如何面對失敗⋯⋯

popeye_4488

回覆 retriever 的帖子

絕對同意。
給予另一半既安慰後, 明白今日只不過係一個過程, 只要自己小朋友同大人已經盡了力就足夠, 因為我地係無得控制。

hkpapa852

popeye_4488 發表於 15-11-19 12:58
回覆 hkpapa852 的帖子

首先好多謝你既表達, 但我從來都無講"失敗"兩個字去形容我小朋友, 只不過我想係BK ...

還記得你最初對孩子的期望是甚麼嗎?

本來唔想咁快推番呢個帖上嚟, 去睇睇吧!
http://www.edu-kingdom.com/forum.php?mod=viewthread&tid=3056218

popeye_4488

回覆 hkpapa852 的帖子

lightingchung

原帖由 hkpapa852 於 15-11-19 發表
真正失敗就係以下既人:
1. 覺得子女考唔到小學係失敗..... 家長心態上已經失敗了
2. 覺得子女派唔到"好"既 ...

👍呢D緣份遊戲,所以唔應該責備仔女。

echiang

不要忘記從開始對仔女的期望~~ 我只想他們能過安穩快樂的人生, 就如他們的名字一樣, 懂得感恩, 知足, 歌頌美好的事物, 悠然自得, 快快樂樂~~
小學~ 並不代表人生的全部, 每間小學都有乖孩子, 但願父母的愛能帶給孩子正確的人生觀~

入到心儀的小學可能是一個機會, 發揮孩子的長處, 讓他們努力不懈, 縱使未能如願, 亦可能是上天一早安排的, 身為父母應鼓勵孩子, 努力上進, 漫漫長路的人生依然充滿機會!

popeye_4488

回覆 lightingchung 的帖子

好同意你所講"這是緣份遊戲"

echiang

又一間rejected, 安慰自己, 可能係阿囡同學校都想幫媽咪慳錢, 大抽獎又可以同細佬一間學校

popeye_4488

回覆 echiang 的帖子

keep a positive attitude

Cheer up

pc629

考左差不多二十間,好唔甘心只有二線尾的offer.仔仔係人地眼中醒目乖巧,而學業成綪亦不俗.我心儀英文小學,及我本身覺得多的活動教學的會啱佢,點知連2nd in都冇. OK咁傳統d講學術的學校呢,結果又唔收.努力左幾年,心血都像白費.仔仔佢雖然面試表現有時唔太穩定,但一路都好配合.就算一日in三間佢都唔怕. 相比怪個仔,我更怪自己點解教唔好佢,令佢錯失機會.對住一間冇好感的幼稚園三年,好唔想再要對住一間唔心儀的小學六年.

我所有的報考過程同結果都有話佢知. 我想佢知道命運在我地手,面試講運,但點都要講下實力. 佢係一路從失敗中調試,我同佢自問已全力以赴.佢有唔開心,尢其知道CKY同男拔冇2nd in時.現實係殘酷的,佢早知道的話,之後比心機去做好自己,唔好比自己遺憾,就算人地唔收我地都冇話可說.

叫你睇開d,cheer up,係人都識講.但人地之後高高興興慶祝有幾多心儀offer,自己咪又係要係度偷偷飲泣.成功者安慰失敗者,只係雪中送炭,根本唔會明你感受.你可以唔開心,但唔好長期陶醉於無謂的自己良好安慰了.

whitepurin

仔仔屬內向慢熱型？

Jane1983

回覆 pc629 的帖子

吾安慰，講現實，你其實未輸晒。
而家先11月中，又未抽獎，又未音樂椅call waiting，更未叩門。如果你覺得以前做得吾够，喊两日，就重整旗鼓，備戰叩門。

melody228

pc629 發表於 15-11-20 13:25
考左差不多二十間,好唔甘心只有二線尾的offer.仔仔係人地眼中醒目乖巧,而學業成綪亦不俗.我心儀英文小學,及 ...

路過……

見到你咁講，想同你講聲加油﹗記著：讀村校的小孩，一樣可以有名直/私小OFFER；同樣，今天考不到名直/私小的小朋友，只要努力，他日一樣可以考進心儀中學，因為升中更加講求實力﹗
最重要的，是你對小朋友的信心和愛，支持和鼓勵﹗了解他的性格和優劣，多加培養和引導，讓他成為一個樂觀、獨立和自信的小朋友，我相信你小朋友他日必定能成大器﹗

最後，家長最心儀的學校、並不等於最適合小朋友的學校；小一面試是一個配對過程，學校從面試中找一些適合學校理念的學生，同樣地，學生亦可從面試中感覺自己是否適合該校。勉強考入一間唔適合的學校，小朋友及家長都會十分辛苦﹗

唔好灰心﹗仲有好多個月先開學，音樂椅遊戲尚未開始，實有機會的﹗

lovestarry001

下, 點解要話佢呀?

其實, 只係學校的選擇, 小朋友冇做錯, 吾應該俾咁0既壓力俾小朋友

retriever

回覆 pc629 的帖子

"只有二線尾的offer"



避免呢D 字眼....




同一件事, 點睇在你...




你唔睇開, 你仔也會睇唔開....

echiang

回覆 pc629 的帖子

好明白你感受, 因為我囡IN左9間, 已經有6間被REJECT了, 3間等RESULT, 不過我都唔寄予厚望。我囡讀名幼, 成績一路跟得好, 外向, 一體一藝都有証書, 被所有朋友印象都好SMART, 就係唔知點解冇OFFER.
只有佢問時, 我先會同佢講RESULT, 我唔想俾壓力佢, 一個5歲小朋友點解要應付咁多面試, 我覺得係社會風氣, 試問我地細個邊有咁多野, 所以我覺得我囡冇需要去承擔呢D壓力, 佢需要既係快樂既童年。

有固之然好, 冇又係咪一定唔好呢? 冇人知~ 或者佢上到名私小會因大壓力而變得自卑呢?
都係果句, 只要佢做好自己, 做父母已俾左全部既愛佢, 就夠了。

可能你會覺得呢D係"無謂既自我良好安慰", 但我覺得自己唔安慰自己, 又可以點? 學你話齋, 唔通有個手持幾個OFFER既人去安慰? 安慰自己, 唔等於放棄, 只係換個角度去諗, 我仲有2間未IN, 仲有叩門, 機會未完啊~ 一起努力吧!

SWEETANN

見到你地小朋友甘smart 都收reject, 怪不得我女女，讀屯門學劵學校，8間都reject,唉，其次真係好hurt

ngkka

原帖由 pc629 於 15-11-20 發表
本帖最後由 pc629 於 15-11-20 13:30 編輯

考左差不多二十間,好唔甘心只有二線尾的offer.仔仔係人地眼中 ...

乜野係二線尾？
我都唔知我手上係咪二線尾。

ngkka

我小時候面試都無學校收，靠派位。整個小學都係十下十下，突然中學時突飛猛進。唔使一定讀名校，都有大學青睞（ special offer)。請不要放棄自己和孩子，他未能發揮如理想，那是人之常情。

popeye_4488

echiang 發表於 15-11-20 17:13
回覆 pc629 的帖子

好明白你感受, 因為我囡IN左9間, 已經有6間被REJECT了, 3間等RESULT, 不過我都唔寄予厚 ...

我情況同你一樣所有rejected, 1間waiting 依家等餘下1間等result。其實我同你哋諗法一樣，自問我小朋友係kindergarten 哩幾年所有老師都同我講我嘅小朋友主動學習、記憶力好等⋯⋯⋯每次面試佢都會同我講老師問佢咩問題，連座位點坐佢都可以描述比我知，對有信心嘅學校應該會有offer,但最終⋯⋯⋯⋯totally lost 😞😞當收到一封又一封嘅rejected letter 時我嘅心情真係難以接受，不斷問點解會咁，我小朋友真係有咁差嗎？學校老師，英文班老師，興趣班嘅導師都對佢有唔錯評價⋯⋯⋯⋯但去到哩刻我自問我可以點，認真啲去諗唔收我小朋友唔代表佢唔得，哩個只不過係配對遊戲，你揀學校時同樣地學校都揀小朋友，坦白講今年真係好大競爭，每間學校都有太多申請人，相對機會率都會低。

見到好多BK 媽媽鼓勵或安慰，都真係暫時令我放下了些少。希望大家一齊為自己嘅小朋友打氣💪🏼💪🏼💪🏼

dolphinstrad

依家好學校並不能重大幫助之后嘅事業。

小孩培養到好EQ & AQ更重要。