號碼: 2781 1920)。
如有任何查詢，請致電2781 1411與助理主任幹事黎宇先生聯絡。

注意事項﹕

請清楚填寫電話號碼，有關人員會於二零零七年六月五日前致電通知參加者。而在通知日期後仍未收到電話通知，即表示有關活動的名額已滿。所有報名者資料將於活動後銷毀。

ada29

好多謝各位寶貴意見,其實我有個女傾過,佢好想留番係原校升中四,但係佢成績又唔合學校嘅要求,我想學校比佢留班,但係佢地話操行冇A嘅學生好大機會唔可以留,不過我個女操行唔係太差嘅,只係成績唔好,問佢報唔報IVE佢又唔想,我又唔想迫佢,但係又擔心派去一間差嘅學校會學壞,都唔知點做好

Sindy

中三留唔到原校讀既話,有心理準備一定差過而家果間架啦....由其係得高中既學校就絕對諗唔過....除左超級名高中啦......我女曾經受過教訓,即轉返出黎呀(高中學校),你唯有想下辦法求下學校架啦

ada29 寫道:
好多謝各位寶貴意見,其實我有個女傾過,佢好想留番係原校升中四,但係佢成績又唔合學校嘅要求,我想學校比佢留班,但係佢地話操行冇A嘅學生好大機會唔可以留,不過我個女操行唔係太差嘅,只係成績唔好,問佢報唔報IVE佢又唔想,我又唔想迫佢,但係又擔心派去一間差嘅學校會學壞,都唔知點做好

Zen

其實點先知是否可以全部直升中四？

tkkmama

Zen 寫道:
其實點先知是否可以全部直升中四？

首先, 中學是否平衡班級制, 如初中5班, 高中亦係5班, 就好過D學校,初-5, 高-3先啦(少左兩班)
當然啦, 亦有例外, 如個人成績不佳, 操行唔得, 就算係平衡班級制都會被勸喻離開啦.  :cry:

virgokaren

如果肯留班，下決心努力讀書，就要早d同學校老師商量，因為如果不是平衡班級，留級位都係得幾個，早d向學校求救比較好D！

[quote]
ada29 寫道:
好多謝各位寶貴意見,其實我有個女傾過,佢好想留番係原校升中四,但係佢成績又唔合學校

cherry1995

報IVE課程?