喜歡思考對學習有什麼影響！？

ANChan59

October. 發表於 17-12-13 20:10
因為中文級一，佢突然話對中國文學有興趣，但佢又唔中意閱讀唔睇書，點讀文學？頭痛。
...

中國文學，我冇乜心得，細個跟老爸讀古文，到大個仔，冇乜特別感覺去讀。

October.

ChiChiPaPa 發表於 17-12-13 10:24
除了core，M1都好似幾有用。大部分的學科，包括人文科學，讀上去，做研究，都好像少不了統計學的知識。
...

學校派咗表，初步收集學生意願，佢話中意algebra，會揀M2，

我問佢老師有冇同佢地解釋過乜野係M1M2 ? 佢話冇。

想請教M1M2邊樣易讀啲？

October.

ANChan59 發表於 17-12-13 20:20
中國文學，我冇乜心得，細個跟老爸讀古文，到大個仔，冇乜特別感覺去讀。
...

佢唔中意睇書，沒有什麼紮實的根基，好難想像讀得好文學。

佢只是有啲好彩，天生文筆較流暢寫得吓吹水文。

shadeslayer

Vanadium 發表於 17-12-13 20:15
睇過IB既課程資料，看來真係唔易，一個課程題材多，深度唔淺，驟眼真係覺得難過DSE。但再翻查資料，2017年 ...

要看大量數據，才較全面。香港lB學生遠少於DSE。

香港lB平均約35分，全球平均約30分，全球狀元只有0.25%。

而且，睇大學收生取向，最實際。

ChiChiPaPa

October. 發表於 17-12-13 20:22
學校派咗表，初步收集學生意願，佢話中意algebra，會揀M2，

我問佢老師有冇同佢地解釋過乜野係M1M2 ? 佢話 ...

一般認為M1較易。不過，每人能力不同，有些人較難掌握概率和統計觀念。通常數學成績很好，而對代數有興趣的同學會選M2。數學成績好，但又非最高的一群或會選M1。

nintendo

"DSE可以爆分既人咁少，而IB又多咁多?"

呢個 point 好多人 raise 過。
考試為入大學，大學視 IB HL 5 分，比 DSE 5** 高是事實。
香港 IB 平均成績一向都好， DBS SPCC 未開 IB 已經係咁。

Vanadium

nintendo 發表於 17-12-13 22:38
"DSE可以爆分既人咁少，而IB又多咁多?"

呢個 point 好多人 raise 過。

所以比得起錢，真係可以考慮考IB，要求比DSE低，但國際認受比DSE高，真係賺晒。

我只可說據網上資料，IB..就算HL，考試題目遠比以前香港AL淺，算叫簡單直接，但更甚，要攞佢最高grade 7 既考試分數要求，相比DSE攞5**要求既分數，真係低得多。

國際考試要遷就國際既學生，分數要求想高都唔得，而事實普遍國際水平比亞洲水平低得多，稍見下咩PISA或TIMSS，咩閱讀能力測試，亞洲地區，包括香港，通常都攞晒頭幾位。

如果IB有得用中文考，令國內同胞可以考埋，我諗IB要被重整都似，甚至禁中國同胞去考，因可能太多滿分。:)

shadeslayer

Vanadium 發表於 17-12-13 22:49
所以比得起錢，真係可以考慮考IB，要求比DSE低，但國際認受比DSE高，真係賺晒。

我只可說據網上資料，IB. ...

IB 和 HKAL比，相差一年，你攞來比，笑死人。

要求低，咩意思？

你有無研究過lB Chinese A HL咩程度？

Vanadium

shadeslayer 發表於 17-12-13 23:32
本帖最後由 shadeslayer 於 17-12-13 23:35 編輯

IB 和 HKAL比，相差一年，你攞來比，笑死人。

唔知你呢句笑死人，背後既邏輯，有幾多人認同，但我估計應該超過60% 。

相差一年，同一topic題目一定較淺，對好多人黎講，係必然正確，但可惜多人認為正確既邏輯唔一定啱。

shadeslayer

Vanadium 發表於 17-12-14 04:11
唔知你呢句笑死人，背後既邏輯，有幾多人認同，但我估計應該超過60% 。

相差一年，同一topic題目一定較淺 ...

出到佛計？ 兜得咁辛苦，為乜呢。

仲下下講到咁死，matter-of-factly，又無野 back up. 希望你係職員，不是教員。

ANChan59

shadeslayer 發表於 17-12-14 07:15
本帖最後由 shadeslayer 於 17-12-14 07:32 編輯

出到佛計？ 兜得咁辛苦，為乜呢。

你要咁睇，佢開初話唔識 IB，我咪講多少少，一講，佢又識囉！

我們咪要「思考」一下，陪唔陪他癲落去？抑或繼續離題？

nintendo

香港有今時今日，係香港人自己一手造成。
教育係咁，社會氣氛係咁。
香港人，係抵死的。
明明個課程設計差，試題出得差，都要護。
唔反省，而只諗一堆沒有邏輯的東西來解畫。
咁多年，NSS 的問題已經出晒嚟，但香港人只識自 high。
自己留在屋企自己同自己講  " DSE 勁 "。
我，信大學就夠，大學視 IB HL 5 的水平比 DSE 5** 高。
完。
PS 某某不用回覆我，我冇興趣再討論 DSE vs IB 。有乜問題，自己問 oxbridge ivies 的 admission office。

Vanadium

我見AnChan個題目幾有意思，就回下，離左題都唔想，正面d睇，討論正係思考過程，若每個人願意互相參詳，或都如題，訓練思考。

AnChan大師，我未參與呢個討論，真係唔知IB係咩，但尋日，我用左好幾小時，去搵同睇IB課程，包括整個課程內topic要求每一個細項，再睇左佢地試卷，再睇左佢地每個grade既boundary mark，加上我對香港公開試既認識，作出判斷，唔知有咩問題呢?  我覺得若有問題，只係我不能確定佢評分嚴謹度，佢地題目不算深，但要攞7級，只需要75分，遠低於DSE 5**要求分數，我只可說我最大機會錯誤，係佢地比分極嚴格，就算答啱晒，答得唔好都無分。

似乎有人將好壞、難易、大學點睇混為一談，若然分唔清，再講惹無謂討論。

雖然我睇完資料認為IB 7，係DSE 5*或5學生已可做到之水平(即係果d試題攞75分)，但我完全唔會覺得DSE好，若然DSE被推倒，我會開香檳慶祝。

究竟閱讀定思考重要呢? 喜歡思考同分析對學習有咩好處，若學生參與下有意義之討論，又肯互相學習，必定會領略思考之重要同意義，能否做一個good judgement，好多時就睇能否正確多方思考。

又要再講sorry，我收聲，對引發誤會或不滿致歉。

October.

Vanadium 發表於 17-12-14 10:17
我見AnChan個題目幾有意思，就回下，離左題都唔想，正面d睇，討論正係思考過程，若每個人願意互相參詳，或 ...

對, 贊同!

欣賞你冷靜、有理有節的分析及風度.

planetearth

ANChan59 發表於 17-12-9 15:54
在教育版方面，經常說喜歡閱讀點點點，操練點點點！

我又開個帖，愛思考又會點呢？

剛在 飛機上看一個特輯， 牛津大學2016年收了40個香港學生，在院長眼中，香港學生都很優秀，但他覺得香港學生可以不必太勤力讀書，反而要多思考。很明顯，西方人眼中的讀書同思考是有颇大分别的。

ANChan59

planetearth 發表於 17-12-28 16:16
剛在 飛機上看一個特輯， 牛津大學2016年收了40個香港學生，在院長眼中，香港學生都很優秀，但他覺得香港 ...

Any link ?

planetearth

ANChan59 發表於 17-12-28 18:10
Any link ?

在CX机上看的，一個TVB升學 特輯. 那個院長只講了香港學生不必太勤力，但要多思考一句，其他的不是太相關的，只介紹牛津大學 點滴 。因為之前在這里 討論過, 所以特別入腦。

planetearth

ANChan59 發表於 17-12-28 18:10
Any link ?

https://youtu.be/zPUONHIPHjo
無線財經台升學無疆界。
youtube search下都有

shadeslayer

planetearth 發表於 17-12-28 19:49
在CX机上看的，一個TVB升學 特輯. 那個院長只講了香港學生不必太勤力，但要多思考一句，其他的不是太相關 ...

香港，甚至亞洲人讀書工作勤力，不甚懂 work life balance，不是新聞。所以我見成績好的香港學生，我不一定欣賞。但見到一些興趣多元化一點的學生，就算成績不是絶頂，我多數會由衷欣賞。

這類學生，通常會在中學階段已認識自己，包括長短處和興趣。

planetearth

shadeslayer 發表於 17-12-28 21:12
香港，甚至亞洲人讀書工作勤力，不甚懂 work life balance，不是新聞。所以我見成績好的香港學生，我不一 ...

我也是喜歡跟靈活思考的人共事，話頭醒尾，有創意，有input. 不是只聽指令做事，有時遇到一些難題，確實有想不同人從不同再度看 利弊。
我成日都話學校成積只代表部份能力，工作時有多元思考更有用。如果個人建立了喜歡自學習能力，更能 接受新事物學習新知識. 有好人離開咗自己comfort zone, 就會膽怯， 唔夠膽向前行。