高小集中地 (2007)

Zoey

原文章由 桃子 於 07-9-6 20:46 硐表
菲媽,

阿囡昨天都有體育課, 佢地都ok 喇!想問下佢地冬天係咪
都係帶運動服回學校換呢?
阿囡都有帶個手挽袋放水樽、食物盒和餐具等, 因為唔想
書包太重.

你地小朋友食左兩日午餐, 有什麼comment 呀? 阿囡第
一日食 ...

桃子,

真係好橋 wor, 我地都係昨日 N + 今日 C , 聽日 N again, 唔知妳地係咪都一樣呢 :loveliness: ?

阿女第一日話好多好多菜, 其他餐都冇咁多, 仲話食晒 d 菜都飽晒 (咁誇張 . . . 我估係佢唔多鐘意食紅米飯 )!  放學番黎話肚餓 . . .

第二日全部食晒, 好飽咁話.

阿女話有同學叫出面 $10 一個飯盒, 送到黎學校, 個同學話又平又好食 wor   !

總括食既就一般 , 種類就好多, 打算食多兩個月, 遲少少再帶飯 :loveliness: .

菲媽

桃子, Zoey,

講起食飯, 菲菲真係肥得有道理 ..........



第一日食C餐, d菜好好味食哂, 第二日食N餐, 又好好味又食哂, 仲話d飯餸太少……..今日食N餐, 係最鍾意食既栗米飯, 佢仲驚唔夠食wor……



照咁睇可以繼續定飯, 唔使咁煩 lu.

桃子

Zoey, 菲媽

阿囡今日食C 餐, 因為佢唔太like 粟米飯, 我怕佢會食包尾:cry:
而家我都仲係十五十六, 諗住比阿囡食住家飯. 可能搵個月
比較多d 學校假期, o禁我至少唔洗整哂成個月飯比佢呀

Zoey

朋友想轉褓母車, 住 TKO 新都城那邊, 請問有冇人知, 除鄭, 梁, 冼三家外, 還有沒有其他褓母車會走 li 條線 , thanks a lot!

crabcrab

菲媽&Zoey

可否告訢是什麼形式的Test & Exam?

老師說是要"串字",生字看來很難　．．．．

thanks and regards

Zoey

阿女今日好唔開心, 因為佢一直都鍾愛做風紀, 亦一路覺得自己做得好好, 盡心盡力, 守時守紀 (可能係佢主觀感覺啦 ), 但今年竟然冇被老師選中, 我見佢真係好失望, 未試過咁唔開心 :( , 都唔知點安慰佢, 唉!!~

Zoey

原文章由 crabcrab 於 07-9-7 21:36 硐表
菲媽&Zoey

可否告訢是什麼形式的Test & Exam?

老師說是要"串字",生字看來很難　．．．．

thanks and regards

crabcrab,

是小一嗎?

測驗和考試既型式大致相同, 語文科都係閱讀理解, 詞語運用, 標點, 重組句子 (中文科必考) 等等, 一般課堂練習都會做過的.

測考會出現既 '生字', 每 cycle 默書大多已經 cover 過, 所以到時可能只係重溫.

crabcrab

Dear Zoey

不好意思,可能我講得唔清楚!

我是指三年級的science,老師說要"串字",看來很難!

一般以往是什麼形式的(Test & Exam)!

Thanks and regards

Becky Chan

原文章由 Zoey 於 07-9-8 23:28 硐表


crabcrab,

是小一嗎?

測驗和考試既型式大致相同, 語文科都係閱讀理解, 詞語運用, 標點, 重組句子 (中文科必考) 等等, 一般課堂練習都會做過的.

測考會出現既 '生字', 每 cycle 默書大多已經 cover 過, 所以到時 ...

菲媽

Zoey,


我地班未宣佈風紀名單, 阿女都好想做, 佢都期望都好大架, 因佢2年都係隊長, 但今年原來每班最多只有5個位, 有d班仲小d, 我都擔心佢冇被選中 …. 唯有叫佢地專心讀書啦!:loveliness:

不過maggie 成績又好, 操行又好, 冇理由選唔到, 唔知用咩做準則, 唯有祈禱啦, 我地知道, 天父所安排的是最好最合適的.

佢有冇報名做詩琴呀, 彈琴都係佢強項, 不如今年做詩琴啦!  菲菲話今年想樣下人做詩琴wor!


[ 本文章最後由 菲媽 於 07-9-10 10:36 編輯 ]

菲媽

crabcrab,

你今年3年級, 記得我地升3年級時都好擔心Science 這科, 但不用擔心, 每課會派一張summary, 要完全清楚明白內容及解釋, 就一定沒有問題. 第一個學期應該不用串字, 下學期可能要答幾條簡答題.

Please check pm.

Zoey

菲媽,

係啦, 都唔知點解佢地兩個咁鍾意做風紀!  

阿女咁唔開心, 係佢覺得班入面想做風紀既人根本唔多, 但竟然選唔中佢, 晴天霹靂!  . . . 佢既心願仲係可以好似阿菲咁做隊長!

我都好似妳咁講, 叫佢比心機讀書!~

今年有個念頭, 想阿女入下學校既弦樂團, 況且老師說唔夠大提琴手, 所以星期六帶左阿女番學校面試, 但今年成績緊張, 所以都諗住會 quit 音統那邊既 orchestra!  但阿女最後話唔好 :(  , 話好難得今年坐到副手席既位, 依家都唔知點算, 走兩邊咪仲唔夠時間, 學校又應承左 !~

明年還有兩個琴試, 真係好緊張既一年!~

菲媽

Zoey,

做到副手席真係唔容易 , Maggie 真係好叻:D , 佢付出左努力,  當然唔可以放棄啦! 學校又答應左又唔可以失信, 咁咪兩邊一齊law, 我知Maggie 一定可以應付得來 , 況且五年級上學期都可以博一博, 下學期先要睇緊d !

桃子

Zoey,

Maggie 真係好叻女呀 相信佢一定能夠應付得來的.
阿囡今年都冇得做風紀, 不過佢反而仲開心, 因為小息可以同
d 同學仔一齊玩wor. :loveliness:

Zoey

原文章由 桃子 於 07-9-11 09:51 硐表
Zoey,

Maggie 真係好叻女呀 相信佢一定能夠應付得來的.
阿囡今年都冇得做風紀, 不過佢反而仲開心, 因為小息可以同
d 同學仔一齊玩wor. :loveliness:

Thanks 菲媽 & 桃子, 不過阿女邊係叻丫 . . .

b.t.w., 本來阿女都想可以入中樂團同妳地一齊玩, 可惜時間唔 arm, 依家唯有分道揚鑣, 大家努力呀 , 希望第日真係可以有合作既機會 .

Zoey

菲媽,

我地隔離房有 friends 講緊妳有興趣既話題 wor, 妳可以去八八 bor :D . . .

菲媽

Zoey,

我找左好耐既話題, 多謝報料, 我會繼續研究!

原文章由 Zoey 於 07-9-11 12:08 硐表
菲媽,

我地隔離房有 friends 講緊妳有興趣既話題 wor, 妳可以去八八 bor :D . . .

菲媽

想問校際音樂節報名表係咪好似朗誦節一樣在網上download, 但我找不到, 有冇人知道?唔該哂

Zoey

原文章由 菲媽 於 07-9-12 11:23 硐表


想問校際音樂節報名表係咪好似朗誦節一樣在網上download, 但我找不到, 有冇人知道?唔該哂  

我會叫阿女番校務處取 .

朗誦節, 會唔會參加呀?

菲媽

Zoey,

講起朗誦節, 同菲菲講講下都冇左下文, 佢又唔係咁主動, 我又唔識教 , 所以冇跟進落去, 都係唔好比太大壓力大家, 況且太多野要兼顧, 已經要參加3個校際音樂項目, 中樂團12月又比賽, 又報左名做司琴, 又要學樂, 又要考琴試, 真係驚佢攪唔掂!

如果校際音樂節有表格派發, 叫maggie 同菲菲一齊去攞! 謝謝!

原文章由 Zoey 於 07-9-12 11:55 硐表


我會叫阿女番校務處取 .

朗誦節, 會唔會參加呀?

菲媽

桃子,

今年會唔會參加校際音樂節?