嘉諾撒聖家(九龍塘) 家長入來傾下計啦

WTY

Does anyone knows whether HOLY FAMILY CANOSSIAN COLLEGE will expand their class for F.1 or not?

At present there are 4 classes with total 160 students for F.1, if only 85% of the seats are reserved for its primary schools, it means only 136 seats available for both HF Primary School in Kowlonn Tong & Kowloon City.

There are already 132 students in P.1 of HF (Kowloon Tong) & 100 students in P.1 of HF (Kowloon City), is that means only 58.6% of the primary schools students can go to the secondary school?

WTY

Dear Heidi媽,

Please check pm, I am referring to the P.1 book list.

Thanks a lot.

Blythemia

Heidi媽 寫道:
但呀女話校長話要家長專重小朋友的意見 , 所以今次比佢決定啦!    

節奏樂應該會競爭好大,因為過去個兩年比賽成績好,吸引多左好多小朋友同家長.舊年要甄選添.

我就係尊重亞女既意見,ngai左佢好耐參加普通話朗誦,佢打死都唔制.淨係肯粵語咋.我同佢講左好耐點解想佢參加普通話組,俾哂好充分既理由佢,結果佢都話,it's my choice.(佢未試過咁醒用英文答我既問題架)好老實講,如果佢真係唔想,我亦唔想會迫,迫亦迫唔到.棧大家痛苦.惟有安慰自己,第日佢大個有人氹佢食丸仔時,一樣咁堅持say no就好咯.

Blythemia

其實佢都係架,一個星期五日,佢想報四日.我同佢講左,本來我想減佢一日,但知道佢好想,就協定先,如果成績功課唔得,我就會同老師講退出部分.佢應承左我同爹地同埋佢自己,會努力咁話喎.咁總係要俾個機會佢試下既.

其實參加要比賽既課外活動就要預左有練習,平日都係一星期一次啫,到臨近比賽就會加碼.管絃樂我唔太清楚,不過都應該同節奏樂差唔多,長假期(特別係新年)要預返學校練習.平時星期六日同一至五放學後應該唔駛.

我女咪就係報粵語組獨誦囉,只要目的係想佢訓練下自己唔好咁怕醜.其實佢普通話幾好 (自己讚自己),而且班上報粵語既多報普通話既少,我話機會大D喎.但係佢唔理我,一於堅持.

悠悠媽咪

HI, Blythemia
首先多謝你的兩條 28 SIZE 的校裙呀 ! 原來我女女買左果兩條, 係 28 XL 呀 ! 死啦, 真係有其母,必有其女 呀 !

HI, 各位 :
我幫囡囡參加左 "珠心算" & 芭蕾舞 , 希望兩樣都成功啦 .
另外, 我想同大家分享下坐保母車問題.  由於我現在是自己送囡囡返學,  每朝早上, 我都想為囡囡打氣, 讓佢開開心心上學去, 所以,我親自送佢.

9/1 當日, 我見到一架保母車, 車上大部份係聖家小朋友, 可能當日全世界一齊開學, 故這架保母車 8:05AM 才到達學校附近, 但由於學校外圍已泊滿車, 這保母車要去到好後面才可以讓小朋友下車, 由於學校已關閘, 小朋友比較心急, 大約六,七個小朋友跑向學校, 當時, 有下著毛毛雨, 街上部份人開"姐" , 那些小朋友就穿梭雨傘下, 地面有小小濕 咁跑, 車上有一個保母一齊帶著小朋友跑, 我本人看見, 就覺得好危險, 萬一走失一個學生, 咁點算呢?  

到今天, 同樣情況又讓我看見 , 但係另一架保母車 .

如果, 你們的小朋友是坐保母車, 真係要吩咐保母小心為上 .
遲到係其次, 安全要第一  !

安妮

Blythemia

小一至小六是否活動式教學？幾耐默書一次及測驗一次？
是否全部原校小六學生可以升讀聖家書院(中學)？

Blythemia

安妮:

小一至小三係活動教學,一個學期做一次專題,一次戶外學習咁囉.不過我覺得傳統教學仍佔相當大既比重.中英默書每星期各一次,全年兩學期共兩測兩考.

因為重有聯合道聖家既學生都有機會派上中學,而未來開齊之後兩間小學會共有八班,所以中學一定唔夠位.

悠悠媽咪:

其實當日接放學時我入門口時見到你地走,驚鴻一瞥,趕唔切打招呼,不過又唔覺你囡囡話好大隻喎 我呢幾日接放學見到好多一年級小朋友,細細粒好鬼得意.我諗你囡囡係班上,一定好特出啫. :

D裙如果唔岩著,就勞煩你掉左佢喇,唔該哂.

你安排到工人接送就好喇,D褓姆車趕住送下一轉既小朋友,好難話跟得咁仔細.早兩年聽邵修女講,佢有一次七點半前返到學校門口,見到有低年級學生俾褓姆車放低左,個小朋友因為學校未開門,入唔到去,但架車已經走左.佢覺得好危險,特別係門口路口交通相當繁忙,一個細路女係度真係令人唔多放心,佢後來同個學生既家長講,請佢地叮囑褓姆車要睇住小朋友入校門至好走.其實最理想係搭到校車,因為遲到唔計數 不過話說回頭,搭校車要兜好多路接學生,小朋友變左要好早起身.所以如果安排到自己接送,小朋友大人都可以瞓多兩個字,又好似好D.

沙律

我有問題想大家幫幫手, 阿女今日攞咗張紙仔番來係關於視藝科的, 我想知係咪要帶 油粉彩, 因為除了"油粉彩", 其它items側邊都有個"tick"號, 咁係咪代表冇"tick"就不用帶?  還有, 上面寫著要帶一張大枱布, 咁係咪食飯枱布就得, 用完就唔要定係要買D可以再用的?  多謝多謝...

Blythemia

油粉彩應該係學校供應既,平日放係學校用,學期完至派番.如果你有雜費張單,註明油粉彩已由校方代購.咁就應該冇錯.其他ITEM會唔會係剪刀漿糊棒之類?如果係就即是要帶.所謂枱布係上視藝堂時用來墊枱,其實用周刊彩色大頁(類似明周咁大本)都得.我貪方便,用完如果污糟可以掉.又唔駛清理.

沙律

唔該哂Blythemia!  等我check 下張雜費單, 我又無留意阿女上堂又聽唔到...   :tongue:

雜誌既size足夠cover張枱嗎?  我仲想知如果我冇個D大本既雜誌, 仲會唔會有其它方法可以教下我呢?

悠悠媽咪, 我都係日日自已湊阿女返學 (可能我地成日撞到都唔定 ), 放學就媬姆車接! 其實我都prefer坐校車, 可惜去唔到我屋企, 所以一定要媬姆車代勞!  咁你呢, 放學點安排呀?

Blythemia 寫道:
油粉彩應該係學校供應既,平日放係學校用,學期完至派番.如果你有雜費張單,註明油粉彩已由校方代購.咁就應該冇錯.其他ITEM會唔會係剪刀漿糊棒之類?如果係就即是要帶.所謂枱布係上視藝堂時用來墊枱,其實用周刊彩色大頁(類似明周咁大本)都得.我貪方便,用完如果污糟可以掉.又唔駛清理.

Blythemia

起初我都用好薄個隻膠枱布(即用即棄個隻),不過都係覺得雜誌紙方便D.

一本明周15蚊,一張大頁打開等於一版報紙咁大,都幾夠.由封面彩色大頁搣起,一本可能都頂到一個學期架.因為唔一定每一堂都要換.就咁摺埋就得,又輕,又易處理.摺枱布飄下飄下,小朋友處理起來都幾麻煩.

simsim

想問各位聖家媽咪，學校在第一輪收表時會唔會收profile?
Thanks a lot....

yuki877

悠悠媽咪,你好,原來我個囡坐喺你女隔籬的,請問你女個學号係幾多呀?因我女話係18号,但我見學校內聯網係19号,而我又知你女喺我女前面,所以問吓你,唔該晒.   

悠悠媽咪

TO : Blythemia
謝謝你的心得呀 ! 其實, 視藝科係咪即係 = 美術堂 ?  
我囡囡要到星期五才有視藝科, 所以仍未知道這是咩來 ?  

TO : 沙律
我囡囡早上係由我帶, 放學由工人姐姐去接 .  本來我 PLANE 係兩程都由工人接送, 但這工人, 初來報到, 我之前冇用工人, 囡囡考入聖家後, 才決定用工人幫手 . 因為接放工真係好頭痛, 除非我唔洗做啦 !  
我家住葵涌, 又係冇校車 .

悠悠媽咪

TO : yuki877

係咩 ? 你點知我囡囡坐係你囡囡隔離呀 ? 你囡囡叫咩名 ? 等我今日問下囡囡先 !  

我囡囡學號係 20,  但昨天我又見囡囡寫 16 號 喎 ! 佢話老師說改動了 . 你囡囡返學開心嗎 ? 昨天已開始有功課了 .   

肥肥師奶

沙律 , 我都有問過囡囡 items側邊有個"tick"號是代表什麼，她話代表好重要，下堂一定要帶，至於你說的視藝枱布，上次家長會時班主任曾建議用枱墊 (膠底個種) 。係呢? 你囡囡參加了什麼課外活動呢? 細囡參加左體操同唱遊。希望得啦!

Blythemia, 你仲放緊假呀! 你就好啦! 可以接送囡囡返/放學。我都好想去睇下細囡放學情況，可惜冇假放。:cry:  我囡參加了小女童軍同跳舞，其實上年她已報了小女童軍，可惜落選，今年再接再厲，希望抽中啦! 你囡囡呢?

simsim, 學校在第一輪收表時係唔會收profile。