有冇p1(2006) 家長,請進

hoho1230

NKW,
其實我都好心急想知成績架,不過我係逃避現實囉,所以見你提起要見老師呢回事就驚驚地, 個心喺度諗:嘩!唔好咁快啩!
係呀! 呢度都靜左好耐,睇嚟個個都盡情享受緊呢個假期, 就快開學了, 快d收拾好心情, 迎接新一年的來臨同埋新一個學期的開始, 希望大家07年事事順利, 繼續 happy

NKW

後日就番學嘞, 唸起就唔開心,放假放到懶晒.
相信開學幾日就冇事嫁啦.繼續努力吧.

carayan

我就真係過節過得普通喇，一來大住肚無咩地方可去，二來放假前英文老師打比我，話阿仔英文科speak exam得25分，因滿分是50分，30分才合格，老師話佢考試時表現很差，問佢問題都唔答，PART A編文都頗多唔識，所以希望我多加注意，每週要重温課本多講及讀英文，你哋話重有咩心情過新年假   ，需然佢MATHS有100分，其他科都有90分以上 ，但GE及GR得60幾分，SPEAKING仲唔合格，分數一拉已低咗好多，睇嚟下學期要同阿仔特訓英文先得喇！但我都唔會比太大的壓力囝囝，希望由培養興趣開始先！   

NKW

carayan,恭喜妳有咗BB,係咪第二胎呀?囝囝就快做哥哥啦.
囝囝都好叻啦,MATHS同其他科都咁高成績,可能佢考speak當天有d驚呢. 我女成績都比測驗時低,可能範圍多咗.
之前好似見到Zoey前輩話:考試淺過測驗已不復再.
咁以前測驗咪深過考試?

hoho1230

carayan, Congratulation! 幾時預產期呀? 真係替你高興.
我個仔的情況同你個仔差唔多, 昨天收到老師打電話俾我 (我都估到喇), 話亞仔其他科目就無問題, 有90分以上, 但係英文科考試成績就強差人意, 除了GR有80幾分, 其他就全軍覆沒, 考speaking 時又係唔多開口, 想俾分佢都唔得啦! 激c   老師叫我多加督促, 下學期一定要追番, 否則難逃留級命運.    
我都覺得真係要培養番佢哋o既興趣, 可以點呀? 真係好擔心. :cry:

ak25

我個囡今次考試(暫時已知的科目)都幾好, 希望佢繼續努力, 唔好做咁多大頭

carayan

NKW & hoho1230:多謝晒！我預產期係2月28日，我而家仲心大心細未知想開刀定順產，因囝囝是開刀(當年佢唔轉身)，而家呢胎一來年紀大咗，二來我又怕痛，而且開刀可簡係新年前幾日生，老公同阿仔放假時坐月。
另外hoho1230你囝囝GR有80分都幾好呀，其他唔好嘅你係咪指G.E同Speaking 2 part呢！我而家每星期同佢報多咗會話班，希望改善下囝囝放膽講，因老師是中國人，不過唔識聽同講中文，而且每班得4個小朋友，比學校10幾人一班少d，另外我知佢Comprehen比較弱，所以買咗幾本比佢做，老師仲有叫我每週同佢重温一次學嘅課文，希望慢慢會好d啦，大家一起努力！

hoho1230 寫道:
carayan, Congratulation! 幾時預產期呀? 真係替你高興.
我個仔的情況同你個仔差唔多, 昨天收到老師打電話俾我 (我都估到喇), 話亞仔其他科目就無問題, 有90分以上, 但係英文科考試成績就強差人意, 除了GR有80幾分, 其他就全軍覆沒, 考speaking 時又係唔多開口, 想俾分佢都唔得啦! 激c   老師叫我多加督促, 下學期一定要追番, 否則難逃留級命運.    
我都覺得真係要培養番佢哋o既興趣, 可以點呀? 真係好擔心. :cry:

NKW

適逢新年, 妳都幾難決定喎!生囝囝時開刀,呢胎想自己生呀?
順產似乎 妳以後身體會好d,仲可以見證最難忘的一刻.但妳所擔心o既痛, 我就深深體會.好好休息, 生個健康活潑的狗BB/豬BB.囝囝方面,好快會有進步的.一起努力吧!

carayan

NKW:
多謝晒！BB出世一定通知你。   

hoho1230

carayan,
始終順產對身體會好d, 同埋好似NKW話齋,可以感受一吓嗰一刻的難忘,不過點都好,都要睇吓到時醫生的建議啦,希望妳順順利利, 生個可愛的小B, 我講起BB就好開心喇!
至於我個仔的英文成績,無錯呀!係GE同speaking呢兩part唔好囉, 同埋佢都係compre比較弱,你個囝囝都係咁? 我都想幫亞仔報d會話班架, 等佢放膽d,佢就係講唔慣, 唔夠膽講, 你個囝囝喺邊度學? 鍾唔鍾意上堂呀? 我同亞仔講要報course, 佢話好驚喎! 激c人   不過我都真係要積極d想吓辦法, 最近工作又忙,真係好疲倦.  :cry:

maggkiki

carayan

恭喜晒!! 我都祝你生個活潑可愛的baby.

各位, 我個女英文成績都係speaking同G.E.比較弱, 其餘成績都滿意, 所以下學期真係要落重藥係呢兩方面, 唔知星期六學校的英語會話班有冇幫助呢?  有冇人現在上緊呀?  可唔可以俾d意見呢   

NKW

hoho1230
做咩妳講起BB就咁開心?點解唔生多個啫?係咪呀carayan?
我都好想生個金豬BB,不過一唸到$$$............

maggkiki
我女上緊學校嘅英語會話班,二月仲有最後一堂,每堂都有一張已完成的工作紙,單單睇張工作紙覺得學嘅嘢唔算太多,畢竟只有55分鐘.不過起碼都比佢聽多d,同接觸多d籍人士,對英文冇咁驚囉.

carayan,家長日當天,如果見到大肚媽咪,咪有可能係妳囉.

carayan

我囝囝家長人上午10:00見老師，睇下大家有無機會相見。

hoho1230,maggkiki:
原來大家小朋友的問題都係一樣，可能之前囝囝細細個過時無同佢講英文及多看書，而且我又無請工人，所以小接觸英語令到囝囝對英文無信心講，我而家同佢係屋企樓下商場間穎儀報咗英語會話及拼音兩班，兩班都係同一個全英語老師教(中國人)，相同老師會親切d，而且每班都係3-4位小朋友，可以多D注意佢。另民小的英語班我仔仔都有讀到，實際功效我都未覺，可能都係短時間，不過一班10多個小朋友，如基礎不好的，我覺得較難跟得上，不過下一期我都會繼續報，比囝囝多D聽同講都好﹗     

NKW

我11:41呀,睇黎冇機會見大家. :cry:

maggkiki

Thanks NKW, carayan.

原來你地的小朋友都有讀學校的英語班，聽你地所講，又都唔知好唔好報下一期，我屋企又係冇工人，平時我又唔會用英文同佢講，咁我個女依家都有係屋企附近上緊英文班，亦都係訓練

NKW

原來妳個女依家都有係屋企附近上緊英文班，咁都幾好吖.如果再番學校上就真係幾累.我住觀塘區,搭1A再行入學校都幾係.日曬雨淋. 老公車唔倒有時都會搭的士.妳住邊區呀?  

hoho1230

我10:15見老師呀! 咁咪有機會見到大肚媽咪carayan.

我都係因為山長水遠,所以都無報學校的英語會話班, 囝囝的英文真係要好好train up番, 之前幫佢報咗一個英文拼音班, 今天上第一堂啦, 點知佢十分抗拒, 入課室時仲哭哭啼啼唔肯入, 搞到鬼咁尷尬, 激c人 , 佢就係咁架, 每逢參加d咩都係咁, 可能由細到大都少接觸其他小朋友, 以為佢上咗小學會好d, 但都係咁.     

NKW, bb咁可愛, 提起梗開心啦! 我都想生多個架, 不過有好多因素就真係要考慮, 其中一個都係$$$啦!   咁除咗carayan外, 其他媽咪有幾個小朋友呀?

carayan

hoho1230:
慢慢o黎喇，我阿囝咪一樣，拼音班還可以，英語會話老師話我知上堂一同佢講新的字詞，佢一唔明就撐大對眼望住老師，呆滯咗咁，而且有時要其他小朋友做番釋，你話死唔死！    不過好在老師都幾有心機，同耐性話慢慢o黎，過多兩堂希望有進步喇！

maggkiki

NKW

我仲住得遠過你呀! 我係將軍澳, 所以當初冇報星期六的課外活動, 一來唔係咁

NKW

嘩,妳住將軍澳呀,咁亞女要幾點上校車同起身呀?夜訓嗎?