嘉諾撒聖家(九龍塘) 家長入來傾下計啦

沙律

肥肥師奶, 我女淨係話我知選乜長物長, 我再問多佢兩句, 佢又答我唔知, 佢可能覺得我好多野問卦.  我呢兩日做咗問題阿媽, 我對於佢能唔能夠適應學校既生活好緊張, 所以我都唔敢問太多, 我怕佢反感!  其實小朋友8掛先好, 我都想阿女8 D野返來話我知, 我希望佢可以投入學校既生活!  

yee...我未見有課外活動既資料, 唔知一年班幾時可以選課外活動呢?

Blythemia

沙律:

一年級咁既反應正常過正常.遲D測完驗你問佢測左D乜,識唔識,佢一樣會話唔知.其實做媽咪當然好關心佢係學校既情況,成日想問多D知多D,不過若然佢答唔到你,你都唔駛太緊張,佢地自己都係度適應緊,始終需要一D時間.

課外活動通告一向唔會咁早派,我估起碼要等個零星期.同埋,俾定心理準備先,一年級可以揀既項目唔會太多.

沙律

Hi Blythemia, 多謝你的提點 : )  哈哈哈, 好彩你話正常過正常... 如果唔係我又有排問... 嘻嘻!

其實我由阿女出世到依家, 都係度學緊點做一個好媽媽, 唔想比太大壓力之餘又唔想佢懶散! 又要番工又要睇佢功課又要照顧屋企, 個種壓力都幾大! 唔識放鬆都幾麻煩。呢兩次去家長會時, 邵修女講到親子問題時, 我都幾認同!  好彩學校好體諒家長, 係時間表既安排上做得好好!

課外活動 - 佢地會唔會連一個項目都冇架?

Blythemia

沙律:

我同你一樣,做兩份工,一份有糧出有假期,一份冇糧出冇假期.我重冇請菲傭,日日放工重要返屋企煮飯添.壓力點都會有,不過唔可以過量,亦唔好將壓力轉左係小朋友身上,否則大家都會好辛苦.影響小朋友既發展.亦影響關係.

你唔駛擔心,一定會有得參加課外活動既.不過如果某D特別受歡迎,報名人數太多就要抽簽.校方都好鼓勵小朋友參與,話最好最少報一項.

一年級係最懞豬既一年,到二年級,好多野都會上哂軌道.到時佢唔會話乜都唔知,反而你唔知要問番佢至清楚. 一年級啫,有冇蝦碌呢咪即管發生囉,反正全校最細,人人都會體諒.吸取到經驗,二年級自然會進步,醒好多.唔怕講D瘀野你知,我女一年級上學期欠交功課九次(如果唔係沙士停課,可能真係會爆燈十二次要收warning letter,到二年級已經好好多.所以話一切順其自然,慢慢會好,太緊張反而弄巧反拙.

Blythemia

Heidi媽,

受之有愧呀.我唔想屋企多個人,又想個女獨立D,所以寧願自己辛苦D囉.不過都係習慣既啫.慣左咁樣既節奏,自然就會做到,唔係想像中咁難.

我只係會話俾自己聽,父母係子女既一面鏡.你想佢點對人,你就點對佢.你想佢有禮貌尊重別人,做父母就要對小朋友有禮貌,尊重佢.你想佢EQ高,第一件事唔係送佢去EQ班,而係自己係行為裏面表現出高EQ.多D從小朋友既角度去理解佢既行為同問題,比一味向佢地發脾氣,會有更好既效果.我一個就話專心教佢啫,三個小朋友真係唔易搞.教得呢個來第二個又要嗌你,你辛苦就真.

沙律

Blythemia, 多謝你鼓勵! 我都明白阿女依家先係一年班,條路咁長, 我唔應該咁快就咁緊張, 我會成日提醒自已放鬆D, 但始終我都係緊張大師, 要慢慢學relax.

係呢，你沒有工人，你怎安排接阿女放學？放學後找人照顧定係去補習社？我依家都考慮緊唔同工人續約，我都想阿女獨立Ｄ，有個姐姐在家，佢就好似大小姐咁　

Blythemia

沙律:

我媽媽屋企距離學校都算近,亞女放學坐校車去婆婆屋企做功課,我放工接佢返屋企煮飯囉.如果唔係有婆婆幫手,我或者會請個人下晝接佢放學,直至我放工返到屋企.我形住小朋友唔多唔少都會倚賴補習社.未必學到自已既事自己做.

Mandy23

請問２年班英文的Grammar parctice書是怎樣的．　因我囡囡說現在的那本和學校那本不同．因我是自己出去買的．
Grammar Pratice是否Logman Welcom to English,因我書單已掉了，所以對不到是否買錯了．　請幫幫忙．

謝謝！

沙律

Heidi 媽你好犀利呀!你女女以前讀邊間小學架, 湊住三個都教得個女咁乖, 你個女一定好自律!

我得一個都一頭煙  

Mandy23

Hi Heid媽

Thanks !  Can you fax the 書單 to me?

另我想問英文書是否都是Primary Longman Express?

Thanks

Mandy

serenachan

Dear 肥肥師奶,

How are you?
I found that your daughter can go to 嘉諾撒聖家(九龍塘), may I know your past experience in choosing school? My daughter started K1 this year. I understand that I have to choose P1 next year.
Can you share your experience to me?
Thank you!

Serena

Mandy23

Thanks Heid媽

肥肥師奶

Hi,serenachan

Pls check pm!

serenachan 寫道:
Dear 肥肥師奶,

How are you?
I found that your daughter can go to 嘉諾撒聖家(九龍塘), may I know your past experience in choosing school? My daughter started K1 this year. I understand that I have to choose P1 next year.
Can you share your experience to me?
Thank you!

Serena

serenachan

Thanks you 肥肥師奶!