大力泳會九展泳池通風有問題

jesschen

上星期有朋友同我講大力泳會幾好，今年暑期可以考慮，但ｌｅｅ個星期佢同我講好焗，氯水味好重，小朋友氣管有ｄ事，仲話好似係九展地下下面，係唔係真係咁焗呢

cherrychung

jesschen,

行入泳池第一吓啲確較為焗，但坐耐了又唔係咁覺，可能是怕小朋友上落水冷到．
我小朋友本身氣管都比較弱，游完４５分鐘都沒有事，而我就坐了大約一小時都唔覺我問題喎

babych

我感覺跟 cherrychung 一樣.  初初入去的確較為焗, 但真係坐坐吓又無嘢喎.  可能我地家長比較緊張, 一開始又要同囝囝換衫, 行來行去, 所以有熱嘅感覺. 老實講, 囝囝同朋友囡囡上年都跟另一間學咗半年但咩都學唔到(淨喺學咗 "吹水") , 可能囝囝當年仲細(3.5歲), 而家喺九展學咗3堂, 時間同車程喺就喺遠啲, 但囝囝喺3堂已經可以攞住塊浮板miss喺前面自己游,我好滿意佢嘅進度.  其實每星期游一個小時我唸就算真係焗少少都唔會對身體有咩偒害啩(個人意見) ? 而且囝囝都無話焗, 落水同起身嗰下仲有時話凍tim. 我唸快啲識游對我來講比較重要, 因為上年已經浪費咗我同囝囝半年時間 !

mandyyick

我BB宜家每星期學一堂，星期六下午, 人比較多, 但我唔覺得空氣有問題。

焗？普普通通啦, 我通常著外套去上堂, 然後入到泳池即刻除就冇事, 最緊要小朋友上水唔凍。

jesschen

其實大力是否在馬鞍山有地方游水,我小朋友之前在史丹福葵涌果面學過都幾好, 因搬屋問題停學,現住在馬鞍山,有沒有好介紹,邊d時間比較少人,希望幫手

oliver2702

大力九展有少少焗啫, 夏天室內一定有d焗. 我覺得小朋友一個星期學一次半次運動量唔太大, 應該唔會吸太多氯氣的. 不過如果係操水運動量大, 有哮喘或者皮膚敏感, 到時睇睇小朋友的反應可否接受會比較好d. 有問題應該問問醫生, 始終游水都係為安全健康開心, 唔係人人都想操水. 不過做教練就辛苦d啦. 日日吸無事就好彩啦.

may22999

大力係馬鞍山啟新書院有課程
可上網睇: http://www.daliswim.com.hk/
  

jesschen 寫道:
其實大力是否在馬鞍山有地方游水,我小朋友之前在史丹福葵涌果面學過都幾好, 因搬屋問題停學,現住在馬鞍山,有沒有好介紹,邊d時間比較少人,希望幫手

kelly-li

通風不好
會否搞到好似之前新聞個人一樣
在家不開窗 涼衣服
搞到十幾歲人的肺部功能好似70幾歲一樣?

littlepig

我囡囡之前都去大力的九展泳池,但游完一個學期後唔想再去,是因為家長看台很焗和熱,而女更衣室不單細,焗,並且無

dondonmami

我仔仔同亞女今年7月第一次學游水, 揀咗九展大力. 我仔仔有轻微鼻敏感, 其實响香港都好普遍, 唔会有问題啩?  

仲有希望各位有经驗mama提点吓, 我第一次帶仔女去泳池游水, 請问除上水用大毛巾外, 有啲乜嘢要注意同帶去呢?  3歲女童係咪着一件頭泳衣好啲?  駛唔駛自备泳帽同泳镜架?  九展附近有咪表位泊車嗎?

謝謝指点   

tommythumb

[quote]
dondonmami 寫道:
我仔仔同亞女今年7月第一次學游水, 揀

Zoey

dondonmami,

我覺得, 3 歲咁細個, 兩件頭泳衣會好 d, 因見過好多細小朋友上堂時需要上洗手間, 一件頭真係冇咁方便, 依家兩件頭泳衣都有好多選擇.

泳帽第一堂點名既時候會派, 泳鏡就一定係自己帶, 同埋九展係有停車場.

dondonmami

zoey & tommy thumb,

謝謝你们的意見, 咁我就要同亞女買過件泳衣啦!  不過大力都未通知幾时試堂?