英華小學家長

meimeicheung

尋人 : 有位媽咪小朋友由荃灣天佑轉讀英華小學。
          Urgent

  

ambrose

如果英華走"直資", 我會退學, 因我認為9年免費教育是公民權利, 而且有賣豬仔的可能.... 一條龍 和 有教無類又係吹水.....

JP 寫道:
[quote]
SandyKL 寫道:

其實出面已經傳英華會脫龍，加上田北辰提議方案，我覺得小學係乘機整頓學生。

Dear all,

唔知有冇人知道田北辰個「轉車論」諮詢期已過，相信反對聲音不少，唔知依家會唔會行，政府真係好老套，未見其效，已令我地嘗到壓力，同當初政府倡議既一條龍教學理念相違背。其實我都讚成因材施教，只希望英華唔好出現金字塔式之教學模式，咁樣對小朋友之學習情緒有所影響，希望佢能做到「一個也不能放棄」!

SandyKL,

乜有傳英華會"脫龍"咩？為左保守"英中"招牌而脫龍,在道義上講唔通喎！
如李校長所云"英中 & 一條龍" is a package, not an option, 英華只有走"直資"尼條路了！[/quote]     

csk

Ambrose

學校真是有考慮過轉直資，幾時會實行答唔到你。如果英華書院演變成Band 3學校，就算有得接龍，很多人也不會揀它了。

toby豆

csk 寫道:
Ambrose

學校真是有考慮過轉直資，幾時會實行答唔到你。如果英華書院演變成Band 3學校，就算有得接龍，很多人也不會揀它了。

其實我想問係咪有好多跟唔上既學生所以拉低左呀

csk

toby豆

因為派位入，程度有差距，有些同學程度很高，跟不上的是少數。但是如果跟不上，學校會有補課幫助這些同學。如果你9月入，小一用普通話教中文，今年小一的英文課程亦很好，明年相信會用同一方向，真是很理想的。

LapHimMom

csk,

How good is the English course? Can you describe it more? My son will study in P.1 this Sept. Thanks. The school had arranged a briefing to us on 25/6, I hope will understand more.

SandyKL

咁多位:

原來諮詢期延後左，但「轉車制」都未落實，學校似乎有驚弓之鳥之嫌，我對林校長講果句「如果到小六都攪唔掂，咁要考慮是否適合揀選英華中學」，雖然我知佢面對中學而黎既壓力唔少，但真係完全違反哂佢當初行一條龍既教育目標，我都唔知應埋怨政府好吖，定係英華好呢? :evil:

ambrose

其實我囝囝成績中上, 但壓力唔少, 一條龍原意是減少升中壓力, 點知恰巧相反.... :cry:

Easy媽咪

HI~~
我自己覺得在學校而論,有這個轉變,我會明白及體諒。

明白~校長及老師用咁多心機,都係希望小朋友能夠吸收哂所學知識。
大家也可以睇睇學校給學生做工作紙，就可以知道佢地心機了。另外主科評估校長和老師都做左好多野呀!

體諒~就因為學校行緊一條龍處境!
如果我地le班英華仔個個輕輕鬆鬆完全冇壓力下升上英華書院,我好相信le班小學生升上英華書院後跟本追唔上band one程度。
而且我會考慮敢唔敢比個仔升上這間中學，做父母都想子女能夠入到最好學校,如果升上一間冇保證中學,...咁...如何是好呢?~~~      
  所以我會認同校長做法!     

csk

LapHimMom

我的兒子讀小二。但我知道今年學校用了很多資源設計小一英文課程，明年重點是普通話教中文，你的小朋友很幸運，樣樣都理想，只要努力學習，便可達到學校的要求。

各位媽咪：

以前我也以為一條龍，大家便安枕無憂12年。上星期六我和幾位家長約校長傾一些事，提起一條龍和英中要符合有85%Band 1學生的要求。我個人有以下一些體會，可能與大家不同。

英華書院是英中，現在收的也是Band 1學生，它的收生水平亦以Band 1為標準。因為一條龍的設立，英華小學的學生會直升英華書院，所以小學的課程，亦應該用培育Band 1學生的準則，同學要達到水平，才可確保書院的程度不受影響。如果要有Band 1水平，學校、學生和家長也要共同努力，不能放鬆。若因小學水平不夠，令英華書院落車，就失去一條龍的意義了。再者，如果書院水平不夠，小學程度高的學生未必會留低，外面程度高的人又不會選英華書院，留低的同學亦不是積極學習的一群，大家也不想會有這種情況出現。

大家在這幾年，要和學校配合，讓小朋友打好基礎，符合Band 1水平上英華書院。其實和其他津校比較，我們真是沒有壓力，因為英華書院有個位等住你去讀。我們不需要顧慮六年級能否考到鋼琴8級、小提琴8級、其他樂器5級，或者在公開比賽拿了甚麼獎狀，在公開考試取得優異成績，還有校內排第幾名...等。我們只要小朋友達到學校和英華書院的要求便可以了，個人認為這是選擇入英華小學的義務。我們不能只要求升Band 1中學而不付上努力。

學校在高年級亦會注重英文，有些科目可能用英文教授，若小學能夠應付，上中一的適應會好一點。如果本身程度跟不上，我不會到六年級才選擇轉校。因為五年級下學期的成績便計分，在一間普通的小學，他的成績可能達中間水平，將來派位也好些。在九年免費教育下，每人有一次留級的機會。如果成績一直是不合格，家長便應考慮，留在英華是否一個最佳選擇，小朋友可能因為程度高追不上，喪失學習興趣便很可惜！

校長提到今年小一的學生，有幾位原來A to Z都唔識，因為派位，學校無得揀照收。但是老師特別幫助這些學生，現在大有進步，追上水平。所以學校磪實有執行有教無類。

四年級開始分班，大家也有壓力，有些人擔心入不到A、B、C班，有些人擔心在這幾班壓力很大，真正要實行後才可知成效。期間有甚麼意見必定要向老師和學校反映，不要放棄自己的權利。

ambrose

其實明白學校困難, 更明白沒有free lunch. 如果程度高，即使升唔到英中但可以報其他好學校．
當時英小選擇一條龍和中央派位便預計程度差別會很大，所以她必須利用六年時間提昇水平，這是無可厚非．但現在行類似”精英班”，競爭和壓力會好大，家長要慢慢適應

JP

csk 寫道:
各位媽咪：

以前我也以為一條龍，大家便安枕無憂12年。上星期六我和幾位家長約校長傾一些事，提起一條龍和英中要符合有85%Band 1學生的要求。我個人有以下一些體會，可能與大家不同。

英華書院是英中，現在收的也是Band 1學生，它的收生水平亦以Band 1為標準。因為一條龍的設立，英華小學的學生會直升英華書院，所以小學的課程，亦應該用培育Band 1學生的準則，同學要達到水平，才可確保書院的程度不受影響。如果要有Band 1水平，學校、學生和家長也要共同努力，不能放鬆。若因小學水平不夠，令英華書院落車，就失去一條龍的意義了。再者，如果書院水平不夠，小學程度高的學生未必會留低，外面程度高的人又不會選英華書院，留低的同學亦不是積極學習的一群，大家也不想會有這種情況出現。

大家在這幾年，要和學校配合，讓小朋友打好基礎，符合Band 1水平上英華書院。其實和其他津校比較，我們真是沒有壓力，因為英華書院有個位等住你去讀。我們不需要顧慮六年級能否考到鋼琴8級、小提琴8級、其他樂器5級，或者在公開比賽拿了甚麼獎狀，在公開考試取得優異成績，還有校內排第幾名...等。我們只要小朋友達到學校和英華書院的要求便可以了，個人認為這是選擇入英華小學的義務。我們不能只要求升Band 1中學而不付上努力。

學校在高年級亦會注重英文，有些科目可能用英文教授，若小學能夠應付，上中一的適應會好一點。如果本身程度跟不上，我不會到六年級才選擇轉校。因為五年級下學期的成績便計分，在一間普通的小學，他的成績可能達中間水平，將來派位也好些。在九年免費教育下，每人有一次留級的機會。如果成績一直是不合格，家長便應考慮，留在英華是否一個最佳選擇，小朋友可能因為程度高追不上，喪失學習興趣便很可惜！

校長提到今年小一的學生，有幾位原來A to Z都唔識，因為派位，學校無得揀照收。但是老師特別幫助這些學生，現在大有進步，追上水平。所以學校磪實有執行有教無類。

四年級開始分班，大家也有壓力，有些人擔心入不到A、B、C班，有些人擔心在這幾班壓力很大，真正要實行後才可知成效。期間有甚麼意見必定要向老師和學校反映，不要放棄自己的權利。

csk,

你既見解好積極正面！目前的確係英華小學改革課程既契機--->EMB 建議既85%學生符合以英文學習既指標+林校長既魄力/抱負！

我同意一條龍小學學生已較非一條龍小學學生幸運，因為佢地唔使同其他人爭中一學位/等攪珠！

但你(引述?)林校長:"大家在這幾年，要和學校配合，讓小朋友打好基礎，符合Band 1水平上英華書院"---林校長是否清楚全港小學冇一間可達100% band 1學生水平, LS, St Paul Co-ed.都只有6、7成，呢個"硬指標"是否一個impossible dream/task呢?

"Band 1英中水平"係中小學既目標，亦係大多數英華小學家長既目標!但具體點實行呢？行"直資"擇優而教,定係金字塔式催谷而汰弱留強呢? 校方值得深思熟慮!

Washibi

英華小學收費二千招怨
6月 8日 星期三 【東方日報專訊】

【東方日報專訊】受政府資助的九龍深水

ambrose

其實俾多少少, 多d資源係好的, 但係二千大元都好昂貴. 條 數點計, $2000 X 800 = 1.6M. 點細分? 是否必須? 有無先節流後開源? 透明度不足是須小心handle.

"通告解釋收費用途，惟回條上只有「本人（家長）得悉並同意貴校徵收特定用途費用」，並無「本人得悉但不同意」一欄" , 真係稍不完善和瓜田李下

toby豆

我覺得一年二千唔係好貴丫,校長都係想提高學校設施既質素,都係一件好事,我覺得d家長唔應該向傳媒投訢,咁樣會好影響學校既聲譽,唔滿意既可以轉校,好多人等緊個位架,抽到入去都唔心足,我個仔抽都抽唔到入去,依家幾慘呀,週圍去叩門
    

csk

JP

林校長並無說英華小學達100%Band 1，是我的理解學生要有好的水平和英中接龍，家長要明白如果家校不合作，有些事情是無法推行和實現的。因為校網的限制，派進來的水平很參差，要整體提高水平的磪是不易。明年有15位新老師，大家拭目以待，期望有新的火花。林校長真是唔話得，每天早上和Miss Ho在學校迎接學生，差不多個個她們也叫得出他的名字，如果我是學生一定很開心，原來校長和老師是認識自己的。

有關轉直資，讓學校有收生的權力。但為了$2000/年已引起不少風波，再行一步就更加要考慮週詳了。

Eva

大家好,我不是英華家長,但有打算給兒子一試,所以一直以來都有追看這個TOPIC.尤其是林校長過當之後,就更有親切感.

林校長在協恩時都有收取$200一個月(要去指定銀行開個A/C做自動轉脹,逐月扣),即是$2,400一年.

初時都覺得怪怪地,因為問過好多人,官校同津校都無收.不過抽到入讀已經好開心,所以當時完全沒有反感.

可能英華D家長一向無俾開,眨時間要俾,所以覺得很難接受!如果有兩個孩子在這裡讀書的就更難接受. 尤其是那些邊緣家庭,人工唔多,但又不至於要拿救濟的家庭,真是會很肉赤哩.

其實要達到某個人數能夠有能力接受英文教學才可以用英文施教,本來是正常不過的好事, 因為如果多數學生沒有合格的英語水平,硬要用英語來教學,對他們來說,可能得不賞失. 只是85%是否訂的太高?!如果70%-75%(已經是大半人數)是否比較實在一點.

現在協恩新來的校長也跟林校長一樣,為了保住中學的招牌,已經叫我們要有心理準備,新學年會有大的變動,還叫有很多課外活動的同學家長,來年要留意一下小朋友是否夠精力應付,叫我們不要叫孩子盡力而為,因為盡的力太大,好容易死,要量力而為才是為孩子著想!  現在知道新學年會加一節課,即是會遲些放學 (跟你們相反?!). 今年9月便會知道其它詳情.

SandyKL

睇哂咁多位留言，對學校政策改革各有支持及反對。

相信有時間我都要寫份意見書俾教統局，講解下目下各校因應田生所提出之「語文轉車制」，紛紛磨刀霍霍力保學校學術科方面成績，我覺得咁改法香港莘莘學子需面對比從前更強大之壓力，為保85%中一學生具達標英語能力談何容易!

教統局當初進行小一入學制度改革係為左消弭名校效應，又推行中、小學一條龍，希望學生可以免受學校學科上之催谷，有9年時間可令學生接受全能教育，並非一味著重學術方面，但一旦實施「教學語言轉車制」，簡直令香港教育重彈舊調，走回頭路，而且路途更崎嶇。

另今次徵收之每年$2000元額外費用，我其實心中都奇怪，因為當初講5月山頂步行籌款行動，係用黎作學校經費，雖然步行不成，但錢仍然有交喎，為何突然又話要再徵收額外款項?唔係唔願俾，只係希望學校可解釋詳細一點，例如學校依家有幾多可用之經費，又短缺了多少?而希望校方可列出預算經費如何使用，透明度高些，家長便不會不服，兼且消除誤會及疑慮。其實對於徵收額外款項，學校實在需要提高敏感度，不應輕輕帶過及略作交待便算，家校合作並非事事由學校作主，而家長被強迫盲目跟從。

RAMC

請問一,二級的家長, 知唔知道7月份究竟要番多少日學呢?

徵收每年$2000元額外費用:
我覺得我們應該相信學校, 相信在教育界有名望的林校長, 相信徵收費用都是為我們的兒子, 提供良好的教育, 令我們的兒子打好基礎, 去面對政府那班無能的教育高官, 擦鞋但自命教育專家的委員和可以埋末良心, 根本只是為了自己個人將來利益, 亳無教育經驗, 及將自己和他父親的錯誤過失推卸 (要自己英文程度唔好的兒子田xx入讀英文中學; 唔俾自己的女兒在香港接受教育, 硬要將自己的女兒一早送去外國學番文, 學完番文的女兒不願回老家.) 的商家田xx (去硬要人們接受他們所推出的"大部份人的噪音教育政策; 此政策有如23條, 政府話為你們好,但是有智慧的人民為何會反對, 點解呢?)
其實平均一個月二百元都可以說是合理, 相對其他大部份的直資和私校, 只是相等於他們的一個月學費, 但學校所付出的, 我們應客觀地去評價.

Easy媽咪

RAMC
我見通告P1-P5返到30/6之後,七月份只返8/7同13/7日咋
8/7係數學嘉年華~~
9/7係家長日!  
而13/7係學生嘉許禮及休業禮~~~