家有自閉傾向的小朋友......

mygoddish

12312,

我打電話去問過，第一次做評估，$650 (50分鐘)，佢話2歲要做3至4個鐘，$350 一次已經係training, 做完評估再做training, 條數有排計。

hinhinmummy

mygoddish

yes, 條數有排計. 軒軒依家每星期去一次協康-350元, 一次私人言語治療-650元, 一次大口瓖playgroup-呢個好彩不駛錢, 但全程扭計=無, 還有學費.2340元一個月

除起上黎, 一個星期已經千多元, 一個月4千幾元.

無辦法, 為左佢將來, 依家慳d都要.

做完評估, 上黎傾下, 不好太擔心&不開心.

12312

mygoddish:
"協康" 的2000 ---3000 評估做d什麼架? 咁同"青蔥"計劃有什麼分別? 但我是做完$350.00 評估是說"你小朋友有什麼問題, 做d什麼training, " 一次"特殊訓練"$380.00.    

JOANNA722

今日啊仔學校有 X'mas party, 人人 頭上有一頂好beauty
既 hat , 但我個仔唔肯放d野係個頭, 所以佢就無, 我真係覺得有點不是味兒.... 雖然是很小野. 如果佢唔係..... 就唔會唔肯wear啦!!!
我終於apply左'學 fee' 減免, 有約$1000, 好開心, 可以同佢報私人st lu....     

hinhinmummy

joanna

學費減免係不係即係xx津貼?  不緊要啦, 不好為左d甘小事介意, 如果連自己的媽咪都label著自己仔仔的問題, 試問, 點樣要求外人接納我們的小朋友?

岩岩同軒軒&大女去完反斗城, 買左個23x元的公仔, 3xx元果個, 無得去小便, 所以最後都決定買23x元果個, 家姐又要買一份, 最終300幾元落樓, 好彩有9折.

行行下, 發覺坐係購物車上的軒軒係度釣魚, 卒之由皇室堡抱到佢返屋企, 腰骨都痛埋.

mamee

mygoddish

聽你形容仔仔, 我會話: 唔好理似唔似自閉症, 就以佢唔合群, 唔肯聽人教, 已經會影響社交同學習發展. 所以去評估係絕對有需要.

我仔仔就被評為"發展遲緩". 其實佢都中某幾個point, 少eye contact, 語言發展慢(2歲先講單字), 喜歡排物件(不過佢鍾意拿兩件一樣既野, 排開少少, 跟住前前後後左左右右去望. 呢個行為被形容為追求"眼部刺激"). 但就好在好難玩, 做評估時不斷同個姑娘玩. 同埋每次叫佢都有反應.
脾氣大就一直都係, 不過佢細時只興喊, 大聲喊, 唔會瞓地. 就算依家語言能力好左, 各樣發展都有進步, 唯獨係脾氣依家大.

我仔仔都有去協康上幼兒訓練. 果面既老師可能見得case多, 導師會形容那些怪行為為"壞習慣", 做老師做家長既就係盡量幫佢地介除/減少那些"壞習慣".

有唔明白, 或者想找人傾計就上黎呢道. 呢道好好架, 氣氛和平, 永無吵鬧, 大家都係一心想幫助其他媽咪.

mamee

mygoddish

JOANNA722,
唔緊要啦，真係好少事，佢唔戴咪由佢law，我個仔以前返playgroup，每次都只係響班房行來行去，又大叫，又發皮氣，d媽咪就比d好厭惡的眼神比我，老師就話我個仔好disturb上課(因其他小朋友都好乖，坐定定)，叫我同囝囝離開一陣，我一樣無理，查晒面懞膏繼續返學。

mamee,
我同你一樣，我個仔皮氣勁差。今日本來好開心去九龍公園玩，點知佢要玩噴水池d水，我唔比，佢就訓地發皮氣，我唔理佢，佢就din地，d路人眼望望，我已經習慣了。最後幾經辛苦先返到屋企，同佢出街，真係辛苦過做苦工。

mygoddish

12312,

我所講的就是青葱計劃，評估：$650 (50分鐘)，訓練：$350 (1小時)，我上網check 完再打電話問過。佢話到時有心理專家觀察同評估。佢話一月中可以做嘞。

承承媽媽

JOANNA722 寫道:
今日啊仔學校有 X'mas party, 人人 頭上有一頂好beauty
既 hat , 但我個仔唔肯放d野係個頭, 所以佢就無, 我真係覺得有點不是味兒.... 雖然是很小野. 如果佢唔係..... 就唔會唔肯wear啦!!!

都唔係o架!之前我個仔返英文playgroup.佢地每次都會戴d o野扮動物或者人物,我個仔就固然唔肯戴,但有其他正常的小朋友都唔肯戴的,所以唔好俾咁大壓力自己啦!

承承媽媽

mygoddish 寫道:
mamee,
我同你一樣，我個仔皮氣勁差。今日本來好開心去九龍公園玩，點知佢要玩噴水池d水，我唔比，佢就訓地發皮氣，我唔理佢，佢就din地，d路人眼望望，我已經習慣了。最後幾經辛苦先返到屋企，同佢出街，真係辛苦過做苦工。

mygoddish,mamee,
我個仔好少會咁o架!因為當佢開始想發脾氣時,我會用對眼狠狠的'啤'實佢,如果佢唔望住我,我就捉住佢個面,俾佢望住我個兇狠樣,如果佢再扭,我就會加埋我把兇狠的聲音兇佢一下,佢就一定頭耷耷咁扮晒知錯啦!
不過試過以上方法佢都典時,我就會一手攔腰'的'起佢,將佢夾在腋下走人,佢就無符啦!    我試過咁樣的過我個仔兩三次左右,佢就無試過要我再咁啦!

承承媽媽

我個仔在上個禮拜六見言語治療師第一堂training,言語治療師教佢倒水(用煮飯仔的水壺和杯),然後教佢講'倒',不過我個仔見到隻杯仔時可能諗起學校老師教過佢'水杯',佢居然拎住隻杯自己講'杯杯',話番俾佢班主任聽,肯定開心死佢啫!     

承承媽媽

香港痙攣協會在05年一月會有一個'自閉症傾向毛幼兒家長證書課程'

簡介
8/1/2005(六) 2:00-4:00
自閉症兒童的特性及需要(心理學家)

9/1/2005(日) 10:00-12:00
促進自閉症兒童言語溝通表達的方法(言語治療師)

15/1/2005(六) 2:00-4:00
如何促進自閉兒社交發展(高級幼兒工作員)

16/1/2005(日) 10:00-12:00
如何處理自閉症兒童的情緒和行為問題(心理學家)

22/1/2005(六) 2:00-4:00
培養自閉症兒童的基本原則和家居訓導技巧(中心社工及過來人家長)

20/2/2005(日) 10:00-4:00
家長結業禮暨合家歡旅行(中心社工)

地點:橫頭磡香港痙攣協會引導式教育中心舊教學室
費用:全課程$100,每節$25(不包括旅行費用)

有興趣家長可致電23382185向該中心職員報名

JOANNA722

昨日啊b係學校柯左臭, 如果係家就唔會啊, 佢識去厠所, 唉!
唔識說話真係慘, 唔識話要行入toilet, 感攪法真係要till識講野???? 教佢做動作又味識!
同老師傾開, 原來啊b係x'mas party裡, 曾經戴帽有45mins, 太令我意想不到.

janet7903

mygoddish 寫道:
janet7903,

我個仔又係好鐘意訓地發皮氣，班主任話佢係學校都係敢，最好笑佢d同學仔以為佢跌親，走埋去扶佢。

又幾好笑喎。但卓卓訓地呢個動作係 係返學後三天學返黎的，未返學前佢只是企係道大喊咋，真是激死呀，好學唔學，學埋D衰野，現在改唔到呀。

但我之前上過一些教仔講座，有個專家教我，比佢訓地發脾氣(係街都是這樣)，但只可在10聲內(我由1數到10就要佢起身)，跟手抱起佢，用好平靜既語氣叫佢收晒聲，重覆講"收晒聲"至到佢收晒為止)，呢個辦法多時都WORK喎。


outel,
最慘佢自己玩緊時走埋去同佢玩佢就發皮氣，佢唔比你摸佢d玩具，譬如佢放得好整齊d車車，我唔覺意郁左少少，大鑊，佢就會好似顛佬敢，又訓地又大叫。

承承媽媽

JOANNA722,
無法啦!我承少依家返學都係著學習褲o架!
不過我同老師講過,佢多數係食完飯就有得痾,所以我都同老師講俾佢試吓,不過老師都話佢時得時唔得~~~   
不過唔好逼佢lor~~佢地慢慢會好d ga la.

承承媽媽

janet7903 寫道:
但我之前上過一些教仔講座，有個專家教我，比佢訓地發脾氣(係街都是這樣)，但只可在10聲內(我由1數到10就要佢起身)，跟手抱起佢，用好平靜既語氣叫佢收晒聲，重覆講"收晒聲"至到佢收晒為止)，呢個辦法多時都WORK喎。

janet7903,
我都贊成呢種方法,我都覺得幾work ga.

janet7903

mygoddish 寫道:
hinhinmummy,

有呀，仲一定要車頭向同一方向。

mygoddish
卓卓都鍾意排飲料樽、杯面咁。

JOANNA722

mygoddish
諗返之前返playgroup都幾可憐, 人人專心聽故事, 佢又係行唔停, 攪下課室e樣果樣, 人人畫畫做手工, 晝一陣就走, 叫又無反應, 我個仔仲醜怪, 戴住塊口水布, 因佢流口水到好大個, 到茶點時間個個用杯杯, 啊b用有吸管奶樽, 但佢人又生得好高大, 真係...... 我記得當時d人既嘴儉, 我諗佢地個心諗呢個細佬真頑皮.     

hinhinmummy

joanna

慢慢黎, 軒軒依家都識企係廁所門口講'ng ng'

我都教左佢大半年. 比d心機, 總有收成的一天.

還有, 學校要佢著學習褲, 本來戒到一半成功的小便, 又由頭黎過.

JOANNA722

承承媽媽
真係呢d野逼都逼唔到!!!!!

hinhinmummy
我取果d係學費減免law....