2007年8月開學宏福幻兒園既媽咪一齊入來傾下

天藍

hongmimi,

我都係表面好似好識諗, 諗諗下咪輪為
發白日夢, 得個諗唔去做
你個間學校又幾第又唔貴喎! 祝匡匡開學
後日日都好鍾意返學lu~~
匡爸真係上進剛畢業, 現在星期六又要返
學, 無辦法啦! 為生活大家好嘛!

原文章由 hongmimi 於 07-12-13 16:10 發表
天藍，
我都係咁話，以家鬼C咁忙 ，買算喇! 有時間都學d有關阿仔既野，我就想學"英文拼音"，可以學識教下匡匡嘛! 珠心算都唔錯，不過好似得細路去學.... 妳地唔好以為我咁進取，其實我好"識諗"... 淨係識得諗但無去做果隻，嘻嘻! ...

hongmimi

嘩! 妳地學校真係好多活動喎! 19號家長日、26號去旅行... d星期六都好唔得閒啫~
我而家淨係望快d快d到2月，匡匡有得返學就好lu~

我下午放假....bye bye

626mama

天藍,各位,

妳星期三收到張通告娜，咁今日等我返去睇下啦，
睇下婆婆睇漏定冇派啦。

我今日未夠9:00 Online 到而家都冇段過，BK成
日都怪怪地，琴日排毒3-4次就冇事，只係不停
排毒氣，好在放工又冇事，唔係就羞死人LU。  

昊藍剛剛好返又病過，D咳真係好難好，請假
休息下，休息夠快D好反。

聽妳話韋主講，26日定左旅行，咁妳地可以通
知定老公們放假喇，下個月19號家長日會時間
一定係上午，都好，知道定可以自已安排下。

原來地點學校決定有兩三個地方，真係好想邊三個
地方，唔知會唔會又同"青衣鄉事會幼稚園"一起
去呢，我見運動會同聖誕PART都一起攪。

原文章由 天藍 於 07-12-14 11:08 AM 發表
626mama,

唔係喎! 個張通告我星期三就有, 因星期一, 二
仔仔咳無返學, 但星期三返番學, 晚上我check
手冊已有張通告係話關於21號個日表演要著
紅色衫, 男仔下身就要穿藍色牛仔褲, 女仔就
要穿藍色牛仔裙....
如你下 ...

626mama

Hongmimi,

鈞渝講講下都返學喇，好快到匡匡嫁喇。

原文章由 hongmimi 於 07-12-14 12:44 PM 發表
嘩! 妳地學校真係好多活動喎! 19號家長日、26號去旅行... d星期六都好唔得閒啫~
我而家淨係望快d快d到2月，匡匡有得返學就好lu~

我下午放假....bye bye ...

626mama

各位,

軒軒收到聖誕老人寄比佢張聖誕卡喇。
等我今晚比佢睇下先。

626mama

各位,

我昨都行了沙田三間冷舍甫都冇，
為有買左差不多色嚟做邊啦。:cry:

原文章由 626mama 於 07-12-13 02:02 PM 發表
各位,

近排咁熱，真係有小小想拎返D夏天衫出來。
我仲話想整條頸巾比軒軒添，EE仲問我有冇病。
有呀 。遲D凍條頸仔穿好多衫都會入風。我而家冇學返，
就當比D手藝自已啦。

妳地有冇織或鉤冷衫嫁????我唔識嫁，不過近排 ...

天藍

626mama,

聖誕老人點解寄比軒軒, 無寄比昊藍既???

原文章由 626mama 於 07-12-14 13:55 發表
各位,

軒軒收到聖誕老人寄比佢張聖誕卡喇。
等我今晚比佢睇下先。

ElainAiolia

Dear all mami,
21/12聰爸不會出席嘉年華，因為佢今日睇醫生，confirm出水痘 (屬高度傳染)，要自我隔離，今朝一睇完醫生，即刻返屋企執o野著草，佢搬o左返奶奶屋企暫住，醫生比o左8日病假佢，另於21/12再返去覆診。而子聰暫時無任何病徵，我都想佢受感染，除o左因為子聰打o左水痘針外，最主要原因係水痘越早出越快好，因小朋友出無咁辛苦，我見聰爸又痛又辛苦，再加上發燒到39度幾，訓唔到覺，好慘呀 ！

你o地In K1 D學校result番晒未，諗o左揀邊間未呀？

嘩，原來我o地呢度有咁多高級職員，我呢個低級職員要行埋一邊la。

呢排聰爸攞o左手寫板返公司用，所以我係屋企上唔到o黎吹水，係公司就要得閒先可以偷雞上o黎留言，不要怪我咁少留言呀！

ElainAiolia

626mama,
我都買o左"川貝虎乳靈芝湯"及"海龍海馬湯"煲比子聰，尋晚飲o左"川貝虎乳靈芝湯"，好似好D，今晚再煲埋海龍海馬湯先再决定使唔使睇醫生。

婆婆屋企有咁多"龍利葉"，得閒煲o下佢，有益o架。

我以前讀書每逢織冷衫或織其他o野，都係我家姐幫我搞掂 ，所以我係唔識o既。

我好早已收到著指定服飾o既通告(著紅衫、牛仔褲/裙、紅聖誕帽)，我費事特登買件紅衫，所以著件有紅黑色o既恤衫就算。

pcdogxx,
我買"川貝虎乳靈芝湯"料時，個執藥佬話做o左廿幾年都未聽過有枇杷蜜棗，所以分別執o左枇杷及蜜棗二樣o野比我，唔知得唔得呢 ？

你唔講起都唔記得hongmimi隻海星已死，你煲呢隻湯之前果日我o地都有煲，好好味呀 ！

ElainAiolia

天藍,
子聰唔係特別仲意食燒買，而係佢乜鬼都仲意食 ，尤其放o左學，好似餓o左好耐咁，食好鬼多o野 ，真係多謝晒你o地請佢食o野，搞到我都有D唔好意思o忝 。

唔怪得子聰話今日昊藍無返學la，原來又病o左，昊藍，加油，快D好番去表演！

hongmimi,
我都想學"英文拼音"，唔知有無親子班可以一齊學呢 ？另外都有聽人講珠心算好過公文式，唔知係o米呢 ？

祝匡匡返學好快適應到 、唔好喊，可以返屋企教匡爸、匡媽唱歌仔，好快就到果日la。記得到時匯報匡匡最新情况呀 ！

626mama

天藍,各位,

我講比妳地知點樣聖誕老人會寄聖誕卡比家中小朋友。
只要妳地要寄聖誕卡比聖誕老人就得嫁啦。
不過記得要寫回郵地同，由邊個小朋友寄比聖誕老人就得嫁喇。
封面就咁寫聖誕老人收就得嫁啦。要記就怏D喇!

原文章由 天藍 於 07-12-14 04:05 PM 發表
626mama,

聖誕老人點解寄比軒軒, 無寄比昊藍既???

626mama

ElainAiolia,

聰爸咁大過才出水痘會好辛苦，我以前都有個同事出，佢放左成個月假，返來都仲死死下。點解要搬返奶奶屋企暫住，妳同工人係咪有人未出呀。定係有奶奶24小時睇住安心D呀。醫比o左8日病假佢，真係要認真休息。

咁21/12妳錄低當日子聰表演比佢睇，睇帶都好丫。子聰暫時無任何病徵，比我都想小朋友早D出。

祝聰爸唔好咁痛同辛苦，燒快D退，怏怏怏D好返!

原來低級職員要行埋一邊，我都要呀，一齊丫。

原來妳用手寫版，以前我用手寫版成日都冇字出，因為筆劃不對，所以認唔到。

原文章由 ElainAiolia 於 07-12-14 04:13 PM 發表
Dear all mami,
21/12聰爸不會出席嘉年華，因為佢今日睇醫生，confirm出水痘 (屬高度傳染)，要自我隔離，今朝一睇完醫生，即刻返屋企執o野著草，佢搬o左返奶奶屋企暫住，醫生比o左8日病假佢，另於21/12再返去覆診。而子聰暫時無任 ...

626mama

ElainAiolia,

妳都買o左"川貝虎乳靈芝湯"昨天軒軒飲左，不過D咳都仲好多，今日會再煮，飲第二次，如果冇好D，就會返沙田睇醫生，沙田有個醫生軒軒好以幾夾好，希望睇一次好反，NO NO NO ，係今晚飲完湯好返就最好喇。

"海龍海馬湯"我自已都有小小想飲。

希望子聰同軒軒一樣，今晚飲埋個湯好返啦。

婆婆屋企有咁多"龍利葉"，所以這個湯久不久就會飲，如果軒爸咳緊就唔飲得，我留意好內，佢咳緊一飲"龍利葉湯"，晚上就咳唔停，整值唔洗訓，"熱"定"寒"果D野呢。

以前讀書美勞同劃畫，我妹妹實比晒我做。

妳都收到已收到著指定服飾o既通告!!!我今晚夜要認真睇下本手冊仔先。

枇杷蜜棗-唔怪得配藥個男仔望來望去，又叫
其他人睇我張幾，跟住個人話"照配得得啦"
咁講啦，唔通...如果有下次，得我問下佢
個老細先。

原文章由 ElainAiolia 於 07-12-14 04:15 PM 發表
626mama,
我都買o左"川貝虎乳靈芝湯"及"海龍海馬湯"煲比子聰，尋晚飲o左"川貝虎乳靈芝湯"，好似好D，今晚再煲埋海龍海馬湯先再决定使唔使睇醫生。

婆婆屋企有咁多"龍利葉"，得閒煲o下佢，有益o架。

我以前讀書每逢織冷衫或 ...

天藍

ElainAiolia,

聰爸真係慘 甘大個人先出水痘一定好辛苦,
因以前我朋友成24 yrs先出水痘, 佢又係辛苦
到cc下, 佢話又癢又痛, 又唔可以抓唔係有疤
唔靚女, 佢仲有併發症肺炎都出埋o黎, 成個月
先好番, 不過, 聰爸身體一向強壯應該唔會有大
外, 但都要小心保重身體, 聰爸搬出去, 子聰
咪好掛住爸爸? 希望聰爸早日康復! 唔好抓d水
痘, 唔好有疤唔靚仔~~
你地一家其實除左子聰同聰爸, 你同你工人出過
水痘未??? 如你出個可唔帶子聰自己去探聰爸,
唔使佢一個人咁寂寞。
聰爸睇唔到子聰21號既演出都唔緊要, 拍底d相
同video比聰爸睇, 等佢睇到子聰既精彩表現!
子聰平時都有請昊藍食野, 所以你唔使唔好意思,
大家同學仔互相分享下, 不過, 第時我地唔同學校
真係好唔捨得你地 我都未諗定讀邊間? 以家再
打電話問下出面學校搭校車既問題再決定, 又有少
少擔心仔仔坐車坐唔定有危險, 好煩!!! 收又煩,
唔收又愁
我都好似你咁唔特等買件紅色衫, 因仔仔有件米
奇老鼠衫係中間紅色個就兩邊係藍色, 我諗OK呱!
都係有紅色呀!!!
祝聰爸早日康復!!!

原文章由 ElainAiolia 於 07-12-14 16:13 發表
Dear all mami,
21/12聰爸不會出席嘉年華，因為佢今日睇醫生，confirm出水痘 (屬高度傳染)，要自我隔離，今朝一睇完醫生，即刻返屋企執o野著草，佢搬o左返奶奶屋企暫住，醫生比o左8日病假佢，另於21/12再返去覆診。而子聰暫時無任 ...

天藍

Thx!!!

原文章由 626mama 於 07-12-14 16:17 發表
天藍,各位,

我講比妳地知點樣聖誕老人會寄聖誕卡比家中小朋友。
只要妳地要寄聖誕卡比聖誕老人就得嫁啦。
不過記得要寫回郵地同，由邊個小朋友寄比聖誕老人就得嫁喇。
封面就咁寫聖誕老人收就得嫁啦。要記就怏D喇!


...

hongmimi

天藍，
唉喲! 昊藍又病左~ 希望快d好番啦，病無得返學架!!
其實我都岩岩病完(放親假就病)，而家仲有少少傷風 ，可能傳染左d俾匡匡，婆婆話佢有幾聲咳，鼻水多左(平時鼻敏感都有)，但無其他，我地唔想佢食咁多藥所以又無睇醫生，因為通常唔太嚴重，佢過幾日會好番…. 當然嚴重或有需要梗係要睇啦~

626mama，
原來咁就可以收到聖誕老人既聖誕卡架喇…  

高級職員?? 妳地唔係講緊我呀? 乜妳地唔知咩? 我呢份"打雜"係兼職，無分高低；正職title叫"媽咪"，負責湊仔；嗜好係發白日夢(時時刻刻諗住退休、日日接送匡匡返學…)。如果妳地都同我一樣，要行就一齊都行埋同一邊喇~


我用手寫版仲C，因為我用左手寫字，筆劃全部調轉一定認唔到

ElainAiolia，
聰爸出水痘，好慘呀! 係咪有同事出傳染左呀? 婆婆話我細個時出過，但我無記憶，真係幾辛苦都唔知。聰爸要多d休息，依時食藥，男人大丈夫痛應該頂得順，但痕呢就真係心都亂埋，掃下掃下好喇，唔係有疤痕唔靚仔架~

妳屋企門口好靚喎~ 好有節日氣氛 ，唔知屋裡頭有無聖誕樹呢? 我地通常只會係婆婆屋企整靚靚，因為每年都會係佢到開派對 聰爸要快d好番，返屋企同妳地一齊過聖誕節呀!

妳都想學"英文拼音"呀!? 我見佢學既方法幾好。我家姐大女而家都學緊，佢對英文變得有興趣，見到未學過既字都走去拼下個音。之前細個就學”珠心算”，雖然而家無學，但學左個底好d，而家佢小一d數學真係唔錯架~ 公文式好唔好就唔知，但我見多數大d先去學既。等我試下揾有無親子班學"英文拼音"，可能都要大d先，不過揾定都好，搵到通知妳。

天藍

hongmimi,

昊藍d咳好番好多, 但我都諗住明天唔比佢返學住,
我怕一返學又咳, 都係休息多一兩日先。
多謝你關心! 匡匡都要保重身體, 今晚天氣轉涼左,
要著多件衫, 唔好涷親
我都想學"親子英文併音", 但我諗都係要仔仔大多1,2年
到先學到, 因以家我地d仔仔仲細, 教佢地併音佢地都未必
明, 同以家佢地細上堂專注力未必咁集中, 等陣上上下行
來行去就頭都痕, 學費都蝕埋。
我都聽個人講荃灣近城市廣場個到有間, 好似叫joinfull(我
唔係好記得係咪咁串, 太約個名係咁)有親子併音學, 如遅
多少少我地仔女大番少少, 大家仲有興趣想學可一齊去學,
到時再搵資料, 好嗎?
仲有昨天下午(Sat)我過去我媽到, 見你間屋有人係到裝修,
唔知係房署d人定係有人咁快搬入去~~

原文章由 hongmimi 於 07-12-15 10:50 發表
天藍，
唉喲! 昊藍又病左~ 希望快d好番啦，病無得返學架!!
其實我都岩岩病完(放親假就病)，而家仲有少少傷風 ，可能傳染左d俾匡匡，婆婆話佢有幾聲咳，鼻水多左(平時鼻敏感都有)，但無其他，我地唔想佢食咁多藥所以 ...

candyhui77

各位媽咪,

我同翔仔由星期三開始放左幾日病假, 今日先開始返工返學. 不過翔仔仲有D咳未清到, 等佢食完D西藥試下你地講個D湯水先....

冇返幾日原來出左張通告關於21/12既衣著呀? 翔仔都冇紅衫同聖誕帽, 要去買先得, 咁大人洗唔洗著埋紅衫家? 21/12個日翔仔DADDDY同我都會去, 我地到時見呀...

candyhui77

呢排D診所間間都好多人

hongmimi

天藍，
多謝! 天氣個個禮拜都唔同，大家真係要保重保重!!

我問過家姐，大女係荃灣ABC Pathway學英文拼音，佢都有親子班，家姐話見學既都係好細小朋友(高匡匡dd果d - 匡匡矮過同齡少少，咁即2歲到?? )，但幾多歲可以學就唔清楚。我都係咁話，就算而家2歲可以都唔好住，佢地而家坐都未坐定，盞蝕學費，等大d大家再夾睇下邊間一齊學吓!

唔該晒妳報告最新消息俾我地，公公婆婆上星期二先返過去，管理員姨姨好好人，見我地有封信係要去長青郵政局取郵包就 call公公佢地番去拎，原來係舅父大頭蝦，唔記得轉其中一個地址。妳見到既應該係房署既人做裝修，管理員姨姨話我地搬走唔夠兩個禮拜房署已經開工，將個地剷起晒 。管理員姨姨仲話，我地同樣16號單位，對上兩層同對下兩層都搬走左(即24同20樓)。我諗房署應該好快攪好，然後好快就有新住客lu~: