我囡囡遇到個好差架考官!!

加菲貓

我囡囡剛考完5級鋼琴, 過去都考過2級, 4級, pass左, 但從試未遇過咁架考官, 我囡囡考完試係琴室走出黎, 就即刻喊到收唔到聲, 我都唔知發生咩事, 我冇問佢直至離開琴行一段時間之後, 佢再無喊, 我先慢慢問佢, 後來佢解釋, 比個外藉男考官客親, 我囡囡入到琴室, 同佢講聲Good Morning, 佢竟然面黑黑, 冇望佢, 我囡囡先琴三首曲, 見到佢比架分一首比首低, 全部唔合格, 最低11分, 跟著scale, 佢比指示時好灰氣, 經常搖頭唉氣, 到唱歌個part, 我囡囡想confirm下係唔係7, 佢即刻close左本書, 冇得唱. 點解要咁樣對個細佬女, 攪到佢由頭驚到落尾, 點可以考得好呢? 佢三首曲唔應該差到得十幾分, 佢唔係第一次考琴, 又唔係未見慣外國人, 就算個考官真係覺得佢唔好, 都唔應該對個細佬女發脾氣, 我想問下通過私人老師去考係咪差D架, 我有冇途徑去complaint呢?

Sindy

我聽朋友講有得投訴,不過就唔係呢樣,好似寫email去英國皇家試果度....唔confirm,有機會問下個媽咪再post

JP

加菲貓,

點解妳囡囡可以睇到考官比佢幾多分ge？
態度惡劣應可以投訴，但分數就始終主觀D...
通過私人老師or家長自己報考不會差D架wor！

Chopin

我之前係琴行教個時,有個學生都係俾考官鬧到喊,佢唔係彈得好差(8級),佢考2次,第1次有12x分,第2次就遇到個衰考官,佢未入去考時,已經見到佢前面個學生喊住出黎,到佢考完又係咁,但佢個孖生細妹考完就冇喊(同一日考同一個考官),因為佢面皮比較厚,到佢地落到樓下時,個看間就問個細妹係咪考得好好,所以冇喊,跟全就同佢講,有10個學生考完落黎就有8個喊,結果佢2個出黎既成績係10x,但係佢地第一次考同第二次考,相隔唔夠2個星期,出黎既結果竟然差咁遠

我以前教個間琴行都有做考場,佢地都有試過打電話去考試局投訴考官,結果個考官調左去第2度,你試下打電話去考試局(音樂組),睇下有冇用啦

加菲貓

我囡囡睇到個考官寫分, 所以知道三首曲架分數, 其他就睇唔到, 我唔知佢有冇睇錯, 但佢話好肯定, 我一定會去投訴, 但想有result先, 如果真係比得好差, 我都有得講, 但email去英國皇室, 還是考試局呢? 我諗著個女考5級升中用, 依家考得唔好, 又報唔到年尾, 都好無耐, 知道係咁報二次, 買過保險都好, 我就算去投訴, 最多調下個考官, 我地又唔可以補考, 比左咁多報名費, 但又遇到個咁架差官, 真係唔好彩, 個女已經比佢打沉左, 經過依次教訓, 我都唔敢再叫個女去考其他試或去比賽, 等佢專心讀好書, 順其自然去面對升中.

JP

加菲貓：

我明白妳&囡囡而家既心情，等佢專心讀好書, 順其自然去面對升中都好.反正gr.5 琴cert.都未必對升中好有幫助。而且學琴並非單單為考級，認真學習打好根基，培養對音樂既興趣，將來一定受用！等囡囡心情平伏後，鼓勵佢積極面對未來其他琴試或比賽，以證明自己既實力！

matmatmama

所以考試嘅野都好講彩數，我細個時有一次考琴，遇着個好好嘅考官，我3首歌都彈得"luck luck漏漏，但佢全部比我合格 ，仲係sight reading時比首易歌我彈(反而冇乜luck漏 :) 。Aural時又鼓勵我！你話運氣幾緊要！

kit7266

加菲貓,
考試場係咪0係元朗?
上2年, 亞囡果個考官都好cool, 講野又唔清楚?

加菲貓

kit7266,

係西區.

你囡囡出黎架result點? 我個考官唔單只cool, 講野唔清楚, 係由頭到尾都好唔滿意你, 好似你做錯野咁, 今次係貼錢買難受. 我囡囡唔會因為考得唔好就會喊, 通常都係比人鬧先至係會咁.

kit7266

pass only......亞囡唔開心! 佢話比考官嚇到心慌慌, 聽唔清楚又唔夠膽叫考官重複一次, 不過, 聽佢講全程都唔係好知考官講乜, scales都聽唔清楚要彈minor 定 major, but出黎冇喊. 果次重要係第一次考試......唉!
幸好.....之後校際