大個囝!大個囡!升班喇~~九龍禮賢幼稚園k2

yykid

Glory,

Bingo.  Anson shared his toys including taxi and mini-bus.  This is his choice of sharing his toys rather than sing songs!!  I'm glad he got the 'guts' to do it.  

Besides, what will u bring on Thur for Lok Lok?

禧媽媽

glory 寫道:
禧媽媽
講開<著少d都唔肯>我想起樂樂都係著少d都唔肯, 見夏天著涼鞋會方便, 買了一對比佢, 點知佢一見對涼鞋就叫我下次買d兩邊唔好有'la'既涼鞋比佢
唔記得問, 禧禧今日退晒燒未? 有無返學

glory
haha.....似呀似呀  
佢有對涼鞋又係新買的, 前排我見熱, 唔想佢著波鞋咁熱, 點知佢一見到對涼鞋就話~~唔要呀, 我唔著呀, 我要著波鞋   
今日都係冇返學  :cry:

glory

yykid
Anson都係鍾意車車多d  
聽日會帶大毛巾, 泳褲, 乾手巾仔, 著涼鞋+襪返學, 仲有無野要帶呢

禧媽媽
希望禧禧快d好番, 聽日可以一齊玩水
禧禧同樂樂個性格都幾似喎

禧媽媽

glory
你要帶的東西已經齊晒啦, 仲有就係"茶點"囉  

佢以為今日"玩水", 所以尋晚已經話要返學啦!
我今晚返去就幫佢執"架撐"  

Allie

禧媽媽 寫道:
glory
你要帶的東西已經齊晒啦, 仲有就係"茶點"囉  

佢以為今日"玩水", 所以尋晚已經話要返學啦!
我今晚返去就幫佢執"架撐"  

死啦, 阿仔話唔使帶茶點, 所以我無準備到tim!  

Allie

禧媽媽, glory,

我個仔同你地個仔相反, 幾咁想唔著襪著涼鞋or拖鞋!  所以今朝比佢著涼鞋返學佢不知幾高興!

glory

allie
唔緊要, 老師或者見佢無帶可能比少少餅仔佢食, 因有一次我仔個盒多了幾塊餅仔, 佢話老師比既

禧媽媽
禧禧今日有無返校玩水呀? 今朝天氣麻麻, 希望佢地玩水時唔好太凍, 下晝我可以去親歷其境啦, 感受一下佢地愉快的氣氛yeah!!

禧媽媽

Allie
咁咪好囉, 今日唔洗帶多對"拖鞋"返家  
茶點方面, 我就驚忘記, 所以專登寫定係"日曆"到.
我知老師都會比小小餅乾小朋友的, 你可以放心.

唔知亞仔今日係咪"跌"左條大毛巾落水呢??
姐姐話條大毛巾"濕嗲嗲"  

禧媽媽

glory
連續2日都要放假啵  
今朝早, 天氣都幾涼, 我仲驚禧禧凍傷風添  
但係佢放學果陣話, 游水好好玩呀, 不過好累.
你明天話我知, 係咪係花園放個小池玩水呀 ??

Allie

glory, 禧媽媽,

阿仔今日好開心呀!  佢話玩水鎗tim呀! 阿仔重話d 水唔夠佢游水, 佢話試過放個頭落水都游唔到水呢!     重有, 佢話有個按摩池喎!

不過佢話今日無茶點呀!  佢話平時就有, 今日係特別日子無呀!  最慘係我唔記得帶水, 阿仔連水都無得飲呀!  (佢阿媽真係好唔掂!)

Allie

glory,

你就好啦, 有得一齊玩!  記得講多d 佢地d情形比我地知呀!

袓安

禧媽媽

禧禧好番晒喇~~咁就好喇~~不過到阿彤病左了,今日冇得
返學玩水, 佢知道之後好唔開心仲喊起上0黎, 唉....
真係有d心噏

車厘子

各位

錦源都話玩水好好玩，佢地搞到老師濕晒，我問佢誰人幫佢玩泳衣（因為那件是似潛水衣的泳衣），他說是其中一位同學的爸爸（謝謝），不過錦源回來，隻眼有少少不適服呀，希望沒有事啦

車厘子

glory

禧媽媽/Allie/車厘子/all..

尋日玩水日小朋友玩得真係好開心..
學校劃分了兩區, 共四個遊戲….第一區是花園, 內分兩個遊戲, 第一個遊戲是用幾個膠盆盛載一些海棉玩具, 給小朋友’渣/按’海棉, 第二個遊戲是玩水槍, 但聽聞水槍掣頗實, 有些小朋友不夠力按…
另一區是操場, 又分兩個遊戲, 第一個遊戲是有三個大型戶外膠水池, 內盛了水和七彩膠波, 第二個遊戲是地上放上一長膠布(有水很滑, 兩旁又有小水柱噴水), 小朋友在膠布上爬行, 爬到終點時要經過一個有水柱的小膠門(似踢足球的龍門)。老師會在兩旁潑水, 小朋友經過時一定全身濕晒。小朋友好可愛, 有些開始時怕水, 唔肯爬, 後尾見到其他小朋友爬佢又爬, 爬完後成頭成身濕晒又再排隊玩。

每班小朋友分作兩組, 兩班共有四組, 每組到各區玩十五分鐘後又轉去玩另一樣, 好彩到下午時有少許陽光, 不然一定會很凍…小朋友在班房內換好泳裝, 兩班集合到花園隔鄰一室作熱身和泳裝展, 便開始玩, 玩了約一個鐘後便上班房換衫

禧媽媽
佢地d毛巾會好濕, 因每個遊戲玩完後便用來包著身體再到另一個遊戲玩, 最後到班房時又會用作抹身之用, 不過我覺得帶拖鞋會方便些, 涼鞋到轉組時佢地未必識得穿

Allie
上班房換好衫後才吃茶點, 不過或者上午班趕些所以無吃也不定, 之後佢地再去做今日的綵排

祖安
希望彤彤快些好番, 出年再玩過, 昨天天氣不太好都幾凍, 如身體不適會幾易病

車厘子
今日咁早既? 小朋友真係玩得好高興, 有些怕水怕面濕的都好投入咁玩, 睇見佢地都開心

  

車厘子

Glory

哈哈！早睡早起身體好呀
你是否玩水那天有幫手呀？我已經唔記得你小朋友讀那一班啦，是否和錦源一樣讀幼愛班呀？   

SiuMom

Hi 車厘子,

同你小朋友換衫個爸爸係我老公, 佢話有著數, 同咁多小朋友換衫, 好開心( 因他很喜歡小朋友).

昨天遊藝會, 表演很精彩. 我子俊扮小蜜蜂, 第一個出場, 很可愛, 我想他會"協埸", 但又沒有, 還做出全部動作, 真正很開心.  其他班的表演都很搞笑.

glory

早呀)))

車厘子
是呀, 玩水那天當協助家長
樂樂是幼望班  

siumom
原來玩水那天那位男士是你老公, 你有沒有到場呀?
尋日遊藝表演最好笑是幼兒班, 個個都好得意好可愛呀

禧媽媽/yykid
樂樂表演得唔算好好, 一出場就企錯位, 要由同學女提示, 不過佢地可以有機會係台上表演, 覺得好開心同好大感觸呀

yykid
Many Thannnnnnksssss!

瀅瀅媽咪

Hi,

車厘子
玩水那天是我幫佢穿上泳衣的, 我還問他書包有多套衫tim,玩完水後不是siumom的老公換衫的(佢應該是下午班), 是另外同學仔的daddy呀!

禧媽媽

glory
今次表演唔滿意~唔緊要, 樂樂此終細, 來日方長, 仲有大把時間, 其實上台冇喊, 已經好叻仔, 因為我上次見到有小朋友喊!

Allie
我成日都好驚帶漏"茶點", 令到亞仔冇得食.
(所以我一收到通知, 就即刻寫落日曆到)  
因我試過1次, 忘記著校服  

祖安
我之前同禧禧講, 你要食葯架, 唔係未好番, 冇得返學玩水!!
佢同我講, 只有2個小朋友病~冇得玩, 但係冇彤彤份 ??
希望彤彤早日康服!!

車厘子

好多謝各位家長的幫忙呀，其實我都好驚源源會病，因為佢曾經試過肺炎，EV71.....
所以，我驚佢凍親．．．．．

再一次感謝各位的幫忙，希望今期六合彩我有份中頭奬，便可以辭掉工作，有機會幫手啦