各位對優才書院小學的評語

roccolamar

其實我後來所報的學校是播道及陸慶濤，你覺得這兩所小學不合格都會升班？他們都是很出名的小學及中學，難這你覺得這兩所學校不合格都會升班，我又沒說過，只是你想得太多了。可以直升中學，又不代表他們對升班沒要求，只是他們負責任，教導小朋友學校家庭都有責任，教得不好他們食番是負責任表現，不會推給其他學校負責。他們都會有要求的，但從幾千人當中選出不足一百，誤差率都有限，他們會為學生補底，但不會未完成小學就逼人走，果段時間要人走，除了難找學校亦會傷小朋友自尊心。報優才時他有說要小學達標才可直升中學，但從無講過小學未完成就要人走，我聽講座時真得從無提及，他們所提拱的brochure亦沒提及。

為什麼那麼多家長喜歡一條龍學校，自有其理由及需求，所以才有一條龍學校的供求，是簡單的Demand及Supply的原理。初中正是一般孩子的反叛期時期，朋輩的影嚮會很大，相反父母影嚮就很小，所以我著重校風好的中學，成績固然重要，但品德更重要。我亦見過一些親戚的小朋友，小時很乖，但轉了中一只是頭幾個月就變了一個人，所以才對選中學加倍小心。如果現在可以選擇的情況下，可以選讀一間可以直升中學的學校，而校風又好的學校，又何樂而不為？

我從來只追求一條龍小學及中學，目的只是針對少年反叛期。什麼大學及就業從來沒提及，咁誇張不如講埋結婚生仔？大約15、6歲都差不多過了反叛期，那時都已是高中了，過了反叛期之後他們都己經成熟可以為自己決定自已的方向，何須替他們擔心及決定，之後的路就由他們自已行。我讀邊間大學及讀邊科都是自己選，我都無問過父母，只是選自己喜歡的科目。就業？都己經成年人仲要幫佢找埋工，可能你會咁對你小朋友！小朋友大過變好變壞都是將來自己受翻，如果不是見有人質疑Corliss_yu的孩子被學校趕出校不幸事件是假野，我都費時出聲。

原帖由 中天英 於 11-10-2 23:57 發表

恭喜你，搵倒間屬于小部份既直資學校，就算個學生未達所需學術水平，都可以升班\升中嘅學校，作為父母嘅，就可以高枕無憂，唔使煩喇，正。

我都心郁郁想將兩個仔轉埋過去讀添。

但係想真d, 咁即係佢地兩個，科科紅底，甚至交白卷，都 ...

[ 本帖最後由 roccolamar 於 11-10-3 12:04 編輯 ]

whywhite22

roccolamar:
我諗陸x濤小學并非如你所講咁易升讀,佢對升班都有要求,我聽個朋友講,佢哥既小朋友,小學階段留過一次班,中一再留一年,到著中三又話成績唔得要求第三次留班,佢最後唔想再留班,唯有自己退學,去著外國升學,學校雖然唔會叫你自動退學,但叫你留班三次,我諗唔是好多人想咁做.佢中學成績咁好,背後是有原因既.(純屬個人觀點,不喜勿插).

[ 本帖最後由 whywhite22 於 11-10-3 13:21 編輯 ]

cmvfamily

其實我覺得留班未嘗不是一件好事，打好過底，總好趕學生出校，陸X濤算好喎，可以俾學生留三次班，唔知優才會唔會有三次留班機會咁多呢??

原帖由 whywhite22 於 11-10-3 13:17 發表
roccolamar:
我諗陸x濤小學并非如你所講咁易升讀,佢對升班都有要求,我聽個朋友講,佢哥既小朋友,小學階段留過一次班,中一再留一年,到著中三又話成績唔得要求第三次留班,佢最後唔想再留班,唯有自己退學,去著外國升學, ...

[ 本帖最後由 cmvfamily 於 11-10-3 13:52 編輯 ]

roccolamar

hello, whywhite22 好耐無見，自從你女女轉左學校就好少見你上來，讀左邊間小學呀？ ^^

我無講陸xx容易讀，播x都係，其實所有直資學校都有要求，未達要求都要留班，有時留班亦非壞事，反而未達標就升班，個底打得唔好仲死！自己唔想留想轉校都無何厚非，但小學未完成就不停叫你退學，連留班的選擇都無，我覺得個位小朋友的自尊心多多少少會受損，我都有兒女，所以將心比己，覺得好難過，亦重新整理自己的選擇。

雖然暫時覺得我小朋友的學習能力ok，他的記憶力及專注力都很強，我只用3個星期便教完他K2成年的生字及我連續教他2-3小時都能專心聽課，佢除左讀英文外亦有讀日文，下個月亦會讀埋西班牙文，現在己能唱一些簡單的日文兒歌。我相信他繼續讀都應該無問題，但我們兩個都要返工，如果每年都要擔心會唔會被請離校，無論父母及小朋友的壓力都太大了，所以改變主意，選一些重品德的一條龍學校，我便不用升中再煩惱一次，怕他入讀校風不好的中學學壞。

我見過幾個親戚小朋友，入讀一些band 2中學，識到一些好玩的同學就成個人變晒，成日同父母頂咀，又離家出走，我懷疑有食丸仔，13、4歲，半大不小有時想管都管不到，與他說道理又聽不入耳，想不准與那班朋友聯絡，又當你是仇人，真係煩死人，佢媽媽日日同我哭訴，話好後悔為何當初不選一條龍直資，那麼便不會派到那間中學。我真的被這件事嚇怕，一個小學那麼乖巧聽父母話的小朋友，反叛期會變成另一個人，所以如果有得選擇，我當然想選一些校風比較好的學校，減少變壞機會。變壞左真是父母自已承受番！

原帖由 whywhite22 於 11-10-3 13:17 發表
roccolamar:
我諗陸x濤小學并非如你所講咁易升讀,佢對升班都有要,我聽個朋友講,佢哥既小朋友,小學階段留過一次班,中一再留一年,到著中三又話成績唔得要求第三次留班,佢最後唔想再留班,唯有自己退學,去著外國升學, ...

中天英

以我所見，優才嘅老師，一樣好有愛心同責任感。

上年我細仔期中試數學唔合格，班主任同數學老師都好關心，馬上同我商量點幫佢；起初就叫佢每曰小息去老師度，幫佢睇番前一曰嘅功課；後來個數學老師仲主動提岀，犧牲自己休息時間，响放學後同我細仔一對一溫習；雖然我蜿拒左佢嘅好意，自己教番個仔，但係仍然好感激老師嘅熱心。

以上係一個我親身體驗嘅例子，大部份其他老師我都非常滿意。

中天英

原帖由 roccolamar 於 11-10-3 12:02 發表
其實我後來所報的學校是播道及陸慶濤，你覺得這兩所小學不合格都會升班？他們都是很出名的小學及中學，難這你覺得這兩所學校不合格都會升班，我又沒說過，只是你想得太多了。可以直升中學，又不代表他們對升班沒要求，只是他們負責 ...

我都幾頭痕，唔知邊樣先真，你解釋一下就感激不淺喇。

之前你話只要唔考呈分試，係百分百原校升中，而家有話係有要求嘅，只不過唔會响小學叫人走，咁係咪即係會响升中學嘅時候叫人走呢？

小弟才疏學淺，未能里解你嘅意思，請見諒。

中天英

好奇一問，幾時有人質疑corliss_yu生安白做講假野？

中天英

我知道唔可以連續留二年，但係隔幾年先再留得唔得就唔知喎。

whywhite22

每個家長既要求唔同,都是各取所需最好.例如有人接受到留三次班,會選擇繼續留,直到中學畢業為止,亦有人知道自己小朋友再留都冇意思,財力夠既話就選擇海外升讀.
互聯網資訊發達,但不代表事實既全部,最好都是直接問d家長.
roccolamar,請check pm.

kitty23205

roccolamar
是否優才取錄咗仔仔呀
以妳所講仔仔在優才讀應該無咩問題
只要成績唔差,應該讀得開心

hinmo

我知道有些家長擔心GT校園細、環境雜、空氣差的問題，我作為GT學生家長，都想和大家分享一下。
(1)校園細
我問過我的小朋友，佢竟然覺得學校好大，我諗小朋友看事物會與大人不同的。
對我來說，校園只為小一到小三而設，人數一級96人，全校只是288人，所以校園面積是OK的。
一般學校係大，但是一級人數如果是~150-200，即全級900-1200人，再以數學計算'每人的可用面積'其實是多GT少少的。
(2)環境雜
我接小朋友返+放學，都唔覺雜，我諗如果係有壞人，佢哋8a.m.都未起身啦，通常晚間先活動掛！而且學生一係搭校巴，一係家長、工人接，壞人都埋唔到身啦！
如果家長真的看到街上有人的行為不好，仲可以教吓小朋友。因有次，我接亞仔放學，見到有人亂咁吐痰，他都會說叔叔很不衛生，他話一定不會做。
(3)空氣差
接受到喎！亞仔由細到大都有鼻+氣管敏感，氣管炎都住了幾次医院，但他的病情並沒有因讀GT而變差。

至於其他，我經常出席學校的早會(很多學校根本不會讓家長參加早会)，我看見學校眾老師在德育這方面下咗很多苦功，令到這裏的孩子是很活潑和守紀律的，我真係好欣賞這点。
每間學校都有家長喜歡與否，我覺得最緊要是小朋友喜愛返學，這在小朋友心目中，才是一間適合他們(是指小朋友呀！)的學校哦！因小朋友喜愛返學才會享受學習，試問家長在一間討厭的公司返工，會否全心全意為公司效力？！

muichujamie

Hi whywhite22,
我都好耐無見你喇! Jamie而家讀緊優才，佢好like，比學校101分，總之唔只係滿分，係要超過滿分!
另，pm左你，pls check!

原帖由 whywhite22 於 11-10-3 15:12 發表
每個家長既要求唔同,都是各取所需最好.例如有人接受到留三次班,會選擇繼續留,直到中學畢業為止,亦有人知道自己小朋友再留都冇意思,財力夠既話就選擇海外升讀.
互聯網資訊發達,但不代表事實既全部,最好都是直接問d家 ...

中天英

原帖由 ha! 於 11-10-3 10:02 發表
大家已就「不合格者要被邀請離場」討論了很久。我反而好想知，對合格的優才學生來說，優才是一間好學校嗎？學校的老師教學經驗及技巧如何？課程太深嗎？功課設計可以啟發思維嗎？優才校舍環境不理想，不美觀，不夠大，是我面試之後的感 ...

優才課程教得快, 功課壓力唔高, 學生應付功課之餘, 仲有好多時間做課外活動, 我好滿意。

優才有開放教室活動, 家長可以响課室睇上堂嘅情况; 我都睇左幾年, 大部份都好滿意, 老師會花好多心机去設計, 令上堂變得幾好玩, 同時又學倒嘢。

優才老師大部份都幾好, 流動率又低, 好少老師會走; 偶然見倒一、兩個唔係幾好嘅老師, 但係好快就會消失左, 應該係比校長叮走左。

[ 本帖最後由 中天英 於 11-10-4 00:26 編輯 ]

中天英

原帖由 iamderek 於 11-10-3 02:54 發表
兩批不同信念的家長，永遠唔可能認同對方。

我認為社會是殘酷和現實的，有要求有競爭，唔適應就淘汰。當然我也希望我的小朋友是活在烏托邦，每天無憂無慮地生活。但可惜我不是李+x，無法建造一個給他，只好盡力幫助他在這個社會 ...

雖然優才有明確規定, 唔達標嘅學生要留班, 但係我又唔覺得有好大壓力喎, 只要學生有中上能力, 家庭教育足夠既話, 就會讀得好開心。

以下係上年三年級各主科既合格率同平均分:

             合格率      平均分
中文       100%       81
英文       100%       92
數學        98%        82
常識        98%        81

唔達標既, 一級就二、三個咁; 而且呢二、三個都唔一定要留班嘅, 學校可能會比佢地補考, 或者响暑假上加強班, 都有机會升班既。

muichujamie

優才的課程真係比我想像中快... 而家已教一年級下學期的數學同埋二年級英文.... 慶幸暫時都應付到!

老實講，早幾個月開始見到好多人批評GT, 我無其他offer在手，因為只係報左呢一間，一心諗住就係讀GT，點知見到比人彈到我個心都動搖，果時真係好想去試下叩其他學校，但呀女唔肯，佢之前上過幾日預備班好開心，話一定要讀GT，所以我都尊重呀女的決定。而到呢一刻，我都覺得無選擇錯！佢每日放學返黎就不停不停咁分享學校D野比我知，總之樣樣事情佢都覺得開心興奮!

kitty23205

請問是否去到小四/五突然多咗好多功課?
好多謝咁多位GT家長分享

cmvfamily

唔達標的學生，是否可以補考? 若果都不達標，會否連留班的機會也沒有，就趕出校呢?

原帖由 中天英 於 11-10-4 00:24 發表

雖然優才有明確規定, 唔達標嘅學生要留班, 但係我又唔覺得有好大壓力喎, 只要學生有中上能力, 家庭教育足夠既話, 就會讀得好開心。

以下係上年三年級各主科既合格率同平均分:

             合格率      平均分
中 ...

中天英

原帖由 cmvfamily 於 11-10-4 08:51 發表
唔達標的學生，是否可以補考? 若果都不達標，會否連留班的機會也沒有，就趕出校呢?

優才嘅升班規定係响期終試，中、英、數、常四科合格。
（期中試唔合格係冇問題嘅）

如果唔達標準，校長會決定要佢留班或者補考，亦有可能比學生升班，但係要响暑假上輔導班，追番d落後嘅課程。

正常情況下，就算補考都唔得，係可以選擇留班嘅。